Ka Nupepa Kuokoa, Volume XXXVI, Number 2, 8 January 1897 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KA HUI ALAHAO ME AINA O OAHU

MANAWA HOLO.

 

@ Mahope aku o Iulai 5. 1895

@ [Note: Column titles in first table are unreadable]

                                                A. M.   A. M    P. M.   P. M.   P. M.

Haalele ia Honolulu                [6:40]   9:15     1:45     1:45     5:10

Haalele ia Manana                   7:40     9:58     2:28     2:28     5:53

Haalele Wili@o Ewa              8:10     10:19   2:49     2:49     6:14

Hiki i Waianae                                    -           10:54   -           3:24     6:49

 

                                                Waianae na      Wili o Ewa      Waianae na      Wili o Ewa      Hiki i

                                                la a pau            K@ Ukana      la a pau.           na la a pau.      Waianae na

                                                                        Na la a pau                                                      na Po@ono

                                                                        Koe Sabati                                                      me Sabati

                                               

                                                A. M.               A. M.               P. M.               P. M.               P. M.  

Haalele ia Waianae                  6:44                 -                       1:32                 -                       4:16    

Haalele Wili o Ewa                 7:19                 9:10                 2:07                 3:51                 4:51

Haalele ia Manana                   7:50                 9:48                 2:38                 4:22                 5:22

Hiki i Honolulu                       8:23                 10:30               8:11                 4:55                 5:55

            H@lawe ana na kaa ahi hali ukana i na kaa @hua o ka papa ekahi.

            G. P. DENISON,

            Luna,   F. C. SMITH,

            Luna Kuai Palapaia Holo.

 

NU HOU HAWAII

 

            He la kulaia Aupuni ka la 16 ae nei,

 

            He mahina piha ma ka po o ka la 1@ o keia mahina.

 

            Aia ka uwaea telepone o Hana, Maui, ke komo la ilok o na kauhale o ka poe makemake ia ano uwaea olelo.

 

            E nana ae i ka oukou mau leta e waiho nei maloko o ka Hale Leta, elike me ka makou e hoolaha aku nei ma ko makou pepa o keia la.

 

            Ma ka Poakolu o keia pule ae e hali @ aku ai ka mokuahi Australia no Kapalakiko, me ka halihali pu ana aku hoi i ke "kinowailua" o ke Kuhina Amerika Willis i make.

 

            E hapaiia aku ana ma keia mua aku he hui kini popo pekupeku wawae mawaena o na opio Hawaii maoli. O ke "Keikialii" Cupid Kalanianaole ka uhane nana, e hoeueu nei keia hana.

 

            Ma ka la 6 aku nei, Poakolu, i auli hoi mai ai o Lunamakaainana E. C. Winston mai Kapalakiko mai, maluna mai o ka moku Irmgard, me kekahi puulu waiwai ola, oia hoi, he 593 puaa.

 

            Ma ka la Karisimaka aku nei, ua haawi makana aku la o Wili liilii he mau palule huluhulu no na keiki hana a kona makuakane, Mr. W. H. Rice. Mahalo i na haku hana opu lokomaikai,

 

            Ua hoopauia ae nei o Mr. Ed. Towse, ka lunahooponopono noiau o ka nupepa "Star" (Hoku) o Honolulu nei, a ua paniia iho kona makalua e Mr. Atkinson, i noho kahukula nui mua ai no ke Aupuni.

 

            Ma ka hookuku kini popo pekupeku wawae mawaena o ka Hui Honolulu ame ka Hui Punahou-Regimana, i malamaia ai ma ka la 1 iho nei, ua lilo ka eo i ka Hui Honolulu; a ua ohi nele ka hui Punahou-Regimana, aohe helu.

 

            He nui ka poe e ninau mai nei ia makou, i ka wa e malamaia ai kela halawai makaainana nui no ka noonoo ia ana o ka ninau Hoohui Aupuni me Amerika Huiia, e na aoao kalai Aupuni elua.

 

            E oki aku ana o W. W. Dimond i kana wahine, ma keia mua iho. Aole anei i manalo o kela inoa e o nei i kona halekuai, "O-wiw;" oia hoi, o ia iho la no i ka iwi aoao ponoi o ka oiwi. He inoa ino paha keia, ea?

 

            Ma ka 12 o Dekemaba, ua lawe ae la ke kuke paele o ke moku Diamond Head i kona ola, me ka hoopaa a@a i kekahi mea kaumaha ma kona kino a lele aku la iloko o ke kai, oiai ka moku e holo ana no Kapalakiko no ka hana hou ana.

 

            Ua lawe ae o Rev. J. A. Cruzan, keia kahunapule i noho kahu ai no ka Ekalesia o Kaukeano i kahi wa i hala lilo ae nei, i ke kulana lunahooponopono o ka nupepa Ekalesia. Ka Pakipika. o loko o ke kulanakauhale o Kapalakiko.

