Ka Nupepa Kuokoa, Volume XXXVI, Number 4, 22 January 1897 — Page 3
| This text was transcribed by: | Iasona Ellinwood |
| This work is dedicated to: | Nā hanauna e hiki mai ana |
Ka Nupepa Kuokoa
KE KILOHANA POOKELA NO KA LAHUI HAWAII.
KA HUI ALAHAO ME AINA O OAHU
MANAWA HOLO.
@ aku o Iulai 5, 1895
Wili o Ewa
Kaa Ukana
Na la a pau
Koe Sabati
Hiki i Waianae na la a pau.
Hiki i Wili o Ewa na la apau
Hiki i Waianae
Na Poaono me Sabati wale no
Hiki i Waianae na la a pau.
A. M. A. M. P. M. P. M. P. M
Haalele ia Honolulu 6:40 9:15 1:45 1:45 5:10
Haalele ia Manana 7:40 9:58 2:28 2:28 5:50
Haalele Wili o Ewa 8:10 10:19 2:49 2:49 6:14
Hiki i Waianae — 10:54 — 3:24 6:49
Waianae na la a pau.
Wili o Ewa
Kaa Ukana
Na la a pau
Koe Sabati
Waianae na la a pau.
Wili o Ewa na la a pau.
Hiki i Waianae na Poaono me Sabati
A. M. A. M. P. M. P. M. P. M.
Haalele ia Waianae 6:44 — 1:32 — 4:16
Haalele Wili o Ewa 7:19 9:10 2:07 3:51 4:51
Haalele ia Manana 7:50 9:48 2:38 4:22 5:22
Hiki i Honolulu 8:23 10:30 3:11 4:55 5:55
E lawe ana na kaa ahi hali ukana i na kaa oh@ ka papa ekahi.
@ P. PENISON,
Luna. F. C. SMITH,
Luna Kuai Palapala Holo.
NU HOU HAWAII
Ahiahi Poakahi nei ku mai la ka mokuahi Miowera mai "Keomolewa" @ hala loa aku la no na Panalaau @ Hema.
Eia mai ka nanea nani o ka Naita @ana Kasimila, ame ka moolele @ueue puuwai o ka Mea Huna Po@hi o Hametona.
Ke hoomoeia nei he paipu wai hou no ke alanui Moi, a he poe kanaka Hawaii wale no na poe paahana e hana nei ma ia wahi.
O ka nui o na poe hanau keiki i komo iloko o @e Home Hoohanau Keiki "Kapiolani," iloko o ka makahiki i hala he 54 ka nui.
Ua manaoia, e ku mai ana no Honolulu nei o Komodoa George Beckley (M@heau) me ka mokuahi Helene, ma ka la 25 o Feberuari ae nei.
I ka la apopo paha e ku mai ai ka mokuahi Coptic, mai Kapalakiko mai a hala loa aku no Kina ame Iapana. E loaa wahi mea hou mai ana kakou.
Ua haalele aku o Edward Dowsett i ka noho luna-nui ana no ka aina hanai holoholona ma Ulupalakua, a ua lilo ae kona wahi ia Mr. Parish.
Ma ke ahiahi Poakolu nei i haawi ae ai o Kapena Makai Aiwohi he wahi papa ahaaina ono a momona, ma kona wahi noho ma Alanui Pai-palapala.
Ua loaa mai na lono i Honolulu nei, ua haalele aku la ka mokukaua Beritania "Icarus" ia Esquimault no Honolulu nei. He wahi moku uuku keia.
E haawi Aha Mele ana ka Papa Himeni o ke Kula Kiekie o Honolulu nei, maloko o ka Hale o ka Hui Opio Karistiano, ma ke ahiahi Poaono, Feb. 6 ae nei.
O ka nui o na i'a i hoea ma ka makeke hou ae nei, iloko o ka hebedoma e pau ana ma ka la 16 aku nei, wahi a ke kiai loko Aupuni, Mr. Keliipio, he 45,458.
E hoomaka ana ka haiolelo Kanawai a ka Lunahooponopono o keia pepa maloko o Foster Hall, ma ke ahiahi o ka la apopo, hora 7 ame ka hapa, imua o na Hawaii Opio o ka Puali Himeni a Mr. W. J. Coelho.
Ua huli hoi loa mai nei o Mr. Jas. Keau no Hawaii nei: a ma keia mua kokoke iho, e komo hou aku ana oia iloko o na hana mikiala, elike me ka mea i maa mau iaia.
Ua lohe mai makou, e haawi himeni manawalea aku ana ka Hui Himeni Glee Club o ka Hui Opio Hawaii, ma keia mua iho, ma ka Halemai Moiwahine ame kekahi mau hui kokua e ae. He hana maikai ia.
