Ka Nupepa Kuokoa, Volume XXXVI, Number 8, 19 February 1897 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

HAAWINA

KULA SABATI.

HAAWINA IX  FEBERUARI 28.

Ka poe Haumana i hoopueheia aku Oiah-

na @ @

E ae @ ana no o Saulo i kona make @ ia hoomaa@ nui ia mai la ka @ @ ma Ierusalema :  hoopuehuia @ @ @ a pau ma na aina o Iudea, a ma @ koe no nae na luna@

2  @ @ @ kekahi poe kanaka @ @ @ a kanikau loa lakou ia la

3  @ @ la o Saulo i ka ekalesia. @ @ @ ia i na hale, a kauo mai @ @ @ @ na wahine, a hahao ae la ia lakou iloko o ka halepaahao.

4  No ia mea, kaahele ae la ka poe i hoo@ e hai aku ana i ka euanelio

5  A iho ae la o Pilipo i ke kulana @ o Samaria, a hai aku la ia Kristo ia lakou.

6  Malama lokahi na lehulehu i na mea a Pilipo i olelo mai ai me ka hoo@ a me ka nana aku i na hoai@na ana i hana'i.

7  No ka mea, ua nui loa ka poe uhane haukae i walaau aku me ka leo nui, puka mai la lakou mawaho o ka poe @ @ a nui loa ka poe lolo a me ka poe oopa i hoolaia mai.

8  Nui loa iho la ka olioli ma kela kulanakauhale.

9  Malaila no kekahi kanaka, o Simona ka inoa, he kilo no ia mamua mai ma ia kulanakauhale, a pilihua ka lahaikanaka o Samaria ia ia, i kana olelo ana, o kekahi mea nui ia.

10  A malama mai la lakou a pau ia ia mai ka poe uuku mai, a ka poe nui, i ae la, Oia nei no ka mana nui o ke Akua.

11 Malama no lakou i kana, no ka mea, loihi ka manawa i hoopilihua ai oia ia lakou i ke kilokilo ana.

12  A i ko lakou manaoio ana ia Pilipo i kana hai ana mai i ka euanelio no ke aupuni o ke Akua, a me ka inoa o Iesu Kristo, bapetizoia iho la lakou, na kane a me na wahine.

13  O Simona no hoi kahi i manaoio aku: a bapetizoia iho la no hoi ia, a e hoomau ana me Pilipo, e ike iho la ia i na mea mana, a me na hoailona nui i hanaia, pilihua iho la ia.

14  A lohe ka poe lunaolelo ma Ierusalema, ua loaa i ko Samaria ka olelo a ke Akua, hoouna ae la lakou ia Petero a me Ioane io lakou la.

15  Iho ae la laua, pule aku la laua no lakou, i loaa ia lakou ka Uhane Hemolele.

16  No ka mea, ia manawa, aole ia i haule mai maluna o kekahi o lakou:  ua bapetizo wale ia no lakou iloko o ka inoa o ka Haku, o Iesu.

17  Alaila, kau iho la laua i na lima maluna iho o lakou, a loaa iho la ia lakou ka Uhane Hemolele.

PAUKU GULA.  Oih. 8:4  Kaahele a@ la ka poe i hoopuehuia, e hai aku ana i ka euanelio.

MANAO NUI.  E pono no i kela a me keia mea manaoio ke hai lea aku i ka euanelio o Iesu ke Akua kalahala.

OLELO HOAKAKA.  A make o Setepano, ikaika ae ka hoomaau ana i ka poe manaoio.  Ua hoopuehuia lakou, oiai ua noho mau na aposetole ma Ierusalema.  Ua hoopuehuia lakou, oiai na noho mau na aposetole ma Ierusalema.  Ua kaahele aku na hoahanau iloko o na pea o Iudea a me Samaria.  O Pilipo kekahi.  I kona wa i hai euanelio ai ma Samaria na nui ka poe hewa i komo ai i ka manaoio.