 

            Ua ku i keia wa ka Hui Hawaii Kuai Aina, i kaupalenaia. O kekahi aku ana keia o na Hui hoopomaikai i na kanaka Hawaii ma keia mua aku. E nana ae i ka olelo hoolaha oia hui e puka aku nei ma ka pepa o keia la.

 

            Ua hoike ae ke "Kiai Loko" David Keliipio, no ka nui o na i'a e komo nei iloko o kana loko ma ka hebedoma @ nei i hala. he huina o 42.516. Ama@ma. 31.186; awa. 1,792; a holehole, @; akule, 1.777. Mai Koolaupoko mai. 7.432 i'a: Mokuaeo, 7,551: Ka@a, @ a mai Maunalua mai, 3,051.

 

            Mamuli o ka piha loa o ka pepa o keia la i na manao he nui i koe o makou mai ka helu mai o keia pule aku nei. @a hiki ole ia makou ke alo ae i ka @kiiki o ke kapae ana i kekahi mau manao waiwai nui o makou mai ka @pa aku o keia pule, a mawaena o ia mau manao o ka moolelo kekahi o ka Mea Huna Pohihihi o Hametona. E hoomanawanui.

 

            Ma ka huakai hoau mua loa aku nei @ ka mokuahi Mauna Loa ma kona mau awa ma Maui ame Hawaii ua @ui kona makahehi ia e na kanaka o ia mau wahi. Ma Lahaina ua piha pono ka uwapo i na kanaka, a ma Kailua hoi, mawaena o 300 ame 400 poe i holo aku e makaikai iaia, a pela no ma Keauhou, ua nui no ka poe i holo aku e makaikai. Ma Hookena ua manao o Kapena Simerson he mea pono e @ooki i ka holo ana aku o na kanaka e makaikai iaia, oiai ua lohi loa oia.

           

            O ka nui o na make o Honolulu nei ma ka malama aku nei o Dekemaba. @, @. He @ kane, a he 21 wahine. Na Hawaii @ na lahui e ae he 26. Ap. 1-10; Ap. 2-12; Ap. 3-13; Ap. 4-9; Ap. 5-10. Ua like keia huina o na poe i make ma keia malama o Dekemaba @ me ka huina o na make oia malama hookahi no, ma ka M. H. 1892, he 54.

 

            He papa ahaaina maemae ka Mr. J. K. Kaunamano i haawi ae ai ma kona hom@ nani, ma Alanui Kuakini, ma ka la H@ iho nei. Pela nohoi o Mr. David @ ma kona home, ame Mr. Pilipo, he mau papa ahaaina nohoi ka laua i hoowehiwehiia me na ono o ka la Hapenuia, ma ia alanui hookahi no. Ma ia mau wahi aku ko makou nana mea hou i makaikai ai.

 

            Ua hoao ia mai nei ka holo o ka mokuahi hou o ka Hui Mokuahi Pili Aina ma Kapalakiko, nona ka inoa e o ia la malaila o Scray, ma ka la 22 o Dekemaba, a he 10.6 mile i ka hora ma ia wa. Mahope iho o kona hooili ukana ana, ua haalele aku paha ia ma ka la 30 o la mahina no Honolulu nei. E hoololi ia ana kona inoa ke hiki mai ia ianei ma ke kakahiaka o ka la apopo paha.

           

            Ua pae maikai aku ko makou makamaka. Mr. J. H. S. Kaleo no Hana, Maui, a mai iaia mai i loheia mai ai, he ikaika maoli ka makani e pa ana ma ka wa i hookomo aku ai ka mokuahi Kauladine no ke awa o Kauiki ma ke kakahiaka Poaha. Dec. 31, a e haale ko'iko'i ana nohoi na kulu paka-ua o Kulanihakoi. Ma ka hora 11 o ia kakahiaka haalele ke Kalaudine ia Kauiki a holo no ke awa o Hamoa, aole hiki iaiai ke hookomo ma ia awa no ka nui o ka ino.

 

            He wahi kaikamahine uuku ka Mr. C. M. Dixon, he kanaka kalepa kamaaina loa ma Pleasant Ridge, Fulton Co., Pa. a e loaa mau ana ia i ke kunu ho, aka, ma ka wa e ikea mua ia ai na ouli o ua ma'i la e kau mai ana maluna o ua kaikamahine la, ua haawi aku la kana wahine i ka LAAU KUNU A KAMALENA, a loaa mau no ka oluolu hikiwawe. He 25 a he 50 keneta no ka omole e kuaiia ana e na poe kawili laau lapaau apau ame na poe kuai laau; eBnson, Smith & Co., na Agena o ko Hawaii Pae Aina.

 

Palapala mai na Aina E mai.

