Ka Nupepa Kuokoa, Volume XXXVI, Number 3, 15 January 1897 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA

Ke Kilohana Pookela no ka Lahui Hawaii.

BUKE XXXVL  HELU3  HONOLULU, POALIMA, IANUARI 15, 1897  NA HELU APAU 2633

 

W. R. KAKELA, Loio o ke Kokua mea ke Kanawai.

HE LUNA HOOIAIO PALAPALA.

2370

 

Hoolaha Homau.

 

WILDER & CO. (WAILA MA.

 

            M@ Kuai Papa a me na Lako ku@ hale o na ano a pau, a me na mea e ae a pau e pono ai o ka hale.

K@ o Alanui Moiwahine me Papu.                306-o

 

PAPA!                        PAPA!

AIA MA KAHI O

Lewers & Cooke

(LUI MA)

Ma ke kahua hema o Alanui papu me Moi.

E LOAA NO NA

PAPA NOUAIKI

O kela a me keia ano.

 

Na Pani Puka, na Puka Aniani,

na Olepelepe, na Pou, na O'a,

na Papa Hele, na Papu Ku,

me na Papa Moe he nui loa

 

NV PILI HALE O NA ANO A PAU

A me na

WAI HOOHINUHINU NANI

O na ano a pau loa.

 

Na Balakio o na Ano he Nui Wai.

 

            Ke hai ia aku nei oukou e na maka@aka a pau, ua makaukau keia mau makamaka o oukou e hoolawa aku ma na mea a pau ili ana ma ka laua oihana no ka

 

Uku Haahaa Loa,

E like me ka mea e holo ana mawaena o Laua a me ka Mea Kuai.

Hele Mai e Wae no Oukou iho.                      2896-q

 

HOOHANOHANO A KE AUPUNI REPUBALIKA.

 

Kaoo Makolukolu o ke Kumakena

AWAIAULUIA HAWAII ME AMERIKA.

 

            Ma ka Poalima o keia pule aku nei. i malamaia ai ke anaina hoolewa o ke "Kinowaillua" o ke Kuhina Willis i make, malalo o na lawelawe ana a ke Aupuni Repubalika o Hawaii.  Ma ka hora 11:30 o ke awakea oia la, ua laweia mai la ke "Kinowailua" o ua Kuhina la, mai Waikiki mai a waiho ia maloko o ke Keena Ahaolelo o loko o ka Hale Oihana Hooko.  A e ike ana

 

( Big drawing columns 2-6 wide and 1/3 of the page high with the follwoing caption:

KE KII E HOIKE ANA I KE ANO O KA WAIHO ANA AME KE KIAI IA ANA O KE KINOWAILUA O KUHINA WILLIS.)

 

ko makou poe heluhelu ma ko makoku pepa o keia la i ke kulana o ka waiho ana o ua "Kinowailu" la maloko o ke Keena i laweia mai ai ia.

            Ma keia keena i waiho ai ke kino make o ua Kuhina la, a ua hele ia aku e ike e na hoaloha ame na makamaka.

            Mamua o ka laweia ana mai o ke "kino" mai Waikiki mai, a ma ka hora 11 ponoi hoi o ua la 'ia, ua komohia kukonukonu loa o Mrs. Willis, ka wahine kanemake iloko o ka ehaeha nui.  No aneane 20 minute kona uwe ana no kana kane me ka waiohia, iloko o ka rumi heluhelu buke, a i ole ka hooikaika ana o na hoaloha e hoomalielie iaia.  ina ua mahuahua loa na haawina ehaeha e kau iho maluna ona.

            Malalo o ka lawelawe ana a Mr. H. H. Williams, mea hana pahu kupapau, i hanaia ai na mea apau no ka lawe ana mi i ke "kino" no ka Hale Oihana Hooko.  Ua laweia mai la a hoea i "Iolani Hale."  Ma ka hora 2:30 laweia mai laila aku no ka luakini o "Kaukeano Hou@" a ma laila i malamaia ai ke anaina haipule e Rev. Birnie, Kahu oia Ekalesia, ame Rev. Monroe o ka Ekalesia Karistiano.