Ua hoohuaia mai ke kihapai hooulu lahui o ko makou hoa paaua like ma keia oihana hookahi, William Keiki, he keikikane nui mohaha maikai, ma ka Hale Hoohanau Kapiolani, ma ka la 19 o keia mahina.
Ua make ma ke kakahiaka Poakahi nei o @ Gertz, he haole Kelemania kumeka kamaa kahiko ma Alanui Papu Ua hiki paha kona mau makahiki i ke 67: a me he mea la he 25 paha makahiki ona i Hawaii nei.
Ke ole e loaa na kuia, alaila, ma keia ku ana mai o ka mokuahi Coptic i ka apopo, e hoea mai ai no Honolulu nei he puali himeni mai Kaleponi mai. Ua manaoia e haawi himeni ana lakou maloko o ka Hale Mele Hou.
Ma ka noho ana o ka Aha Kuhina ma ka Poakolu nei, ma kekahi halawai no ka noonoo ana no ka ae ana i laikini hotele aina ma ka hale o Mr Peacock (Pikake) ma Waikiki ae nei ua ae ia e haawi i laikini no ia hana malalo o kekahi mau kumu.
He mau mahina aneane elua i hala ae nei make aku la kekahi haole Italia nona ka ino o F. A. Galespo, he haole malama hale-aina ma Ewa ae nei He eha pule mahope mai o kona make ana aku, ua loohia iho la kana wahi keiki kane uuku, nona na makahiki he 13, i na ouli o ka mai lepera a laweia mai la i ka halemai o Kalihi ma ka la 1 iho nei o keia mahina. A i kela pule aku nei hoi loohia iho la ka wahine i ka ma'i pupule. A o na aku la i ka halemai pupuple. A o na bebe liilii a laua, ke malamaia nei e P. G. Camarinos, he hoaloha kahiko no ke kane.
Ua make mai nei ma Hilo, ma ka Poakolu, Ianuari 6, he elemakule nona ka inoa o Kinikini, a ua oleloia ua hiki aku kona mau makahiki i ka 120. E kanikoo no.
Ma ka auina la Poakolu, Ianuari 12, i haalele iho ai ka moku kiapa Santiazo ia Hilo, a holo aku la no Kapalakiko, me ka piha ko-paa, i hiki ka huina waiwai io i ke $95,416.95.
Ua wehe ae nei o Mr. J. E. Bush he keena oihana nona ma ke kihi makai o na alanui Moi me Betela, aoao ma Ewa. He kanaka makaukau oia ma na hana ana i hooia mai ai, he hiki iaia ke hana.
Ua waiho aku o Kapena Kanae i kona kulana Kapena makai, no ka oihana makai o Honolulu nei, ma ka Poakolu nei, a ua laweia aku kana haalele ana. He ekolu paha makahiki i lawelawe ai oia i ka oihana makai.
Me Kapena A. C. Simerson ka u pu ana a ke Kuokoa, no ka haalele ana mai o kana wahine i aloha nui ia, Mrs. Kaluaapana Simerson, ma ka la 8 o Ianuari, 1897, ma Kahaluu, Kona Akau, Hawaii. Paumako wale!
O ka poe makemake i na buke alakai a hoakaka kanawai i kakauia ai e ka Lunakanawai Kiekie a i hoolahaia ai iloko o ke Kuokoa i kahi wa i hala lilo loa ae nei, a i pai puke maoli ia hoi, oia ka Buke "Ke Alakai o ke Kanaka Hawaii," e loaa no ke kauoha pololei mai i ka Lunahooponopono o keia pepa ma Honolulu nei. Buke ili hipa $2.50: buke ili lole, he $2.00. hipa $2.50: buke ili lole, he $2.00. E ikeia no kahi mau mahele oia buke ma ko makou pepa o keia la.
Ua loaa mai ka lono walohia i Honolulu nei no ka make ana o Mr. James Bolster, ma Kohala Akau, ma ka Poaha o ka pule i hala, la 14 o keia mahina, mahope iho o kona kaa ma'i ana no kekahi wa loihi. Oiai oia e waiho ana iloko o ka ma'i, ua haawi o Kauka Bona o Kohala i kana mau hooikaika pauaho ole ana e hooloihi hou aku i kona mau la: aka, ua pahua nae. He nui kona mau hoaloha o Honolulu nei. He mea kakau mea hou oia no ka nupepa Buletina mamua, a no ka nupepa Star nohoi.
He mea pono i kela ame keia ohana ke loaa ona laau lapaau mama no na ma'i o ka opu. I laau lapaau puhili ole no ka "Moku ino loa o ka lepo" (Diarhea) Nahu, Umii, Kolera ame na ma'i apau o ka opu, aole he laau lapaau oi aku o ka maikai elike me ka PERRY DAVIS LAAU PENIKILA (Pain Killer). Ua lawelaweia keia laau no na makahiki he kanalima, a ke hana mau ia nei i kela ame keia la, ma na aina apau o ka honua nei. O ka Hui Kuai Laau Lapaau o Hollister, ka Agena.