1.  Hoopuehuia @ku,---Ua ma hual@ ka Ekalesia, a holo pono ka ike o na hoahanau.  Ua hoo@ lakou e hoomaopopo aole @ @ opno o ka iseraela wale no kela pomaikai aka hoi aole i la welawela na hana misionari no ko na aina e.  Mamuli o ko ke Akua hooponopono ana, na hoounaia @ lakou e hai euanelio ma na aina e, i kipakuia e ka poe hoomaaa ikaika.  2.  Haipule,---Aole paha he poe manaoio lakou, he mau malihini paha e like me Setepano iho, i hoohuliia nae i ka oiaio o ka palapala hemolele Iudaio.  3.  Saulo.---Ua hoomaau oia me ka ikaika i ka poe manaoio, Iakobo 2@   7.  Euanelio,---Aole i hoopauia e ka hoomaau ana, aka nae na lulu ia io ia nei e like me na anoano e hoohua ai.  5.  Pilipo.---Oia no ke kuene i oleloia 6:5  aole ka aposetole i oleloia, Ioane 14:8.  Ua olelo hou ia oia.  21:9, he kamaaina o Kaiserea.  Kristo,---Oia hoi ka Mesia, oia no o Iesu.  6.  Malama,---Mamuli o ko Iesu mau olelo ao mamua loa i ka wahine a Samaria:  a oluolu na hoahanau ma ka launa pu ana.  7.  Uhane,---Ua kapaia keia poino ma ka olelo Hawaii.  komokomo.  8. Olioli,---Oia no ka hua makai o ka hai euanelio ana.  9.  Simona,---He kilo kaulana loa.  Nui keia poe palamimo Iudaio e hoopunipuni ana i na kanaka ia wa, e like me na kahuna Hawaii i keia mau la.  10.  Mana,---Mamuli o ka manao lapuwale hiki ke hoonohono akua, hoomana, kabu, a pela 'ku.  11.  Hoopilihua,---Nui ka poe hiki ke hana pela, aka nae aole ia ke kumu kupono no ke ano haipule.  12.  Bapetizoia,---Ka hoailona akea o ko lakou manaoio.  13.  Manaoio,---Manaoio wale, mamuli o na manao koho, aole me ke aloha ma ke ano he mea hewa i huikalaia.  14.  Samaria,---Oiai aole i launa ka Iseraela me ko Samaria.  Ioane 4:9.  Aka hoi ua hoololi ka euanelio i mau enemi i mau makamaka.  15.  Loaa,---Ua hoohuliia lakou i ka manaoio, aole nae i piha lakou i ka Uhane Hemolele aole i loaa ka mana e hoike aku ai ia Iesu ke Akua Kalahala. no na mea e ae, aole no lakou iho wale no.  16.  Haule,---Mamuli o kona iho ana mai i ka la Penetekotat.  17.  Kau,---He hoailona o ka hoopomaikai, ka hookohu hoouna ana 'ku ia lakou.

I.  Ka hoom@au ikaikai, 1-3,  He aha ka poino hou i na haumana mahope o ko Septepano make ana?  ua mahuka ihea ka poe i hooma@ia?  Heaha na pomaikai eha i loaa ai pela i ka Ekalesia?  No keaha la na noho mau na aposetole ma Ierusalema?  Heaha ka hana o Saulo, Oih. 26:9-11?  No hea mai kona mana e hana pela?  Heaha ka hana hoohanohano i ko Setepano heana?

II.  Ua loaa ka euanelio i ko Samaria. 4-11.  Owai ka hoahanau i hele aku i Samaria?  Heaha kona oihana ma ka Ekalesia?  Pehea i kipa oia e ko Samaria?  Heaha ke ano noho o ka Iseraela a me ko Samaria, o kekahi i kekahi?  No keaha la na malama lokahi ko Samaria i ko Pilipo mau olelo ao?  Heaha kekahi mau hana i hooiaio ai i ko Pilipo hai euanelio?  Peaha na kanaka i popilikia no ke komokomo?  Ua pilikia ano like anei na kanaka i keia mau la ma keia pae aina?  No keaha la ka olioli nui o ko Samaria?

