Ka Nupepa Kuokoa, Volume XXXVI, Number 2, 8 Ianuali 1897 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

Ke Kilohana Pookela

 

BUKE XXXVI          HELU 2. HONOLULU, POALIMA IANUARI 8, 1897

 

Column 1

 

Hoolaha Loio.

 

W.R. KAKELA,

Loio e he Kokua ma ke Kanawai

HE LUNA HOOLALO PALAPALA

1870

 

                                                         Hoolaha Kumau.

 

WILDER 7 CO., (WAILA MA.

 

Mea Kuai Papa a me na Lako kukulu hale o na ano a pau, a me na mea a ae a pau e pono ai o ka hale.

                                           Kukio  Alanui Moiwahine me Papu.

            386-0

 

              PAPA!  PAPA!

 

              AIA MA KAHI O

 

             Lewers & Cooke      

             ( LUI MA)

             Ma ke kahua hema o Alanui Papu

            me Moi.

            E LOAANO NA

            PAPA NOUAIKI

            O kela a me keia ano.

            Na Pani Puka, na Puka Aniani,

            ua Olepelepe, us Pou, ua Oʻa,

            na Papa Hele, na Papu Ku,

            me na Papa, Moe he nui loa

 

NA PILI HALE O NA ANO A PAU

A me na

WAI HOOHINHINU NAN

O ua ano a pau loa

--

Na Balaki o na Ano he Nui Wai.

Ke  hai ia aku nei oukou e na makamaka a pau, ua makaukao keia mau makamaka o oukou e hoolawe aku ma na mea a pau ili ana ma ka laua oihana no ka

Uka Haahaa Loa.

E Like me ka mea a holo ana mawaena o Laua a me ka Mea Kuai.

 

Hele Mai e Wae no Oukou iho

3396-0

 

Collumn 2

 

            HOEUEU RUSIA IA TUREKE.

--

            Na Ka Hoaka ke Kana Weliweli

            ma Europa.

__

            Liliukalani ma Amerika Huiia

__

 

            Hulili na Maka o Rusia ia Iapana.

__

 

            Kela ame Keia Nuhou.

__

 

RUSIA AME TUREKE

     Konekakinopela, Dec. 28.__Ua kuka pu ka Elele Kuhina o Rusia, ma ka Poaono nei, me ke Suletana Abdul hamid, ma kea no e hana pu ana ua Kuhina Rusia nei me na Kuhina noho o ua Aupuni e ae, elike me Beritania Nui, Frani, Italia, Geremania, me Auseturia, no ka hooiia ana aku o ka maemae o na hana hooponopono Aupuni koko ma Tureke.

     Ua hoike aku ia ke Kuhina Rusia i ke Suletana am eke Aupuni o Tureke, ina e Hooliloia na loaa i hoanaokoaia no ka hookaa ana i ka aie o Tureke, alaila, e umiiia ana na loaa o Tureke e na mana dala o Europa, a he hopena keia i hiki ole ke aloia ae.  Ua hooia aku nohoi ua Kuhina Rusia nei, M. de Nelidoff, imua o ke Suletana, ua ae ka Emepera o Rusia e haawi i kana mau kaoo ana i mea e palekana ai oia (Sultana) a e kaoo pu ana hoi i ka oho mana Moi ana o ua Suletaua la, ina e lawelawe ana na mana a ae o Europa in a keehina oolea aku maluna o ke Aupuni o Tureke.

     Eia nae, ua paakiki loa ka manao o ke Suletan, aole loa oia e ae iki i kahi mau hooponopono ana, ma ka mea e pili ana i kopa ma loaa, a ano e ae hoi, e komo aku iloko o na mana o Europa. 

     Ua hoike aku ia ke Kuhina Rusia, ke ku nei ke Aupuni o Tureke ma ke kulana e onou aku ana i ka nohoalii ame ka mana hooponopono Aupuni alii Tureke iloko o ka pilikia kokoke loa.

