Ka Nupepa Kuokoa, Volume XXXV, Number 48, 27 November 1896 — Page 3
| This text was transcribed by: | Jean Howard |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
KA HUI ALAHAO ME AINA O OAHU
MANAWA HOLO
Wai a @@@@@ aku o lulai 5 @ 1895
(Drawing of train)
Train schedule
Partial
A.M. A.M. P.M. P.M. P.M.
Haalele ia Honolulu 6.40 9:15 1:45 1:45 5:10
Haalele ia Manana 7:10 9:55 2:25 2:28 5:53
Haalele Wili Ewa 5:10 10:19 2:49 2:49 6:14
Hik@@@ Wa@@@ae ---- 10:54 ---- 3:24 6:49
More partial schedule
A.M. A.M. P.M. P.M. P.M.
Haalele ia Waianae 6:44 --- 1:32 --- 4:16
Haalele Wili o Ewa 7:19 9:10 2:07 3:51 4:51
Haalele ia Manana 7:50 9:48 2:38 4:22 5:22
Hiki@@ Honolulu 8:23 10:30 3:11 4:55 5:55
E lawe ana na kaa ahi hali ukana i na kaa @@@@@@ ka papa ekahi.
@ P. DENISON,
Luna. F.C. SMITH
Luna Kuai Palapala Holo
NU HOU HAWAII
H@ mau hookapipi kuaua ko ka po @@@@@ nei a ao ae nei ka Poakolu.
Aole paha liuliu na la i koe a haawi Aha mele hou mai ke Kula Kaikamahila o Kawaiahao.
Ma ka Poaono aku nei i haalele mai ai ka mokuahi Austrailia ia Honolulu @@@ a huli hoi aku la no Kapalakiko.
Ua haawi puhi ohe manawalea aku ka Bana Lahui imua o Liliuokalani, ma ke kakahiaka Poalua nei, ma Wasinetona Hale.
E makaala loa e na hoaloha no keia mau la e nee nei, he mau la omaimai keia a nawaliwali nohoi, oia ke kokoke aku nei i na wa o ka hooilo.
Ma na lono lauahea ia loaa hou mai ia makou, e haawi ana ka Puali Puhi Ohe Lahui he anaina puhi ohe ma ka Hale Mele Hou i keia po Poalima.
Ma ka hookuku kinipopo pekupeku wawae i malamaia ai ma kela auina la Poaono k=akunei, mawaena o ka Hui Puna hou ame ka Hui Pualikoa, ua kaa ka eo i ka Hui Punahou.
O ka Poaha aku la, he la hoomaikai a hoalohaloha ia a Hawaii Lahui Repubalika i ke Akua Kahikolu no na pomaikai laulaha Ana i papahi mai ai maluna o Hawaii nei i keia makahiki.
Ua hoopomaikaila mai ke kihapai hooulu lahui o ko makou makamaka Mr. Jas. N. Keola, ma ka hanau ana mai o kana wahine he kaikamahine ma ka Poaono aku nei o kela pule, ma Kaakopua ae nei.
Ma ka hookuku kipu ana ma ka Poaono aku nei, mawaena o ka poe kipu mai waena mai o ka puali makai ame ka pualikoa E. o na koa Aupuni, na lanakila ka poe koa. He 404 na helu o na maka’i, a he 410 ka na koa.
Apopo ka la 28 o Novemaba nei, a o ka la keia a na puuwai Hawaii e hoomanao ae ai i ka ike ana mai o na Aupuni o Beritania Nui ame Farani i ke Kuokoa o Hawaii nei. He mau paina momona ka kekahi poe e hoouluwahi hie ae ana ma ia la.
Ma ka Poaono ae nei, maloko o ka @@@@ Hale, e koho ai na elele o ka @@@@ Meha Aina i Persidena no lakou @@@@@ manao ko makou no keia ano hana @@@@@mauia mai nei kona hoopaakikiia @@@@ kekahi poe Hawaii. E kamailio @@@@na makou ma keia mua kokoke.
@@@@ oleloia, ke pau ka hakaka ku’i@@@@ puupuu ana a Tom Sharkey me Mr. @@@@simmons, ma ka la 2 ae nei o De@@@aba, maloko o ke kulanakauhale o @@@@alakiko, no ka pili he $20,000. ala@@@ holo mai ana oia no Hawaii nei, @@@@makila nae oia maluna o kona @@@@o.