III.  Ua lanakila ka euanelio, 12-17.  I ka wa a ko Samaria i manaoio ai. pehea i hooiaioia ko lakou manaoio?  Heaha ka oihana bapetizo?  Heaha ka hoike o Simona?  No keaha la kona pilihua ma ka ike maka ana i ko Pilipo mau hana mana?  Heaha ka hana a na aposetole ma ko lakou lohe ana i ka holo pono ana o ka euanelio?  He kumu kauoha anei o Petero?  Heaha ka makemake o Ioane i ka wa mamua loa e pili ana i ko Samaria.  Luka 9:54?  Heaha ka hana o na aposetole elua?  Heaha kekahi hemahema o ko Samaria?  Pehea i loaa ia lakou ka Uhane Hemolele?

MANAO PILI.  1.  Ua manaoio aku anei oe ia Iesu, aole nae i hoike manaoio?  2.  Ua loaa anei ia oe ka mana o ka Uhane Hemolele?  3.  Oi aku anei ka manaoio i loaa pu ai me ka poe lehulehu, a i ole paha ma kahi mehameha?  4.  Ua like a like anei na mana e kukulu ai i ka Ekalesia me na mana e hooholo ai i ka Ekalesia?  5.  Oi aku anei ka olioli o ka imi pono mamua o ko ka punilealea?

HE MOOLELO NO

KEONIMANA KEO,

KA EUEU PUUWAI WIWO OLE---

KA HOOPAKELE O KA MEA NA-

WALIWALI A O KA WELI HOI

A KA POE HAIHAI KANAWAI---

A O KA MOI O NA LUA ELI GULA.

MOKUNA I.

"He elima wale no ko makou nui e noho nei i keia wa.  Ua nalowale aku me ke ano e ko makou nui, a aole he mea hookahi ma keia wahi i hiki ke hoike mai pehea la i nalowale ai kela poe.  Ua nalowale liilii aku lakou a hiki i ko makou koe ana he elima, a nolaila, me ka makaala wale no makou e noho nei, me ka maopopo ole no ka maluhia o ko makou ola:  a ua like hoi k o makou noho ana me he ia aia ka pahi-kaua ke kau mau nei ma ko makou mau kani-a-i.  He oi loa keia o ke ino mamua o ka maopopo ana o ka enemi.  He manao koho wale no. aole nae e hiki ke hooiaio ia," wahi a ke kanaka aoo me ka lulilui ana o kona poo.

"I ka wa hea i hoomaka mai ai keia nalowale honua wale ana o kela poe?"

"Mahope iki mai o ka hoea ana mai o Keaka Lona me kela poe kanaka."

"Ina pela, alaila, o kela Keaka Lona no me kona poe kanaka ka poe powa.  A lima koko, ka poe hoi ana oukou e powa malu nei me ka maalea nui.  Ke ole au e kuhihewa nana no i powa o Mr. Hela ka Luna Nui mua a'u i hoonoho mai ai."

"Pela io na paha.  he nui ko'u hoomakakiu ana no kela kanaka. aka aole loa au i ike iki i kekahi mau hiohiona e ulu ai ka hoohuoi."

"Pela io no paha.  He hoomanao oe e Mr. paka, he kanaka kela i piha me ka maalea, oiai, oia ke ano o ka poe powa weliweli loa ia; nolaila, oia ka'u hana nei e hana aku ai e hoike ae imua o ke akea i hoomaopopo mai ai ka lehulehu i ke kulana oiaio o kela kolohe a me kona poe kakoo puuwai puni koko.  Aole loa i ike iki i na heleh@na o Keaka Lona.  Pehea, he kan@oo paha oia a i ole he opiopio wale no paha?"

