Ka Nupepa Kuokoa, Volume XXXVI, Number 15, 9 ʻApelila 1897 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXXVI.HELU 15.HONOLULU.POALIMA. APERILA 9, 1897 NA HELU APAU 2645

 

Koolaha Loio.

 

W. R. KAKELA

Loio a he Kokua ma ke Kanawai.

He  LUNA HOOIAIO PALAAPLA

2370

-----

LYLE A. DICKEY.

Loio a he Kokua ma ke Kanawai

Aiau ui Kaahumanu, Helu 14. Tel 682.

-----

      Hoko o ke Keena o ka Loio Kuhina mamua, a he Loio Hoopii ma ka Aha Apana o Honolulu.

-----

      E hookoia na hana pili kanawai apau mai na Mokupuni mai.

      O. A. F. Tavares, Kakauolelo a Mahelelolelo 1yr.

-----

Koolaha Kumau.

-----

PAPA! PAPA

 

AIA MA KAHIO

 

LEWERS & COOKE

(LUI MA).

 

Ma ke kahua hema o Alanui Papu me Moi.

 

E LOAA NO NA

 

PAPA NOUAIKI

Okei a me keia ano

 

Na Pani Puka, na Puka Aniani,

na Olepelepe, na Pou, na O'a,

na Papa Hele, na Papu Ku,

me na Papa Moe he nui i a

 

NV PILI HALE O NA ANO A PAU

A me na

WAI HOOHINUHINU NANI

O na ano a pau loa.

 

Na Balaki o na Ano He Nui Wal

 

Ke hai ia aku nei oukou e na makamaka a pau, ua makaukao keia mau makamaka o oukou hoolawa aku ma na mea a pau e ili ana ma ka laua oihana no ka

 

Uku Haahaa Loa

E like me ka mea e holo aua mawae@ o Lana a me ka Mea Kuai.

Hele Mai a Wae no Oukou iho

2296@

 

HE MOOLELO NO

 

KEONIMANA KEO.

-----

KA EUEU PUUWAI WIWO OLEKA HOOPAKELE O KA MEA NAWALIWALI-A O KA WELI HOI A KA POE HAIHAI KANAWAIA O KA MOI O NA LUA ELI GULA.

                                                -----

MOKUNA I.

 

      "Me ka houpo kapalili, a me na lima haalulu, ua upoi mua iho la au i kona mau maka mamua o ko'u hoi ana e moe.  I ko'u hoi ana e hiamoe,ua hiki ole ia'u ke hiamoe, oiai ua piha ko'u naau me a noonoo ino he nui, a ua like a like me he la aia au iloko o ka lua-ahi o Gehena iloko o kela wa.  I ke kani ana o ka hora eono o ke kakahiaka, ua hoohikileleia au mamuli o ke kahea ana mai o ka wahine kauwa ia'u me ka leo pihoihoi.  Ala ino aku la au me he la ua puiwa loa ia au, a me ka leo pihoihoi. ua ninau aku la au:

 

VIEW OF MODERN ATHENS.

      Athens, the capital of Greece, is now the cynosure of all eyes. The Piraens, the port of Athens which the powers will blockade, is five miles southwest of the capital.  The entire population of Greece is only about 2,200,000.

 

PREMIER THEODORUS DELYANNIS OF GREECE

      Theodorus  Delyannis, the statesman who has sent out to the whole world the defiance that "Greece accepts full responsibility for all her acts" was grand envoy to Paris in 1867 and since 1885 he has been the forem ost man in all Greece, rising and falling with the tide of popular feeling, as all great statesmen will.

 

KE KULANAKAUHALE O ATENAI.

 

O ke kii ae keia o ke kulanakauhale Poo o Helene. nona ka inoa o Atenai.  O ke awa o Pireusa. kahi a na aumokukaua hui o na mana o Europa e manao nei e paniku. he 5 mile kona mamao ma ke komohana hema mai keia kulanakauhale aku.  O ka nui o na kanaka o Helene. he 2,000,000 wale no.