     No keia hoike a ke Kuhina Rusia, ua pane mai la ua Suletana nei, me ke kuoo  “Malia paha, owau ana ka hope loa o na Moi Tureke (Caliphs) aka, aole loa au e ae e lilo i Moi Kuʻi helu elua elike la e ko Aigupita (oia ke Khedive).

     Mawaho ae o keia mau olelo hoakaka a ua Kuhina Rusia nei, ua hoouna aku la oia he palapala i ka Aha Kuhina o Tureke a i ka halealii nohoi, a ua lilo ia palapala ano nui mawaena o ka poai o na luna Aupuni.  Ua hoike aku ua kuhina Rusia la, ma na huaolelo maopopo, i ke kupono loa no ke Suletana ke hooko aku in a olelo ao a na mana o pa, a e pono iaia ke lawelawe pu me lakou ma ka hooko ana aku ma ua mea e hooholomuaia ai ka nohona maluhia, alaila, hoike aku ia oia, ina e hoomau ana ke Suletana i ka hoopaakiki ana elike me kona manao iho, alaila, e hoea mai ana no he mau hopena maikai ole loa.

     E halawai hou ana na Elele Kunina apau no ke kukakuka ana i keia kulana a ma keia hope aku elua a lakou halawai ana iloko o ka pule hookahi, pela lakou e halawai mau ai a hiki i ka holopono loa aua o ka lakou mau olelo hoakaka imua o ke Suletana ame koua Aha Kuhina.  E lawelaweia ana keia mau kukakuka ana a ua poe Kuhina nei, me ka malu loa, a e hunakele loa ia ana no ka lakou mea e hooholo ai., aole e hoikeia aku i kekahi poe lua o na Aupuni a ae i komo pu ole iloko o keia akoakoa ana.  Ua lilo keia keehina hana hope a ua poe Elele Kuhina ia i mea ano nui loa ma ka poai alii o ke Suletana, a me he mea la oia kekahi kumu nui i hoopukaia ai kekahi kauoha Aupuni no ka hookuu ana in a poe pio Aremania ma Asia Minor.

 

Column 3

 

a ke hokuuia nei keia poe i kela ame keia la, ma na puuluulu o 15 kanaka.

            LILIUOKALANI—IAPANA—HOOHUI AUPUNI.

     Nu Ioka. Kek. 24—E olelo ana ka mea kakau o ka nupepa Commercial Advertise o Wasinetona, penei:  O ka hoea ana mai nei o Liluokalani, ka Moiwahine i pau, ia ne, he mea ia e loaa hou ai kekahi mau hoikeana hou, no ka mea e pili ana i ke kumuhana hoohui ana ma ii ko Hawaii Pae Aiua.  Mamuli o na kukai kamailio pu ana me ia, ua hoike mai ua Moiwahine la i pau i kona kokua i ke kumuhana e hoohui ana in a Repubalika elua.  Aka.  aole paha e manaoia loa ia keia olelo.  Me he mea la, o ka mea oiaio, oia keia, ua ike oia e hoea koke mai ana kekahi mau hana ano nui e pili ana ia Hawaii, a no ia mea, ua makemake loa oia e ohi in a pomaikai o keia mau hana ano nui, a oia kona mea o ka hiki ana mai nei.

     Oiai na Kuhina Kupa ame Haki e waiho mai ana he mau hoike ulumhiehie no ka holomua o ke kumuhana hoohui Aupuni, eia ke Aupuni o Iapana ke hoomakaukau malie nei i kekahi keehina ano nui e hoohana ai ke hiki mai ka wa pono.  He mea i maopopo loa, iloko o kekahi mau mahina i hala ae nei, ua hooikaika loan a Kuhina o ka Emepera o Iapana, ma ka hoolaupai ana i ka Repubalika o ka Pakipika, me na poe Iapana.  O kea no o keia, oia no ka hiki ana ia Iapan ke olelo ma ii kekahi olelo ma ka wa e hapaiia ai  ke koho balota ana no ka hoohui Aupuni.  O ka mea oiaio loa, ke makemake loa nein a Kuhina o na Empera ia o Iapana, e hoopalahalaha aku i kona mana Aupuni.

