Ka Nupepa Kuokoa, Volume XXXVI, Number 11, 12 March 1897 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

HAAWINA

KULA SABATI.

 

HAAWINA XII         MARAKI 21.

Ka aua ana o ka mea manaoia iaia iho

@ K@@ib@@@ 9-19-27

 

     19  He kanaka kuokoa au aka hoi ua hookauwa aku no wau na na kanaka a pau i loaa nui mai lakou ia@.

     20  A iwaena au o na Ludaio, ua like au me ka Ludaio a iwaena au o ka poe ma ke kalawai ma ke kanawai hoi au @@@@@ @@@ @@ @@a ke kanawai.

     21  A @@@ena @@ o ka poe kanawai @@ @@@@ @@@ @@ @@ ka mea kanawai @@@ @ @@aa i @@ ka poe kanawai ole @@@ @@@ au i haalele i ko ke Akua @@@@ wai ma @@ kanawai o Kristo wa@@.

     22  Iwaena au o ka poe makau wale ua @ me ka @@ea makau wale hoi wau i loaa @ ia’u ka poe makau waie.  Iwaena o na kanaka a pau.  Iilo ae laau i nu mea a pau i ola io ai kekahi pau.

     23  Ke hana nei no hoi au i keia no ka @@@@@lio i loaa pu ai ia’u ko laila hope.

     24  Aole anei oukou i ike i ka poe kukini holo no lakou a pau aka hookahi wale no e loaa ka uku?  Ma ka loaa oukou e kukini ai.

     25  O ka poe a pau i hooikaika i ka uk@ ua pakiko no lakou ma na mea a pau.  Ma ka lei mae wale lakou aka ma ka lei mae ole kakou.

     26  No ia mea ke holo nei au me ke kulanalana ole ke mokomoko nei au aole hoi a like me ka mea e mokomoko ana I ka makani.

     27  Ke uumi nei au I kuu kino a lanakila malama iho.  O lilo paha wau i ke apono ale ia, mahope o kuu ao ana aku ia hai.

     PAUKU GELA.     I Korineto 9:25.  O ka poe a pau i hooikaika i ka uku na pakiko no lakou ma na mea a pau.

     MANAO NUI.     E pono ke aua ia kakou iho aole nae e ae aku i ma kuko a me ka puni lealea.

     OLELO HOAKAKA.     Ua kakau o Paulo i ka Episetole mua i ko Korineto i mea e hoopau ai i kekahi mau manao lalau a mekekahi mau hana ino i kolo ai iloko o ka Ekalesia malaila.  M. H. 57.  Ma keia apana o ka Episetole ua hoike mai o Paulo eia na hana aole kue i ke kanawai aupuni pala aka nae na hoopaewa lakou I ka manao aloha.  Ma na pauku 1-18 na hoike mai o Paulo na waiho aku oia i kona mau pono a me kona mau kuleana ma ka hooholo ana i kona oihana apose@ole, i mea e hooko ai i ka manao kumu me ka maluhia a me ke kuee ole.  Aoleikue wale oia i na makemake amena hana kuluma o kanaka.  Ua hookolu oia ia ia iho i na mea e ae o na ano okoa.  O kona manao hookumu oia no ka hoohuli ana i na mea hewa ia Iesu ke Akua Hoola.  I mea e lauakila ai ma keia mea nui, ua malama ole oia i na mea e hooluolu ai ia ia iho.  Ua koho mua oia i ua mea e oluolu o hai.  Ua paipai oia i ko Korineto e hana pela lakou iho ma ka hoohaahaa ana me ka hoopio ana paha i na kuko.

19     Kuokoa—Loaa pono kona ola kino, aole oia he mea hoopilimeaai.  Hookauwa aku,--Oia ka lei alii o ke kanaka Karistiano.  Ua hiki mai o Iesu e lawelawe ai no ka pono o hai, aole no kona kaulana.  Ua like o Korineto me ke auwaha lawe ino.  Ua nui na hoowalewale ana e hana like me na lehulehu.  Eia nae ke kuokoa o ka poe manaoio, ua kaawale lakou mai na hewa aku, oiai hoi ua makaukau lakou e kokua i na mea hewa ma ka imi ana i ka pono. 