            Ua piha pono o loko o ka luakini i na makamaka o ka mea i make, Persidena Dole o ke Aupuni, na Kuhina, na Lunakanawai o ka Aha Kiekie me Aha Kaapuni, me Komisina ame na Kanikela o na Aina E; na hoa o ka o ka ule hoomaikai ia Mr. Monroe.  Mahope iho ua moe "kaoo" hoolewa no uka o Nuuanu; a eia iho ka Papa Hoonohonoho:

Puali Makai.

Puali Puhiohe.

Ilamuku Nui ame na Ukali.

Na Pualikoa Aupuni.

Pualikoa no ka Mokukaua Amerika Aleti.

Na Pualikoa e ae.

Na Mea Hana Pahu.

Na Kahunapule.

Na Hapai Pahu maluna o na Kaa.

Kaa Kupapau ame na Poe Hapai ma na aoao, he poe luina no luna o ka mokukaua Aleti.

Wahine Kanemake ame na Pilikana.

Peresidena Dole ame na Ukali.

Na Kuhina o ke Aupuni.

Lunakanawai Nui ame na Lunakanawai o ka Aha Kiekie.

Na Senatoa ame na Lunamakaainana.

Kapena ame na Alii o ka Mokukaua Aleti.

Na Kanikela.

Na Ahahui Malu.

Ka Lehulehu.

           

            Ua hoomaka ka hele ana mai o ka hele ana mai o ka huakai ma Alanui Beritania a hoea i Alanui Papu, a pii a hoea i ke Alanui Kula, a loaa ke Alanui Nuuanu, a ohiki loa i ka Pa Ilina ma Maemae.  I ka hiki ana o ka huakai mawaho o ka Pa Ilina, ua ku iho la, a o ke kaa kupapau, na poe hapai pahu ame na kaa o ka whaine ame kekahi poe kakaikahi kai aeia e komo aku noloko o ka Pa Ilina a hoea i ka hale lua.  Aole no i loihi loa ke anaina haipule i malamaia ai malaila.  Himeniia ke mele "Asleep in Jesus," a haawiia ka pule e Rev. Birnie. Heluhelu o Mr. Monroe he mau pauku Baibala a hookuuia na hana ma o kana pule hoomaikai la.

            Ua komo pu ae na Hui Aloha Aina me kalaiaina iloko o na hoohiwahiwa ana i keia hoolewa.  O na lede kekahi o ka Hui Aloha Aina i haawi ae i na hoomaikai ana no ka mea i make.

            Ma ke ahiahi Poakolu nei i kau aku ai ke "Kinowailua" o ke Kuhina Amerika Alber S. Willis maluna o ka mokuahi Australia.  Mamua ae o ka auina la, ua ma-ki aku la he baaliona o na manua mai luna mai o ka mokukaua Alert, malalo o Lutanela Lansdale, no uka o Maemae, a na ia poe i lawe mai i ke kino no luna o ka mokukaua Alert, malalo o Lutanela Lansdale, no uka oMaemae, a na ia poe i lawe mai i ke kino no luna o ka mokuahi.

            Mamua o ka holo ana aku o ka mokuahi, he lehulehu loa na oe i hele aku e ike a e haawi i ko lakou aloha paumako i ka wahine kanemake, ka laua keiki, ame Miss Dulaney.

            Ma ka aoao hoi ke Aupuni, na Kuhina Cooper ame ka Loio Kuhina, Ke Komisina Pelekane, Kanikela Amerika, Komisina Farani, Kanikela Farani, Komisina Pukiki, Kanikela Geremania ame na Kanikela e ae.

            Mamuli o ke kau ana o ke "kino" make o ke Kuhina maluna o ka mokuahi, ua puhi ole ka Bana Hawaii ma ka uwapo.

 

KA MEA HUNA POHIHIHI

MOKUNA XI.

KA MOOLELO HOOHIKILILI--KE KINO HOOPAHAOHAO--

HOI HOU I KA EHU ME HE MOI LA.

 

            Hookaulua iki iho ia nae oia no kekahi manawa pokole, a houluulu ae ia oia i kona mau manao lana malie apau e hoopunana hou iloko o kona houpo: a i kona ike ana ua maha oia mai na kupikopio mai apau, ua ku ae ia oia iluna, unuunu mai la i ka hua o kona lole silikia nani, a iho aku ia oia ma ke alahele e hoea aku ai i ke keena hula.

