Ka Nupepa Kuokoa, Volume XXXVI, Number 5, 29 January 1897 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

HAAWINA

KULA SABATI.

HAAWINA VI. FEBERUARI 7.

Ka Manawalea oiaio a me ka Manawalea hookamani.  Oihana 4:22 -37, 5:I - II

 

     21  A o ka poe o lakou i manaoio aku hookahi o lakou naau hookahi hoi ma nao aole hoi i olelo kekahi nona wa no kekahi waiwai ana i malama i: no ka mea hui pu ia ko akou mea @ @ .

     22 Me ka mana nui i hoike mai na lunaolelo i ke alahouana o ka Haku o Iesu a loaa iho la ia lakou a pau ka hoomaikai nui ia.

     24  Aole hoi i nele kekahi o lakou: no ka mea, o ka poe mea aina a me ka poe mea hale kuai lilo aku la lakou a lawe mai la lakou i ke kala o na mea a lakou ia kuai ai.

     35  A waiho iho la ma na wawae o ka poe lunaolelo: a haawi aku la lakou i kela kanaka i keia kanaia, e like me kona hemahema.

     26  A o Iose o ka mea i kapaia e na lunaolelo o Barenaba, @ hoi ke ano a ka hoohalike ana, o ke keiki a ka hooluolu i he mamo na Levi, no ka aina i Kupero:

     27  He aina no kona a kuai lilo aku la ia a lawe mai la i ke kala a waiho iho la ma na wawae o ka poe lunaolelo.

     1  O kekahi kanaka o Anania ka inoa, me Sap@ kana wahine, kuai lilo aku la ia i ka aina.

     2  A hoana e iho la ia i kauwahi o ka uku ua ike no hoi kana wahine, a lawe mai la i kekahi a waiho iho la ma na wawae o ka poe lunaolelo.

     3 I aku la o Petero E Anania no ke aha la i hoopiha mai ai o Satana i kou naau e wahahee aku i ka Uhane Hemolele a e hoana e i kekahi mea i loaa mai ai no ka aina?

     4  I ka wa e waiho wale ana, aole anei nou ponoi ia?  a pau i ke kuaiia, aole anei ia oe ka malama?  No ke aha la i komo ai keia mea maloko o kou naau?  Aole oe i wahahee aku i kanaka i ke Akua no.

     5 A lohe iho la o Anania i keia olelo hina iho la ia ilalo, a lele ae la ke aho.  Kau iho la ka makau nui maluna iho o ka poe a pau i lohe i keia mau mea.

     6  Ku ae la na kanaka ui wahi iho la ia ia lawe aku la iwaho, a kanu iho la.

     7  A mahope iho ekolu paha hora komo mai la kana wahine, me ka ike ole i ka mea i hanaia'i.

     8  I aku la o Petero ia ia.  E hai mai o ia'u ua kuai anei olua i ka aina pela?  I mai la kela.  Ae, pela no.

     9  Alaila, i aku la o Petero ia ia, Pehea la i hui pu ai ko olua manao, e hoao aku i ka Uhane o ka Haku?  aia hoi ma ka ipuka na wawae o ka po nana i kanu kau kane; e lawe aku no hoi lakou ia oe iho.

     10  Alaila, hina iho la ia ma kona mau wawa a lele aku la ke aho:  a ko o mai la ua poe ui la, a loaa iho la @ ua make, a lawe aku la lakou ia ia, a kanu aku la ma kahi o kana kane.

     11  A kau mai ka makau nui maluna o ka ekalesia a pau, a me ka poe a pau i lohe i keia mau mea.

     PAUKU GULA.  1 Samuela 16:7.  Ke nana nei ke kanaka i na helehelena aka ke nana nei o Iehova i ka naau.

     MANAO NUI.  E pono no ke haawi manawalea me ke aloha aole me ka hookamani.

     OLELO HOAKAKA.  Mamuli o ka olelo hoike ma ka hapa hope o ka haawina mamua iho, ua noho p ka poe manaoio ma ke ano he mau Iala o ka ohana hookahi.  Ina Paha ua nui ae na waiwai o kekahi ua kuai aku oia a haawi aku i na loaa i na aposetle e puunaue aku ai i ka poe nele.  Ua mahalo nui ia keia mau haawina aloha.  Eia nae kekahi mea hoike manaoio ma kona ake hanohano ua kuai aku i wahi apana aina, aka nae aole i haawi aku oia i na loaa a pu loa i na aposetole.  Ma keia haawina ua hoikeia ka poino i hooiliia maluna ona no kona hana apiki.