20.  Like.—Ma na mea hala ole.  21.  Kanawai ole,--Oia hoi me ka ike ole ana i ko Mose mau kanawai, aole me ka haalele ana i ko Iesu mau kanoha.  22.  Lilo.—Aole ma ke ano paa e hooholo mau ai i mea e hoopakele i keia mea hewa, o make lakou i ka lua o ka make.  23.  Hope—Nui loa na pomaikai i olelo mua ia a paa i ka poe manaoio a lanakila.  24.  Kukini—Heihei me ka paonioni ana e loaa ai kekahi uku makana.  25.  Pakiko.—Aole i paipai o Paulo i ko Korineto e honi mau i na hana a pau, pono paha, pono ole paha, pule, piliwaiwai, waiona, waipuna, kolohe, hoolohe, a pela aku.  Pono ole loa keia huikau.  O ka aua ana ia kakou iho, oia no ko Paulo oleol paipai.  Mai honi iki i na hewa a me na mea ino.  E kaawale loa aku a mau loa.  Oia hookahi wale no ka pono e koho ai a hooko ai.  26.  Kulanalana.—Me ka hoomaopopo ole ana i ka pahu hopu.  Makani.—E hooholo wale ana i mau hana lima, aole am ke ano he mea paio aku i kona enemi e make ai.  27.  Uumi.—Oia ka hana a Paulo i paipai mai ai e like me ka ana ana.  P. 25.  O ke ano maoli o ka huaoleol Helene oia no “kuikui lima aku malalo o na maka.”  Apono ole.—Aole eo, aole lanakila, aole puka.

     1.  Ke kumu no ke aua ana ia kakou iho, 1922.  Owai ka mea nona mai keia oleol paipai?  Pehea i kuokoa o Paulo?  Pehea i kauwa aku oia?  Heaha kona manao paa i hooholo mau ai?  Heaha kona ano hana?  Heaha kekahi mau ino a Paulo i hoomanawanui ai. 2 Kor. 11-23-27?  Heaha kekahi mau pomaikai nona i imi mau ai.  Rom. 8:17.  2 Kor. 4:17, 2 Tim. 4:8. Hoik. 3:21?  Pehea i lilo ai o Paulo i  Iudaio pahapaha.  Oih. 16:3:  18:18:  21:23?  Owai ka poe kanawai ole.  Gal. 3:28?  Ua malama ole anei o Pau lo i ko ke Akua mau kanawai?  Owai ka poe makau wale.  Rom. 14:1:  15:1?  Ua paipai anei o Paulo ia kakou e hana hewa, e komo pu i ka hewa, i mea e ola’I na kanaka?  Ehia mau kahunapule no lakou ka Paulo manao paa “i loaa nui au mai lakou ia’u?”

     II.  Ka uku makana o imi loa ai.  23-25.  Heaha ka mea a Paulo i komo pu ai?  Hike anei ia kakou ke kokua pono i ka poe imi, oiai ua noho malihini, kaawale, haaheo kakou?  Hiki anei ia kakou ke loaa ka uku pookela o ka pono me ka hooikaika ole ana?  Heaha ko Paulo oleol hoohalike?  Ina makemake kekahi e eo ma ka heihei, ua pono anei ke hoomaamaa ana ia ia e holo mama loa?  Ua maikai anei ma paani hooikaika kino?  Heaha kekahi mau paani kupono o ia ano?  Ehia na eo ma kekahi heihei?  Pehea na kukini Karistiano?  Hiki anei i kamea hoomaloka ke lanakila ma ka hana Karistiano?  Heaha ke ano okoa o na heihei paani a me ka holo Karistiano?

     III.  Ka hoomalu ana i pa mea kino,26,27.  Heaha ko Paulo manao hookanaka?  Heaha kona hapa ma ka hoomalu ana i na mea kino?  Ua haawi mai anei ke Akua i na iini’e ae wale aku ai, a i ole paha e hoomalu ai?  Heaha ka mea e pono ke hoomalu ai, ka noonoo paha, ke kuko paha?  Ina paha e waiho aku kakou i ka noonoo pono, heaha ka hua hope o keia hoole ana i ka mea kupono?  Ua ike anei oe i kekahi mau kanaka aole hoomalu lakou ia lakou iho mamuli o ka noonoo pono?  Pehea oe?  Ua hana hoomeamea anei o Paulo ma ka hooponopono ana i kona wa ola?  Heaha kekuhihewa ma ka hookomo ana i ka huaolelo “pakiko” ma keia oleol paipai?  Heaha ke ano inaoli o ko Paulo manao?  Ua paa anei kou manao e loaa ia oe ka lei o ka lanakila?