 

                            KE KUHINA NUIO HELENE

 

 O keia ke kanaka nana i aa aku na mana nui apau o Europa. na Helene ponoi e auamo ae kana ko'iko'i apau i hana ai.  He elele Kuhina keia mai Helene aku a i Parisa ma ka makahiki 1867.  Mai ka makahiki 1885 mai kona lila ana i kanaka kaulana loa no Helene.Teodoro Delyanis kona inoa.

 

"Heaha keia?"  "Auwe! E Mr. Kole, ua poino ia kakou!" wahi a ua wahine la.  "Heaha keia poino?  E hai koke mai oe!" wahi a'u me he la. he mea hou ia ia'u. a'u hoi i maopopo mua ole ai.  Ua kuhihewa io no paha kela wahine aole au i maopopo i kana mea i ike ai, aka. aia nae maloko o ko'u naau ua hooikaika au me ka maalea apau i loaa ia'u e hoopuhili i ka noonoo o ua wahine la.  Me kona pihoihoi no, ua pane mai la oia i ka'u ninau:  "Ua make o Mr. Ward! I ko'u ike ua pepehi maoli ia oia-" "Hele oe ma kahi e! Pehea. ua pupule ia anei oe?" wahi a'u me ka maalea.  E Mr. Kole, e oluolu oe e hele pu ae kaua eike iaia?" wahi a ua wahina ia.

      "Me ko'u pane hou ole aku. ua hele aku la au me ko'u nana ole i ua wahine la, nana no oia e hele ae.  Aole e hiki ia'u ke ku loihi malaila piai ua ike au aole e hiki i ko'u lunaikehala ke ku malaila me ke kuoo.  oiai ua ikaika loa ka hoopihoihoi ana a ko'u uhane no ka hewa  no au i hana ai.  Nolaila ua huli ae la au a me ka leo kuoo a ko'u ikaika apau e hiki ai ke hoomanawanui, ua pane aku la:  "E pono oe e hele aku e hoike i keia mea kaumaha ia Miss Helena. aka, mai hele aku nae oe elike me kou ano i hele ae nei ia'u.  E hoike aku oe iaia me ke akahele loa mahope auanei pihoihoi ino loa mai auanei oia.  E hele ana au e hoouna aku i kekahi kauwa e kii ku i ka makai nui ame ka kauka.

      Ia wa ua oili koke aku la au, ame ka hikiwawe ua kauoha aku ia au i ke kahulio e hana koke mai i lio no'u, oiai ua hoiholo iho ia au.  he mea maikai nau ponoi no e hele e hoike aku i keia lono manaonao i mea e manao ia mai ai. he ake nui loa au e loaa ka mea nana i powa ke ola o ua makuahonowai la o'u.  Me ka helehelena kaumaha au i hoakaka aku ai i ke kauka i ka mea hou e pili ana no ka powa ia ana o ke ola o Mr. Ward.  Ia wa ua hoouna koke aku la au iaia e hele koke aku oia i kauhale o makou.  me kuu hoike pu ana aku iaia, e hele ana au e kii i ka makai nui ame ona makaikiu akamai loa no ka hele koke ana mai e huli i ka mea nana i hana i keia karaima.

      I ka akoakoa ana o na poe apau maloko o ke keena o ka mea make, he mea e ke anuanu o ko'u koko i ka wa a ka makai kiu e nana ana ia loko o ka rumi.  Ua nieniele ia makou a pau, aole nae he mau mea i loaa iki no ka hoike ana mai pehea la ke ano o ka powa ia ana o ke ola o Mr. Ward.