     32.  Hookahi. - Oiai he mau 5000 lakou, lokahi lakou ma ke ano hookahi ka manao no lakou a pau loa.  33.  Hoike. - Oia no ka mana o ka poe manaoio, oiai o Iesu oia no ka oiaio iho.  34.  Nele. - Aole lawa na loaa no ka nui o ka poe ilihune, malihini kekahi, i hoomaauia kekahi.  35.  Haawi. - He hana kohu keia i ko lakou ano hou na keiki a ke Akua, nona keia kuleana e haawi aku me na palena ole i na mea a pau.  36.  Iose. - Ua like pu keia me ka inoa Iosepa ma ke Kauoha Kahiko .  Hooluolu. - Aole ia akamai paha ma ka hoonaauao, aka kaa ka eo ma ka hooikaika ana a me ka hoona ana i ka poe pilikia.  Kupero. - He mokupuni ma ke Kai Waenahonua.  Malaila he mau lua eli keleawe ulaula i lilo aku i kekahi poe Iudaio, no lakou he mau puka nui i kela a me keia mahina.  37.  Aina. - A kuaiia aku hiki ia ia ke kokua me na moni kala, aole me na huaolelo hooluolu wale no.  Pehea i loaa i keia Levi he wahi aina, Nahela 18:24?  1.  Anania. - O ke ano o keia inoa, Hanania ma ka olelo Hebera oia no lokomaikai ke Akua.  Sapeire. - Ma ka olelo Suria. onaona.  2.  Hoana e. - Nona iho.  Wawae. - Aole ma na lima ma ke ano makamaka aka ma ke ano hookupu.  Wahine. - A nolaila komo pu oia i keia hana epaepa aole ma ke ano he hoowalewale emoole.  3. Petero. - Piha i ka Uhane Hemolele, oiai na piha o Anania ia Satana.  Wahahee. - Hoopunipuni ma ko laua hana hookamani.  4.  Waiho. - A pono ke waiho mau ia ma ko laua makemake:  aka nae ma ko laua ano hana epaepa ua manao laua e puni ai ka Uhane Hemolele oia hoi ke Akua.  p. 3.  5.  Hina. -  A make koke:  aole nae i pepehiia e Petero.  6. Ui. - No kela me keia halehalawai Iudaio kekahi papa o ka poe opio no lakou na hana kokua o kela a me keia ano, o ke kanu ana kekahi.  7.  Wahine. - E manao wale ana na loaa i kana kane ka hanohano oiai ua kanuia oia.  8. Pela, - E kuhikuhi ana i na moni dala a kana kane i waiho ai.  9.  Hoao aku. - Oia hoi hoa'a.  10.  Aho. - Oiai ua make oia ma ko ke Akua hoopai ana aole no kekahi hana paha.  kauoha paha o Petero.  11.  Ekalesia. - A maopopo loa hiki ole i ka mea hookamani ke lanakila.

     I.  Na haawina manawalea, 21-37.  Pehea i noho pu ai ka poe manaoio i na la mahope iho o ka Penetotoka?  Pehea ko lakou manao e pili ana i na waiwai?  Ua loaa aei ia kakou a pau loa na pomaikai ma ke ano he mau kuene?  E pono anei i ka poe hoahanau ke hoohui i ko lakou mau waiwai a pau?  Heaha ka mana o ko lakou mau hoike?  Heaha ka mea a lakou i hoike aku ai?  Pehea i pili ai ko kakou pomaikai i ko Iesu alahou ana?  Ua hiki mai anei ko Iesu aupuni ma ka hooponopono hou ana i ke ano noho o na kanaka?  Pehea i pau ai ke ano ilihune o na hoahanau mua?  No keaha la ka waiho ana i na loaa ma na wawae o na aposetole?  Owai kekahi hoahanau i hoohanohano nui ia no kona mau hana e pomaikai ko hai?  No hea ai o Iose Barenaba?  Heaha ke ano o kona inoa?  Aia mahea o Kupero?  No keaha la kona kapaia ana, "Ke Keiki a ka Hooluolu?"  He wahi ino loa anei keia honua a piha i na mea e pomaikai?  He kanawai paa anei ma ka Ekalesia e kuai ia aku na waiwai o na hoahanau, aole paha?