@@@@ia Poaono iho, ka la 25 o Nove@@@@ oia ka la hoomanao no ka ike @@@@@@mai o na Aupuni o Beritania ame @@@@@ i ke Kuokoa ana o Hawaii nei, @@@@@ @3 makahiki i kaa hope ne nei @@@@@ kanawai maoli ia keia la “Kiu@@@@@” o ke kanaka Hawaii e keia Kau @@@@olelo i pau aku nei.
O ka Poaha nei, oia ka la Hoomaikai a Hoalohaloha i kukalaia ae e ka Peresidena o ka Repubalika o Hawaii nei no ka hoomaikai ana aku i na Mana Lani no na haawaina hoopomaikai laulaha i ikeia maluna o ke Aupuni, ka aina ame ka lahui iloko o ka wa i hala ae nei, mai ka wa mai o na ooloku ame ke ahulau i ikeia ai ma ka makahiki i hala aku.
No ka piha loa o ka makou pepa o keia la, nolaila, ua hoopanee hou ia kahi mau manao o makou a keia pule ae.
Ma ka hora 2 o ka auina ia Sabati nei, ua loaa aku la ke kino make o kekahi Pake e waiho ana iluna o ka moe maloko o kekahi rumi maluna ae o ka hale inu kope ma ke kihi o na alanui Pauahi ame Maunakea. He 50 paha ka nui o kona mau makahiki a make aku la. He paahana keia malalo o ka oihana makai o Honolulu nei i kahi wa i hala ae nei.
Ua hopuia ma ka Poalua nei o J. Silva mamuli o ka palapala hopu i hoohikiia e Akau, he Pake, ma ka olelo ana ua lawe aihue aku ka mea i hoopilia, ma ka po Poakahi nei, mai ke kino aku o ua Pake la he $3.00, oiai ia e ku ana ma ka hale hooluolu kaa hapaumi ma Punahou. Ua olelo ka Pake, he nui loa na kanaka i ike i keia hana ana a J. Silva.
Ua hopuia e ka makai Kiu Hawaii David Kaapa, ma ka Poaono aku nei o keia pule, he kanaka no Kikihale ae nei, no ka hewa kuai “Lemu Hao.” O keia waiona nae i loaa mai iaia, mai Molokai mai e hoounaia mai nei laia, me he la ma kela ame keia ku ana mai a ka mokuahi Mokolii e loaa mai ai. O keia “wai” mai nei hoi i loaa mai nei iaia ua ho-o ia iloko o kekahi wahi pahu-lole.
Ma ke kakahiaka Poalua nei, hora 9 a oi, ua hookui ae la kekahi kaa hoolimalima e kalawaia ana e kekahi Pake, mamuli o kona hemahema i ka hookele ana, me kekahi kaa lawe pohaku o ke Aupuni, ma kahi kokoke i ka uwapo o Haaliliamanu ae nei, a lilo ana kekahi wawae panee (huila) o ua kaa la o ka Pake, a hoomaka aku la ka lio e owala, me ka huki pupuahulu ana i ke kaa me ka noonoo ole ae i ka ka Pake kuhe aku iaia.
-----
Ma keia Poalima, Novemaba 27, e hoohuiia ai ma ka berita mare of Miss Maria Elizabeth Nalimanui Hose o ka “Malu Ulu o Lele” me Henry John Harrison o Hononolulu nei ma ka home noho o ka wahine ma Lahaina. O keia ke kaikamahine hiapo a Mr. ame Mrs. P. Hose, o Lahaina, a o ke kane oia ke keiki a Kapena Harrison o keia kulanakauhale. Na ka Bihopa o Honolulu nei laua e polena ana ma ka hipuu o ka Materemonio.
------
Ma ka po Poaono aku nei, ia Joe Mai, kekahi luina o ka mokuahi Likelike, i huli hoi aku ai no luna o ua moku la, oiai ia iluna o ke alahuki moku no ka hiamoe ana ma ia po. Ua moe oia malua o ka noeki, a ma ka hora 4 ame 5 o ka wanaao Sabati ae, loaa aku la oia ia J.H. McKeague, kekahi makai kiu, e waiho ana oia ilalo iluna o ke alahuki moku, me na palapu ehaeha. Ua ikeia ka lana o ke koko iluna o ka oneki ma kahi a Joe Mai i hiamoe ai.