HE WALOHIA, HE KANIKAU, A—AU—HE U ALOHA KEIA NO MRS. KALUAAPANA SIMERSON.
Oili pulelo ke ahi o Kamaile,
Lele hoaka'na iluna o Kamahualele,
O ka lahui o ka ipo ahi papala,
O ka alawaiki o ka manu o Kaula,
O ke kau moa wale iho no iluna o Leinoai,
A kauoha wale mai no o ka lehua i ke kai,—
Mea okaikai ana ka manao iloko,
I ka i ana mai, ua ikea kaua a--
Ia Captain A. C. Simerson ame au keiki:
Me ka luuluu:—O makou iho me ka haahaa, kou mau hoaloha ponoi e noho ana ma Kona, Hawaii: a no ka mea hoi, ma Kahaluu, Kona, Akau, Hawaii,, ma ka la 8 o Ianuari, M. H. 1897, ua kipa ae la ka anela o ka make a lawe aku la i ka hanu hope loa o ka wahine i aloha nui ia Mrs. Kaluaapana Simerson, ka hoa laukanaka ame ka makua o ka home, ua hala, ua nalo, ua hele i ke ala hoi ole mai.
Auwe, aloha ino oe! Aloha na lae makawalu o Kona! Aloha ka uka o Alanapa, e uhiia mai la e ka ohu! Aloha ka heiau o Hikiau!
E Kaikililani wahine o Puna e! Ke hea mai nei ka ipo ia oe, o Kamaulupali, o Heakekoa, o ke kui kela, o ka hala keia, mau kawa, kapala ke kea, na ka ele ka ai. Ua lawe ke Akua i kana, ka uhane, a e hoi aku ka lepo i ka lepo.
Ua hala, ua moe, i ka moe kau, moe hooilo.
Aloha! Aloha!! Aloha pau ole!!!
Nolaila. Hooholoia, I. Me ko makou mau houpo i hele a eha, me na maka i upehupehu, me na naau i kuipaluia a eha, ke komo pu aku nei makou me oe ame au lei, e u pu aku no kau wahine i aloha nui ia.
Hooholoia, II. O ka makou pule i na Lani e hoomama mai i kou naau kaumaha ame na keiki i hooneleia i ka makuahine. A ke pule nei makou e hooloihiia kou mau la ma ka aina, a na ke Akua aloha e malama mai ia oe.
Hooholoia, III. Me keia mau mea, ke mahalo ae nei makou i na Lani, oiai o kona makemake ke hanaia, a elike me kona kanawai kumuhonua paa loa—"O ke kanaka i hanauia e ka wahine, no na la pokole ia, a ua puni i na popilikia."
Me ke kaumaha,
J. A. Maguire,
J. K. Nahale,
C. K. Maguire,
A. Lindsay,
A. Cockburn,
Thos. Aiu,
A. Burgess,
D. P. Namauu,
Thos. Wright,
G. P. Kamauoha,
S. Haanio,
W. M. Kalaiwaa,
W. N. Lono,
C. A. Lazaro,
Na Komite.
NA MEA HOU O KONA, HAWAII.
E ka Nupepa Kuokoa.—
Aloha oe:—He aina o Kona ma ka huli kua o na kuahiki ekolu, a iloko o na ao opua e ku poai ana, a pela i maokioki ai, a malino kona kai, me he wai aniani la, a pela i hooheno ae ai ke keiki kamaaina:
"O Kona Kai Opua i ka lai,
Opua hinano ua malie." &c.
O ke kope ka waiwai pookela loa o Kona i keia mau la, a haule hope loa ka baka o Kailua. I ka nana aku ke pii mahuahua nei ka mahi kope i kela ame keia makahiki iwaena o na Iapana ame na haole me Pukiki, hoi hope mau no na Hawaii, aole kau la i ka noho a oni ae. O ka oi loa aku o ka epa, ua pau na wahi mala kope i ka hoolimalima i ka Iapana ame Pake. Papa-umi ka puka o na Iapana ame Pake—ka Hawaii ka hoka.
Hulahula Europa.—He elua pa hulahula ma Kona nei; hookahi ma Kailua a he hookahi ma Kahaluu. Ua uniki ko Kailua ma ka po hope o kela makahiki aku la, a mimo ka na kiina wawae ana, aole i hiki aku kou mea kakau no ka nui loa mai o ka ua ke kumu. O Lanakila Club ka inoa o ua pa hula la; o ko Kahaluu hoi, aole i uniki, ua pau na haumana i ka ma'i, a eia no ke milikaa nei. O Nihiaumoe Club ka inoa o ua pa hula la, a e hiki ai paha ia kaua ke olelo ae, "Auhea wale oe Nihiaumoe, e nihi ae nei me he ipo la." &c. Ua minamina nui kou mea kakau i ka uniki ole o ua pa hula la, aka, e uniki aku ana no paha.