"He kanaka oia ma kahi o kanakolukumamalima a kanaha paha.  He helehelena au e ka mea i maa mau ole e kapa ai he kanaka ui, aka aia nae i ka maa ana aku o kou mau maka. e koho koke no oe he kepolo maopopo oia.  Ua hoike mau kona mau onohimaka i ka piha o ka puuwai me na haawina o ka makee a me ka puni koko, a he maalea hoi i like me ko ke tiga." wahi a Paka i hoomaikeike aku ai.

"Auhea oe i keia wa?" i ninau koke aku ai o Keonimana Keo.

"He ninau paakiki loa kena au i kuu haku." i pane mai ai o Paka.

"Aole ka ona noho ma kona hale?"

"Ma ke ao. ua hiki ke loaa oia ma kona hale, ka hale noho o Mr. Hela oiai ia keonimana maikai e ola ana, aka ma ka po, aia la oia ihea e hele ai.  O ko'u manao, a pela pu nohoi me ko'u mau hoaioha, aia oia ma kekahi wahi huna e noho ai. oiai ma kekahi wa, he nui na kanaka ano malihini e hoea mai ai maanei, aka, he mea kupanaha, ua launa wale no lakou ia Keaka Lona, nolaila, ua manao wale iho no au, he poe hoa powa lakou no keia kanaka kupanaha, a me he la, aia paha maloko ae nei o na ululaau me na pali kuhoho he punana no kela kanaka me kona poe oki poo.  Ua hoea mai lakou me he la, mailoko ae o ka honua, a pela nohoi e nalowale aku ai me ka maopopo ole mai hea mai la keia poe kanaka.  Ua kuni wale ia no lakou a pau me na hiohiona o ka ahiu a me ka uahoa.  Nolaila, he kupanaha ka hoolilo ana o kela kanaka nona ke kulana hanohano he Luna nui no keia lua eli gula waiwai loa e launa me kela poe karaima haahaa loa."

"Pehea oia i lilo ai i luna nui no oukou?"

"He wahi moolelo kupanaha loa kela e Mr. Keonimana Keo, aka he mea pono e lohe pono loa oe:  nolaila, hoike aku au ia oe mai ka mua a hiki i ka hope."

"Oia ka'u mea i akenui loa ai, oiai elike me ka'u i hoike mua aku nei ia oe, i hele mai au i keia loa no ke kuekaa akahele ana, no na mea e pili ana no Mr. Hela ka'u kauwa i hilinai nui ai, a i aloha ai hoi.  Nolaila e uku ana ke koko o ka mea nana i powa ke ola o Mr. Hela me ka hala ole mai ko'u mau lima ponoi aku," wahi a keonimana Keo me ka huila anapa ana ae o kona mau maka nunui mohaha, e hoike ana, he oiaio na mamala olelo apau ana i hoopuka ae ai.