----
Ua loohia o Mr. N. N. Osburn, he mea i kamaaina loa ma Woodstock, Mikikana, me ke kikala haneenee. Ua konoia oia e hamo i ka LAAU HAMO a KAMALENA. Hookahi no po, o ka loaa no ia o ke ola iaia. He laau kaulana loa keia no ke ola o ka rumatika. E kuaiia ana e na poe kawili laau lapaau apau, ame na poe kalepa laau nohoi. O Benson, Smith & Co., na Agena no ka Pae Aina o Hawaii nei.
------
Ma ka auina la Poaono aku nei, ua hookui ae la ka lio o kekahi Pukiki me ke kolo o kekahi kaa holo-lealea e kalaiwaia ana e kekahi wahine haole, a maluna o ua kaa la kana mau keiki liilii elima. Ma keia hookui ana, ua make loa ka lio a ua hoehaia hoi ua Pukiki la. O ke kokoolua hoi o ua Pukiki la i holo nui mai ai ma ke alanui Beritania a hookui iho la me ke kaa, aole ia i nana aku i ka poino o ua Pukiki la, aka, puhalahiu loa mai la oia noloko nei o ke kulanakauhale.
-----
E haawi hou ana ka Puali Hoikeike Haiolelo Akamai o ke Kulanui o Sana Lui, ke ole e loaa na kuia, he hoikeike hou o ka lakou mau hana hoohauoli ma ka malama ae nei o Ianuari, a o na pomaikai e loaa mai ana no ke kuai ana ia i na noho opera maoli no ko lakou keena hoikeike. He hina okoa o $1,200 e pono ai ke loaa no ke kuai ana aku a loaa mai keia ano noho, a o ka aneane e hapalua o keia kumukuai kai loaa i keia wa ma o na loaa la o ka hoikeike i haawiia e ua Puali la i kahi wa kokoke i hala ae nei.
-----
Mamuli o ka oluolu o na keonimana o ka Hui Opio Hawaii, ua haawiia mai i ka Lunahooponopono o keia pepa ka haiolelo no ka la Kuokoa ae nei, Poaono, Nov. 28, ma ko lakou hale halawai mau oia kela halepohaku ma ke kihi o kahi lanui olowi e holo ana ma ka hale hana hao. Ke ole makou e kuhihewa, ua noa keia anaina hoomanao la Kuokoa no na poe apau. Ma ke ahiahi hora 7 paha e malamaia ai keia anaina hoohauoli. Mahope iho o ka haiolelo, he mau himeni me na mea kani ke houheuheneia mai ana e na hoa o ka hui.
WILLIE KALAWE UA HALA
----
I KA NUPEPA Kuokoa:
Aloha oe: -- Luuluu wale kaua la@ E ahonui mai oe ia’u i kekahi wahi kaawale o kou kino lahilahi, e komo aku au iloko ou, no na hua e kau ae la maluna, i ike mai ai hoi na kini makamaka lehulehu, ame na hoaloha o ka mea i maalo aku la ma o, e noho ana mai ka la puka a i ka la komo.
“Aole hoi o kakou kulanakauhale e mau ana maanei, aka, ke imi aku nei kakou ia mea ma keia muli iho.”
Ma ka hora 4:20 o ka wanaao Poaono la 32 o Oct. i hala ae nei, ua komo mai la ka anela o ka make i o maua la, a lawe aku la i ka hanu hope loa o ka maua keiki i aloha nui ia Willie Kalawe, a hele aku la oia no ke ala hoi ole mai, oiai nae, o kakou ke hele aku ana i ona la, a oia, aole e hoi hou mai ana i o kakou nei.
Ua hanauia aku oia mai ka puhaka aku o kona makuahine Mrs. Mama Kalawe, ma Haehae, Kapoho, Puna, Hawaii, kahi hoi a ka la i hiki mai ai, i Nov. 13, A.D. 1878.