     MANAO PILI.  1.  Heaha kou heihei e hooholo ai?  2.  Hiki anei ke lanakila ma ka mama hapa. Loiele hapa?  3.  E pono anei i ka poe manaoio ke imi loa?  4.  Owai kou enemi hooweliweli loa?  5.  Heaha ka enemi ino loa i ka lahui Hawaii?

 

He Palapala mai na Aina e mai

(Koena mai kela pule mai)

     Ua ikemaka iho nei au i ka haule ku-a-ua i kapaia ma ka olelo Enelani, “Hail.”  Heaha la ia ma ka kakou olelo; he Ua Hekili paha?  O keia ano ua, he like ka nunui o kona paka-ua me ko ka hua Aliipoe o kakou, a pela no ke ano poepoe; eia nae he nunui aku no paha keia.  He keokeo keia.  Ke hoomaka mai e haule keia ano ua, me he mea la e nohaha iho ana ke pili o ka hale ame na pukaaniani.  He ku maoli no i ka hoomaka’uka’u, no ka poe akahi a ike.  Ke puka aku oe i waho i ka wa e haule ai keia ano ua, he keu a ka eha ke pa iho i ka ili.  Paa pu o luna o na kauhale ame ka honua i keia ano ku-a-ua lole keokeo aiai e halii ana iluna o ka honua, ke waiho mai ana imua ou.  He ku maoli no i ka nani ka nana ana’ku.  Ke hele oe iwaho, maiuna wale no o ka “hail” e hele aku ai.  Aole pono ke hele me ke kamaa haahaa.  He mea paani nui ia keia e koonei poe kamalii.  Ua hana lakou i mau popo liilii a nounou aku ia i kahi ame kahi.

     I ko’u lohe mua ana i keia ano ua, kahaha ko’u manao.  Ninau aku au i ko’u poe hoaloha, ina paha o ke ano iho la ia o ko onei ua: ua hai mai ia lakou ia’u, aole ia he ua maoli.  I  ke kakahiaka nui loa, ala au puka iwaho; he mea e ko’u hauoli i ka ike ana i keia mea hou.  Hele au e hoopiha a piha ke kiaha, a ai iho ia.  He keu nohoi ka huihui, ua like maoli no me ka hau (ice) maoli.

     O kekahi mea a’u i ike ai i ko onei poe e hana ana, oia keia:  Hookomoike sweet milk (walu) iloko o na omole nunui, i kawili pu ia me ka palaoa maka (flour) i hui pu ia me ka kopaa. Wai aala venila. Ame ka hua moa nohoi.  Hui i keia mau mea apau, alaila, hookomo iloko o keia ano hau (hail) a waihe no 4 a 5 paha hora, aisila, kii aku a ai ae.  Ua like maoli no me ka Hau Karima (Ice Cream) ka paa.  He mea hou keia ia’u.

     O kekahi nani okoa nohoi a’u e ike nei, oia na kuahiwi.  Ke nana aku oe i na kuahiwi, aohe mea e ae au e ike aku ai, o ke aiai pu wale no i ka hau, oia ka “ice” maoli.  Ma kahi o 4 a 5 paha kapuai ka manoanoa.  E ike aku ana maluna o na kuahiwi i ke kakahiaka nui.  Aole oe e ike aku i ka uliuli mai o na lau laau; aka, i ka hiki ana aku i ka hora 12 a hoea i ka hora  i o ke awakea, o kou wa ia e ike aku ai i ka uliuli mai o na kuahiwi iloko o ke aiai o ka hau.  E Papa, he ku maoli no i ka nani ke nana ku.  Aole au i ike i keia nani  o na hana a ko ke

Akua ne-eau ma kuu aina hanau elike me keia.  Ia’u i ike ai i keia mau nani, hu wale mai la no ko’u aloha no oukou.  Aka, pehea la hoi e hiki ai, oiai aia he mau tausani mile ka mamao o oukou mai a’u aku Aloha no.

     Ke noho nei no au me ka hoomanawanui i ke aloha no oukou ame o’u mau hoaloha. Ame na hoakula nohoi o uka o ke kula aa o Kaiwiula.