     I.  Na hana nookamani.  1-4.  Heaha ka hana o kekahi hoahanau kane a me kana wahine mare?  Ua lokahi anei laua ma keia ano hana?  Heaha ke kumu ko ka hoano e ana i kekahi hapa o ka uku no ko laua apana aina?  Pehea e maopopo ai ke ano nui o keia hana hewa?  Heaha ko Petero olelo ao aku ia Anania?  Heaha ko Anania hewa maoli?  He wawahee anei ka hoopunipuni ana?  E pono anei ke hoohalahala i ka Ekalesia no ke ano lawehala o kekahi hoahanau?

     III.  Ka hoopai hooweliweli , 5-11.  Pehea i make ai o Anania?  No wai mai keia poino?  Heaha ka manao o ka poe lehulehu?  Ua hoahewaia anei na aposetole no keia poino?  No keaha la ke kanu ana ia Anania me ka wikiwiki?  A pau na hora ekolu, pehea o Sapeire?  Heaha ko Petero ninau?  Heaha ko Sapeire olelo pana wahahee?  Heaha ko Petero olelo hooweliweli?  Nowai mai keia make hou?  Heaha ka manao o ka Ekalesia?  Ua kaawale anei ka poe hookomani?  He mana hooweliweli wale no anei ko ke Akua, he mana hoopomaikai no hoi kona?  Ua maemae loa anei ka Ekalesia mua, aole paha?  Ua oleloia keia moolelo e ae aku i na hewa e hoolanakila ai ia kakou maluna o ka hewa?  He hana hoopunipuni anei ke komo ana mai i ka halepule me ka manao ole e kokua ai?  Oi aku anei ko Anania poino mamua o ke kupono?

     NANAO PILI.  1.  Ke ae aku anei oe i kekahi hana hewa oiai hoi o oe he i kekahi hana hewa oiai hoi o oe he mea hoike manaoio?  2.  Heaha ka hewa a Iesu i hoohala mau ai?  3.  No keaha ka nui o ka poe pahee ihope ma ka Ekalesia?  4.  Ua mehameha pakahi anei ka hewa o ka wahahee?  5.  Ina paha aole oe he mea hookamani, ua hoomauhala anei oe?

 

HE EO PAIPAI I NA POE LAWE NUPEPA "KUOKOA."

     I ka Nupepa Kuokoa. -

     Aloha oe: - Ke kauohaia aku nei oe e olelo aku i ka poe lawe i keia kino, oia ka poe o Kalawao ame Kalaupapa, Molokao kahua ma'i lepera, e hoolele e ia mai i ke ola o ka pepa i ka luna nupepa mamua ae o ka pau ana o Ianuari, 1897.  oia hoi ka hapa mua o ka makahiki, i pololei ka helu ana o ka manawa me ka pepa.  A ina he poe e ae kekahi e makemake ana e lawe pepa mahope iho o Ianuari, ke hoike e ia aku nei ka lohe, e waiho mua mai ke ola o ka pepa ma kuu lima.

     Me ke aloha nui ia oe.

                                                                                    J. HAOLE,

                                                                                    Luna Pepa

                                                                                    Kalaupapa, Ian. 21, 1897.

 

KA HAIOLELO IMUA O KA AHAHUI HOOIKAIKA NO NA HANA KARISTIANO

C. E. S. O KALAUPAPA MA KA PO O KA LA 25 O DEKEMABA. M. H. 1896.

     "Ko Iesu ano Akua ame kona ano kanaka."

     He ekolu mea i hoomaopopoia malalo o keia kumuhana:

     I.  Ko Iesu ano Akua.

     He lehulehu na hoike e hooiaio mai ana ia kakou no ko Iesu ano Akua ana.

     Akahi - O kona hoonauia ana, mamua aku no ia o ka hookumuia ana o na mea apau.  Solomona 8:22-31.

      Na Iehova no au i kinohi o kona noho ana, mamua o kana hana ana i ka wa kahiko.

     Mai ka po mai ua hoonohoia wau, mai kinohi mai, mamua hoi o ka honua.

     I ka wa i ole ai na wahi hohonu, ua hanau no au; i ka wa i ole ai na punawai i pibho i ka wai.

     Mamua o ka hoonoho ana i na mauna, mamua o na kuahiwi, ua hanau au.