            Iaia hoi i hookokoke aku ai ma ke keena hooulu mea kanu o na ano mea ulu apau, ike iho la ia ua mehameha ka lanai holoholo.  Aia nae ma ke poo o ke alapii ilalo, e ku ana ka Haku Adelo, a e paa ana oia i kekahi boke pua nani.  I kona ike ana mai iaia nei, ua huli mai la oia a nana mai i kona mau helehelena me na onohi maka o ke ano "noii nowelo."

            Ike mai ia oia i ka oiwi kino o na wahine pahaohao nei o Hametona Kakela ma ke ano he mea kino puanuanu elike me kekahi kia hau-paa; oia hoi, he mea kino i nele i na mapuna wainohia o ke aoiha.  O kona kulana nae, oia mau no ke kilakila ame ka wehiwehiia e ka hano-haweo.  I ka wa hoi i halawai mai ai na onohi maka o ua lede nei me kona ua ike aku la ia he hiohiona ano e loa, e kahoahoa mai ana ma ia mau onohi, oia hoi, aia he okooko pihoihoi e kekahi manao ano e i hapaiia ae mai kona honpo ae.  A keaha la nae ia manao, aole hiki iaia ke ike, a ke koho aku hoi?

            I kela wa i ninau aku ai ua Lede Beatirisia nei i ka Haku Adelo:

            "O oe wale no ka keia e Haku Adelo?  E nana ana anei oe i na ouli o ka lani, a na hoku e hoike mai ne?

            Alaila, pane ma la ua Haku Adelo nei:  "E kali ana au o kou huli hoi mai.  Ua hele mai nei o Haku Hametona maanei e huli ai ia oe.  Kokoke e makaukau ka papa=aina; a ua makemake loa lakou e pau ka ai ana i hiki ai ia lakou ke hoomaka i ka hulahula o keia po.  E hiki ana anei ia'u ke kuikui lima pu me oe a hoea i ke keena aina?"

            Haawi mai la ua Haku Adelo nei i kona lima, a lalau aku la nohoi ka Lede Beatirisia, a haawi aku la oia he mau mapuna olelo a ka "uhiwai":

            "Ua koiia au e hele aku e ike i kekahi wahine ihoea mai nei ia nei i keia po.  Ke haawi aku nei hoi au ia oe i ka'u mau mahalo ana, no kou kali ana ia'u.  Ano, e hele kaua a huipu me na hoaloha o Hametona Kakela nei ma ka papa-aina."

            Ia wa i uhaele aku ai laua no ka rumi hookipa.  Ia laua nae e hele ana, kamilio mai la ka Haku Adelo:

            "E lawe oe i kuu boke pua?  Ke ike nei au, ua hauleia kau boke pua.  A e ka Lede Beatirisia, ua ike oe, ua kokoke loa kaua e hoopalauia; a no ia kumu, aole hiki ia oe ke hoole mai i ka laaw ana aku i ka olelo leo ole auanei a nei mau pua e hooheno ae ai ia oe-he aloha."

            Aole hoi hiki ia Beatirisia ke hoole aku i keia mohai i alanaia mai e ka lima o ke kanaka ana i wahwaha loa ai, nolaila ua lawe mai la no ia.  Aka, i kela wa i hoholo ae ai ka ula ohelohelo ma kona mau paplina, oiai ua hapai ae la ka inaina wela iloko o kona houpo, me ka hoowahawaha o kona naau, no keia hana a Adelo i hana mai ai imua ona: a hu mai la hoi kona aloha palena ole no kana kane ame kana poe keiki.

            A i ka ike ana o Adelo i keia hiona mahiehie a ka ui e kilipohe ana ma na papalina o ka Lede Beatirisia, manao iho la ia, ua hoouluia ka waiwai io o kana mea i kau nui ai e loaa mai ka Ui mai o Hametona; a no ia mea, ua hakukoi ae la ka hauoli ohohia iloko o kona houpo, a ninau mai la oia ia Beatirisia:

            "E ae mai oe, eBeatirisia, owau kouhoa hula ma ka waltz (hula poniuniu) mua loa e wehela ana i keia po."