      I ka pau ano o ka noho ana a ka aha koronelo, ua hoolanalana mau aku au i ko Helena manao, aka mai kela wa mai, ua hoomaopopo au, ua loli ano e loa ko Helena kulana mai ko na la ae i hala no'u.  Ua makemake ole oia e noho pu me a'u ma kahi mehameha a i na wa a pau a'u e hele aku ai a noho iho ma kona aoao, ua hoomaopopo au, e na-ka e wale ana no kona kino. me he la, ua loaa ia oia me kekahi ma'i ano e.  Aole hoi ona kamailio nui mai ia'u. nolaila, ua lilo kela i mea ino i ko'u noonoo.  Aole loa oia i hoohuoi iki mai ia'u i ka mea paha nana i hana kela karaima. aka, ua maopopo no nae ia'u ua manao wale no oia. ua oi aku ko'u hoomaopopo i kela mea mamua o ka mea a'u i hoiki ai.

      I ko'u hoi ana a noho iho maloko o ko'u rumi me ka nalu ana no ka mea kupono a'u e hana ai, oiai i kela wa, ua hooholo iho la au, e haalele koke au i keia wahi mahope nae o ka heluhelu ia ana o ka palapala hooilina no ka mea. o ko'u akenui kela o ka hooiaio ia mai o ka mea i hooili ia maluna o'u.  Aole no o'u nana loa no ka noho ana Luna Hooko Kauoha.  oiai ina paha e manao ana o Helena e hookohu i mea okoa, ua hiki no, aka o ko'u mahele wale no ka'u i akenui loa ai.

      Aole i liuliu ia noho ana iho o'u ua hoohikilele ino ia au ma ke komo ana mai o kekahi kanaka. a i kuu hoomaopopo ana, o ka makai kiu no ua kanaka la.  Me ka pane leo mua ole mai o ua kanaka la.  ua hele loa mai la no oia a noho iho la ma kekahi noho e ku ana mamua pono o ko'u wahi e noho ana.

      Mahope iho o kona nana pololei ana mai ia'u me na maka ooi i like me ko ke tiga, ua pane mai ia oia. me ka leo a'u i hoomaopopo mua ai na lohe mua no au.  He leo hoi a'u i weliweli nui ai. la wa, akahi no au a ike aole keia makai kiu he kanaka e. aka o Matina no keia malalo o na hoanoe ana iaia iho.

      He mea e ko'u pihoihoi aka, ua hooikaika wale ae la no au elike me ka mea hiki ia'u. Wehe mua ae la ua kanaka ia i kona umiumi eleele loloa.  Ike aku la au he umiumi ku'i wale no ka kona. Wehe pu ae la oia i na maka aniani nunui mai kona mau maka ae, a i kela wa. ua ike iho la au.  o Matina ponoi no keia e noho mai nei imua i ko'u alo.

      Ia wa.  me ka maalea a pau i loaa i ko'u noonoo Satana, ua pane aku ia au me ke kuoo:   "Pehea oe i aa ai e komo mai elike me keia ano, a hehi-ku hoi i ko'u maluhia?"

      "E kapae ae oe ia mea e Mr. Kole!  Eia ka'u ninau ia oe:  Pehea la oe i aa ai e noho malalo o ka malumalu o keia hale mahope o kau mea i hana ai maluna o ka mea nona keia wahi?"  wahi a ua kanaka la, me ke kaulono pololei mau ana o kona mau onohi maka maluna o'u.

      "Heaha ke ano o kau e olelo mai nei?"  wahi a'u me ko'u hoike ana i ko'u kahaha ino no kana mau olelo.