     Eia kekahi.  I keia pule aku nei.  Poakahi la @ o keia mahina, kiia mai la au e ko’u poe hoaloha e hele i ka nana hoikeike ame aha mele.  Ua hele no au me lakou.  He maikai na hana apau.  He mau hana hoonaauao mai nohoi i na poe opiopio.  He maikai na himeni ke hoolohe aku.  He anuunuu kani kapalili kohu leo manu ko ko onei poe puukani ke himeni mai; aka, o ke ano leo no nae i maa mau ia lakou ili-keokeo no aole hoi elike me ke kani o ka leo o ka Hawaii ka oluolu maikai.  Iloko o ka Opera House i malamaia ai keia mau hana.  O ka nui o keia Opera House aole no ia i nui loa elike me ko kakou.  He uuku iki mai keia; aka nai, o loko o keia hale, he nani maoli na mea apau.  Na noho, he poe noho pulu velveta wale no i hoonaniia me na molina gula.  O ka paku uu o mua o ke stage ( kahi hoikeike) he maikai na kii i penaia ai.  E ike ana oe i na ululaau, ke kulanakauhale, ka muliwai ame na kakai mauna.  O hai a puni ua penaia me ka wai gula.  Oia nani okoa aku nohoi ia.  O ka uku o ke komo ana mai ka 20 a ke 30 keneta.

     Ae kuu Papa aloha, ua hai mai nei oe, aole au e hele i ke kula a’o o na mea ike apau; a e hooikaika wale no au I ka hookani pila ame ka himeni.  Manalo au i kou manao, e Papa, oiai o ka’u mau punahele wale no keia.  O ka hookani pila ame ka himeni nohoi.  Aka, o ke kumu o ko’u hooikaika ana i na ike e ae, elike me ke kakau pokole (short hand writing),  ka ike kakau hua mikini (type writing) ame ka ike kakau lima maikai, no ko’u aloha ia oe.  Malia paha hoi o loaa nohoi ia’u kekahi mau oihanna e hiki ai ia’u ke kokua ia oe ma kekahi mau hana liilii e ae au a hoomama ae hoi ia oe.  O keia ke kumu i ikaika loa ai ko’u noonoo e haawi i ko’u wahi ikaika no ka loaa mai o keia mau ike.  Ua a’o iho nei au i ke kakaulima pokole, a ua ike au i ko’u holomua ma na haawina i haawiia mai ia’u; aka, e hooki ana paha au i keia a’o ana i keia ike.  E noonoo hou mai oe, e kuu Papa aloha, a pane hou mai oe ia’u.

     O ka’u no e hoike aku nei ia oe, e hoomanawanui ana au i kuu mau haawina hookani pila ame ka himeni a hiki i ka hookuuia ana.  Manaolana loa au, aole piha ka makahiki mai ka wa mai nei i hoomaka ai ko’u a’o ana, a loaa no ia’u ka ike maikai.  Ke hoomaopopo nei ua i keia wa i ko’u neeu mama iki ana ma na haawina, oiai he eono a’u mau haawina o ka hora hookahi a kuu kumu e haawi mai nei.  Ua oleol mai oia ia’u, aole e loihi ana kana a’o ana ia’u, he mau mahina paha, aiaila, hookuu oia ia’u, a haawi oia ia’u malalo o na a’o ana a Professor Hasting, kela kumu a’o o na mea kani a’u mai ia’u ma ka hookani ana i ka piano ma na variauons ame ka hookani ana ma na leo mele opera.  Ua olelo aku nae au iaia, aole o’u makemake e hookuu koke oia ia’u a hiki  i kona wa e ike ai ua makaukau maoli au ma na mea apau, ua ae mai oia.  Mahalo nohoi au i ke a’o ana a keia wahine, he hoomoakaka pono mai i na kanawai apau o ka music.

     E Papa, he mea maikai loa i na makua mea keiki mawaena o ko kaua iahui oiwi, ke hoouna mai i ka lakou mau keiki i na aina e nei, kahi e a’o piha ia ai i ka ike me ka maikai.  Aole poho ke dala i hooliloia no ka hoomahuahua ana i ka ike ma na aina e nei.  O ka malama no i na hana maikai na mea e pono ai.