"He ekolu mahinaa me hookahi pule i hala ae nei, ua hoea mai kekahi kanaka maluna o kekahi lio ulaula nui maikai.  Ua kahiko hoi ua kanaka la iaia a paihi me he kanaka waiwai loa la.  I ka nana aku he keonimana oia ma na ano apau.  Ua hele pololei aku oia a hoea ma ka hale o Mr. Hela, a mamuli o ko'u lohe mai, ua hoike aku la oia iaia imua o Mr. Hela, oia kekahi o na ona nui o keia wahi, a ua haawi pu aku hoi oia he palapala ia Mr. Hela wahi ana, nau mai kela leta ia Mr. Hela:  a maloko o ua leta la, e hoolauna mai ana oe i ua malihini la ia Mr. Hela, me ko kauoha pu mai e hookipa aku o Mr. Hela iaia me ka maikai, me ke koi pu mai ka, e aeia ua kanaka la e nana i na buke helu o ka oihana eli gula, a ma na ano a pau, e nana aku o Mr. Hela a me makou pu iaia ma ke ano he ona oia no keia wahi.  Nolaila, ua kukala mai la o Mr. hela kela keonimana maikai i kela mau mea ia makou, a mai kela wa mai, ua nana aku makou iaia ma ke ano he haku nui no makou.  I ka hala ana he hookahi pule mahope mai o kela wa, ua nalowale honua iho la o Mr. Hela me kona kahulio a me elua o na kanaka eli gula.  I ka ninau ia ana aku o ua kanaka malihini la e Mr. Kuke, ka ona o ka hale hotele au i komo ae nei, ua hoike mai la ua kanaka malihini la, a haku hoi o makou, ua hele o Mr. Hela me kela poe kanaka no Awawa Dala (Silver Valley) oiai, ua loaa mai ka kekahi kauoha mai ia oe mai, e hele koke aku o Mr. Hela me ekolu poe kanaka.  Ma ia mau la mai, ua nalohia mai waena ae o na kamaaina i kela a me keia pule aka i ka wa nae e hoohuoi ia aku ai, oia iho la no ka pane, ua kauoha ia mai e oe.  Eia nae ka mea maalea loa, i ka wa e nalowale aku ai o kekahi poe kanaka kahiko, e hoea mau mai ana he elua a ekolu paha poe malihini. Nolaila, i ka piha ana o keia mau mahina ekolu, ua hiki aku ka nui o na kamaaina i pau i ka nalowale honua wale iho ma kahi o iwakalua-kumamalima, a koe wale iho no makou he elima, a o ka nui o na malihini i komo mai mahope mai o kela kanaka, Keaka Lona, he kanaha kumamalima.  Nolaila, ke noho nei makou me ka manao nau ponoi mai keia kanaka i hoouna mai, a mamuli hoi o kau kauoha i nalowale honua aku ai o kela poe kanaka.  eia nae, ma ka lokomaikai o na mana lani, ua hoea kino mai oe e Mr. Keonimana Keo, ko makou haku, a ua laki loa au i ka ikemaka ana i kou mau helehelena, a pela ana no hoi me ko'u mau hoa hana kahiko, aka no kela poe malihini nae a em Mr. Keoka Lona, ka maalea nui, e lilo ana keia hoea ana mai ou i mea inaina loa no lakou, a ke ole au e kuhihewa e ulu ana he haunaele nui mawaena ou me kela poe pakaha, ke ole hoi au e kuhihewa, oiai kaua e kamailio nei, ua lohe aku ia o Keaka Lona mai kela poe kanaka aku au i ike mai nei maloko o kela hale kuai rama."

[graphic: 2 column engraving, "HORSELESS CABS IN NEW YORK.  A cab company in New York is about to begin running five horseless coupe cabs by compressed air.  Should the experiment prove successful, compressed air will be the motive power on all the company's cabs." O ke kii keia o ke ano kaa holo-lealea e hanaia aku ana e kekahi hui kapili kaa ma Nu Ioka.  Aohe lio nana e huki keia kaa ; aka, na ka ikaika o ka uwila iloko o kekahi mikini e hoonee iaia.]

"O ko'u makemake ia o kona lohe aku eia au maanei nei.  Aole e nele ka apoapo o kona oili, aka na ka la apopo e hoike mai owai la ke lanakila ana, owau paha o ka mea hookahi, a i ole.  o lakou paha?  He ehia ko lakou nui i kou manao e Mr. Paka?"

"He kanaha-kumamaono ko lakou nui apau e noho pu nei me makou ke hui pu ia me ua o Mr. Lona, aka, he lehulehu hou aku no paha kekahi e noho pee nei ma na ululaau, ka poe hoi a'u i hoike mua aku nei ia oe. he hoea mai a nalowale aku me ka maopopo ole mai hea mai la lakou, a mahea la hoi lakou e nalowale aku ai."