     Iloko o na pule kakaikahi i hala ae nei, ua lilo ka Oihana Kuhina Iapana maanei, ma ka hana hoiliili in a mea hoike apau e loaa ana, ma ka mea e pili ana in a kuihahi amen a aelike Aupuni i hanaia mawaena o keia Aupuni ame Hawaii.  Ua hele aku lakou ma na keena lehulehu o na Komite o ke Senate a ua loaa na kope o kela ame keia palapala pili Aupuni ia Hawaii oia hoi na palapala i  ikeia i keia wa.  He mea mapopo loa , mamuli o keia noii akahele o ka lakou mau huli ana no keia mau palapala i ahu wale ai ko lakou mau manao, a lilo ia i mea kamailio nui ia mawaena o na poai o na hoa o ka Ahaolelo i keia wa.  O ka lilo loa ana o na noonoo o na hoa o ua Hale elua iloko o na hebedoma i hala ae nei, ma ka ninau e pili ana ia Cuba, ua loaa loa i ua mau luna Aupuni Iapana la ka Manawa maikai e hoohana ai lakou i ka lakou hana me ka ulu old ana mai o na hoohuoi.  Eia nohoi ke Kuhina Iapana ke ake loa nei e loaa na mea hoike apau e loaa ana, no ke kulana o ka Repubalika opio me na Aupuni e ae.  Ua huliia na keena o na Komite o ke Senate amen a rumi waiho palapala no na mea hoike o keia ame keia ano, a i keia wa ua loaa i ua Keena Kuhina Iapana ia kekahi mau mea hoike waiwai loa.  Ua haawiia na uku kiekie amen a hooikaika ana mai keia poe aku i mea e loaa ai na mea apau e pili ana ia Hawaii.

     Na Oliana, La., De. 23—Ua noea mai ka Moiwahine Liliuokalani i keia kakahiaka, i ukaliia e Mrs. Eleanor Graham amen a keiki, Harvey ame Annie, kana kauwa wahine ame kona keiki lawelawe.  Haalele koke oia ia anei maluna aku o ka Louisville ame Nashville no ka Akau.

     Wasinetona, D. C., Dek. 25.—Ua hoea mai ka Moiwahine Liliuokalani i Wasinetona nei, ma kona alahele e kamoe loa ana no Nu Enelani, mai ka Hema mai ma ka hora 1:30 o ke kakahiaka.  E hiamoe ana oia ia wa, aole hiki ke kamailio pu me ia.

      Bosetona, Mass., Dek 25—Ua noea mai o Liluokalani ia nei ma ka hora 9:30 o ke ahiahi, a ua halawai aku me ia, ma kahi hoolulu kaa, ma Park Square, o William Lee o ka hui o Lee & Sheard, ame Mrs. Lee, Miss Lee ame ka hoaloha kahiko o ka Moiwahine oia o Kapena Julius A Palmer.

     “Aole au i holo mai nei ia nei e ike ia Peresidena Kalivalana, elike me ka mea i hoolahaia,” wahi ana.  “O kiʻu huakai noʻu ponoi iho no ia.  I hele mai nei au e ike in a pilikana o  kuu kane i make.”

 

Column 4

 

     Ua hoolahaia ae hoi, e hele ana ku ka Moiwahine Enelani, me ka manaolana e  kokua mai  ana ka Moiwahine Vitoria iaia, ma ka hooikaika ana e loaa hou iaia ka nohoalii o Hawaii.  Ua hole ae oia i keia mea; i ka wa e pau ai kona noho ana ia nei, e huli hoi aku no ia i Hawaii.