     E Papa, ua haalele aku au ia Honolulu i ka la 16 o Aperila o ka makahiki i hala, a hehi na wawae i Kapalakiko ma ka la 23 no oia mahina, nolaila, a hoea aku i Aperila ae nei, la 23 piha ko’u makahiki hookahi i ka aina malihini nei.  Manao ana au e haawi wahi paina ma ia la ma ko’u wahi e noho nei ia nei, i mea hoomanao no ka piha ana o ko’u makahiki hookahi i Kaleponi nei.  Nolaila e hoomanao mai oe e Papa i mau wahi mea ai Hawaii na’u a iina nohoi e hiki ia Mama ame Sister Elizabeth Keawehiku ke holo mai ia nei no ia la a makaikai iki nohoi i ka nani o Santa Cruz nei a huli hoi aku no Hawaii, maikai loa.

     Ua pau au maanei, me ke aloha nui no ia oe.

     Papa.  God be with you till we meet again.

     Kau kaikamahine ma ka aina malihini.

 

CECILIA KEALOHA POEPOE

     He mea pono i kela ami keia ohana ke loaa ona laau lapaau mama no na ma’i o ka opu.  I laau lapaau puhili ole no ka “Moku ino loa o ka lepo” (Diarhea) Nahu, Umii, Kolera ame na ma’i apau o ka opu, aole he laau lapaau oi aku o ka maikai elike me ka PERRY DAVIS LAAU PENIKILA (Pain Killer).  Ua lawelaweia keia laau no na makahiki he kanalima, a ke hana mau ia nei i kela ame keia la, ma na aina apau o ka honua nei.  O ka Hui Kuai Laau o Hollister, ka Agena.

 

HE MOOLELO NO

KEONIMANA KEO

 

KA EUEU PUUWAI WIWO OLEKA 

HOOPAKELE  O KA MEA NAWALIWALI A O KA WELI HOI

A KA POE HAIHAI KANAWAIA

O KA MOI O NA LUA ELI GULA

 

MOKUNA I

     He mau makahiki he aneane he uma e noho ana au me ko’u mau makua ma kekahi wahi kuianakauhale uuku ma ka mokuaina o Nu Ioka.  He kanaka kalepa ko’u luaui, a e noho ana makoa me ka oluolu ame ka hauoli.  Ma ia wahi hookahi no mawaho iki nae o ka poai o ua wahi puulu kauhale ia e noho ana he ohana.  He mahiai ka hana a ke poo oia ohana.  He mau keiki ka ia mau mea.  He keikikane a he wahi kaikamahine ui mohaha elike no me kona kaikunane.  E hele pu ana makou ma ke kula hookahi a ua like hoi ko makou launa ana me he ia ua hanauia mai na ka makua hookahi.  Ua hookipa pinepine mau ia au ma ko laua hale a pela hoi au ia laua aka o ka hapanui owau no ka mea hele aku i ko laua wahi a ua like ko’u noho ana me kela keike me he la oia ka mua a owau ka muli a o Ida hoi ke kaikuahine ua lilo oia me he kaikuahine ponoi la no’u.  He mea oialo he mau la io no kela o ka hauoli.  Pela ko makou noho ana a hala he mau makahiki he nui a hiki wale i ko makou mumui loa ana.  Ma kekahi ia ua kamailio mai la ko’u mau makua ia’u e manao ana laua e hookomo ia’u maloko o ke kulanui o Williams College (kulanui o Wiliama) ma kekahi mokuaina okoa aku no ke ao ana i ka oihana kauka.  He mea oiaio ua hauoli io no ko’u naau no ka hele ana e ao i ka oihana a’u i lia nui ai aka aia nae kekahi mea huna iloko o ko’u naau a’u i hunakele loa ai a oia ka mea nana i hoomoo i ko’u noonoo oia hoi ua aloha au ia Ida.  He aloha hoi i oi aku i ko ke kaikuahine a pela no hoi oia no’u me ka maopopo ole i kekahi mea e ae.  Nolaila ma ua ahiahi la ua hele aku la ua ma kahi o Ida ma a i ko’u hoea ana’ku o ka mea mua loa i loaa ia’u oia no o Ida e holoholo ana iloko o ke kihapai pua.  “Ua laki loa au i kou loaa ana ia’u ma keia wahi.”  Wahi a’u i pane aku ai.  Minoaka mai la oia me ka hauoli a ninau mai la: “Hehah keia laki ou e kuu aloha?”  Pane aku la au, “I hele mai nei au e hoike aku ia oe, e haalele ana au ia oukou a e hele ana au i ke kulanui o Wiliama no ka hoolawa pono ana i ko’u ike lapaau.  “Ina pela, ua hiki no hoi ha aka ua ike oe e kuu aloha he mea ehaeha no’u ke kakali ana’ku no kou huli hoi mai.  Eia ka’u kauoha ia oe e hele oe aka mai poina iki oe no’u a pela hoi au nou.” wahi ana i kaukau mai ai a me he mea la inehinei iho la no kela kamailio ana a maua ke kau okoa mai no o kona mau helehelena imua o ko’u noonoo.  Ia wa ua hooholo iho la maua i kekahi oleol paa mawaena o maua oia hoi ua hoohiki aku la au i ko’u wa e puka mai ai mai ke kulanui mai e hoi koke mai au a e mareia maua a ina au i hooko i kela hoohiki a maua aole loa la au e lilo i kanaka lapuwale a aia no la au me ka’u aloha ke noho la me ka hauoli ma kela wahi o ko’u naau i aloha nui ai.  I kela wa ua kulu iho la kekahi mau kulu waimaka mai na lihilihi maka iho o Keaka Lona ka mea hoi a kona mau lihilihi maka i ike ole ai no na makahiki he lehulehu wale.