Ma Kahaluu, N. Kona, Hawaii, ma ka hora 10:30a. m. o ka la 8 o Ianuari, M. H. 1897 iho nei, ua kipa ae la ka anela o ka make a lawe aku la i ka hanu hope loa o Mrs. Kaluaapana Simerson iloko o na hoomailo ana a ka ma'i aneane ekolu mahina i hala ae nei, a iloko o na lapaau naauao ana, aka, ua lawe ke Akua i kana o ka uhane ma ka la 9 ae. Ua laweia aku kona kinowailua ma ka "Mauna Loa" no Napoopoo, S. Kona, Hawaii. He kaoo nui o na hoaloha kai ukali aku i kona huakai hoolewa, a ma ka luakini o Kepulu i malamaia ai kona anaina haipule iloko o na kahoahoa ana a Rev. W. M. Kalaiwaa, Rev. W. N. Lono ame Rev. C. A. Lazaro, a ma ka lua o ka pule hope loa a hoi aku la ka lepo i ka lepo. Aloha no!
He 36 makahiki a oi o Mrs. Kaluaapana Simerson, a he ekolu ana keiki e ola nei, a he wahine oia i kamaaina i na mea apau me kana kane, Capt. A. C. Simerson o ka "Mauna Loa." Me ke kane ame na keiki ko makou u pu ana. He nui na poe maka hanohano i ukali pu aku ma keia huakai hoolewa, elike me W. G. Irwin, Samuel Parker, W. H. Cornwell, Prince D. Kawananakoa ame ke Keikialii o Tahiti, Thos. Aiu ame ka wahine, J. W. Keliikoa, John Johnson ame ka wahine, Miss E. me C. Roy, ka Puali Makai o Kona Akau me Hema, Deputy Sheriff J. K. Nahale, Judge T. H. Wright, H. J. Ahu, W. J. Wright, G. P. Kamauoha ame kahi poe e ae he lehulehu. Ua hanaia na mea apau me ke kuia ole. E aho ia wahi mea hou o kuaaina.
Aloha nui.
NIHIAUMOE CLUB.
N. Kona, Hawaii, Ian. 14, 1897.
HE OLA NO KE KIKALA HANENEE.
"Ua loohiaia ka'u kaikamahine, i ola ai mai kekahi ma'i fiva mai, i kekahi eha ma ke kua a ma ke kikala," i kakau mai ai o Londen Grover o Sardis, Ky. "Mahope iho o kona hoohana ana i na laau lapaau he nui me ke ola ole, hoao iho la ia he omole o ka Laau Hoola Eha a Kamalena, a ua ola loa oia." He laau ola nohoi ka Kamalena Laau Hoola Eha no ka Rumatika. E kuaiia ana e na poe kuai laau lapaau. Benson, Smith & Co., na agena no Ko Hawaii Pae Aina.
Kela ame Keia.
HALAWAI MAKAHIKI.
E malamaia ana ka Halawai Makahiki a na Poe Paa kuleana o ka Hui Hua-ai a Taro, ma ke keena o ka hui, ma Wailuku, Maui, ma ka Poaono, la 13 o Feberuari, A. D. 1897, no ke koho ana i na Luna no keia makahiki e hele aku nei.
A. N. KEPOIKAI.
Kakauolelo.
Wailuku, Maui, Ianuari 16, 1897.
2634-3w
OLELO HOOLAHA HUI I HOOHUIIA.
O ka Hui i Hoohuiia, e ku ana mamua aku nei, mawaena o E. Hoffmann, ame V. A. Vetlesen, e lawelawe oihana ana ma Wailuku, Maui, ma ke ano Kalepa Laula, malalo o ka inoa hui o Hoffmann ame Vetlesen, eia no ke ku mau nei, ma ia wahi hookahi no, a malalo no oia inoa hui hookahi.
HOFFMAN & VETLESEN.
Wailuku, Ian. 1st, 1897. 2633-2t
HOOLAHA A KA LUNAHOOPONOPONO WAIWAI.
Oiai ua kohoia ka mea nona ka inoa malalo iho i lunahooponopono waiwai no ka waiwai o Kapalehua (k) i make no Lihue, Kauai, ke hoolaha aku nei i ka poe a pau he koina ka lakou i ua waiwai la e waiho koke mai iloko o na malama eono mai keia la aku, o hoole loa ia. A o ka poe a pau i aie i ua waiwai la e uku koke mai ia'u ma ko'u halekuai ma Lihue, Kauai.