     “ Manaoio anei oe, e hoohuiia ana o Hawaii ia Amerika Huiia.” i ninau aku ai kekahi mea kakau nupepa iaia.

     “ aohe aʻu mea e hoike aku ai ia oe no ia kumuhana,” wahi a kaua pane.  I kona ninauia ana aku no ka mea e pili ana i ka Peresidena Kalivalana hana no ka ninau Hawaii, ua hole mai la oia.  Ua like nohoi me ia kona ano makemake pane ole mai, i kona ua i ninauia aku ai no ke Aupuni o Peresidena Dole.  Ua hoike mai oia, ma kona manao, he Aupuni mau ke Aupuni Repubalika o Hawaii.

     Bosetona, Mass., Dek. 25.—Ua hala aku la k Moiwahine (i pau) Liliuokalani no Brooklyn, a e noho ana oia ma kekahi hale ma ke kihi ma Cooledge, kokoe i ka home o Mr. ame Mrs. Lee, no kekahi wa i maopopo ole ka loihi.  Mai noho nohoi ka Moiwahine (i paa) ma kea no malihini kipa, ma ka home o Mr. ame Mrs. Lee, koe wale no ka maʻi ana o Mrs. Lee, a hiki ole iaia ke hookipa mai iaia ame kona poe hoahele.  Nolaila, ua imi o Mrs. Lee a loaa keia, wahi nona.  E hoonani maiau ia ana.  Ua laulaha ae nei ka lono, e kuai ana o Liliuokalani i hale nona ma Brookline, a ma kekahi wahi paha e kokoe ana i Bosetona, a noho loa oia ia nei no ka wa mau loa.  Aka, ua pane nae ke Alii imua o kekahi mea kakau nupepa:  “O koʻu Manawa mua loa keia i lohe a ii keia mea.”

 

            KEKAHI MOOLELO O KA MAKE

            ANA O KENERALA MACEO.

     Nu ioka, Dek. 27.—Ua loaa ami ia nei kekahi palapala i kekahi hoa o ka Hui o Cuba (Junta) mai ke kakauolelo mai a Kenerala Maceo i make, a e hoike ana ia i ka lono pili aupuni mua loa no ka mea e pili ana i kona make ana.  E hoike ana ua palapala la, penei:  Aole i haawi kumakaia maoli ia aku o Maceo iloko o na lima o ka poe Sepania, malalo o ka hae hoailona no ka maluhia a kukakuka ana hoi.  Ua haalele iho oia i ke oawa nei ma ua liikoa he kanakolu.  O kona make make, oia ka houluulu ana in a mahele koa apau o ka mahele aina o Havana a e lele kaua aku no paha maluna o ke kulanakauhale ma ka wa e hala aku ai o Weyler no ke kahua  kaua kuwaho.  O keia hoolala ana a Maceo kai humakaia ia aku in a poe Sepania, a ua  hoohuoi wale ia na Dr. Zertucha i hana i keia hana.

     Ma Sana Pedro, e kokoke ana i Havana, hele aku ia lakou ma kekahi alanui, aia ma kekahi aoao o ua  alanui la he pa-pohaku i hoonohoia mai ai kekahi poe kipu pololei a na poe Sepania.  Aia o Kenerala Maceo ame Gomezs opio mamua loa o ka huakai.  O ka wa no ia i kani like mai ai nap u a ka poe Sepania, a make iho ia o Maceo ame Gomeza.  Pela nohoi o Justiz ame Nodarse, e ukali aku ana mahope o laua, ua make no laua.  Ua hoehaia nohoi ka mea nana i kakau i keia palapala, oia nae ua pakele no ia.  O ke koena iho o na alii ukali o Maceo, ua pau lakou i ka holo.

 

            NA MAKA O KA BEA RUKINI IMUA

            O KA LA IAPANA.

