Ka Nupepa Kuokoa, Volume XXXV, Number 52, 25 December 1896 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXXV.        HELU 52.        HONOLULU, POALIMA, DEKEMABA 25, 1896.        NA HELU APAU         2630

 

Hoolaha Loio.

W. R. KAKELA,

Loio a he Kokua ma ke Kanawai.

HE LUNA HOOIAIO PALAPALA.

 

Hoolaha Humau.

WILDER & CO., (WAILA MA.

Mea Kuai Papa a me na Lako kukulu hale o na ano a pau, a me na @ @ iao a pau e pono ai @ @

@ Alanui Moiwahine me Papu.

@ @

 

PAPA!  PAPA

AIA MA KAHI O

Lewers & Cooke

(LUI MA)

Ma ke kahua hema o Alanui Papu me Moi.

E LOAA NO NA

PAPA NOUAIK

O kela a me keia ano.

Na Pani Puka, na Puka Aniani,

no Olepelepe, na Pou, na O'a, na Papa Hele, na Papu Ku,

me na Papa Moe he nui la

NA PILI HALE O NA ANO A PAU

A me na

WAI HOOHINUHINU NANI

O na ano a pau loa.

Na Balaki o na Ano he Nui Wai.

@ hai ia aku nei oukou e na makainana a pau, ua makaukau keia mau makamaka o oukou @ aku ma na mea a pau @ @ ma ka laua oihana no ka

U@ Haahaa Loa.

E like me ka mea e holo ana mawaena ! @ a me ka Mea Kuai.

Hele Mai e Wae no Oukou iho.

2896-q

 

HE MOOLELO NANI

- NO -

LUBIANA KASIMILA,

- KA NAITA O KA -

LIONA GULA O BOHEMIA.

- A I OLE -

Ka Hui Naita Eleele o ka Lima Ulaula.

MOKUNA VII.

KA UI AREDIANE - KA HAKOKO ANA KA HIHIO I PILI PALUA IA.

     Ua poha hou mai la ka leo uwe a hoomaopopo iho la o Lubiana, ua hoea mai keia leo ma ke kukulu mai o ke alahele ana i hele aku ai. He mea oiaio loa, he leo wahine ia, a he leo hoi no kekahi wahine iloko o ka pilikia.  I keia wa oia i hoomanao ai, i ka leo walohia o kekahi wahine ana i lohe ai ma ka po ona i lilo ai i hoa no ka Hui Naita Eleele o ka Lima Ulaula. 

     O ka lua iho la keia o kana lohe ana i ua leo la me ka maopopo a o ke kolu o kana lohe ana aku, he leo ia no kekahi mea e pani ia ana kona waha me ka ikaika.  No keia mea, ua ano e ae la kona noonoo, a hoomau aku la oia i ka hele ana o kona lio ma ke alahele ana i manao ai e hooki i kona hele aaa i na sekona mamua iho.

     Ua hele aku la hoi kona lio me ke ano pioo, oiai e mau ana no ko laua lohe ana ku i ka leo nunulu o ka wahine iloko o ka ehaeha.  Aole hoi i liuliu puka aku la ua Naita Opio nei mai loko aku o ka ululaau a hoea ana i kekahi wahi malaelael.  ma keia wahi, ike aku la ia e ku mai ana kekahi pupupu hale kahiko a ua hele nae ia a ua nahaha.  Ma ke alo ponoi iho o ua wahi la, ike aku la ia i kekahi mea i loaa ai ka anapu ana o ka uwila o ka inaina iloko o kona houpo a paa koke iho la kona lima i ke kumu o kana pahikaua.  A o ka mea ana i ike aku ai oia keia:

     Aia he wahine e paa ia ana e na lima o kekahi mau kanaka kino oolea  E noke ana hoi ua wahine la i ka oni i o a ia nei, me he mea la e hoao aua ia e hemo mai ka paa ana mai a ua mau kanaka la a aia hoi laua e kaualako hele ana iaia no kahi e ku ana he elua lio.  Ua paa ka waha o ua wahine la i ka hakiiia iho me kekahi kaei silika, mamuli o ke kaeiia ana ae a puni o hope o kona poo, a na keia mea i hoopaa iho i kona waha a hiki ole i kona leo ke puka ae.  Aole hoi oia wale no, aka.  ua paa pu kona mau maka elua i na kaei silika la.