C. H. BISHOP.
Lunahooponopono Waiwai
Lihue, Jan. 7th, 1897. 2633-4t
HOOLAHA HOOHUI.
Ma ka halawai ana o na poe i lawe mahele iloko ka "Hui o na Keiki Oiwi, Kaupalenaia," i malamaia ma Honolulu nei i keia la ua koho ponoia na poe malalo iho i mau Luna Nui no hookahi makahiki mai keia la aku:
Peresidena . . . Jas. N. K. Keola
Hope Peresidena . . . S. K. Ka-ne
Puuku . . . Chas. Wilcox
Kakauolelo . . . S. L. Kekumano
Luna Hooia . . . Jno. D. Holz
A o lakou ame na poe malalo iho o lakou na hoa o ka Papa Hooko:
Jas. K. Kaulia, F. R. Harvey (Palakiko), ame Jas. L. Holt.
S. LUI KEKUMANO.
Kakauolelo H. K. O.
Honolulu, Ianuari, 7, 1897.
2633-2t
HOOLAHA.
Ma ka halawai ana a na poe paa kuleana o ka Hui Hawaii Kuai Aina i Kaupalenaia i malamaia ma ke Keena o W. C. Achi Esq., ua kohoia na poe malalo iho i mau Luna Nui no ua hui la no keia makahiki:
Peresidena . . . Jas. H. Boyd
Hope Peresidena . . . Jas. K. Kaulia
Kakauolelo . . . Enoch Johnson
Puuku . . . C. A. Long
Luna Hooia . . . J. Paakaula
Luna Hoohana . . . W. C. Achi
Papa Alakai:
R. W. Wilcox, J. K. Kahookano, J. W. Bipikane.
ENOCH JOHNSON.
Kakauolelo Hui Hawaii Kuai Aina i Kaupalenaia. 2632-3t
OLELO HOOLAHA I NA POE KUAI I NA APANA AINA O KEWALO.
O na poe apau i hookaa pau mai i ka lakou mau dala no ko lakou mau Apana Aina ma Kewalo, ke kauohaia aku nei e hele mai i ke Keena o Bruce Waring & Co., ma ka Poakahi, Ianuari 4, a loaa aku no ko lakou mau Palapala Kuai. A o ka poe hoi e uku hapa nei no i keia wa, a i loaa ole aku hoi ko lakou mau palapala aelike, ma keia ke hoolahaia aku nei, ua makaukau ia mau pepa no ka haawiia ana aku ia lakou. 2631-tf
KUAI A KA LUNA HOOPONOPONO WAIWAI.
Aha Kaapuni Apana Hookolokolo Akahi o Ko Hawaii Pae Aina.—Olelo Hoolaha Kuai a ka Luna Hooponopono Waiwai.
O ka mea nona ka inoa malalo nei, he Luna Hooponopono Waiwai, e kuai aku i ka Waiwai Paa o Victor Paele (k) i make kauoha ole, a mamuli o ka mana o kekahi kauoha a ka Mea Hanohano A. Perry, Lunakanawai Elua o ka Aha Kaapuni Apana Hookolokolo Akahi o ko Hawaii Pae Aina. Nolaila ke hoolaha aku nei oia, e hooko ia aku ana ma ke kuai, ma ke alo iho o Aliiolani Hale, ma ke kulanakauhale o Honolulu, ma ka Poaono, ka la 20 o Feberuari, M. H. 1897, ma ka hora 12 M., i na pono, na pomaikai ame na kuleana a pau o Victor Paele (k) i oleloia iloko o kela Apana Aina a pau loa e waiho la ma Pauhala, Waikele, Ewa, Oahu, a i hoakakaia na palena malalo nei penei:
Apana 1. E hoomaka ma ke kihi Akau e hele ana Hema 8 Hik. i 1.80 kh. ma ka palena Aina o Nakue a ke kihi. malaila aku Hema 48 Hik. i 0.90 kh. a ke kihi. malaila aku Hema 61 1/2 Kom. 1 2.43 kh. ma ka palena Aina o Konohiki. malaila aku Kom. i 0.91 kh. a ke kihi, malaila aku Akau 54 Kom. i 0.54 kh. ma ka palena Koele, malaila aku Akau 36 1/2 Kom. i 0.82 kh. ma ko Konohiki. malaila aku Akau 43 Hik. i 0.36 kh. a ke kihi, malaila aku Hema 80 Hik. i 0.47 kh. ma ka palena Aina o Haole a ke kihi. malaila aku Akau 26 Hik. i 0.58 kh. ma ko Haole palena, malaila aku Hikina i 1.59 kh. a hiki i kahi i hoomaka ai. Maloko o keia Apana he 5.69 kh. Huinahalike.