 

            Ua loaa hou mai no ia makou he palapala mai ko makou mea kakau e noho mai la no ma Santa Cruz i keia wa, mokuaina o Kaleponi. O keia palapala nae i loaa mai ia makou, ma ka inoa ia o kona luaui makuahine.

            Ia oe e kuu Mama a'u i aloha nui ai, a'u nohoi e hoomanao mau nei i na wa apau, me ka nui o ko'u aloha:- Aloha Happy New Year kaua:

            Ua halawai mai au, kau kaikamahin nei, me kau leta, ma ka Poaha iho nei. (Dek. 24). I ka po Poakolu nae ka loaa ana mai, na Master Horace Clapp i kii i kai o ka haleleta. Ia po nae, aole au i moe i ko makou hale (oia kahi o Lunakahiko Clapp ame ka ohana. ko'u wahi hoi e noho nei i keia wa), oiai ma ia po ua hele au i ka home o kekahi mau hoahanau, oia o Brother ame Sister Smith. Malaila au i hiamoe ai ia po. O ko'u kumu o ka hiamoe ana ilaila, ua paa loa au ma kela Poakolu i ka hana mai ke kakahiaka mai a hiki nohoi i ka po, hora 12 paha a oi, pau ka'u hana ana. O ka'u hana i hana ai ia la, he hana ko (candy) o na ano nohoi apau. Na'u wale no i hana i keia mau mea no ke Karisimaka ae. Aole mea nana au i kokua mai i keia hana, oiai aohe poe makaukau mawaena o ko onei poe hoahanau i ka hana ana i keia ano hana. Ua hana hoomnawanui no au a hiki i ka pau ana. O keia iho la ke kumu o ko'u moe ana i keia hale. I ke ao ana ae, hora 8 paha ia, lawe mai ana o Master Horace i ka leta a haawi mai ana ia'u Hauoli palena ole no hoi au i ka loaa ana mai o ua palapala 'la. O ka mea mua ioa o ka'u nana ana iho o ke kenikeni, a i kuu ike ana iho nohoi, akahi no a mama ko'u manao a hauoli nohoi. Nui no ko'u aloha ia olua, e o'u mau makua i ko olua hoomanao ana mai ia'u.

            E Mama, ua hai mai nei oe i ka nui o kou aloha no'u. Ae: he oiaio no ia, aka, o ka'u nonoi ia oe, e hoomama aku oe ia oe iho imua o ko kakou Makua iloko o ka Lani, a Nana no auanei e kokua mai ia oe. Ke noho nei no au me ka hoomanawanui ma keia wahi. Ke hooikaika nei no ma ka hoomaamaa ana ia'u ma na hana apau e pono ai ka noho ana o keia mua aku: oiai ua ike au e kuu Mama aloha, o ka ike hana ke kokua o ka noho ana. He nui nohoi ko'u poe hoaloha e kii mai nei e hoi aku au me lakou e noho ai: aka, ua hoole aku au, me ka olelo ana aole hiki ia'u ke hoi me lakou, oiai aole o Papa, i lohe i keia mea, ma kahi ana i kauoha ai ia'u e noho: o ko'u wahi ia e noho ai.

            No ka mea e pili ana i ke kula nohopaa, aole i loaa iki ia'u ka manawa e hele ai e huipu me na kumu. Ua haiia mai hoi au, he oi loa aku ka maikai o ka noho mawaho nei, a na ke kumu no e hele mai i ka hale o ka haumana e ao ai, i ka haawina au i makemake ai, no ka $5.00 o ka mahina.

            I keia wa a'u e noho nei, ua hiki maikai loa ia'u ke hookani i ka piano. Ua hiki ia'u ke hookani ma na oi apau, a pela no me na emi. O na mele i maalo mua ole i ko'u maka, ua hiki ia'u ke hookani koke. Aka, aole i pau kekahi mau hemahema ano nunui a'u i makemake loa ai e hoopauia aku, elike me ka loaa ana o na kii maiau ana i na papa-ki i mea e loaa ai ka uhane ola (spirit) o ke mele i hakuia (composition). He mea nui loa keia.