     Ike aku la hoi o Luviana, o na kanaka elua e kaualako ana i ua wahine la.  oia no kekahi mau kanaka, ana ame Manfereda i ike ai, ma ke kakahiaka o laua i paa pio ai malalo o ke Duke Ruperto a no ia mea hoomaopopo iho la ia me ka hoohewahewa ole eia laua ke hooko nei ia wa i kekahi kau9oha puuwai eleele mai kela Duke mai.

     I kela wa hoi i holo aku ai o Lubiana me ka ikaika a kokoke loa ma kahi a ua mau kanaka la e kaualupe ana i ka wahine a me ka leo oolea pane aku la:

     "Ano, e maria Pomaikai, e hooki olua e nei mau holoholona kanaka hilahila ole."

     Ia manawa i huli mai ai kekahi o laua imua o Lubiana, oiai hoi kona kokoolua e paa ana no i ka wahine.  O ke kanaka o laua i huli mai imua o Lubiana, oia kai olelo mai:

     "A-ha!  O oe kela kanaka opio i mahuka ai mai loko mai o ka halepaahao o ka haku o makou, ea?  E paa hou ana oe i ka halepaahao o ko makou haku.  kahi au i holo malu mai ai."

     I ka wa i pau ae ai ka olelo ana a ua wahi kanaka nei, o kona manaa ia i kpuhi ae ai i kekahi ulili, a i pane no keia leo kahea a ua ulili nei, ua oili mai la kekalhi kanaka mai loko mai o kahi pupupu hale.  Ike aku la o Lubiana he kulana aliikoa kona, a me he mea la oia kekahi o na lii o na koa kiai o ke Duke Ruperto.  He oi ae ka maikai o kana mau aahu mamua o ko kona mau hoa a ma ia wa nohoi hoomanao iho la ia i kona ike ana i ua kanaka la mawaena o na koa o Ruperto ma kela kakahiaka i hopu pio ia ai ia ame kona luaui hanai.

     He mau mea e ae nohoi kekahi ana i hoomaopopo ai ma ia wa, oia hoi, ike aku la ia i kekahi lio okoa aku ua na@ ia ma kahi kokoke loa ma ke kua mai o kahi pupupu hale a e ku ana ia mawaena o na laalaau; ike aku la ia i ke kanaka nana e paa ana i ka wahine, ua kupee maoli iho oia iaia a paa ilalo me he kupee ia ana la o kekahi puaa.  a hoomoeia io la ilalo.  Na keia hiohiona i hoowela loa mai i ka inaina iloko o kona houpo. a ia wa koke no oia i unuhi ae ai i kana pahikaua mai loko ae o ka wa-hi.'

     Ia manawa i pane mai ai ke aliikoa iaia:

     "E - e akahele loa oe e ke kanaka opio.  Ua ike makou ia oe.  O oe ke kanaka opio a ko makou haku i makemake loa ai e ike a ke olelo aku nei au ia oe e hele pu oe me makou imua o ko makou haku.  Nolaila, e koho oe i ke alahele maikai au i makamake ai nou iho, e hele paha oe me makou me kou hoopilikia ole ia, a-i-ole, e hele paha oe me kou hoao ana i na hopena ehaeha o na haawina ko'iko'i a makou e kau aku ana maluna ou mamuli o kou kue ana mai i ka'u mau kauoha."

     Oiai ua aliikoa la e kamailio mai ana ia Lubiana, e noonoo loa ana oia me ke akahele no kana hana e hooko aku ai imua o keia poe kanaka ekolu.  Aole oia i pupuahulu ma ka hapai ana ae i kana pahikaua a hoolale koke aku i na ai o Hinakahua; aka, ua kaohi malie iho la ia i na uilani ana a ka inaina wela e hanupanupa ana iloko ona.  O kana mea i noonoo mua loa ai i keia wa, oia kona hoomanao ana ae i na olelo a Mamiona, ana i lohe ai maloko o ka halepaahao o ke Duke Ruperto, aia mawaena o kona poe kanaka he mau hoa kekahi no ka hui kuwaho o ka Hui a na Naita Eleele o ka Lima ulaula, no ia mea manao iho la ia, eia paha iwaena o keia poe kanaka, kekahi kanaka oia ano nolaila, kamaiio aku la oia imua o ke aliikoa, ma ka hookomo an i kekahi mau hopunaolelo ano huna, a o ka poe wale no i komo iloko o na hui malu elua, oia hoi ka hui kuwaho ame ka hui Naita Eleele o na Lima Ulaula, o lakou ke hoomaopopo i ke ano o ia mau olelo, a hiki hoi ke ikeia he hoaloha kahi no kekahi.