     Aole hoi oia i hana i ka honua ame na kula, ame kahi huna lepo iki o ka honua.  I kona hohola ana i ka lani, owau no kekahi malaila, i kona kau ana i ke kanawai maluna o ka honua.

     I kona hoolewalewa ana i na ao maluna, i kona hoonoho ana i na punawai o ka honua.

     I kona kau ana i ke kanawai no ka moana, i ole e kaaale aku na kai mamua ona, i kona hookumu paa ana i ka honua.

     Alaila, owau pu kekahi me ia, me he keiki hiwahiwa la, o kona olioli no au i kela la i keia la, e hauoli mau ana imua o kona alo.

     E hauoi ana i na wahi i noho ai na kanaka o ka honua ona, o ko'u oluolu nui aia me na keiki a kanaka.

     Alua - Ua hooiaioia ko Iesu ano Akua mai ka leo i pa-e mai mai ka lani mai.  Luka 9:35-36.

     A he leo i pa e mai mai loko mai o ua ao la, i mai la, O ka'u keiki punahele keia, E hoolohe oukou iaia.

      Luka 3:22.  A iho mai la maluna ona ka Uhane Hemolele me ko ke kino ano o ka manu nunu, a pa-e mai la ka leo mai ka lani mai, e i mai ana, O oe no ka'u keiki punahele, he oluolu loa ko'u ia oe.

     Kolu - Ua ikeia ka oiaio o ko Iesu ano Akua, ma ka hoikeia ana he Logou oia mai kinohi mai.  Ioane 1:1.

     I kinohi ka Logou, me ke Akua ka Logou, a o ke Akua no ka Logou.

     1 Ioane 1:1.  O ka mea mai kinohi mai.  ka mea a makou i lohe ai, ka mea a ko makou mau maka i ike ai, ka mea a makou i manao ai a i lawelawe ai no hoi me ko makou mau lima, no ka Logou o ke ola.

     Aha - Ua hoikeia ko Iesu ano Akua, ma kona ano kahikolu.  1 Ioane 5:7. 

     Ekolu mea nana e hoike mai iloko o ka lani, o ka Makua, o ka Logou ame ka Uhane Hemolele, o keia mau mea ekolu hookahi no ia.

     A ekolu mea nana e hoike mai ma ka honua, o ka uhane, o ka wai ame ke koko o keia mau mea ekolu, ua lilo i hookahi no.

     Ioane 10:3.  Owau a o ka Makua, hookahi maua.

     Ioane 17:21-22.  I lilo ai lakou apau i hookahi, elike me oe e ka makua iloko o'u i hookahi hoi lakou iloko o kaua, i manaoio ai ko ke ao nei, o oe kai hoouna mai ia'u.

     A ua haawi aku au ia lakou i ka nani au i haawi mai ai ia'u, i lilo ai lakou i hookahi, elike me ko kaua hookahi ana.

     Alima - Ua hoikeia ko Iesu ano Akua ma kona mana oiaio, ka hoowalewaleia ana e ke Diabolo ame ka lanakila ana o Iesu.  Mataio 4:1-12.

     Ka hoola ana i ke kaikamahine.  Mataio 8:13.  Ka hoola ana i ka ma'i lolo.  Ke kaikamahine make.  Na makapo elua. Mataio 9.

     A he nui aku na mea e maopopo ai ia kakou ko Iesu mana oiaio.

     II.  Ko Iesu Ano Kanaka.

     Akahi - Ua hoomaopopoia ko Iesu ano kanaka ma kona mookuauhau  pili ana i ko k kanaka mau aoao.  Mataio 1:1-17; Luka 3:23-38.

     Alua - Ua hoomaopopoia ko Iesu ano kanaka ma kona hoohapaiia ana e kekahi wahine.  Mataio 1:18-25.

     Penei hoi ka hanau ana o Iesu Karisto:  I hoopalau e ia kona makuahine o Maria na Iosepa, aole nae laua i pili, a ikeia ua hapai na ka Uhane Hemolele.

     Aka, he kanaka pono kana kane o Iosepa, aole ia i makemake e hoino iaia ma ke akea, manao iho la ia e kipaku malu iaia.

     A i kona noonoo ana ma ia mau mea, aia hoi, ikeia aku la ka anela o ka Haku e ia ma ka moeuhane, i mai la, E Iosepa, e ka mamo a Davida, mai maka'u oe ke lawe ia Maria i wahine nau, no ka mea, ua hapai oia na ka Uhane Hemolele.  A e hanau mai ana oia i keikikane, a e kapa aku oe i kona inoa o Iesu, no ka mea, e hoola ia i kona poe kanaka mai ko lakou hewa.