            I kela wa i pane aku ai au Lede nei: "E kuu Haku, e kala mai oe ia'u.  Aole au e hula ana i keia po.  Ma keia ano, owau ka lede o Hametona Kakela nei, he mea pono ia'u ke haawi aku i ko'u mau manawa apau no ka pomaikai o na hoaloha i akoakoa mai maanei i keia po.  He mea pono no'u nei, ke haawi i na hoohoihoi ana i na lede opio ano ohilahila a hoopepe wale.  Nolaila, e Haku Adelo, e kala mai oe ia'u.  Aole hiki ia'u ke hula."

            I keia wa hoi, i ike mai ai ka Haku Hameona i kana kaikamahine e kuikui lima pu ana me ka Haku Adelo, ke kanaka ana i makemake nui loa ai, oia ke kane a na kaikamahine ia ana, a ma ia sekona ne, i nahoio awiwi ne ai na manao pono oie apau i hoopunana iho iloko o kona houpo i na wa mamua iho, no kona ike ana, ua nalowale aku kana kaikamahine mailoko aku o ka rumi hookipa.

            He mea oiaio ma keia wa a ua Haku Hametona nei i ike ai ua nalowale honua aku ka Lede Beatirisia mailoko aku o ka rumi hookipa, ua haupu pioloke ae ia ka manao pihoihoi iloko ona ua hala houa paha ua kaikamahine aloha nei ana iloko o kekahi o na pohai o kana mau hana hoopohihihi manao.  Nolaila, manao loa iho la ia e hele kino maoli aku ia e huli i ua kaikamahine nei ana iloko o kona (ko Beatirisia) rumi moe.  Aka, mamuli o keia ike hou ana aku ona i ua kaikamahine nei ana me ka Haku Adelo, ua hoopauia kona mau manao uluku ame ka pono ole.  Nolaila, olino hou ae la ka hauoli ma kona mau papalina; a oiai o ka wa ia i hoomaka ai ka hele ana no ka papa-aina, ua haawi aku ia oia i kona lima akau i kekahi duke wahine kanemake, oia hoi ka malihini kipa kiekie a hanohano loa i hoea mai malaila ma ia po, ahele aku la no ka papaaina.

            O na poe nohoi i akoakoa mai ma ia po, o lakou kekahi i owiliia iloko o na hoomaopopo ana no ka nalowale ana o ka Lede Beatirisia maiwaena aku o lakou, aka nae, ma ka wa i hoea hou aku au iua nawaeba i lakou, me ke kui-e-eia ana e ka Haku Adelo, a e ka manawa ia i pukalaki ae ai na nun@ olelo ana mawaena o lakou no ua Lede Beatirisia nei, a laulaha ae ia hoi he mapu leo nanahe mai keia aoao a keia aoao o ka rumi, "ua hele aku ua Lede Beatirisia nei me ka Haku Adelo ma ka lanai holoholo o ka hale o luna, a malaila kahi i hoala hou ai ka Haku Adelo i kana mau noi ana i ua lede ia no ko laua hipuula iloko o ka berita mare."

            A mamuli hoi o ke ano mohala maikai o na hiohiona o ua Haku Adelo la, ma ia wa a laua i hoea hou ak ai, me ka Lede Beatirisia mawaena o ke anaina, ua lilo ae la ia i mea kakoo nui i ka noonoo ana o na mea apau, ua ae ka Lede Beatirisia i kana mau noi ana.  Oiai, aia he hiohiona hauoli maikai e luakaha ana ma kona helehelena ame kona mau onohi maka, a ua manao aku la na mea apau i hoomaopopo aku ia helehelena maluna ona, he hauoli ia no ke ko ana o kana mau uhai-a-holo ana no ka lima o ka Lede Beatirisia; aka, aole nae pela ka mea oiaio, he hauoli keia i wehi iho maluna o ua Haku Adelo nei, mamuli o kona hoomaopopo ana iho, eia na moali liilii o na mea hoike ke hoea liilii mai nei imua ona i kela ame keia wa, no ka hiki ana iaia ke manaoio loa, aia he mea huna pohohoho ka ka Lede Beatirisia e pee poli ana.

            I ka pau ana o ka paina ana, ua hoomaka koke ka hulahula ana.  Aole hoi ka Lede Beatirisia i hula ma ia po, a peia nohoi ka Haku Adelo.  Ua

 

(E nana ma ka aoao Eha.)