     "Auhea oe," wahi a Lubiana i pane aku ai imua o ke aliikoa, ame kona mau hoa, oiai ua haalele aku la ke kolu o na kanaka i ka wahine e moe ana maluna o ka honua - "ua i mai nei oukou, ua ike ka, oukou ia'u, aka, he malihini au ma ka aina malihini.  E hiki ana anei ia oukou apau, a i kekahi paha o oukou ke hai mai ia'u i kahi e oaa ai ia'u ke alii?"

     Ua nana mai la nae ua poe kanaka la iaia nei me na maka piha pahaohao, a me he mea la aole no lakou i hoomaopopo mai i ke ano o ka ia nei mau olelo i hoopuka aku ai.  No kekahi mau sekona ka lakou ku ana a pane mai la ke kanaka aliikoa o lakou:

     "Heaha kou makemake me ke alii?"

     "Aole au ninau no ia mea oiai no'u ia kuleana.  Aka, e hiki anei ia oe ke hai mai ia'u i ka pohaku makamae oi loa aku iloko o ke karaunu o Bohemia?"

     Aole no i hoike mai ua poe kanaka la, a o kekahi hoi o lakou i kekahi hiohiona o ka hoomaopopo ana no keia mau olelo hope a Lubiana, a no ia mea ike iho la ia aole hookahi o lakou noloko o ka hui malu kaulana loa o Bohemia.

     Pane mai la hoi ke kanaka aliikoa o lakou:

     "Ke manaoio loa nei au, e aihuela ana e oe ke karaunu ina e ike lihi aku ana oe ia mea?  Ua hoomaopopo loa ke Duke Ruperto i kou ano.  Nolaila, e ke kanaka opio, aole anei oe e haawi pio mai ia oe iho me ka oluolu iloko o ko makou mau lima a-i-ole. e lawelawe aku paha makou me ka ikaika maluna ou i mea e hookoia ai ka'u kauoha?"

     Ia wa no i paa pono ae ai o Lubiana i kana pahikaua ma kona lima hema, a o kana ko'i kaua hoi ma kona lima akau, lele aku la ia mai luna aku o kona lio a ku ana oia imua o ua poe kanaka la ekolu.  Ua lilo keia hana a ua Naita Opio nei i hana aku ai i mea hoopahaohao loa i ua poe kanaka nei. 

     Ma ka wa i ku ai o Lubiana imua o ua poe kanaka nei, ia wa oia i pane aku ai:

     "E keia poe puwai eleele!  I hele mai au e hoopakele i kei alede a oukou e hana ino nei me ka lapuwale haahaa loa, aole au i hoea mai nei ma keia wahi no ka haawi pio ana aku iloko  o na lima eleele o kekahi poe kanaka e like me oukou ke ano.  Aia ko oukou mau lio -  e haalele koke iho oukou i keia wahi me ka hookaulua ole, a pela wale no oukou e pakele ai me ka maalahi:  a ina oukou e homau iho ma kahi e hiki ai i kuu koi kaua ke hoopa aku ia oukou i kekahi haawina maikai loa e lilo ai oukou i poe hoopilikia hou ole aku i na wahine nawaliwali ma keia mua aku."

     No keia mau olelo a Lubiana, na akaaka ae la ke aliikoa, me ke ano hoohenehene, a aka pu ae la hoi kona mau kokoolua.

     Huliu ae la ua aliikoa nei a kahea ae la i kona mau kanaka, o Max kekahi a o Zadoka kekahi, me ka olelo ana, "E lele ae kekahi o olua ma ka aoao akau o nei ilio liilii, a o kekahi o olua ma kona aoao hema, a owau aku nei hoi ma kona alo."

     Aole hoi o Lubiana i hoohakalia iho i kana hoala ana aku i kana kulana hoonee hakaka.  Hooho mua ae la ia me ka olelo ana:

     "Ke hana nei au i keia no ka hooko ana i ka pono!"