     Ladana, Dek. 25.—E hoike ana kekahi lono mai Parisa ma ii ka nupepa Graphic:  Ua oleloia, aia ke m-ku la he aumokukaua Rukini o umikumamalua ka nui, ma Vladivostock no ke kiai ana ia Iapana, kai haupu wale ia e lele kaua hou aku ana oia maluna o Kina.

            HE PAIO WIWO OLE MA CUBA

     Nu Ioka, Dek. 27.-Ua loaa mai he lono mai Key west ma ii ka nupepa World, e hoike ana:   Ua pau loa i ka make ka puali kipu pololei o Teseka (Texas) i holo aku nei no Cuba, no ke kue ana in a poe Sepania.  He umikumamalima ka nui o keia poe kipu pololei, a ua paio lakou me kekahi pualikoa Sepania nui no ka Manawa o elima hora ma ka mahele aina o Pinar del Rio.  O ka nui o ka poe Sepania i pau i ka make ia lakou, ua pa-lua iho ia i ko lakou huina, a ua oi loa aku hoi

 

Column 4

na poe i hoehaia.  Ua hauoli loa nae na luna Aupuni Sepania no keia lukuia ana o kela poe Teseka he umikumamalima.

     Ua ikeia he pualikoa o na Cuba ma kahi kokoke i ke kulanakauhale o Pinar del Rio, ma ke kakahiaka Poaha, a ua hoouna aku o Kenerals Melquizo he elua mau Mahele koa kaua lio no ka lele kaua ana aku maluna o lakou.  A mahope iho o kekahi hoouka kaua kihakahaka, ua ikeia aku ia he umikumamalima poe kanaka Teseka, a ua hahai loloa ia aku la lakou a komo iloko o kekahi wahi haiki.

    I ka ike ana o ka poe Teseka i ko lakou pilikia, ua nee loa aku ia lakou iloko o ua wahi haiki nei, a pee mai la mahope o kekahi mau pohaku nunui.  Ua lele iho la na koa Sepania mai luna iho o ko lakou mau lio a hele aku la a hoopuni ia lakou, me ke ki ana aku i ka lakou mau pu.  Ua panai mai la nohoi na kanaka Teseka wiwo ole i no ho-uina ana o ka lakou mau pu, a ua oi aku mamua o elima hora ke kaua ana.  A iloko oia wa, ua make iho la eono o lakou, a he eha i hoeha ia, oia nae he iwakaluakumamalima poe Sepania i make, a he umi paha a oi o lakou i hoehaia.

     Ua hoounaia mai ia kekahi hae e ka poe Sepania no ka haawi pio ana aku o ka poe Teskea i koe iho, aka, ua hole aku lakou, me ka hooho ana “Ke hoomanao nei makou ia Maceo.”  Ua lilo keia i mea e inaina loa ai ka poe Sepania, a ua hakaka hou lakou me ke oolea loa.  He elua Manawa o na Sepania i lele kaua aku ai imua o na poe Teskea kakaikahi i koe iho, he elua hoi Manawa i hookuemi hope ia ai lakou, no ka alapine loa o na kipu ana a ka poe Teskea.  Aka, i ka wa i nee ai na poe Sepania a me kakahi puu kiekie mahope aku o na poe Teskeka, ua make iho ia ka nui o lakou (poe Teskeka) a koe he elua wale no; a ua hoomau no keia mau mea elua i ka paio ana me ka wiwo ole, a ua ku aku lawa imua o na enemi no hookahi hora hou aku ka loihi.  Mamuli o ko laua makewai ame ka nawaliwali no ka nui loa o ke koko i kahe mai a laua aku, mai kekahi mau palpu i loaa ia laua, ua hooki laua i ke kipu ana, a mamua o ko laua okioki liilii ia ana e na pahikaua a na Sepania hooho ae ia laua.  “Viva Cuba libre,” (e ola o Cuba a kuokoa.)