     I ka hala ana he mau minute pokole ua ea hou ae la oia a hoomau hou aku la i kana moolelo:  “Ae ia wa ua hoi aku la maua i ka hale a hoike aku la au no ko’u hele i ke kula i ka ohana apau.  Ua haawi mai la lakou i na oleol hoolana maikai ia’u, me ka i pu ana mai o ka makuakane o Ida ma ia’u penei:  Ke hele la oe e Hale (oia hoi ko’u inoa ponoi o Hale Kole) e hoomanao mau oe, o ke Akua wale no ka mea nana e hookaawale aku na hoowalewale o keia ao.  He nui na hoowalewale, a he mea hiki ole i ka ikaika o ke kanaka ke pale aku; nolaila e haawi aku i kou hilinai ana maluna o kela kakoo ikaika.  Mahope iho o ko makou puili aloha ana, ua hoi mai la au, a ma kekahi la koke ae no ua kau aku ia au ma ke kaa ahi a iloko o na hora elima ua hoea aku ia no kahi o ko’u home imi naauao hou.

     I na la mua o ko’u noho ana ma ke kula, ua ano hiki ole ia’u ke hoomanawanui i kau a mea o ke aloha i ka lede opio a’u i haalele aku ai ma kela wahi a ko’u uhane i aloha nui ai a o ka home hoi a ko’u puuwai opiopio i aloha ai me ka ikaika apau a ko’u uhane e auamo ai.  He mea oiaio he aloha maemae io no kela a ko’u puuwai e hiipoi ai me ka hilahila ole aka he mea ike ole ia nae ka mana kupua o ke Satana o ka po.

     “He mau pule ko’u noho ana me ka maikai a iloko o kela mau pule ua kukai pinepine au me kuu Ida me na ieia o ke aloha me ka ike ole ia e kekahi o ko maua mau ohana.  Ua kau ieia pu aku no hoi au i ko’u mau makua ame ko’u hoaloha ke kaikunane o kuu aloha.  I ka piha ana nae o na mahina eono o ko’u noho ana ma ke kula ua hoounaia au me kekahi o na hope kumu ao e hele ma kekahi moku aina e aku, ma Ohio no ka lawelawe pu ana ma kekahi @@@’i e okiia ana maloko o kekahi halema’i.  Ua makemake ke kumu ao nui e ikemaka au a e lawelawe pu hoi ma ke oki ana i kekahi ma’i.  O ua mea ma’i la he eha ma ke kumu o ka uha akau a e okiia ana ma ke kumu o ka uha a wehe hoi i kekahi io ulu alaila hooku’I hou I ka uha.  He hana nihinihi ina keia a o ka poe akamai loa wale no ke aa e oki I keia ma’i.  O ke kumu a’u i heie pu ai he kanaka opio wale no oia aka ua hilinai nui ia nae oia no kona akamai a me kona akahele me ka hopohopo ole i ka hana ana i kama mea e manao ai e hana.  Ua hookipaia mai la maua e ka luna nui o ua halewa’I la me ka oluolu a ua noho maua me he la no maua ponoi no ua wahi la.

     He hookahi la mahope mai o ko maua hoea ana aku ua okila iho la ua kanaka la e maua a ua nui ka mahaloia o kuu kumu e na poe apau o laila, a he nui na poe hanohano i hele mai e papahi i na hoomaikai maluna o ua kumu ao la a’ui aka ua hooili mai la kela i na hoohiwahiwa ana maluna o’u oiai he kanaka ake nui ole oia i na hapai memeue a kekahi poe iaia nolaila ua kamailio aku la oia i ua poe la.