            Ma ka la Karisimaka iho nei, ua malamaia he papa-ahaaina ma ko makou nei hale. Ua hana au i na mea ono he nui. Na'u no i kuai i na mea e lawa pono ai keia mau mea ai, he aneane $7.00 paha ko'u lilo i keia mau mea: a na'u ponoi no i hana i ua mau mea ono nei. Ua lawaluia e a'u ke kamano, pela nohoi kekahi ano i'a e ae o onei i kapaia he carp, a o ka poi, he poi palaoa no. He pipi koala kekahi. Ua nui ka mahalo o ka poe i akoakoa mai ma keia papa ahaaina. E Mama, @a hana au i keia mau hana apau no @ [first 5 rows in 3rd column are unreadable]. Hawaii a ka poe puuwai hamama a oluolu." Ma ka po ana iho ua malama makou he anaina haiolelo ame himeni. Nui na poe ko'iko'i o Santa Cruz nei i hele mai. O ka na keikikane hana he mau haiolelo no ka mea e pili ana i ka hanau ana o ka Haku, a o ka na kaikamahine nohoi o ka himeni, aka ma ua po nei, mahope iho o ko'u himeni ana i ka'u himeni ku-pakahi a pau, ua kahea pinepine loa ia au e nimeni hookahi, oiai o Mrs. J. C. Clapp i hookani ai ma ka piano. Ua himeni au ia "Aloha Oe:" "Malanai Anu ka Makani:" "Kuwiliwili iho Au:" "Maui no ka Oi:" "Nani wale Lihue:" ame kekahi mau himeni Hawaii e ae nohoi. Makemake loa keia poe i na mele Hawaii.

            Ma keia la Karisimaka nohoi, ua haawi makana ia mai au e ko'u poe hoaloha o keia wahi. Na ka wahine mai a kekahi ona miliona e noho nei maanei, a i lilo i hoaloha maikai loa no'a, he wati gula: na ka wahine mai hoi a ka Lunakanawai, he mau kakini pa @ kaekae wai gula, a he elua mau komo gula: he apa silika wai-liula ka kekahi hoaloha o'u: he mau o pahi kala me puna kala ka kekahi poe: he mau pine omau lauoho ka kekahi a he mau pine veleveta ka kekahi. O ka'u aku hoi ia lakou, he mau peahi Hawaii ame @a ekeeke laulaha, na mea nohoi au ihoouna mai ai, e Mama.

            Eia kekahi e Mama, nui nohoi ko'u aloha i ko'u lohe ana mai, ua hoea mai ka Moiwahine i Kapalakiko. Hoomanao mai la au i ka aina, hoomanao i na hoaloha, ko'u poe ohana nohoi a ia olua, a uwe iho la no au. Ikaika loa ko'u manao e ho'i aku, aka, no ko'u minamina loa i ka ike hookani piano ame olelo Beritania manao au e noho hoomanawanui no au no hookahi a elua paha makahiki i koe.

            Ua koi mai kekahi lede ia'u, nona ka inoa o Mrs. Johnson, e hoi au me ia e noho ai. Ua noho kumukula keia wahine no ke Kula Hanai o Hilo, Hawaii, mamua. Eia oia i Santa Cruz kahi i noho ai. Ke malama nei oia i kekahi keiki Hawaii. O David Makuakane kona inoa. O ka inoa o kona makuakane o Makuakane no. Ua hoolilo keia wahine ia'u i kaikuahine au no keia keiki. Aohe no he hewa oia. oiai he mau keki maua e noho ana i ka aina malihini nei. He wahine Karistiano keia. Mahalo au i kona kulana malama maemae. Ua lawe oia ia'u i kaikamahine nana. Ua olelo mai oia ia'u, e noho pu au me ia, a nana no e a'o ia'u i ka ike olelo Enelani: a na Prof. Hasting e a'o ia'u i ka music. Na keia wahine nohoi e a'o ia'u i ka oihana kuke, nohona home a pela aku. E Mama, e ninau oe i ko Papa manao no keia mea. Na keia wahine haole no au i a'o i ka hana ana i na mea ono ame na candies a'u i hana ai no ke Karisimaka.

            He mau la anu keia o makou e noho nei. He nui ka ua o keia mau la. He malie ka la Karisimaka, he keu hoi keia o na la ua nui wale ame ka makani. Aloha i ka ohana apau. Aohe a'u palapala ia Papa no ka pokole o ka manawa.

            God be with you till we meet again.

            Kau kaikamahine ma ka aina mailhini.

CECILIA KEALOHA POEPOE.

            Corner of Gault and Railroad Sts.,

Santa Cruz. Cal. December 28, 1896.

 

HE LEO KAHEA I NA KULA SABATI O HAWAII AKAU.

 

I na Kula Sabati o Hawaii Akau, kuu hiai:

            E malamaia ana ka hoike o na Kula Sabati o Hawaii Akau, ma ka Betela o Imiola, S. Kohala, ke hiki aku i ka pule mua o Maraki, 1897, oia hoi ka wa e noho ai ka Aha Euanelio o ka Mokupuni o Hawaii. Ke paipai nui ia aku nei oukou e uleu ae ma ka la hoouka kaua no na pono uhane. E lawe mai a milolii i na haawina me ka mama, e waiho i na himeni haku ano e.

            Eia na haawina no ia la a na Kula Sabati e ao ai ma ko lakou mau apana no ka hiki ae ma ka la hoouka kaua.