Minoaka iho la o keonimana keo, a pane aku la:---"Ina he mau haneri ko lakou nui, aole loa au e kuemi hope ana."

"Auwe!  E aa ana no oe e paio me kela lehulehu?"  i ninau mai ai ka aoo me ka haikea ana ae o kona mau papalina.  "Pehea ka oe i manao ai e Mr. Paka?" wahi a keonimana Keo me ka leo kuoo.

"Mai ko'u hanau ana a hiki i keia la, aole loa i ike iki i kekahi kanaka i aa e paio me kekahi puali holookoa a e hoomanao oe e Mr. Keonimana Keo, he poe makaukau wale no kela poe ma ka lawelawe ana me na mea kaua.  No Keaka Lona hoi, ua ike maka au i kona makaukau kiekie me ka pu panapana."

"Aole o ko lakou makaukau oia ka'u mea e makau ai.  Ua hewa lakou, ua aihue wale i ko'u waiwai, a ua powa wale hoi i ko'u poe kanaka; nolaila, ma ka inoa o ke Akua kiekie loa, e kau aku ana au i ka hoopai weliweli maluna o lakou.  Na ka hewa iloko o ko lakou mau lunaikehala e hoopio ia lakou.  E hoomanao oe e kuu makamaka maikai i kela olelo kahiko ma ka olelo o ka buke hemolele:  "E hohe no ka mea hewa imua o ka mea hala ole."  Pela ana no keia poe, nolaila, na ka la e hiki mai ana e hoike mai ia oe he pio kela poe a pau malalo o na lima o Keonimana Keo!" wahi a ka kakou oiali hope ole o na kualono mehameha o Kaleponi.

"He lohe olelo wale no ko'u nou e Keonimana Keo, akahi hoi au a ike maka.  Nolaila, ina o kena mau olelo na kekahi mea e, aole loa au e manaoio iki ana," wahi a ka aoo.

"Aole loa o'u hoopuka i kekahi hua olelo a'u i maopopo mua ai ua hiki ole ia'u ke hooko.  Eia keia ninau a'u ia oe, nohea mai kela keiki opiopio a'u i ike mai nei ma ke ano he pio na kela poe kanaka hilahila ole?"

"Aole loa au i maopopo ike no kela opio, oiai ia'u e nanaea ana me Mr. Kuke maloko o ka halekuai rama, na hoohikilele ia ko'u naau i ke komo ana mai o kela puulu kanaka me ke kaialupe ana i kekahi wahi opio. me ka i nui ana he kiu kela wahi keiki. a e hoomakakiu ana mawaho o ka hale hoahu gula, nolaila, ua kuhihewa pu hoi au he oiaio paha ka kela poe kanaka, a ina oe e hoea koke ole mai ina la he kino make kona i keia wa a kaua e kamailio nei."

"Aole loa kekahi kahoaka maluna o kela opio e hoike mai ana he kolohe oia, a pela aku.  Ua hoike mai ka helehelena o kela opio he hoopono a he wiwo ole ia, nolaila, he makemake loa au e launa hou me kela opio, me he la, he hana nui kana i hoea mai ai ma keia wahi, a he mea pono e haawi au i na kokua ana a pau iaia.  Pehea la auanei e loaa ai oia ia'u?"

"Ua like kaua a like ma kela mea.  He malihini au iaia. a pela pu no paha me oe, oiai o ko'u ike mua loa ana keia iaia aka ina nae he opio oia e like me ka'u e manao nei nona. alaila aole e nele kona imi nui ia oe ka mea nana i hoopakele i kona ola," wahi a Paka.

Ia wa, ua ninau hou mai la ka aoo mea hale ia Keonimana Keo:  "Ua lilo loa kaua i ke kamailio, ua palaka loa au nou, oiai, he huakai loihi keia au i hele mai nei, nolaila he mea pono e paina wahi ai oe mamua o ko kaua hoi ana e moe aole anei pela?"