O ka nui o kona mau la i hanu ai i na ea o keia noho ana malihini ma keia ao, he 17 makahiki, 11 malama, a me 18 la, a kuu wale aku la i kona luih, pau ka lohe ana i kona leo uwe, pau ka ike ana iaia, ua hala! Ua lilo!! Ua nalo!!! Ua maha aku la !!!!
Auwe! Aloha ino kuu keiki, ka mea poina ole i ko maua manao e noho nei,
Song.
He aloha kuu lei kuu milimili,
Kuu keiki la ua hala,
Mai ka wai huihiu la e Wailoa
Mai ka ulu lehu i Panaewa e
Chor.—Manaonao wale ka ike’na
Luuluu i ke aloha
Komia iho i paa iloko
Pela hoi, ua hiki e ----
Ua waiho iho oia mahope nei ia maua na makua, kona mau pokii, na kaikuaana, na hoaloha o ka imi naauao ana, ame na kini lehulehu a pau, e u pu aku nona ma keia aoao.
Ua hoonaauaoia oia i kona mau la kamaiki opio, ma ke kula apana o Halepuaa. Puna, Hawaii, ma na ike oia au i hala aku, i noho kumu ia e D. Kapahee, kona kupunakane ponoi i ka A.D. 1883, a ma ka la 24 o Nov., A.D. 1884, ua komo aku oia ma ke Kula Alii o Kahehuna, Honolulu, Oahu, i noho kumu poo ia e Rev. A. Mackintosh a ma ka hapa hope o Augate, A.D. 1887, komo hou ma ke Kula Beritania o Waimea, S. Kohala, Hawaii, malalo o ke alakai ana a Miss E.W. Lyons, a ma ka malama o Oct. oia makahiki no, noho hou ma ke kula o Kehuhuna, a ma ka malama o Iune, A.D. 1888, hemo mai oia mai, ia kula mai, me ka minamina nui ia e na kumu, ame ka loaa pu mai hoi o na hoomaikai ia ana mai na kumu mai oia kula, a ma ka malama ae o Sept. oia makahiki no, komo hou oia ma ke kula apana o Kapoho, Puna, Hawaii, e noho kumu ia ana e Rev. J. N. Kamoku, a ma ka hapa mua ae o ka A.D. 1889, noho ma ke kula olelo Beritania o Kalapana, Puna, Hawaii, i noho kumu poo ia e S.H. Haaheo, a ma ka hapa hope oia makahiki, noho hou ma ke kula o Kapoho, malalo o Miss Hattie Elderts, ame George Elderts, a ma ka la 17 o Sept., A.D. 1890, ua puka mai la oia mai ia kula mai, a i ka la 18 ae no, komo hou aku la oia ma ke Kula Hanai o Hilo Boarding School e noho kumu poo nui ia ana e Mrs. Terry, a ma ia kula oia i noho ai no ka manawa loihi i hala ae, a ma ka malama o Dec., A.D. 1895, waiho malie aku la oia i ke kula ana i aloha nui ai, mamuli o kona loaa ana i ka nawaliwali kino, a na ia nawaliwali i hoomailo iaia no akahi makahiki a oi, a hala wale aku la no me ka minamina nui, eia ka!
O maua ana ka ke aloha e luwaiele nei
E kuewa ana i ke ala me ka waimaka.
Ua haawi ia na lapaau naauao ana a na kanaka iaia, a me ia a lilo wale aku la.
Lilo i Puna e ----
Lilo i Puna
Lilo aku la i Puna
I ke au a ka hewahewa
Auwe! Aloha no.
O ka maua hiapo a hua mua hoi keia i loaa mai i ko maua mau la opio wale o ka noho ana iloko o ka berita mare, a he mau hoa hele no hoi no na wahi malihini ma ka han aa ke Akua.
I ka weilele o Hiilawe
O Waipio i Pakaalana,
I ka ia miliopuia i ka lima
Auwe! Lihaliha wale!!
Ua pili pu ia e makou ke anu o
Waimea i ka ua Kipuupuu
Ka nani hoi o Hiio Hanakahi
Ka Paiala o Puna i ka hala
Ka ohu kakua i Kilauea
Ke kai kauhaa a ka malihini
Ia Kona kai opua i ka lai.
Ua pili pu ia no ma na hana maikai apau.