     Mai kuhihewa oukou owau ke kumu o ka hololea ana o keia hana. Aole loa: oiai ina aole keia opio (me ke kuhikuhi ana ia’u ) aole loa e hiki ia’u ke hana  I keia hana.  He mea oiaio he haumana hou loa keia no ke kula, aka, ua loaa nae iaia ka makaukau i aneane elike me ko na poe kahiko loa.  Ke ole au e kuhihewa o keia opio aku ana kekahi o na hokehele o ka aina nei ma keia mua aku.

     I ka lohe ana o ka mea ma’i keia mau olelo a ua kanaka la (kuu kumu) ua kauoha mai la ua kanaka ma’i la, ma o ka hoouna ana mai i kekahi o na kahu lawelawe ia’u e hele aku imua ona I kekahi mau la mai mahope iki mai o ka wa a maua i oki ai iaia.

     I ko’u hoea ana’ku, ua hookipa mai la ua kanaka la ia’u me ka oluolu, a ma ia wa ua haawi mai la oia i na hoomaikai ana apau maluna o’u.  Ua hoao aku la au e hoole aku me ko’u i aku he kokua wale ana no ka’u a na kuu kumu no i hana i na mea apau.  Ua paue mai la oia:  Aole loa e hiki ia oe ke huna mai ia’u oiai no ko kumu waha ponoi nau i oki i kuu uha a ina aole oe alaila, he kanaka make au i keia wa a kaua e kamailio nei.  E hoomauao oe e kuu makamaka opio he kanaka waiwai nui au, a he mea ole ia waiwai ia’u mamua o ko’ula: nolaila aia a ikaika pono ae au he makemake au ia oe e hele pu me a’u ma ko’u home, a e noho oe malaila no kekahi mau la.  Ua nonoi mua aku nei au I ko kumu a ua ae mai nei oia i ka’u noi, a o oe wale no koe.  Pehea e ae ana anei oe?  Wahi a ua kanaka ma’I la ia’u.  Ua ae uka la au.He elua la mahope mai o kela wa ua huli hoi aku ia kuu kumu no ka halekula, a ua hoonoho iho la oia ia’u me ka ma’i me kona a’oa’o mua ana mai hoi ia’u i na mea a’u e hana ai no ka mea ma’I a hiki i ke ke ola loa ana.  Ua olelo pu mai la nae oia ia’u ina e ola loa ka mea ma’I alaila, na’u no au e hoi aku, a e ukuia ana au no ka noho ana me ka mea ma’I a nolaila, mai hopohopo au: aka. ina hoi au e ike ana i ka loli ano e o ka mea ma’i mai ke kulana maikai a ano e paha alaila e telegarapa koke aku au iaia, I hiki ai iaia ke a’oa’o mai ia’u, a i ole, hele hou mai paha oia.

     “He mea e ko’u haaheo i keia pii hikiwawe ana o’u, ua nanaia mai la au e na poe kahu o ua halema’i nui la ma ke ano kulana o na kanaka akamai loa.  Ua lohe aku no hoi a i ka hawanawana mai a kahi poe i ko’u wa e maalo ae ai ma kekahi wahi a lakou e nonoho ana:  “Aia ua kanaka opio akamai la.  He kiekie ke akamai o kela opio ma ke oki ana ma na wahi nihinihi loa o ke kanaka.”

(Aole i pau.)

 

     Ma ke kakahiaka Poakolu nei i hele makaikai aku ai ka Makai wahine, Miss Helen Wilder, maloko o na hale lio lehulehu loa o Honolulu nei, a wahi  a kana hoike he maimai ame ka maikai ka malamaia ana o na hale lio ana i kipa aku ai.

 

     Me e ka hoi ua hoopaneeia ana o ka Naita Lubiana mai o lilo loa mai a hoea aku ana la auanei i hea.  E mea hoi kau i ka uluhua maoli o makou  ka nui nukunuku o ka hapanui o ko makou poe heluhelu o Honolulu nei ame na wahi e ae nohoi no ka hoopuka liilii ia aku ka o ka Mea Huna Pohihihi.  Aole hoi e puihu nei mahina a olali aku o Lubiana i ka papa wili aku, wili mai a ka mikini pa’i.