     Me he olapa ana la na ka uwila, pela i olapa olinolino ae ai kana pahikaua ma kona lima hema, a hahau aku la i ka pahikaua a ke aliikoa e ku mai ana mamua pono mai ona, a me kana ko'i kaua hahau aku la oia i ua aliikoa, a ho'i aku la ka lepo i ka lepo.  Alaila, lele hope mai la oia me ka eleu nui, oniu ae la ia i kana pahikaua ma ka aoao hema a kau lona pololei aku la imua o ke kanaka i nee a'e e paio mai iaia ma kona aoao hema, a ma ia wa hookahi no i hahau aku ai oia i kana ko'i kaua maluna o ke kanaka ma kona aoao akau, elike no me kana i hana aku ai i ke aliikoa.

     O ke kanaka hoi ana i kau wale aku ai no i ka maka o kana pahikaua, ua ku iho la ia me ka haalulu nui, oiai aia ka makau ame ka weliweli iloko ona kahi i holapu ai.  Oiai ua ike ia i ka make ana o kona mau hoa iloko o ka wa pokol loa.  Ua hoomaopopo iho la ia o ke kanaka oipo a lakou i hoaano aku ai e lilo ia i pio na lakou, he kanaka ia i heluia kona makaukau kakele i na mea kana ma ka papa kiekie loa o ka poe akamai ma ia hana iloko o Bohemia.  Ua ike aku la hoi oia ma na wawae o ua kanaka opio nei, he mau kepa gula, a hoomaopopo iho la ia, he kanaka ka oia no ke kulana naita, oiai o na kanaka wale no oia ano ka poe e loaa ai na kepa gula.

     No keia mea kukuli iho ia ua wahi kanaka nei ilalo a nonoi mai ia ia Lubiana e aloha aku oia iaia.

     (Aole i pau.)

 

MOOLELO O KA AHA HUI KULA SABATI O KA MOKUPUNI O KAUAI.

     Halawai ka Aha Hui Kula Sabati o ka Mokupuni o Kauai ma ka luakini o Waimea, Oct. 13, 1896, hora 10 a.m.

     Na G. B. Meheula, Kahu Kula Sabayti Nui o Kauai Hikina i wehe mua na hana a ka Aha ma keia kau.  Malama ia ka hapalua hora haipule.  He mau manao paipai mai na lala mai o ka Aha, pauia.

     Na J. Kanoho i alakai mai na hana Aha, pau ia.

     Hoomaopopoia na lala o ka Aha i hiki mai:

     Waioli, D. Puhi ka elele.

     Koolau, Miss Jull Hat., elele.

     Kapaa, I. K. Kaauwai, hope kahu K. S., A. M. Mose elele.

     Koloa, Jas. Kula, elele.

     Hanapepe, I. Mallekakai, kahu K. S., Will Kahaleole, elele

     Waimea, Rob.  Waialeale, kahu K. S., Kaialau, elele.

     Na Kahu kula Sabati Nui, G. B. Meheula me J. Kanoho.

     Kohoia ke komite imi kumuhana, G. B. Meheula, Rob. Waialeale, I. K. Kaauwai.

     Komite o na palapala, Will. Kahaleole, D. Puhi, Jas. Kula.

     Na J.B. Kahaleole e lilo na hoa i akoakoa mai mau hoa kukakuka.  Hooholoia.

     Hoike mai ke komite imi kumuhana.

     1.  Hapalua hora haipule.  2.  Hoike a na Kahu Kula Sabati Nui.  3.   Hoike a na Kahu Kula Sabati Apana ame na elele.  4.  Na mea e hoeueu ai i na Kula Sabati.  5.  Koho ana i na komite ame na elele no ka aha nui ma Honolulu.  6.  Hoike hui o na Kula Sabati Nui.  8.  Kahi ame ka manawa e noho ai keia Aha, aponoia ka hoike.

     Hapaiia ke kumuhana 2.  Hoike a na Kahu Kula Sabati Nui.

     na G. B. Meheula ame J. Kanoho i ka laua hoike, aponoia ka hoike.

     Hapaiia ke kumuhana 3.  Hoike a na Kahu Kula Sabati Apana ame elele.  Na ke kakauolelo ame ka elele i ka hoike o ke Kula Sabati o Waiole, paonoia.  Na Miss Jull Hat. i ke Kula Sabati o Koolau, aponoia.  Nai. K. Kaauwai ame A.M. Mose i ka hoike Kula Sabati o Kapaa, aponoia.