Ua bapetizoia oia ma Kawaiahao, Honolulu, Oahu, a hookomoia i ka hoahanau ma Puula nei i Iulai 3, 1892. He oluolu oia a he hooihe ma na ano apau, a he ike i kona mau hoa ma na ano a pau.
Ma kekahi mau po mamua iho o kona hele ana, ia makou e malama ai i ka wa ohana, oili mai no kona leo himeni i ka wa hoonani i ke Akua, me he la, aole he pilikia maluna ona, a i ka loha ana, hu mai no ke aloha, a hiolo pu no ko maua mau waimaka, a ma ka po hope loa o kona ea, ua kukai olelo pu no maua me ia, a ninau au iaia: He aloha no oe ia maua? Wahi ana i mai ai, he aloha no au ia olua, ninau hou au, he huhu no hoi oe ia maua i kahi wa, wahi hou ana—he huhu no ka wa o ka huhu, a hiki mai no ke aloha, he aloha no au ia olua. Mai haawi oe la’u i ka poe hoomanamana, e hoolana i ko olua manao no’u, no ka mea, he poe kaahele wale no kakaou ma keia home noho malihini maanei, aia no ko kakou home mau loa ma o—iluna i ke ao.
Ka lani kuu h ome e maha mau ai,
Pokole paa ole ku noho maanei,
No ke aha e ohumu ke kau paapu mai,
Na eha, na luhi, na kaumaha e,
Cho. –Eia mai na anela ke memele no’u, etc, etc.
A kuu malie aku la oia i kona uhane, me ka walohia pau ole.
Ua malamaia kona halawi hope loa maloko o ka luakini o Puula, na Rev. J.N. Kamoku, ma ka la Sabati ae, la i o Nov., a hoihoi ia aku la ka lepo ia ka lepo, elike me ia mamua, no ka mea, “Nana no i haawi mai, a nana no i lawe aku. E hoomaikai nui ia oKna inoa.
Owau iho no, L.K> KALAWE, Koae, Puna, Nov. 14, 1896
Hoolaha Mana Hoololokolo
---
AHA KAAPUNI APANA HOOKOLOKOLO Eha. Ko Hawaii Pae Aina Ma ke Keena. Ma ka Hooponopno Waiwai. Ma ka hana o ke Kahu Malama o Kawaimapuna, Danie. Moses ame Keliikuloa, na keiki oo ole a Ohumikini (k) i make.
Ma ka heluhelu ana ame ka waihoia ana mai o ke Noi a Nualolo (w) ka wahine kane-make a Ohumukini (k) e olelo ana, ua make kauoha ole o Ohumukini (k), o Kahua, Hawaii, ma Pepeekeo, Hawaii, ma ka la 9 o Sepetemaba, A.D. 1892, me ka waiho ana iho i kekahi waiwai ma ko Hawaii Pae Aina, a e nonoi ana e hoopukaia na Palapala Hookoku Kahu Hanai iaia, Nualolo.
Ua kauohaia o ka Poaha, la 31 o Dekemaba, A.D. 1896, ma ka hora 10 A.M. ka wa i hookohuia no ka hoolehe ana ma ke Keena Hookolokolo o keia Aha ma Hilo, Hawaii, a ma ia manawa a ma ia wahi e hele mai ai ka poe apau i kuleana ma ia hana a hoike mai i kumu, ina he kunu ka lakou, nokeaha la e ae ole ia ai ia noi.
Hanaia ma Hilo, H.I. Novemaba 20, A.D. 1896.
Na ka Aha:
DANIEL PORTER, 2626-3t Kakauolelo.
-----
AHA KAAPNI O KA APANA HOOKOLOKOLO Kaapuni Eha o ko Hawaii Pae Aina. Ma ka Hooko Kauoha, Ma ke Keena. Ma ka hana o ka Waiwai o Keaweamahi (k) o Hilo, Hawaii, mamua, a i make.
Ma ka heluhelu ana ame ka waihoia ana mai o ke Noi ame ka Moowaiwai a Gardener K. Wilder, Lunahooponopono o ka waiwai o Keaweamahi (k), o Hilo, Hawaii, mamua, a ua nonoi mai ea e aeia ka huina o $172.50, a e kaki ana iaia me $760.00, a e nonoi ana hoie nana ia a e aponoia kana hoike, ae hoopukaia ke kauoha hope loa a ka Aha no ka mahelehele ana i ka waiwai e koe nei ma kona lima mawaena o na poe i kuleana i ua waiwai la, a e hookuu ia hoi oia ame kona mau hope mai na koikoi mai apau oia hana.