            1.         Haawina o Sept., 1896, ia Hamakua Hikina.

            2.         Haawina o Oct., 1896, ia Hamakua Huiia.

            3.         Haawina o Nov., 1896, ia Waimea.

            4.         Haawina o Dec., 1896, ia Kohala Hema.

            5.         Haawina o Jany, 1897, ia Kohana Komohana.

            6.         Haawina o Feby, 1897, ia Kohala Akau.

            Eia na himeni hui:

            1.         Hoku Ao Nani, aoao 17, 2 pauku.

            2.         Hoku Ao Nani, aoao 39, 2 pauku.

            3.         Hoku Ao Nani, aoao 50, 2 pauku.

            4.         Hoku Ao Nani, aoao 110, 2 pauku.

            5.         Hoku Ao Nani, aoao 124, 2 pauku.

            6.         Hoku Ao Nani, aoao 173, 2 pauku.

            E hookomo pu ia ana @a papa Kula Sabati o na Kahunapule. Na K. K. S. ame na Elele. E ola oia mau na K. S. o Hawaii A. i ke Akua.

            THOS. S. K. NAKANELUA.

            Kahu Kula Sabati Nui o Hawaii Akau.

            Kawaihae, H., Dec. 30, 1896.

 

KE PALE ANA I KA MA'I NUMONIA.

 

            Ma keia manawa o ka makahiki, e loaa hikiwawae ai i ke anu, a ina e waiho wale ia ana me ka loaa ole o kekahi laau kunu maikai e pau ai kela anu: alaila, e lilo aku ana ia i ma'i Numonia. Aole a makou laau maikai e ae i ike ai no ka hoola ana i ke kunu ame ke anu, elike me ka LAAU KUNU A KAMALENA. Ua hoohana pinepine loa ia e makou keia laau, a ua ikea kona holopono.- Olagah, Ind., Ter. Chief.

            O keia wale no ka laau lapaau ikeia ka hololea no ke kinai ana i ka mai Numonia. Mawaena o na tausani poe i inu i keia laau no ke anu ame ka ma'i la grippe, aole makou i ike iki ua loohia kahi oia poe i ka mai Numonia. He mea pono i ka poe nawaliwali o na paahana ana a na ake-mama, a ehopohopo ana paha o loaa i ka mai Numonia, alaila, e pono lakou e malama i keia laau. He 25 a 50 keneta ke kumukuai o na omole. E kuaiia ana e na poe kawili laau lapaau apau, ame na poe kuai laau: Benson, Smith & Co., na Agena o ko Hawaii Pae Aina.

Kela ame Keia.

NA LETA E WAIHO NEI ILOKO O HALE LETA.

 

            Eia iho na leta e waiho nei iloko o ka Haleleta a hiki i ka la 31 o Dekemaba, 1896.

 

APUA.

Nakaiakauilani                        Miss Mele Leleo

Hana Kauhane                        M Keaweamahi

Mr Kipi Kinimaka       Kinimaka

HONUAKAHA.

Fonifase Kaimi            Pika Manuela

KULAOKAHUA.

Mas Jno Pika Makia

KAPAUHI.

S T Puhonua                Mrs Pauu

L B Nainoa                 Mr Kaunahi Kuakahela

Mary Kaoaka

KAAKOPUA.

Mrs Kaohu Ka@aleanu          Mr Holi

KUNAWAI.

Mr Kaiao Keoni          Koonohiula

Mrs A K Wahine         Joe M Kekuewa

Jno Thomas

KIKIHALE.

J P Kaanaana               Mary Ann Kawaiula

Ane Kaaloa                 Miss Rachel Hugho

Mrs Anawailua            Mr Mark Solomon

KAUMAKAPILI.

Mr B K Daiman          Mr Lokai

Mr Wahinealoha          Mr. Beni Paakai

KOLEAKA.

Daniel Hao                  Miss Lucy Ikeole

KAKAAKO

Moses Weir                 Mele Kawai

Mrs Kalama                 Geo Nu Opio

Kaiwi (w)                    Hana Paa

Pahili Liilii                   Lahela Kanikanihia

Capt. A. L. Naipo

WAIKAHALULU.

L S Kekoi                    Mr C Kahae

Mr J Kealoalii

MAKIKI.

Mrs Kaloi                    Mrs Kaaikaula Hussey

Keoahu                        Hussey

Joe Anelike

KAWA.

Mrs Kauahilahaole

MANOA.

Miss Kanohohale        Mr Jno Kalima

KULOLOIA.

Kalapakola

WAIKIKI.

S P Kekua                   Koleka

Mr Frank N                 Mrs Kanui Kehuakoa

Miss Kipi

AALA.

Miss Makaikaihonua   Mrs Keone

HALIIMAILE.

Miss Kaaumoana         Kaihe

KAWAIAHAO.

Kalanilehua                 Ekekela Kapu

Kanahele                     Mrs Beke Hewahewa

Ana Kaukahi               Jno Ewa

Fannie Hollock            Mrs Kaoakaokalani

IWILEI.