           

            KEKAHI LONO NO KA MAKE ANA

            O MACEO.

     Ua loaa ae kekahi mau lono malu, mai Key West ae, ma ka ia 19 o Dekemaba aku nei, ua ikeia ua make o Maceo, Gomeza opio ame iwakaluakumamalima poe e ae, mawaena oia poe he elima Amerik, mamuli o ka hanalia ana i ka laau make e Dr. Zertucha, mamuli o na aʻoaʻo ana a Ahumada ame Cirujada.

           

            KA NINAU O CUBA

     Nu Ioka,  Dek. 28.—E hoike ana kekahi lono kuikawa mai Wasinetona mai.  Ua lauhlaha ae ka lono, ua loaa mai kekahi palapala ano nui i ke Keena Kuhina o Sepania mai a Kuhina Nui Canovas mai, a maloko oia palapala he mau kumumanao kekahi e pili ana no ka noonooia ana o ka ninau o Cuba a kea no aha uawao.  Aole nae i loaa iaʻu ka hooiaio ana no keia lono, aa, ke hoike aku nei au, elike me ka mea i loaa mai iaʻu mai kekahi mea mea i hilinaiia.

     O na lono i lauiaha ae, ua ae o Senor Canovas in a kokua ana a Amerika Huila, a ua hoike pu mai hoi ia in a kumuhana a Sepania e haawi aku a ii ka poe kipi, maluna nae o na mea a Amerika Hulia e hoike aku ai.

__

Ua pau ae nein a kukakuka ana a Kuhina Olney ame Senor Depuy de Lome no ka mea e pili ana i ka ninau o Cuba a e waihoia aku ana imua o ka Ahaolelo Nui, ken oho hou mai ia ma ka la 5 ae nei.  Ua hanaia keia aelike mamuli o kekahi palapala i loaa mai nei mai ke Kuhina Nui Canovas mai i ke Kuhina Nui o Amerika Hulia.

     E haawi ana o Sepania in a kumu aelike i kona poe makaainana kipi ma Cuba, a oia mau mea kana i noni mai ai Amerika Hulia, nana e waiho aku ia mau mea imua o na poe Cuba.  A no keia hana maikai hoi a Amerika Huila, e hana no o Sepania i kuikahi panai-

Column 6

llike, e pili ana in a mea i hana ponoi ia ma Cuba, a ma ia kuikahi e loaa ai ia Amerika Huiia ka ukuia ana o kona mau poho mamuli o keia kaua.

     Ua hoaiai mai nohoi o Kuhina Nui Canovas, aole hiki ia Sepania, mamuli o kona makee ana i kona hanohano iho, ke hoike ae imua o ko kea o nei, ua hookikinaio, oia e Amerika Huiia e lawe ae  in a keehina hana i hooholoia ai e ia.  Ua haawi mai oia in a mea apau elike me kana e haawi mai nei, oiai no nae ke kaua kipi e nee ana.  Aka, ua ae nae oia in a kokua aloha ana a Amerika Huiia, ma ke ano uawo a ua ae pu nohoi oia e huikala laulaha aku in a poe kipi, ame ka hookoia ana o ke kanawai homaemae hou, ana e kakala mai ai ma Cuba.

     O kea no nae o ke Aupuni e haawila mai a ii na Cuba, wahi a kekahi hale Aupuni Sepania i hoike ae ai, he Aupuni kuokoa no ia i hooiaikila kona ano, me ka hemo ole ana o kona nohe ana mai loko mai o ke Aupuni makua mai, oia o Sepania.  Aole ia he Aupuni a Enelani i haawi ai no ka poe o Canada.