Ua kauohaia, o ka Poaha la 31 o Dekemaba, A.D. 1896, ma ka hora 10 A.M. imua o ka Lunakanawai o ua Aha la, ma ke Keena Hookolokolo o ua Aha la ma Hilo, Mokupuni o Hawaii, oia ka manawa ame kahi no ka hoolohe ana i ua Noi la ame na Hoike Helu, a ma ia wa a ma ia wahi e hele mai ai na mea apau a hoike mai i kumu, ina he kumu ka lakou, nokeaha la e ae ole ia ai ke noi, a waiho mai i hoike e kuleana ai lakou i ua waiwai la.
Hanaia ma Hilo, Nov. 18, 1896. Na ka Aha:
Ikeaia: DANIEL PORTER
Kakauolelo o ka Apana Hookolokolo
Kaapuni 4 2636-3t
-------
ILOKO O KA AHA KAAPUNI APAna Hookolokolo Ekahi o ko Hawaii Pae Aina. Ma ka Hooponopono Waiwai. Ma ka hana o ka waiwai o Kaapela (w), o Kalaupapa. Molokai, i make.
Oiai ua waiho ia mai ka Palapala Noi ame ka Hoike Waiwai a ka Lunahooponopono Waiwai o ka wai wai o ka mea i make i oleloia ae la, a ma ia palapala i nonoi mai ai oia e nana ia a e apono ia kana hoike waiwai a e hoopukaia ke kauoha hope loa no ka mahele ana i ka waiwai e koe nei ma kona lima ia na poe i kuleana ma ia waiwaik a e hookuu ana iaia mai na koikoi mai a pau ma kona ano Lunahooponopono Waiwai.
Ua kauoha ia, o ka Poalima, la 8 o Ianuari, M.H. 1897, hora 10 o ke kakahiaka, ma ke Keena Hookolokolo, Aliiolani Hale ma Honolulu, oia kahi ame ka manawa i kohoia no ka hoolohe ana i ua noi la ame ka Hoike Waiwai, a malaila a ma ia wa hoi e hele ae ai na kanaka apau i kuleana ma ia waiwai a hoike mai i kumu, ina he kumu ka lakou e ae ole ia ai ua noi la.
Honolulu, Novemaba 21, 1896. Na ka Aha: J.A. THOMPSON,
2626-3t Kakauolelo.
--------
ILOKO O KA AHA KAAPUNI APANA Hookolokolo Ekahi o ko Hawaii Pae Aina. Ma ka Hooonopono Waiwai. Ma ka hana o ka waiwai o Emalia Kaai (w) o Honolulu, i make kauoha ole.
No ka mea, ua waihoia mai e D. Kealialia, ka makuakane, he palapala noi no ka Hookohu Lunahooponopono Waiwai no ka waiwai i oleloia, a e hoopukaia aku ia palapala iaia, nolaila, ma keia, ke hoolahaia aku nei i ka poe apau i kuleana ma ua waiwai la, o ka Poakahi, Dekemaba 28, 1896, ma Aliiolani Hale Honolulu hora 10 o ke kakahiaka, oia kahi ame ka manawa e hele mai ai lakou, a e hoike mai i na kumu ina he kumu ka lakou e ae ole ia ai ke noi.
Honolulu, Novemaba 24, 1896. Na ka Aha: P.D. KELLETT, JR.,
2626-3t Kakauolelo
---------------
AHA KAAPUNI O KA APANA HOOKOLOKOLO Kaapuni Elua. Ko Hawaii Pae Aina. Ma ke Keena. Ma ka Hooponopono Waiwai. Ma ka hana o ka waiwai o D. Kanoho, o Kamaloo, Molokai mamua, a i make kauoha ole. Imua o Lunakanawai J.W. Kalua.