     Akolu- Ua hoikeia ko Iesu ano kanaka ma kona noho ana me kona mau makua, a malamaia elike me na keiki e ae.  Luka 7:6-7.  A oiai laua malaila, hiki i kona manawa e hanau ai.

     Hanau iho la oia i kana makahiapo kane, wa-hi iho la iaia i ke kapa keiki, a hoomoe iho la iaia ma kahi hanai holoholona, no ka mea, aohe wahi kaawale no lakou maloko o ka hale hookipa.  Hoikeia no hoi ma Mataio 2:13-15.

     H - O ko Iesu ano kanaka, oia no kona lawelawe ana i ka oihana kumuao, elike me na kumu e ae e ao aku ana.  Luka 2:46; Mataio 4:23.

     Kaahele ae la o Iesu ma Galilaia a puni, e ao mai ana iloko o ko lakou mau hale halawai, a e hai mai ana i ka euanelio no ke aupuni, a e hoola ana hoi i na ma'i ame na nawaliwali apau o na kanaka.

     Alima - Ua maopopo ko Iesu ano kanaka ma kona komo kino ana iloko o na pilikia elike me na pilikia i loaa i na poe eae.  Luka 22.  E ikeia ma keia Mokuna ko Iesu komo kino ana iloko o ka pilikia, ma ko Iuda Isekariota kumakaia ana.

     A he nui aku na mea e hoike mai ana i ka pilikia i kau iho maluna o Iesu ma kona ano kanaka.

     III.  Ka Pomaikai o ke Ao nei ma o Iesu la.

     he mau pomaikai lehulehu i loaa mai ia kakou ma o Iesu la, aka, he mea pono no nae ia kakou ke houluulu i na hunahuna liilii ame na mea ni a lilo i pomaikai oi no kakou apau.  Eia kekahi mau pomaikai oi:

     Akahi - O ka holomua ana o ka euanelio no Iesu a puni ka honua.  Halelu 19:4.

     Ua pae aku la ka lakou ao an i na aina apau.  Ua hiki aku la ka lakou olelo i na walau o ka honua.  Roma 10:18.

     A ke ninau nei au, Aole anei lakou i lohe?  Oiaio, ua kui aku ko lakou leo i na aina apau, a o ka lakou mau olelo i na palena o ka honua.

     Alua - Ka hoomalamalamaia o ka poe e noho ana iloko o ka pouli o ka make ua puka mai ke ola.  Mataio 4:16.

     O ka poe kanaka e noho ana iloko o ka pouli, ike ae la lakou i ka malamalama nui, a maluna o ka poe e noho ana ma ka malu o ka make, ua puka mai ka malamalama.  Halelu 119:105.

     He kukui no kau olelo no ko'u mau wawae a he malamalama hoi ia ma ko'u alanui.

     O kakou no ka poe e noho ana iloko o ka pouli o ka make i ka wa kahiko a mamuli o ka hiki aa mai o ka Euanelio no Iesu Karisto, ua hoomalamalamaia kakou.

     Akolu - Ua hoomanawanui oia i kona ehaeha ana no kakou.  Luka 22:63.  O ka poe kanaka e paa ana ia Iesu. hoomaewaewa aku la lakou iaia, me ka pepehi iaia.

     Aha - Ua pomaikai kakou ia Iesu no kona make ana ma ka laau ke'a:  ua kahe kona koko makamae, "I ole e make ka poe e manaoio aku ana iaia, aka, e loaa ia lakou ke ola mau loa."  Oia ka mea nana e lawe i ko kakou mau hala.  Ioane 1:29.

     A ia la ae, ike ae la o Ioane ia Iesu e hele mai i ona la. i mai la, E nana i ke Keikihipa a ke Akua, nana e law aku ka hala o ke ao nei.

     Alima - Ua pomaikai kakou ia Iesu ma kona hoi ana aku i ka Makua, a hoouna mai la i kokua mau loa me kakou, oia ka Uhane Oiaio.  Ioane 14:20.  Aka, o ke kokua o ka Uhane Hemolele ka mea a ka Makua e hoouna mai ai ma ko'u inoa, nana oukou e ao mai i na mea apau, a e hoike mai ia oukou i na mea apau a'u i olelo aku ai ia oukou.