"Ae, he pololi iki nohoi au, aka mai hooluhi wale oe ia oe iho no ka hoomoa ana mai i mau mea ai na'u.  Ina he wahi ai anuanu kekahi au, oia ka'u e paina ai."

"Mai kamailio mai oe pela.  E noho hoomanawanui iki iho oe, a iloko o na minute he umi, e ike ana oe i ko'u kulana eleu ma ke kuke." wahi a ka aoo maikai, me ke poha ana iho o kana aka.  I ka hala ana aku o Paka ma kekahi wahi e aku o ka hale, ua noho malie iho la o Keonimana Keo me ka nalu ana iho no keia mau mea ana i lohe mai ai mai kona kamaaina aoo mai.

"Ua make io no paha o Mr. Hela, aole paha, a ina eia oia ke ole nei no. alaila, he pio oia malalo o kela kanaka lima koko, a ina io no eia o Hela ke ola nei, aole e nele ana kona loaa aku ia'u, a e kau aku hoi kuu hoopai weliweli maluna o ka poe nana i hana ino iaia."

He manawa pokole, ua makaukau ka mea ai a ke kamaaina, a ma ia wa, ua hoonuu ho la ka malihini i na mea i hoomakaukau ia.

Maanei e ka makamaka heluhelu, e waiho kaua i ke kamailio ana no ka eueu o na kualono a me na kahawi kuhoho o ka aina gula o Kaleponi, ka puuwai wiwo ole a o ka mea i kapa ia i kahi wa o ka moi o na lua eli gula, a o ka waihona o ka hoopono, e walea ana me kona makamaka maikai ka aoo Kimo Paka, a e huli ae kaua a nana i kekahi mau mea e hanaia ana e kekahi puulu kanaka nui ma kekahi wahi kaawale iki mai kahi puulu kauhale uuku ma ke awawa.

Aia maloko o kekahi ana nui ma kahi kokoke aku ana i ka piko o lalani mauna e ku kilakila ana ma kekahi aoao o ke awawa eli gula waiwai nui, e nonoho ana he puulu kanaka nui.  Ua hana ia keia ana nui e ka lima noeau lua ole o ke Akua, a ua hiki ke noho he mau haneri kanaka iloko o ua ana la me ka oluolu, a me ke koe hoi he mau kuono e ae i pao ia ma na paia paa o ua ana la.  ua hana ia he mau keena nunui akea me na pani puka manoanoa, he mau keena hoi ia no na hoa o kela puulu kanaka nui.  Ua hana ia ka papahele o ua ana la a laumania me he papahele la no kekahi hale kakela kahiko o Enelanai, a i ole o Sekotia paha.  O kahi a na kanaka e noho ana, oia no ke kino ponoi o ke ana, a ua hana ia e ka lima o ke kanaka kohu keena nui, a nani hoi o na hotele.  E ku ana he pakaukau nui loihi i waena konu a e nonoho ana hoi ua poe kanaka la maluna o na noho a puni ua pakaukau la.  E aa ana hoi he poe ipukukui i hoolewalewa ia elike hoi me na kukui a kakou e ike nei maloko o na keena nui o na hale hotele.

Ua lilo ae nei ia Archie Smithies ke kulana i waiho hakahakaia aku e J. D. Holt Jr. (Keoni Holo no kekahi o na Keena Oihana o ka Hale Leta.

Ma ke kakahika Poakahi nei i hoomaka ai ka eliia ana o ka luawai anini ma ke awaawa o Waipio ae nei, no ka pomaikai o ka mahiko hou o Oahu nei. e ku aku ana ma  @ @okoke i Waipahu.