     O ka Sepania mea e makemake nei, e haawi aku in a poe kipi, ina lakou e haalele iho ana i ka lakou mau moa kaua, a oia nohoi kana e noi ku nei ia Amerika Huiia, oia ka hanaia ana ona kanawai e hoonoho ana i kekahi Aha Hooko Aupuni, a na ia Aha e noonoo in a mea apau e pili ana i ka oihana kalepa o Inia Komohana, am eke ano o na helu auhau ana amen a lilo Aupuni, no ka pou o ke Aupuni kuloko.

     Ua loaa mai ma hole ana mai Ladna mai, Berelina, Parisa, ame Roma no na lono i laulaha ae, no ko na mana nui komo ana mai e akeakea in a hana mawaena o Sepania ame Amerika Huiia no ka mea e pili ana ia Cuba—aohe oiaio oia mau wawa olelo.

 

KE NEE MUA LA NO NA CUBA

 

     Ke laulaha loa mai nein a hoonee kaua ana a na poe kip ma na kaiaulu he nui e hoopuni ana ia Havana.  Ma ka po Poaono iho nei, ua loheia aku la  ka paapaaina mai a ana pu mai ke kulanakauhale aku, a he ike wale ia aku no na hale pauahi.  Ua hoouna hou ia aku e na luna Aupuni he mau puali kuikawa hou no ke ku kiai ana.

     Ua loaa mai he mau lono mai Artemisa mai, e hoike ana i kekahi mau hoouka kaua kihakahaka ana, a no na Manawa he nui ie lele kaua aku ai na koa o River maluna o na mahele koa Sepania, a he elua nae Manawa a lakou i nee ai ma ia ano i loaa ai he mau poino nui in a poe Sepania.

     Ua hookuemi i hope ia main a koa o Sana Maretini ma ke kakahiaka Poaono nei i kekahi pualikoa kipi ikaika, a ua hoonee hope ia mai lakou no apenane hapalua mile, a hiki i ka loaa ana aku o na kokua ia lakou, a na la mea i hoohuli ae i ke au o ke kaua.  Ua laulaha ia ae, ua hooukaia kekahi kaua ma kahi kokoke i ke kulanakauhale o Pinar del Rio ma ka Poalimma aku nei, a ua olelo ae na poe Sepania, ua lanakila lakou ma ia kaua ana.  U hoike ae lakou ua hookauliiliiia e lakou kekahi pualikoa nui o na poe kipi.

     Ua hele kaua ia aku ka bataliona koa o Cuena, ma kahi kokoke i Matanzas, ma ka Poeha ku nei e kekahi pualikoa Cuba, a ua hookuemi i hope ia aku nae lakou, mamuli o na kipu ana mai ka papu mai ma Manimas.  He 26 poe kanaka i make a i hoehaia mawaena o na Sepania, a pela pu no ka nui o na poe Cuba.  Ua lilo pio aku nae main a Sepania aku he mau lako halelole amen a pu liilii he nui ame hookahi pukuniahi uuku.

       Ua loaa aku he lono i ka Hui Cuba ma Nu Ioka, e hoike ana ua haalele iho o Maximo Gomeza i ke oawa iikina ma Moron, a nee komohana aku ia.  E hoike ana nohoi kekahi mau lono mai a Gomeza aku, ua ae na poe Sepania aia ke houluulu ia he pualikoa nui o na poe hookah@li Aupuni ma ka mahele alua o Santa Clara, kokoke i Matanias.

__

 

     He mea pono i kela ame keia ohana ke loaa ona laau lapaau mama no na maʻi o ka opu.  I laau lapaau puhili ole no ka “moku ino loa o ka lepo” (Diarhea) Nahu, Umii, Kolera amen a maʻi apau o ka opu, aole he laau lapaau oi aku o ka maikai elike me ka PERRY DAVIS LAAU ENIKILA (Pain Killer).  Ua lawelaweia keia laau no na makahiki he kanalima, a ke hana mau ia nei i kela ame keia la, ma na aina apau o ka honua nei.  O ka Hui Kuai Laau Lapaau o Hollister, ka Agena.