 

     Ke makemake nei au e hooia i ka waiwai io o ka LAAU KUNU a KAMALENA ma ke ano oia kekahi o na laau waiwai loa a hololea hoi ma ka makeke.  Ma o keia laau la, ua lilo i mea ole kekahi kunu ikaika ola i loohia ai au iloko o na hora he 24 a no ka hoike ana ae i ko’u manao mahalo ke makemake nei au e hoike aku ia oe aole loa au e hoonele ana ia’u iho me makahehi nui ia o kau mau Laau Lapaau e na kanaka apau.  O keia wale no ka Laau mawaena o umi tausani.  E holomua no auanei ia.  O. R. DOWNEY.  Lunahooponopono Demokarata. Albion, Ind.  E kuaiia ana e na poe kuai laau lapaau apau.  BENSON, SMITH & CO., na Agena ma ko Hawaii Pai Aina.

 

Hoo’aha Kumau

     Aole loa e maikai a oluolu keola ana o kekahi mea kino u@@@@@ ina he aaiole kona akepaa a h@@@ ke lawelawe i kana mau h@ @@@ ka hololea.  E hahai ana ka @@@@ ali o ke ake ponalo.  H@@@@ oiaio keia i hooiaio ia ni@ @@@@ na poai oluolu akau iloko a @@@@@ ha keneturia, o na.

 

HUALE A AYERS

     Oia wale no ka LAAU li@@@@ AKE maikai loa i ik@@@@ hoola ana i ka lepopaa k@@@@ eha, pa ma’i oloko o ka opu @@@@@ ano LAAU OHANA auhe @ @@@ like ai.

 

O ka Ayers Sasaparila oi2

     Ka Laau Hoomaemae Kokok@ @@@ e haawi ai i ka ikaika a me k@@@@ ponopono ana ia loko o ke kua @@@ o ka ili, e hoopau ana I na na mah@@@ kanaka.  E pepehi a u@@@@@ na PUHA, e hoola ana i na @@@@@ hi o ke ola ana a e kipaku @@@@ na ano ma’i a pau.  O ka p@@@@@ no ka wali pono ole o ka ai, @@@@@ waliwali mau a ano ma’I e ao @@@ ae mai ke koko ino mai, he @@@ pono e inu i ka laau.

 

 

SASAPARILA A AYERS

 

     He laau e hooikaika ai i ka nawau wali, a e hoopuipui mai ai i ke kino.  Ma ka inu ana i keia laau, e h@@@@ono ia ai ka ai ana, oluolu ka moe ana a maikai ke ola ana.

 

O ka Ayers Cherry Pectoral

 

     Laau, aohe lua ma ka hoola awiwi ana I na KUNU, ANU a me na PUU EHA.  E hoola ia na KUNU KALEA a me na ma’i pili i ke ake me ka hikiwawe loa.

     O na Huaale a Ayers, na Sassparila a me ka Ayers Cherry Pectoral, aia kahi e loaa ai ma ka Hale kuai o ka.

 

Hollister Drug Co. Lt.

Na Agena ma ka Paeaina Hawaii

2614

 

KAKELA ME KUKE

Ka Halekuai Nui

O NA

WAIWAI LIKE OLE

NA MEA

HANA KAMANI A PAO

Na lako pili hao kukulu hale,

     Na Kepa,

             Na lei ilio,

                   Na kaulahao ilio,

                         Na Pahi,

                               Na Upa,

                                     Na kope hulu,

                                           Na Pulupulo.

 

PALAU LIO

                                        

                                         Na wea ma@@@

                                                Na au @@@

                                            Na au ko

                                      Na kua bipi,

                                  Na lei bipi,

                          Na kaulahao bipi,

                    Na uwea pa,

               Na kaa palaia,

          Na wea pioia,

  Na ipuhao.

 

 

 

Makau me Aho Lawaia

 

Na Iliwai,

      Na kaula,

            Na hulu pena,

                     Na puiumi,

                           Na pena, me ka aila,

                                 Na kopa,

                                       Na aila maha

                                             Na @@@@

Na pakeke hao,

          Na kapu hao

                Na pauda,

                    Na kukaepele,

                        Na uwiki a me,

                               Na ipukukui.

 

Mikini Humuhumu aulana

Wilcox, & Gibbs Hooki Lopa

ka Remington, Elua Lopi

A me na ukaua he nui loa a  @@@@ @@@ keia ano.

Kakela me Kuke