      Mino aka mua iho la ua kanaka la a liuliu ua pane mai la oia me he la ua maopopo pono no iaia:

      "Eia ke ano o ka'u olelo, ke hiki ole hoi i kou noonoo eleele ke hoomaopopo mai.  Ua powa malu oe i ke ola o ke kanaka au i aie nui loa ai no kona lokomaikai, a ke hai aku nei au ia oe. ina e pakele ana oe mai na kanawai ae o keia ao, aka aole loa nae oe e pakele mai na kanawai ae o ke Akua!  Ke hoike aku nei nae au ia oe oiai, aole he hoike e ae mawaho ae o'u no ke kue ana aku ia oe imua o ka Aha hookolokolo, e hoomanao nae oe, o ka'u hookolo iho la no ia' mahope o kou meheu a hiki i kou loaa pono ana ia'u me ke koko kekahi poe ma kou lima, alaila oia kou wa e uku ai a pa-haneri no kau mau hewa e hana ai, ke hoike aku nei nohoi au ia oe, aole loa keia o ka hopena o kau mau hana karaima; aka., me he la. o ka mua loa keia, a e nui a lehulehu aku ana kau mau hana powa ma keia hope aku.  Ua kukuni ia ka pepehikanaka ma kou lae!"     

      "O oe ke kanaka kohu ole loa a'u i ike mua ole ai ma keia ao!  Heaha kau hooiaio e hiki ai ia oe ke hapala wale mai ia'u me keia mau mea au e kuhi wale mai nei ia'u?" wahi a'u me ka kuoo ana ia'u iho.

      "He mea makehewa wale no ia oe ke hoole mai ia'u.  Ua hiki loa ia'u ke hookoi ma ka'u mau wahi a pau i hoi mai ai mai ka ululaau mai, a hiki i kou komo ana iloko o ke keena moe o Mr. Ward; nolaila. ina he makemake oe e hahai mai mahope o'u , ua hiki loa ia'u ke hoike aku imua o ke akea, aole he kanaka e ka mea nana i hana i keia karaima, aka o oe no!  Mahope iho o kou hoao ana e hoohalua ia'u, a i kou hoohoka ia ana. ua ulu ae keia noonoo Satana iloko o kou puuwai eleele, e powa malu i ke ola o kela kanaka hala ole.  i mea nou e waiwai ai. oiai ua ike mua oe, ua hana hou o Mr. Ward he palapala hooilina hou nona, me ka hookaawale ana he puu dala nui hewahewa nau.  Eia wale iho no ka mea maikai au e hana ai-e haalele koke oe i keia wahi, a mai nana hou mai oe no kela mau dala i hooili ia ia oe.  No Helena, he mea makehewa ia oe ka manao hou ana nona, oiai, ua hoomao popo no oia aole he mea e ka mea nana i powa ke ola o kona makuakane, aka o oe no!"

      He mea e ko'u hoonaukiuki no kela mau olelo a ua kanaka la: nolaila, me ka piha o'u i ka huhu hiki ole ia'u ke uumi iho, ua pane aku la au:

            "E kuhi ana anei oe e makau ana au i kau mau hooweliweli wale no?  Ua ike no au i ke ano o kou manao, ua makemake oe e lilo ia oe kela mau dala i waiho ia mai na'u, a pela nohoi, ua ake nui oe e lilo ia oe o Helena, hooponopono ia, a hiki hoi i ka loaa a i mea e hooko ia ai kou mau manao maalea ua hele mai nei oe e hoomaka'uka'u ia'u.  Ke ole au e kuhihewa nau no i powa ke ola o Mr. Ward, a ke hoao mai nei oe e hapala mai i kau hana ekaeka lapuwale loa maluna o'u.  Akamai maoli oe e Mr. Matina!  Aole loa au e haalele iki ana i keia wahi a hiki i ka pau ana o na mea a pau i ka popo ia ke ano o kana mea i kamailio pono ana o ka mea nana i hana i keia karaima!"