Ma ka heluhelu ana ame ka waihoia ana mai o ke Noi a Kalalike (wahine kane-make) o Kamaloo, Molokai, e olelo ana ua make kauoha ole o D.Kanoho (k) ma Kamaloo, Molokai, ma ka la 25 o Mei, A.D. 1896, me ka waiho ana he waiwai maloko nei o ko Hawaii Pae Aina i kupono e hooponoponoia, a e nonoi mai ana e hoopukaia na Palapala. Lunahooponopono Waiwai ia Kalalike (w).
Ua kauohaia o ka Poalua, la 29 o Dekemaba, A.D. 1896, ma ka hora 110 A.M. (kakahiaka) ka wa i hoanaokoaia no ka hoolohe ana i ua Noi la maloko o ke Keena Hookolokolo o keia Aha Hookolokolo ma Wailuku, Maui, a ma ia manawaa ma ia wahi e hele mai ai na poe apau i kuleana ma ia hana, a hoike mai i kumu, ina he kumu ka lakou, no keaha la e ae ole ia ai ua Noi la.
Hanaia ma Wailuku, K.H.P.A., Novemaba, A.D. 1896
G. ARMSTRONG, Kakauolelo, Aha Kaapuni Apana 2
2625-3t
ILOKO O KA AHA KAAPUNI APAna Hookolokolo Ekahi o ko Hawaii Pae Aina. Ma ka hana o ka waiwai o Paele (k) o Waikele, Ewa. Oahu. I make.
No ka mea ua waihoia mai ka palapala hoopii e ka Luna Hooponopono Waiwai, Kanui i aele, i w@@@ nonoi ana e kuai kudala ia ka aina o ka mea i make e waiho ia ma Fauhala. Waikele. Ewa. Oahu, i mea e hookae ai i ka aie o ka mea i make.
Nolaila, ma keia ke ha@@ aku nei ka lono i na poe apau i kuleana o ka Poalima la 18 o Dekemaba, 189@ hora 10 kakahiaka, ma Aliiolani Hale. Honolulu, Oahu, oia kahi a me ka mnawa e hooloheia ai o ua palapala hoopii la, a e hoike mai lakou no ke aha la e ae ole ia ai ke noi a ka Luna Hooponopono Waiwai.
Honolulu, Novemaba 16, 1896
Na ka Aha: P.D. KELLET, JR.,
2625-3t Kakauolelo.
---------------------
Hela ame Heia
HOOLAHA I KA OIAIO OLE O KE KUAI ANA
-------------
E ike auanei na kanaka a pau owau o Henry P. Kaohi o Honolulu. Mokupuni o Oahu, ke kue a ke hoole loa aku nei wau i ka oiaio ame ka pololei o keia palapala kuai i hana ia mawaena o Lalawalu (w) o Laie. Mokupuni o Oahu me Naleilehua (w) o Hakipuu, Koolaupoko, Mokupuni o Oahu, aole e lilo krls kusi sns i mrs oiaio, no ka mea, eia no wau ke ola nei ka moopuna ponoi a Kaui (k), i make, ka mea nona ka Palapala Sila Nui Helu 1430. Kuleana Helu 3059, no’u ia aina a mau loa, oia ka aina e waiho la ma Hakipuu, Koolaupoko, Mokupuni o Oahu.
HENRY P. KAOHI, Nov. 20 th , 1896
------------------
HOOLAHA A KE KOMISINA PALLENA AINA
-----
Oiai he palapala noi kupono ka i hanaia mai la’u e Robert Rycroft no ka hooponoono hope loa ana i na palena aina o ka Ahupuaa o Keahialaka, e waiho la ma ka Apana o Pouna, Mokupuni o Hawaii. Apana Hookolokolo Eha. Nolaila, ke kauohaia aku nei ma keia, i kulike ai me na olelo o ke Kanawai 14 o na Aha Hooko a me Kuka o ka Repubalika o Hawaii i aponoia Okatoba 27, 1894, o na poe apau ikuleana i na palena o ka aina i oleloia o Keahialaka, e hele mai imua o’u ma ka Hale Hookolokolo ma Hilo Hema Hawaii, ma ka hora 10 o ke kakaiaka, Dekemaba 14, 1896, a e hoike ina he kumu kekahi e hooko ole ia ai ka palapala noi i oleloia.
(signed) RUFUS A. LYMAN
Komisina Palena Aina, Mokupuni o Hawaii. Apana Hookolokolo Eha a me Ekolu.