Apana 2. E hoomaka ma ke kihi Komohana e hele ana Hema 24 Hik. i 1.50 kh, a ke kihi, malaila aku Akau 70 Hik. i 2.38 kh. a ke kihi. malaila aku Akau 27 Kom. i 1.58 kh. a ke kihi. malaila aku Hema 68 Kom. i 2.24 kh. a hiki i kahi i hoomaka ai. Maloko o keia Apana he 3.46 kh. Ma na Apana 2 he 9.15 kh. Huinahalike, a oia no hoi ka Apana Aina i hoakakaia ma ka Palapala Sila Nui Helu 835 Kuleana Helu 1679 i hooko ia no Napala.
O keia kuai ana aia apono mai ka Aha, alaila haawi ia ka Palapala Kuai. E uku ia ke kumukuai ma ke Dala Kuike ma ke Gula o America Huipuia. O na lilo o ka Palapala Kuai ma ka aoao mai o ka mea kuai.
(Sig.) KANUI PAELE.
Luna Hooponopono Waiwai.
Hanaia. Honolulu. January 12th. 1897.
No na mea i koe e ninau ia S. K. Kane, ma ke kihi o na Alanui Betela a me Moi, ma ka hale maluna.
2633-3t
Hoolaha Moraki.
HOOLAHA HOOKO O KA MORAKI.
Mamuli o kekahi mana kuai i hoike ia maloko o kekahi palapala moraki i hana ia mawaena o Sam Wo Company o Kamoiliili, Honolulu, Oahu, o ka aoao mua, a me Ah In o Honolulu i oleloia, o ka aoao elua, ma ka la 10 o Maraki, 1889, i kakau kope ia ma ka buke 123, aoao 71 i hooliloia mai ia W. R. Castle, a mamuli o ka uhai ia ana o na kumu aelike o kela moraki, oia hoi no ka hookaa ole ia ana o ka ukupanee ame ke kumupaa, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jas. F. Morgan, ma Honolulu, ma ka la 13 o Feberuari, 1897, hora 12 o ia la.
Aia ma kahi o W. R. Kakela na olelo hoakaka no keia mea.
Hana ia i keia la 15 o Ianuari, 1897.
WILLIAM R. CASTLE.
Mea Moraki Mai.
Penei na aina i moraki ia:
Kela Mahi Raiki e waiho la ma Waikiki, Oahu, komo pu ana hoi na pono hoolimalima apau i hoikeia maloko o ka Papa Hoike i hoopili pu ia me ua moraki la, me na hale, na m@ i kukuluia, na kahua kaula'i raiki ame na holoholona hana apau, na lako paahana o kela ame keia ano i pili i ua moraki la.
2634-4w
HOOLAHA HOOKO O KA MORAKI.
Mamuli o kekahi mana kuai i hoike ia maloko o kekahi palapala moraki i hana ia mawaena o Anuhea o Punaluu ame Hauula, Koolauloa, Oahu, o ka aoao mua, a me Willam R. Castle, Kahu, o Honolulu, o ka aoao elua, ma ka la 3 o Novemaba, 1892, i kakau kope ia ma ka buke 139, aoao 274, a mamuli o ka uhai ia ana o na kumu aelike o kela moraki, oia hoi, no ka hookaa ole ia ana o ka ukupanee ame ke kumupaa ma ka wa e hookaa ai, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mau kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia mai ia moraki no ke kudala ana, ma ke keena kudala o Jas F. Morgan, ma Honolulu, ma ka la 13 o Feberuari, 1897, hora 12 o ia la.
Aia ma kahi o W. R. Kakela na olelo hoakaka no keia mea.
Hana ia i keia la 15 o Ianuari, 1897.
WILLIAM R. CASTLE. Kahu.
Mea Moraki Mai.
Penei na aina i moraki ia:
O kela apana aina e waiho la ma Punaluu i oleloia, a i hoikeia ma ka Palapala Sila Nui 3924, Kuleana 3959 ia Nakolo, maloko o laila he 9 2/@ eka, i hoikeia maloko o ua Palapala Sila la, a he 16 loi maloko o laila a he Pahale, e waiho ana ma kahi kokoke i ka Hale Wili Raiki ma Punaluu i oleloia, a ua kuleana ka mea moraki mai ma ua aina la, ma ke ano alodio, oiai oia ke keiki hookahi a hooilina hookahi e ola nei o Wahenaea (w) ka mea i kuai mai i ua aina la mai a Nakolo mai, ma ka Palapala Kuai i hanaia i Aug. 1, 1864, i kopeia ma ka Buke 19, aoao 40, a pela hoi na hale apau, ame na mea apau i kukuluia maluna iho a i pili i ua apana aina la.
2634-4w
HOOLAHA HOOKO O KA MORAKI.