S W D Kanuha.

MAEMAE.

Mrs Ane Pahaa            Kailikele

MAUNAKIEKIE.

Pakoli Kekaula            Lepeka

Halaki Keopaulo         Kamuela

KALIHI.

Hana                            Mrs Haliaka Kanio

Melikiali                      Anoipua

P Kanoe                      Mrs Kalama

Frank                           S K Kaaiai

Mrs E Kileka               Mas F Kehikualaau

Mas Harry Hiwa         Malie K @ona

J Kioho                        Analu

KAPUUKOLO.

Lewi Mahiai                Kaniu Opio

Lilia Opio                    Wahinealoha

Becky Kainapau          Lauonaona

Geo Kaonohi               Napaona

KAMANUWAI.

Kuaele Kalama            Kaaialani

Mr Kahaiao                 Mrs Elena Kahaokamoku

W B Puakalehua         Paila

KAMOILIILI

Mrs Malie Puahi          Solomon Kauai

KAMAKELA.

Kewiki Keliaa             Joseph keakahiwa

MANAMANA.

Mrs Aulia                    Mrs Henry Poepoe

John Burke

KAULUWELA.

Miss Ellen Huno Kainuwai     Kahahalua

Kahula                         Dime Kalehua

Mrs Kanohomauna      Kanakapooole Haawia

KEHEHUNA.

Johnson Akona           Hanawalani Kau

HAUHAUKOI.

Miss Kulia                   Akakani Samoa

Mr Kahaumea             Emily Hoolewa

ULAKOHEO.

David Kaoao               Awa (Pake)

Mary Choy

NIOLOPA.

Miss Kailieha

KEPOHONI.

Mas Kaimi Pomaikai   Mrs Kaoni Haaheo

HONOKOHAU.

Mr Joe Shumen           Mrs Keala

Nu

PAUOA.

Kahooio                      Miss Heneli Kalewe

Mrs Kaukiha Pa          H N Keliikaiahale

Mr Kanakanui             Miss Julia Lani Kaowao

Hoolaha Kap@hu

LELEO.

Mr Kaiaiki                   Mikaele

Iohi                              Maliu Ako

AUWAIOLIMU.

Paahao (w)                  Hanu Puha

M K Kawaihau           Annie Kaepo

Moke Winia                Mele Monoua

Nipuu                          Mrs Mary Kiliw@hi

Mrs Kahaleohu            Mrs Mary Kaenaena

Mr Kapiioho                Makue Akiona

NA ALANUI

@ [Note: First list of names in column 5 are unreadable]

KALIA ME PAWAA

Kaholo@o                   Moses Man@

Jas Mal@l@                Mary Nakaahiki

Samuel Kalua              Miss P@ Pa@

P Puhi                          Paahao Kapal@na

Kaaialii                        Malie Kaulihonua

Kapeliala Lono

NIUPAPAI.

Ma@ Arthur Moses

KAPALAMA.

Miss Kahoe                 Mrs Kekukahiko

Maile (k)                      Kekahema

Mrs Kelai                    Jno Kaina

Mrs Haliilehua             Miss Ane Kapaau

Mohoe Kini                 Kahakalau

Caroline Lukoa           Mapunawailoke

Kapihe (w)                  Keai

Christina John             Miss Maleka Kep@lia

Mrs Waiopua               W B Malamae

Mrs Kaolu                   Miss Julia Pile@na

Henry Kalei                 Ed Kong

M Keola                      Mrs U M Kaauwai

Kaohekanu

HONOLULU.

Paulo                           Emalia

Keola Kaiakahi           Kalai Mokumana

Akepake Makua          E W Kawaiaea

Waialii                         Solomon Kaliipii

Pumauna Palena          Mr Kauhaleo

Capt. Pahia                  Willie Kahano

Lucy Iowela                J K Luka

L K Kakani                 Wm Kaao

Mrs Kawaikini            Mr L mahuka

Hellen Kaumaea          David Kahunui

Ema Kilika                  Mrs Lalah

Mas Isaac Aui             Wm Kaheluekahi

Mr P Pahau                 Malieloke Kauanonoula

D Kaehanui                 Kaluna

Sam Kolomokuliilii     Ane Kuina

Mrs Kahananui            Jno Kanui Kaamana

J Kamaka                    Mrs Luika

Miss Losalia Kaumau  Mas Konanui

Mr J Makahulu            Piianaia Kalukioku

Joseph Pahaia              Mrs Amalu

Kahuna Nakookoo      Hakualii

Humehume Kahau      Iokewe Anaton

Miss Lilian Pahau        Mrs Kahumaka

Mrs Helen Aiona         Robert Kamaka

 

            Na leta i hoihoi ia mai na Mokupuni mai:

HAWAII.

E Ki Napali                 Keliikanaka

J Kukaulalii                 Rahap Emila Bak.