     Na J. Kanoho i ko Lihue hoike, aponoia.  Na ke kakauolelo ame ka elele i ka hoike o Koloa aponoia.  I. maliekekai ame Will. Kahaleole i ka laua hoike aponoia.  Rob. Waialeale ame S. Kaialau i ka laua hoike, aponoia.

     Kumuhana 4.  Na mea hoeueu i na Kula Sabati.

     He nui na manao o na iaia o ka Aha no keia kumuhana aka, ma ke noi a G. B. Meheula e hoopanee i keia aha a noho hou mai i ka hora 1 me hapa, hooholoia.  Hoopanee ia me ka pulea Rev. S. Kaili.

     Ma ka auina la i noho hou ai ka aha.  Pule o G. B. Meheula.  Hapai hou ia ka noonoo ana i ke kumhana 4.  Ua lawe mai o G. B. Meheula he olelo hooholo, Olelo Hooholo, hooholo ia. Na ke Kahu Kula Sabati Nui ame kua mau Kahu Kula Sabati Apana e hoeueu i kona mau Kula Sabati iho. Hooholoia.

     Kumuhana 5.  Koho ana i na komite ame na elele.  Komite a ka Aha, Jas. Kula.  Komite Hoike Kihapai, A.M. Mose.  Na elele, mai Waimea a Hanapepe, S. Kaialau, kona hope, I. Mailekekai; mai Koloa a hiki i Lihue, Jas. Kula:  Kula Sabati o Koolau, Miss Jull Hat.:  Kula Sabati o Kapaa ame Waioli, A. M. Mose, kona hope, D. Puhi.

     Kumuhana 6.  Hoike hui o na Kula Sabati. ua hooholoia, e hoike hui no na Kula Sabti ma ka la Sabati.

     Kumuhana 7.  Ka noonoo ana i ka uku o na Kahu Kula Sabati Nui.  Ua hooholoia e uku ia na Kahu Kula Sabati Nui. i ka akahi hapakolu o na loaa o na dala e lulu la ana ma kahi e hoike hui ana o na Kula Sabati.

     Hoike a ke komite o na palapala helu, aponoia.

     Kumuhana 8.  Kahi ame ka manawa e noho ai keia aha, ua hooholoia, ma kahi e noho ai ka Aha Ekalesia malaila e noho ai keia Aha.

     Waiho mai o G. B. Meheula he olelo hooholo, hooholoia,-Ke haawi aku nei na lala o kela Aha i na kamaaina o Waimea nei i ko lakou hoomaikai nui, ma ka malama ana nei i na mea e oluolu ai ke ola kino, aponoia ka olelo hooholo.  Heluheluia ka moolelo a aponoia.

     Noi o J. B. Kahaleole e hookomoia ka moolelo ma ka nupepa Kuokoa ame ke Aloha Aina, hooholoia.

     Hookuuia na hana a ka Aha me ka pule a J. B. Kahaleole.

                                                                                    G. L. KOPA

                                                                                    Kakauolelo.

 

     {Eia ae ke kii o ka Moi Oscar, ka Moi o Suedana, ka Lunakanawai kiekie loa o loko o ka Aha Uwao e noho aku ana mawaena o Amerika Huiia ame Enelani, ma ka ninau hoopaapaa palena aina o Venezuela, ka ninau i lanakila ai na koi a ka Aeto Amerika maluna o na kue a ka Liona Beritania.  O keia kekahi o na kanaka pookela loa o ke koikoi mawaena o na alo alii apau o Europa.  He 6 kapuai me 3 iniha kona kiekie.  He 67 ona mau makahiki.  He kanaka helehelena ui, a he puniu i piha i ka naauao}.

     {O ke kii maluna ae nei, o a ke kii o kekahi Cuba, nona na makahiki he 11, a oia ke koa opiopio loa mawaena o na poe koa o Cuba e paio mai nei me ka poe Sepania.  O Ramon Fonseca kona inoa.  O kana mau hana koa lua ole, he mau mea ia i hoopuhili aku i na poe Sepania e hoolulu ana mawaho o ke kulanakauhale o Puerto Principe.  He 4 kapuai kona kiekie, a he 85 paona kona kaumaha.  He 10 paona ke kaumaha o kana pu raifela, a ua aihueia mai ia pu e ia, mai kekahi koa Sepania mai}.