Mamuli o kekahi mana kuai i hoike ia maloko o kekahi palapala moraki i hana ia mawaena o Lin Tai Wai Sing Kee Co. o Kamoiliili, Honolulu, Oahu, o ka aoao mua, a me William R. Castle o Honolulu i oleloia, o ka aoao elua, ma ka la 4 o Sepetemaba, 1890, i kakau kope ia ma ka buke 126, aoao 241, a mamuli o ka uhai ia ana o na kumu aelike o kela moraki, oia hoi, mamuli o ka hookaa ole ia ana o ka ukupanee ame ke kumupaa, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jas. F. Morgan, ma Honolulu, ma ka la 13 o Feberuari, 1897, hora 12 o ia la.
Aia ma kahi o W. R. Kakela na olelo hoakaka no keia mea.
Hana ia i keia la 15 o Ianuari, 1897.
WILLIAM R. CASTLE. Kahu.
Mea Moraki Mai.
Penei na aina i moraki ia:
O kela Mahi Raiki e waiho la ma Moiliili, e kokoke ana i Kanewai, Oahu, e komo pu ana na kuleana hoolimalima apau i hoikeia ma ka papa hoike i hoopili pu ia me ka moraki, me na hale, na kahua kaula'i raiki, wili raiki ame na mikini malaila, pela hoi na holoholona hana apau, e komo pu ana na puaa ame na manu, na mea paahana apau, ame na lako hale ame na mea paa o kela ame keia ano i pili ma ia wahi.
2634-4w
HOOLAHA HOOKO O KA MORAKI.
Mamuli o kekahi mana kuai i hoike ia maloko o kekahi palapala moraki i hana ia mawaena o Lukela Kaaimanu a me Julia L. Kaaimanu o Punaluu, Koolauloa, Oahu, o ka aoao elua, ma ka la 10 o Iune, 1893, i kakau kope ia ma ka buke 145, aoao 14, a mamuli o ka uhai ia ana o na kumu aelike o kela moraki, oia hoi no ka hookaa ole ia ana o ka ukupanee ame ke kumupaa ma ka wa e hookaa ai, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jas. F. Morgan, ma Honolulu, ma ka la 13 o Feberuari, 1897, hora 12 o ia la.
Aia ma kahi o W. R. Kakela na olelo hoakaka no keia mea.
Hana ia i keia la 15 o Ianuari, 1897.
WILLIAM R. CASTLE.
Mea Moraki Mai.
Penei na aina i moraki ia:
O kela mau apana aina apau i hoikeia, penei:
1. Apana aina ma Waiono, Koolauloa, Oahu, i hoikeia maloko o ke Kuleana 4347 ia Kuaewa, no 1 44-100 Eka.
2. Apana aina ma Waialee, Koolauloa, Oahu, i hoikeia ma ka Palapala Sila Nui 3512 ia Namohala 96-100 Eka, Kuleana 3808 ia Laipo, 75-100 eka, Kuleana 3889 ia Pukoloheu, 55-100 eka, Kuleana 4367 ia Kaahamoa 2 6-10 eka, ame Kuleana 4381 ia Kalaiku 67-100 eka
2634-4w
Vapo-Cresolene
He Laau Hoola Oia i no Oe e Hiamoe ana no ke
Kunu Kalea, ka Hano, Kunu Ho, ka Nalulu Kau, ke Anu
Ma ka wa e hoopunohuia ai ka uwahi o ke CRESOLENE @ loko o ke keena o ka mea ma'i, e loaa koke no ka oluolu He kamahao kona ikaika hoola, a ma ia wa hookahi nohoi e @ aku no ka pahola ana mai o na ma'i lele, ma o kona lilo ana he laau @ ma'i, a he laau pilikia ole nohoi no na keiki Ekuaiia ana e na poe hana laau. E haawi wale ia no ka buke hoakaka.
HOLLISTER DRUG CO, Honolulu, H I. na Agena
HOOLAHA HOOKO O KA MORAKI.
Mamuli o kekahi mana kuai i hoike ia maloko o kekahi palapala moraki i hana ia mawaena o Solomon Hale o Waihee, Mokupuni o Maui o ka aoao mua, a me Robert R Hind o Kohala, Mokupuni o Hawaii, o ka aoao elua, m ka la @ Maraki 1886 i kakau kope ia ma ka buke 98, aoao 144, a mamuli o ka uhai ia ana o ke kumu aelike o kela moraki oia hoi no ka hookaa ole ia ana o ka ukupanee ame ke kumupaa, nolaila ke hoolaha ia aku nei e ka mea nona ka aoao elua o ua moraki nei e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jas. F. Morgan, ma Honolulu, ma ka la 13 o Feberuari, 1897, hora 12 o ia la.
Aia ma kahi o W. R. Kakela na olelo hoakaka no keia mea.
Hana ia i keia la 15 o Ianuari, 1897
Mea Moraki Mai.