      "Ina pela, alaila he mea makehewa wale no ka huli ana aku i ka pepehikanaka.  oiai eia no oia ke noho mai nei imua o ko'u alo (me ke kuhi pololei ana mai o kona lima ia'u).  He hookahi wale no ou mea e pakele ai, no ka hoike hou ole ae mawaho ae o'u.  E Kole! e hoolono mai oe.  Aole loa o'u ake hou aku ia mea he waiwai. ua lawa au ma ia mea a oi wale aku.  No ko'u ake ana e lilo o Helena ia'u, ke hai aku nei au ia oe, aole loa pela ko'u manao.  He kuhihewa wale ia no ia mea.  Ina e ninau pono ia aku ana o Helena, aole e nele kona hoike mai i kekahi mea a'u e kahaha loa ai.  Oiai ua ike au, aole loa e hehi hou ana kou mau kapuai wawae ma keia wahi ma keia mua aku, ke hoike aku nei au ia oe i ka mea oiaio.  Aole anei ou haohao i ka like loa o ko'u mau helehelena me ko Helena?"  wahi a ua kanaka ia.

      Iloko o keia mau olelo a ua opio la, ua ano akakuu iki mai la ko'u pihoihoi, a ua pane aku ia au me ke ake e maopopo io i ke ano o kana mea i kamailio mai ai:

      "He oiaio, ke hoomaopopo io nei au, he hiohiona like no ko olua."

      "He mau mahina i hala ae nei,ua aneane io no au e nonoi aku ia Helena e lilo "i wahine na'u, aka iloko nae oia mau la e waiho ana ko'u luaui makuahine iloko o ka ma'i pilikia loa. a oia no hoi kona kumu i make ai.   Mai ko'u mau la kamalii mai, aole loa au i hoomaopopo iki he makuakane ko'u.  Eia wale no ka'u mea i hoomaopopo, he keiki au na ke kaikaina o ka mea a'u i kapa mau ai o Mama, a ua make ia ko'u mau makua iloko o ko'u wa pepe.  He wahine kaukaualii ua mama la o'u. a he waiwai nui hewahewa hoi kona, a mamuli o kona nawaliwali mao.  ua haalele aku oia i kona home ma Enelani. a holo mai a noho ma keia wahi, mahope iho o kona kuai ana mai ke Aupuni mai i keia mau apana aina nunui me ke kukulu ana i ke kakela nani e ku nei no i keia wa.  I ka la nae mamua iho o ka make ana o ua makuahine nei o'u. ua hoike mai la oia i ka mea oiaio.  Aole au na hai aku aka nana ponoi no au.  a o ko'u makuakane oia no keia kanaka, o Mr. Ward, ka luaui ponoi hoi o Helena: nolaila, i ko'u hoomaopopo nana i kela mea,  ua hele poloei mai au. a ninau ia Mr. Ward ame na waimaka ma kona mau lihilihi maka.  ua hoike mai la oia i ka mea oiaio elike me ka mea i hoike ia mai ia'u e ko'u makuahine.  He moolelo loihi kana i hoike mai ai ia'u, aka aole nae au e hoike aku ana ia oe i kela mea, aka, iloko hoi o keia wa.  ua noho au ame Helena ma ke ano he kaikunane a kaikuahine.  Pela iho la ko'u kulana e noho nei: nolaila, e hoomanao oe e Kole, ua hiki loa ia'u ke lawe i kou ola i keia wa ano.  me ke kali ole no na lima o ke kanawai.

Eia wale no ka'u kauoha paa ia oe: E ku oe a haalele koke iho i keia wahi a mai hoao hou iki oe e kaalo ae ma ko'u alahele e hele ai ma keia ao.   Ke hai paa aku nei au ia oe, ina oe e loaa hou aku ana ia'u ma ke ano e hokake ana oe ma ko'u kuleaua. e make no oe ia'u elike me ka make ana o ka ilio."

      I kela wa. ua maopopo iho ia ia'u.  he mea makehewa wale no ia'u ka hoopupu hou ana iho.  Ua laki nohoi au.  ika hopu ole ia malalo o na kanawai o ka aina.

