Ka Nupepa Kuokoa, Volume XXXVI, Number 4, 22 January 1897 — Ka Buke Piliolelo Hawaii. [ARTICLE]

Ka Buke Piliolelo Hawaii.

Mamuli o ka oluolu o Kauka Ha-e. ua hoouna mai ia oia i o makou nei i ka Buke Piliolelo Hawaii i hoomakaukauia iho nei e ia, no ka pomaikai 0 na poe Hawaii maamaalea mua ole 1 k«' ao piliolelo e pili ana i ka olelo Hawaii. He wahi buke uuku no keia. He 41 ka nui o kona mau aoao; a ua maheleia iloko o na Mokuna he eiwa 19) ka nui. Mokuna l. Na Huaolelo a me na Huapaiapala: Mokuna Ni Oihana okoa o na huaolelo; Mokuna 3. Na Haiinoa; Mokuna 4. Na Pilimua: Mokuna 5. Na Haiano; Mokuna Na Paniinoa; Mokuna 7. Na Haina; Mokuna 8. Na Hainalea, Huipu, Inawaena, Kaulele ame na Huaolelo Hoailona; Mokuna 9. No na HopunaoleK). Eia keia buke ma ka olelo Hawaii ka hanaia ana a ua kupono loa ia no ra kanaka Hawii. Ua ike iho hoi makou. ma ka aoao o waho e hoike ana o ka Buke Hoonaauao I keia a Kauka Ha-e i hoomakaukau ai. a nolaila, ke manao nei makotf e hoopomaikai hou ia mai ana na poe ake ike apau mawaena o na poe ike olelo Hawaii wale no. me kekahi buke hoonaauao hou aku. mai ka maka peni noeau mai a Kauka Ha-e. Ke haawi nei makou i ka mahalo ana nona. no kona hoomakaukau ani i keia buke me ka holopono. O ka poe makemake i keia buke he mea pono ia lakou ke ninau ponoi ae [ ia Kauka Ha-e ma ke keena o ka Papa Hawaii. 0 ke kumukuai o ka buk»' hookahi h*> 2." konota.