     E nana aku ana hoi ia Iesu, i ka mea nana i hookumu nana hoi i hoohemolele ko kakou manaoio. nana hoi i hoomanawanui i ke ke'a me ka manao oie i ka hilahila, no ka olioli i hoomaopopo ia mamua ona a noho iho ma ka lima akau o ka nohoalii o ke Akua.

                                                                        M. K. M.

                                                                        Kalaupapa, Ianuari 15, 1897.

 

OLELO HOOHOLO HOALOHALOHA.

     Ia Mrs. Wahine Kaiu ame kau keiki.

     Isaac W. Kaiu, Walohia olua:

     O makou o na haumana o ke Kula Sabati o Kapaa, Mokupuni o Kauai, ma o ko makou mau Komite la;

     No ka meam ua ouolu i ka Makua Mana Loa ka lawe ana'ku i ka hanu hope loa o kau kane, S, Kaium kekahi kakoo ikaika o ko akou Kula Sabati, ma ka hora 12 o ka po la 23 o Ianuari, 1897 ma ko olua home ponoi.  "Ka Puuwai Aloha," Waipouli, Kauai.

     Noalila, hooholoia, 1 - Ke komo pu aku nei makou e u pu me olua iloko o ia kaumaha hookahi.

     2 - O ke kaumaha i loohia ia olua, ua ili iho ia maluna o makou.

     3 - Ke pule nei makou i ke Akua e hoomama mai i ko olua kaumaha.

                                                                                  O makou me ke aloha,

                                                                                    DAVID KUA

                                                                                    SAM U. KANEOLE.

                                                                                    J. K. KAAUWAI,

                                                                                    Na Komite.

 

OLELO HOOHOLO HOALOHALOHA.

     Ia Mrs. Wahine Kaiu ame ka olua keiki, Isaac W. Kaiu, Walohia olua:

     O makou o na Luna ame na Hoahanau o ka Ekalesia o Kapaa, Mokupuni o Kauai, ma o ko makou mau Komite la:

     No ka mea, ua oluolu i ka Makua Mana Loa ka lawe ana'ku i ka hanu hope loa o kau alii kane, Simeona Kaiu, ma ka hora 12 o ka po o ka la 23 o Ianuari, 1897, ma ko olua home ponoi, "Ka Puuwai Aloha," Waipouli, Kauai.

     Nolaila, hooholoia, 1 - Ke komo pu aku nei makou e u pu me olua iloko o ia kaumaha hookahi.

     2 - O ke kaumaha i loohia ia olua ua pahola iho ia maluna o makou.

     3 - O ka makou pule i ka Makua Mana Loa e hoomama mai i ko olua

                                                                                    O makou me ka haahaa,

                                                                                    DAVID KUA,

                                                                                    SAM U. KANEOLE,

                                                                                    JONAH B. CUMMIN,

                                                                                    ISAIAH K. KAAUWAI,

                                                                                    Na Komite.

 

     Ma ke awakea o ka Poalima aku nei, Ian. 22, i nanaia ai ma ke Keena o ka Luna Nui o na Hana Aupuni, na koho i haawiia ae ilaila, no ka hana ana i na alanui hou o Kona Akau ame Hema, elike me ke kauoha a ka Ahaolelo.  Ua maheleia ua mau alanui la ma na apanapana; a ma ia ano i haawiia ai na koho ana.  Ua waihoia aku ua mau koho ana la imua o ke Kuhina Kalaiaina, a penei na mea i hooholoia:  Mahele I. ia J. White, no $2500; Mahele II, iaia no, he $2500; Mahele IV, ia M. F. Scott, $2400; Mahele VI, ia Jos. Medeiros, $2700; Mahele VII, iaia no he $3100; Mahele VIII, i ka hui o kekahi poe kanaka Hawaii, no $2600; Mahele IX, ia Vasconnelles, $2200; Mahele X, ia L. P. Lincoln, $4400; i pa-pohaku hou no ka mahele hope, ia Lincoln i o $700.  E hoomaka koke la ka hana o keia mau alanui mai keia wa aku.