      Ia wa.  ua hoomakaukau koke iho la au no ka haalele ana i ua wahi ia, kahi hoi a'u i manaolana ai e lilo ana au i haku no ia kakeia a me ka ui nohea o ua uka nani ia.  He mea e ko'u mihi no ko'u hana ana i kela karaima me ka hopuhopuahulu.   O ka lili kekahi o na kumu o ko'u hana ana. oiai ua manao paa au.  I ka wa e make ai o Ward. oia no ko'u wa e mare koke ai me Helena me ke kakali ole a piha ka wa i hooholo ia ai; aka. i ka make ana nae o Ward. ua ano mamao loa o Helena mai ia'u aku.  Ua loli ano e koke kona ano mai ko na la i hala aku.  Pela hoi me na poe apau.  ua nana mai na kahu ia'u. me he holoholona ahiu la.  Ua pau ko lakou hoohaahaa ana mai imua o'u.  Ua kaalo ae lakou ia'u me he la he kanaka au a lakou i ike mua ole ai.  I ka wa e ai ai ma ka papaaina.  Ua hoike mai la ke kuene ia'u, ua ma'i ia ka haku lede Helene.  a nolaila e ai iho no au me ke kakali ole nona.  I ka wa e pau ai o ka'u ai ana. oia iho la ka wa e halii hou ia ai ka papaaina. a ia wa o Helena a me kekahi poe malihini hoaloha ona e hele ae ai e ai; nolaila ua maopopo lo iho la no ia'u, ua hoowahawaha loa ia au e na poe a pau o ua wahi la a'u i haaheo ai i na la mamua ae.  He mea oiaio.   ua like au me he alii nui la i na la i hoea ole mai ai ka hua o ko'u mau lima koko.

      I kela wa, ua kau ae la au maluna o ko'u lio, me ko'u wahi paiki lole, me ka  haawi ole ia mai o kekahi wahi huaolelo o ke aloha e Helena a me na poe e ae. ua haalele iho la au i ua home la. a kuoe hookahi aku la ma ke alaloa.  Ia'u i hoi ai, ua ulu hou ae la he manao hou iloko o'u:  He mea oiaio, ua lilo au he mea ino i ka maka ame ka noonoo o Helena ame na poe apau o keia wahi. nolaila. he mea makehewa wale no ia'u e hele mai kela wahi aku, me ke oia no o kela poe me ka noho mau o ka inaina ame ka hoowahawaha mau no'u.  Aole e hiki ia lakou ke hooiaio na'u  io i hana i kela karaima. aka he manao koho wale iho no ko lakou.  Ua maopopo no la'u. e lilo ana au i mea kamailio ino mau la e lakou. nolaila ua hooholo iho la au e  aho e sila paa ia ko lakou mau lehelehe, (oia hoi e make lakou a pau).

                                              -----

      O na poe Amerika o lakou na poe kanaka huli hana akamai o ke ao nei.  Ua hoopukala aku ia poe he 600,000 poe palapala sila no na hana akamai i loaa ia lakou, ua oi aku ia mamua o ka akahi hapakolu o na palapala sila oia ano i hoopukaia ma ke ao holookoa nei apau.  Aole nae he hana noeau i oi aku kona pookela ma ka waiwai.  i loaa iloko o keia au hou. elike me ka Laau Hooia a Kamalena no ke Nahu. Kolera ame ka HI, aole he nohoi he laau i oi aku ka waiwai no ka hoola ana i ka eha elike me ia.  Penei ka olelo a J. W. Vanghu o Oakton, Ky.:  "ua hoohana mau au i ka Laau Hoola a Kamalena no ke Nahu, Kolera ame ka Hi, iloko o ko'u ohana no na makahiki he nui, a ua ike au o ka laau maikai loa ia a'u i hoohana ai no ka umii ma ka opu.   E kuaiia ana e na poe kuai laau lapaau o na ana apau.  Benson Smith & Co., na Agena ma ko Hawaii Pae Aina.