Penei na aina i moraki ia
ROBERT R HIND.
O kela mau apana aina apau e waiho la ma Kula, Maui, penei
1. A. O na apana aina apau ma ka P. Sila 4592 ia Kaahanui 1 70-100 eka.
1. O na apana aina apau ma ka P. Sila 2897 ia John Miller 71 80 eka.
2. O na apana aina apau ma ka P. Sila 2306 ia J. C. White 100 eka.
3. O na apana aina apau ma ka P. Sila 2043 ia M. H. Reuter 100 eka
4. O na apana aina apau ma ka P. Sila 3017 ia Peter Gene@ 104 eka.
5. O na apana aina apau ma ka P. Sila 2044 ia J. Pierson 100 eka.
6. O na apana aina apau ma ka P. Sila 2626 ia Wm. Freemont 100 eka.
7. O na apana aina apau ma ka P. Sila 1204 ia J. C White 122 45 eka.
Huina nui o na eka 689.25 oia na apana aina i hooliloia aku e ka mea moraki mai ma ka palapala kuai a ka Hui Mahiko o Waihee, i kopeia ma ka Buke 100 aoao 47.
2634-4w
HOOLAHA HOOKO O KA MORAKI
Mamuli o kekahi mana kuai i hoike ia maloko o kekahi palapala moraki i hana ia mawaena o Beniamina o Waikapu, Mokupuni o Maui, o ka aoao mua, a me Samuel W. Wilcox o Lihue, Mokupuni o Kauai, o ka aoao elua, ma ka la 31 o Ianuari, 1889, i kakau kope ia ma ka buke 111 aoao 335 a mamuli o ka uhai ia ana o na kumu aelike o kela moraki, oia hoi no ka hookaa ole ia ana o ka ukupanee ame ke kumupaa i ka wa e hookaa ai, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jas. F. Morgan, ma Honolulu, ma ka la 13 o Feberuari, 1897, hora 12 o ia la.
Aia ma kahi o W. R. Kakela na olelo hoakaka no keia mea.
Hana ia i keia la 15 o Ianuari 1897.
SAMUEL W. WILCOX.
Mea Moraki mai.
Penei na aina i moraki ia
1. Kela apana aina e waiho la ma Manono, Kau, Hawaii, maloko o laila he 228 eka, a nona ka Palapala Sila Nui 2658, a i hoikeia ma ka Buke 113, aoao 334.
2. Kela apana aina e waiho la ma Papahaku, Kau, Hawaii, maloko o laila he 105 6-10 Eka, a nona ka Palapala Sila Nui 2409, a i hoikeia ma ka Buke 113, aoao 334.
2634-4w
HOOLAHA HOOKO MORAKI.
Mamuli o kekahi mana kuai i hoike ia maloko o kekahi palapala moraki i hana ia mawaena o Kalepa Pupu ame Paleia kana wahine o Kaliu, Honolulu, Oahu, o ka aoao mua, ame William R. Castle, Kahu i oleloia, Honolulu, o ka aoao elua, ma ka la 26 o Iulai, 1892, i kakau kopeia ma ka buke 139, aoao 154, a mamuli o ka uhai ia ana o na kumu aelike o kela moraki, oia hoi ka uku ole ia o ka ukupanee ame ke kumupaa i ka wa i pau ai, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolahaia aku na aina i hoike ia ma ia moraki no ke kudala ana, ma ke keena kudala o Jas. F. Morgan, ma Honolulu, ma ka la 1 o Feberuari, 1897, hora 12 o ia la.
Aia ma kahi o W. R. Kakela na olelo hoakaka no keia mea
Hanaia i keia la 6 o Ianuari, 1897.
WILLIAM R. CASTLE. Kahu.
Mea Moraki Mai
O kela mau apana aina a pa-hale elua, ma ka aoao mauka o ke Alanui Kuakini ma Kaliu, Honolulu, i hoakaka ia: (1) Apana 22 o ka aina o K@ no S. E. Bishop, nona ka palapala kuai i haawiia aku iaia e ka Papa Hoonaauao i kopeia ma ka Buke 102, aoao 232, a i hooliloia aku ia Paleia (w) ma ka palapala kuai a S. E. Bishop, i hanaia i Iulai 26, 1892, i kopeia ma ka Buke 136, aoao 287; a (2) oia ka Apana 2@ o ua mau apana la, i kuaiia aku ia Kalepa Pupu, ma ka palapala kuai a ua S E. Bihopa nei, i hanaia ma Iune 15, 1892, i kopeia ma ka Buke 126 aoao 259; a pela pu hoi me na hale ame na mea i kukuluia a i hanaia maluna iho a i pili paha me kekahi o ua mau apana la, no laua ka huina nui o 6500 kapuai. 2@32-4t