C Puanaia                    D Namakawewehi

Mr Alan (Pake)

MOLOKAI.

            Mrs K@lupaina

OAHU.

J Timothy                    Kokaa

H Kaauakai                 Paulo Hookano

Mrs Kimo Pele            Kalane

Talaitoi Kilibati

            J. M. OAT,

            Luna Leta Nui.

            Honolulu, Dec. 31, 1896.

 

HOOLAHA.

 

            Ma ka halawai ana a na poe paa kuleana o ka Hui Hawaii Kuai Aina i Kaupalenaia i malamaia ma ke Keena o W. C. Achi, Esq., ua kohoia na poe malalo iho i mau Luna Nui no ua huila no keia makahiki:

Peresidena………………..Jas. H. Boyd

Hope Peresidena………..Jas. K. Kaulia

Kakauolelo………………..Enoch Johnson

Puuku…………………..C. A. Long

Luna Hooia……………..J. Paakaula

Luna Hoohana…………….W. C. A@hi

Papa Alakai:

R. W. Wilcox, J. K. Kahookano,

J. W. Bipikane.

            ENOCH JOHNSON.

Kakauolelo Hui Hawaii Kuai Aina i Kaupalenaia.     2632-3t

 

OLELO HOOLAHA I NA POE KUAI I NA APANA AINA O KEWALO.

 

            O na poe apau i hookaa pau mai i ka lakou mau dala no ko lakou mau Apana Aina ma Kewalo, ke kauohaia aku nei e hele mai i ke Keena o Bruce Waring & Co., ma ka Poakahi, Ianuari 4, a loaa aku no ko lakou mau Palapala Kuai. A o ka poe hoi e uku hapa nei no i keia wa, a i loaa ole aku hoi ko lakou mau palapala aelike, ma keia ke hoolahaia aku nei, ua makaukau ia mau pepa no ka haawiia ana aku ia lakou.           2631-t@

 

KUAI A KA ILAMUKU.

 

            Mamuli o ka mana o ka Palapala Ohi Waiwai i hoopukaia e ka Aha Hookolokolo Apana o Koolaupoko, Oahu, e kue ana ia Ahop (Ch) no ka pono o J. K. Paele ka mea hoopii, no na dala he $33.35.

            Nolaila, ua ohiia e a'u a e hooliloia aku ana ma ke kuai ma ke kudala i ka mea koho kiekie ma ka Hale Hookolokolo ma Kaneohe, Koolaupoko, Oahu, ke hiki aku i ka hora 12 awakea o ka Poaono, Ianuari 23, M. H. 1897, i na waiwai o Ahop, ka mea hoopiiia i oleloia maluna. a i hoakakaia ua mau waiwai la malalo nei, ke ole e uku ia mai ua mau dala nei i olelo ia ame na lilo e ae apau e pili ana i keia mea.

NA WAIWAI.

@ eke raiki.

1 palau (plow)

1 koi ame 1 kipikua.

2 ili lei ka@o kaa.

3 ohiu opala.

            F. PAHIA.

Hope Makai Nui o Koolaupoko, Oahu.

            2639-3t.

 

Vapo-Cresolene. He Laau Hoola Oiai no Oe e Hiamoe ana no ke K@ Kalea, ka Hano, Kunu Ho, ka @alulu Kau, ke A@

Ma ka wa e hoopunohuia ai ka uwahi o ke CRESOLENE ma loko o ke keena o ka mea ma'i e loaa koke no ka oluolu. @ ka mahao kona ikaika hooia, a ma ia wa hookahi nohoi e ka@ aku no ka pahola ana mai o na ma @ lele, ma o kona lilo ana he laau kina@ ma'i, a he laau pilikia ole nohoi no na keiki. @ ana e @ hana laau. E haawi wale la no ka buke hoakaka.

            HOLLISTER DRUG CO. Honolulu, HI na Agena

 

HOOKAHI @ TAUSANI APANA AINA MA KAPIOLANI PAKA NO KE KUAI.

 

            @ [Note: First paragraph and a half of column 6 are unreadable].

nei mamua aku nei, a mahope mai hoi o ke @ i Nohoalii ai o Kauikeaouli Kalokomaikai Kamehameha III.

            E hoomoeia ana ka wai i ka wa e makaukau ai ka poe kuai mai e kukulu i na hale.

            O ke kumukuai o na Apana Aina mai ke $100.00 no na Apana a emi aku a hiki i ke $50.00.

            Aole wa maikai e ae e loaa ai na home.

            E ae ia no ma ka uku liilii.

            No na mea i koe e ninau ae ia

            W. C. ACHI & CO.,

            Na Boroka o na Waiwai Paa.

            Honolulu, Nov. 25, 1896.

            2627-@

 

Hoolaha Moraki.

