Ka Nupepa Kuokoa, Volume XXXVI, Number 7, 12 Pepeluali 1897 — Hopuia no ka Hewa Aihue i ka Waiwai i haawiia e malama. [ARTICLE]

Hopuia no ka Hewa Aihue i ka Waiwai i haawiia e malama.

ka miina la Poakalii nei, i pahola ae ai ka lono hoohileilele a hoonawaliwali manao mawena o ke kulanakauhale nei, ua hopuia o Wm. J. euelho, ke Kakauolelo Opio o ka Aha Apana o Honoluiu nei, a hoopaaia aku la ma "Kalakaua Hale'" no ka liewa "Aihue i ka waiwai i haawiia e malama. Ma ka palapala hopu, ua hoikeia he $150 ka huina nui o na daia i manaoia ua laweia ma ia ano, aka, ua hoike ae nae ka mea kakau nupepa o loko o keia kulanakauhale, ma kona manao ua oi aku mamua o ka $500, aole hoi he $1,000 elike me ka mea i lohe wale ia. Eia, kana mau olelo imua o ka mea kakau nupepa: "O na kanaka o loko nei o ka Halewai ke kumu nui o ko'u haulehia ana. Ona hoaloha ke kumu o keia. E hele mai ana lakou ia'u e aie ai aole hoi i loaa ia'u he puuwai ma-ua e hoole aku ai i ka lakou noi. Ua haawi aku hoi au i ka'u mau wahi dala ponoi. a ma ka wa i pau ai ia, ua haawi aku la au ia lakou i na dala o ke Aupuni, a'u e malama ana, me ka manao ana e hoihoi nmi ana la hoi lakou. Aka, ua ike no au, he hewa keia. Ke ike nei au i keia wa, a ina i malama kuu poe hoaloha i ka oiaio o ka lakou mau olelo, ina no la ua pono au i keia wa." Ua hoike mai ia, he aneane eono mahina o kona hana ana elike me ia, a o kana mau h'uaolelo hope i hai mai ai imua o ka mea kakau nupepa oia keia: . "Qa ola ko'u luaui makuakane. a make oia no kona poe hoaloha, a o ka'u alanui hookahi no ia e hele aku nei. E hai aku oe i o'u poe hoaloha, ua hana au me ke kuhihewa, aka, aole nae au i hana me ka naau manao aihue." Ma ka auina la Poalua nei, ua lawe ia ofe imua o ka Aha, a heluheluia aku ia imua ona ka hoopii a ke Aupuni, a ua waihoia kana pane a keia la; (Poalima, Feh. 12). 0 Lunakanawai Wilikoki ke "Kahu o ka Aha." Ua noi o Mr. C. Creighton i ka Aha e aeia ka mea hoopiiia e helala. Ua pane ka lunakanawai aohe mana i loaa iaia e kau ai i ka huina o ka bela, nolaila, ua ninauia o Lunakanawai Kaapuni Carfrer, a ua ae oia i ka bela o $2.000. Mahope koke 'iho no, ua hoea kino ae keia po« keonimana e bela, oia o J. Sylvano, Keoki Hapakela, Akoni Rosa ame Samuel Dwight, a ua hookuuia ka .mea hoopiiia. O kekahi opio Hawaii kulana holomua loa keia, oia ke Alakai o ka Himeni i ikeia ma ka inoa Hawaiian Glee Club.