     Ua hoopuka ae na lede holomua o Westfield, Ind., he helu o ka nupepa Westfield News, a ke ano he nupepa no na wahine, la 3 o Aperila, 1896.  Ua piha keia pepa me na manao waiwai nui no na wahine, a ua ike iho makou i kela manao mai kekahi mea kakau mai, o ua nupepa la a i hoolaha ia ae hoi e na lunahooponopono no ko lakou hoomaopopo ana, ua pili ia palapala i kekahi manao ano nui loa i na wahine:  "O ka laau lapaau maikai loa no ke kunu ho, ke anu ame ka puu eha a'u i ike ai, oia ka KAMALENA LAAU KUNU.  No ka ohana, aohe lua o keia laau.  Ke hoike hauoli aku nei au i ka maikai o ua laau la.."  E kualia ana e na poe kuai laau lapaau apau, Benson, Smith & Co., na agena no Ko Hawaii Pae Aina.

 

Hoolaha Kumau.

 

     Aole loa e maikai a oluolu ke ola ana o kekahi mea kino uhane oia ina he aaiole kona akepaa a hiki ole ke lawelwe i kana mau hana me ka hololea.  E hahai ana ka nalulu a me na nawaliwali e ae ma ka moali o ke ake ponalo.  He mea oiaio keia i hooiaio ia ma na wahi o na poai oluolu akau iloko o ka hapaha keneturia, o na  HUALE  A  AYERS  oia wale no ka LAAU HOOLA AKE make loa i ikeia.  E hoola ana i ka lepopaa, ka nalulu eha, na ma'i oloko o ka opu, a ma ke ano LAAU OHANA aohe ana lua e like ai.

     O ka Ayers Sasaparila, oia ka Laau Hoomaemae Koko kilakila, e haawi ai i ka ikaika a me na hooponopono ana ia loko o ke @ @ o ka ili, e hoopau ana i na maluhilu kanaka.  E pepehi a ulupa ana i na PUHA, e hoola ana i na pohapoha hi o ke ola ana a e kipaku loa ai i na ano ma'i a pau.  O ka poe ma' no ka wali pono ole o ka ai, ka nawaliwali mau a a no ma'i  ae i ulu ae mai ke koko ino mai, he mea pono e inu i ka laau  SASAPARILA  A  AYERS.  He laau e hooikaika ai i ka nawaliwalim a e hoopuipui mai ai i ke kino.  Ma ka inu ana i keia laau, e hoonoono ia ai ka ai ana, oluolu ka moe ana a maikai ke ola ana.

     O ka Ayers Cherry Pectoral laau, aohe lua ma ka hoola awiwi ana i na KUNU, ANU s me na PUU EHA.  E hoola ia na KUNU KALEA a me na ma'i pili i ke ake me ka hikiwawe loa. O na Huaale a Ayers,s na Sasaparila a me ka Ayers Cherry Pectoral, aia kahi e loaa ai ma ka Halekuai o ka 

                                                                                    Hollister Drug Co. Lt.

                                                                                    N Agena ma ka Paeaina Hawaii.

                                                                                  2514

 

KAKELA ME KUKE

Ka Halekuai Nui

- O NA -

Ka Halekuai Nui

- O NA -

WAIWAI LIKE OLE NA MEA

HANA KAMANA A PAU

Na lako pili hao kukulu hale,

Na kepa,

Na lei ilio,

Na Pahi,

Ns Upa,

Na kope hulu,

Na Pulupulu.

PALAU LIO

Na mea mahiai,

Na au @

Na au koi

Na kua bipi,

Na lei bipi,

Na kaulahao bipi,

Na uwea pa,

Na kaa palala,

Na mea piula,

Na Ipuhao.

Makau me Aho Lawaia

Na Iliwai

na kaula,

Na pulumi,

Na pena, me ka aila,

Na kopa,

Na aila mahu,

Na pakeke

Na pakeke hao,

Na kapu pauda,

Na kukaepele,

Na uwiki, a me

Na ipukukui.

Mikini Humuhumu aulane

Wilcox, & Gibbs Hookhi Lopa

ka Remington, Elua Lopi.

A e na ukana he nui loa o kela ano a me kela ano

Kakela me Kuke

@

 

     {O keia ae ke ki o ka moku topido kamahao loa e hanaia mai nei ma Amerika i kela wa.  Ua like loa keia me ka "Nautilo. Ua hiki i keia moku ke noho malalo (iloko) o ke kai no ka manawa o 6 hora a oi aku.  Ua hiki i kona poka topido ke hoopiholo i kekahi mokukaua ikaika loa ina hookahi mile kona mamao mai iaia aku. O kona lilo a paa he $150,000.}