HOOLAHA HOOKO MORAKI

 

            Mamuli o kekahi mana kuai i @ke ia maloko o kekahi palapala moraki i hana ia mawaena o Kalepa Pupu ame Paleia kana wahine o Kaliu, Honolulu. Oahu, o ka aoao mua ame William R. Castle, Kahu i oleloia, Honolulu o ka aoao elua, ma ka la 26 o Iulai, 1892 i kakau kopeia ma ka buke 139 a@ 154, a mamuli o ka uhai la ana o na kumu aelike o kela moraki oia hoi ka uku ole ia o ka ukupanee ame ke kumupaa i ka wa i pau ai, nolaila ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai.

            A ke hoolaha hou ia aku nei oia mahope aku o na pule ekolu mai keia la aku, alaila, e hoolahala aku na aina i hoike ia ma ia moraki no ke kudala ana, ma ke keena kudala o Jas. F. Morgan, ma Honolulu, ma ka la 1 o Feberuari, 1897, hora 12 o ia la.

            Aia ma kahi o W. R. Kakela na olelo hoakaka no keia mea.

            Hanaia i keia la 6 o Ianuari, 1897.

            WILLIAM R. CASTLE, Kahu.

            Mea Moraki Mai.

            O kela mau apana aina a pahale elua. ma ka aoao mauka o ke Alanui Kuakini ma Kaliu, Honolulu, i hoakaka ia: (1) Apana 22 o ka aina o Ka@u no S. E. Bishop, nona ka palapala kuai i haawiia aku iaia e ka Papa Hoonaauao i kopeia ma ka Buke 1@3, aoao 232, a i hooliloia aku ia Paleia (w) ma ka palapala kuai a S. E. Bishop, i hanaia i Iulai 26, 1892, i kopeia ma ka Buke 136, aoao 287; a (2) oia ka Apana 23 o ua mau apana la, i kuaiia aku ia Kalepa Pupu, ma ka palapala kuai a ua S. E. Bihopa nei, i hanaia ma Iune 15, 1892, i kopeia ma ka Buke 136, aoao 259: a pela pu hoi me na hale ame na mea i kukuluia a i hanaia maluna iho a i pili paha me kekahi o na @au apana la, no laua ka huina nui o 6500 kapuai.         2632-4t

 

HOOLAHA HOOKO MORAKI AME KE KUAI ANA.

 

Ke hoolahaia aku nei ma keia, mamuli o kekahi mana kuai i hoikela maloko o kekahi palapala moraki i hanaia ma ka la 13 o Sepetemaba, 1888, mawaena o Keawekane (w) ame Kalua (k), kana kane mare, no Lahaina. Mokupuni o Maui, ia Jose Espinda o Lahaina i oleloia, i kopeia ma ke keena o ka Luna Kakau Kope Palapala Hoolilo, maloko o ka Buke 112 ma na aoao 197, 198 ame 199, ke makemake nei au, o Ellen G. Lyman, o Hilo, Mokupuni o Hawaii, ka mea i lilo mai ai @signee) ua moraki la, ma o na paiapaia hoolilo lehulehu la, e hooko aku i ua moraki la no ka uha@a o na kumu aelike i hoakakaia maloko o @a moraki la, oia hoi: ka uku ole ia ana o ke kumupaa ame ka uku-panee i ka wa e oo ai.

            Ke hoolaha pu ia aku nei hoi ma keia, e kuai kudala akea ia aku no na aina apau, na pono ame na mea apau e pili ana ma ua mau aina la, i paa a hoakakaia maloko o ua palapala moraki la, maloko o ke keena kudala o James F. Morgan, ma Alanui Moiwahine. Honolulu, Mokupuni o Oahu ma ka Poakahi, la 18 o Ianuari, A. D. 1897, ma ka hora 12 o ua ia @a.

            Penei i hoakakaia ai ka waiwai i paa maloko o ua moraki la.

            He apana aina e waiho ana ma Lahaina ma ka mokupuni o Maui, me na pono apau ame na mea apau e pili ana i ua aina la ame na hale apau ma@a iho, a i hoikeia na palena penei.

            Hem. @ deg. Kom 1 Kaui, ma ko Makaele, Ak. 54@ deg Kom. 1.2@ Kaui ma ko Kahakai, Ak. 42 deg. Hik 1.18 Kaui ma ko Lipi, Hem. 47 deg Hik 1.20 Kaui ma ka Alanui a hiki i kahi i hoomaka'i a maloko o ia aina la eka. a oi aku paha emi iki mai paha.

            ELLEN G. LYMAN

            Mea Paa Moraki.

            Kuike Dala, i ka mea e lilo ai ka aina ka uku palapala.

            No na mea i koe e ninau i ka Mea Paa Moraki, a i ole, i kona mau Loio. Thurston & Stanley.

            Hanaia Honolulu. @kemaba @, 1896.           2629-td