Ua loohia o Mr. Ward L. Smith, o Frederickstown. Mo., i ka ma'i hi no 30 makahiki a oi.  Ua maopopo loa iaia he wa uuku wale no kona e ola ai a o ka pau no ia.  Ua lawelawe lapaauia oia e kekahi poe kauka akamai loa o Europa ame Amerika, aole nae loaa ke ola loa.  I kekahi la, loaa iho la iaia kekahi nupepa a heluhelu iho la i ka olelo hoolaha no ka LAAU OLA a Kamalena. no ke Nahu, Kolera ame ka Hi.  Ua kuai oia i hookahi omole o ua laau la, i ka inu mua ana no. loaa iaia ka oluolu, a mamuli o kona inu mau ana, ua ola loa ia.  E kualia ana e na poe kuai laau lapaau apau.  O Benson, Smith & Co., na Agena no ko Hawaii Pae Aina.

Hoolaha Kumau.

[graphic: engraving of elderly gent chatting with lady at table]

Aole loa e maikai a oluolu ke ola ana o kekahi mea kino uhane ola ma he aaiole @ akepaa a hiki ole ke lawelawe i kana mau hana me ka hololea.  E hahai ana ka nalulu a me na nawaliwali e ae ma ka moali o ke ake ponalo.  He mea oiaio keia i hooiaio ia ma na wahi o na poai oluolu akau iloko o ka hapaha keneturia, o na

HUALE A AYERS

oia wale no ka LAAU HOOLA AKE maikai loa i ikeia.  E hoola ana i ka lepopaa, ka nalulu eha, na mai'i oloko o ka opu, a ma ke ano LAAU OHANA aohe ona lua e like ai.

O ka Ayers Sasaparila, oia ka Laau Hoomaemae Koko kilakila, e haawi ai i ka ikaika a me ka hooponopono ana ia loko o ke kino o ke o ka ili, e hoopau ana i na maluhilukanaka.  E pepehi a ulupa ana i na PUHA, e hoola ana i na pohapoha hi o ke ola ana a e kipaku loa ai i na ano ma'i a pau.  O ka poe ma'i no ka wali pono ole o ka ai, ka nawaliwali mau a ano ma'i e ae i ulu ae mai ke koko ino mai, he mea pono e inu i ka laau

 SASAPARILA A AYERS

He laau e hooikaika ai i ka nawaliwali, a e hoopuipui mai ai i ke kino.  Ma ka inu ana i keia laau, e hoonoono ia ai ka ai ana, oluolu ka moe ana a maikai ke ola ana.

O ka Ayers Cherry Pectoral

laau, aohe lua ma ka hoola awiwi ana i na KUNU, ANU a me na PUU EHA.  E hoola ia na KUNU KALEA a me na ma'i pili i ke ake me ka hikiwawe loa.

O na Huaale a Ayers, na Sasaparila a me ka Ayers, na Sasaparila a me ka Ayers Cherry Pectoral, aia kahi e loaa ai ma ka Halekuai o ka

Hollister Drug Co. Lt.

Na Agena ma ka Paeaina Hawaii.

KAKELA

ME

KUKE

Ka Halekuai Nui

--- O NA---

 WAIWAI LIKE OLE

NA MEA

HANA KAMANA AIPAU

Na lako pili hao kukulu hale,

Na kepa,

Na lei ilio,

Na kaulahao ilio,

Na Pahi,

Na Upa,

Na kope hulu,

Na Pulupulu.

PALAU LIO

Na mea mahiai,

Na au ho,

Na au koi,

Na kua bipi,

Na lei bipi,

Na kaniahao bipi,

Na awea pa,

Na kaa palala,

Na mea pinia,

Na ipuhao.

Makau me Aho Lawaia

Na Iliwai

Na kaula,

Na hulu pena,

Na pulumi,

Na pena, ma ka aila,

Na kopa,

Na aila mahu

Na pakeke

Na pakeke hao,

Na kapu hao,

Na pauda,

Na kukaepele,

Na uwiki, a me

Na ipukukui.

Mikini Humuhumu Kaulana

Wilcox, & Gibbs Hookahi Lopi.

ka Remington, Elua Lopi.

A me na ukana he nui loa, o kela ano a me keia ano.

Kakela me Kuke