Hilo, Hawaii, Nov. 10, 1896
2625-3ts
---------------------------------
KUAI A KE KAHU I KA WAIWAI PAA
______________
Mamuli o ke kauoha a Lunakanawai Hardy o ka Apana Hookolokolo Elima, ua hoomanaia ka mea nona ka inoa malalo iho e kuai aku ma ke akea ia 5 kulelana (shares) iloko o ka Hui Aina o Papaa ame Aliomanu no Pauole (k) i make i ka mea koho kiekie ma ka la 15 o Dekemaba, 1896, ma Kealia, Apana o Kawaihau, Mokupuni o Kauai.
Kuike ke dala. I ka mea e lilo ai na lilo palapala.
KALUA (w), Kahu,
Anahola, Nov. 16, 1896. 2625-3t
-----------------
OLELO HOOLAHA A KA LUNAHOOPONOPONO WAIWAI
-----
Oiai, ua hookohuia ka mea nona ka inoa malalo iho nei i Lunahooponopono Waiwai no ka Waiwai o Alekanedero Gordon Hutcheon, o Wainaku mamua, Hilo, Hawaii, i make, nolaila, ke hoike aku nei oia i ka lohe i na kanaka apau he mau koi ka lakou i ua waiwai la, e waiho mai i ua mau koi la me na bila i hooiaio pono ia, imua onoa ma kona wahi noho ma Wainaku, Hilo, Hawaii, iloko o eono mahina mai keia la aku, a-i-ole, e hoole mau loa ia aku no ia mau koi.
O na poe hoi apau i aie i ua waiwai la, ke hoolahaia aku nei nohoi a kauohaia e uku mai i ua mau aie la i ka lunahooponopono wale no.
JEMIMA HUTCHEON GIBB
Hilo, Hawaii, Nov. 5 1896, 2624-4t
--------------
HOOLAHA A KA LUNAHOOPONOPONO WAIWAI
-----
Mamuli o ka mana i loaa ia’u, ma o ko’u hookohuia ana i Lunahooponopono no ka Waiwai o Jno. P. Kuia o Makawao, Mokupuni o Maui, i make kauoha ole, imua o Lunakanawai Antone Perry, Esq. o ka Apana Hookolokolo Ekahi, ma ka Hoopnopono Waiwai, nolaila, ke hoolaha ia aku nei na poe kanaka apau, he mau koi ka lakou i ka waiwai o ka mea i make e waiho mai i ka lakou mau bila i hooiaio kupono ia i ka mea nona ka inoa malalo ae nei, a i ole e waiho aku i na bila ma ke keena loio o J.K. Kahookano, Kaahumanu St. , Helu 115, iloko o eono mahina mai keia manawa aku, a i ole pela, e hoole mau loa ia aku no. A o na poe kanaka hoi apau i aie i ka waiwai o ka mea make i oleloia.
S. BENJAMIN KANEIHALAU
Lunahooponopono Waiwai o J.P. Kuia, i make, Honolulu, Nov. 5. A.D. 1896
2623-4t
--------------------------------------------
(Ad)
Vapo-Cresolene
He Laau Hoola Oiai no Oe e Hiamoe ana no ke
Ke@@ Kalea, ka Hano, K@@@ Ho, ka @alulu Kau, ke An@
Ma ka wa e hoopunohula ai ka uwahi o ke CRESOLEME @@@ loko o ke keena o ka mea ma’i, e loaa koke no ka oluolu. He ka mahao kona ikaika hoola a ma la wa hookahi nohoi e kaohi@@ aku no ka pahola ana mai o na ma’i lele, ma o kona lilo ana he laau kinai ma i a he laau pilikia ole nohoi no ua keiki. E kuaila ana e na poe hana laau. E haawi wale ia no ka buke hoakaka.
HOLLISTER DRUG CO., Honolulu, H. I. na Agena
Hoolaha Moraki
HOOLAHA HOOKO MORAKI
----------------------------
Mamuli o kekahi mana kuai @ hoike ia maloko o kekahi palapala moraki i hanaia maw@@na o J.K. PAELE ame J.K. LUKA, o Honolulu, Oahu o ka aoao mua, ame William R. Castle Kahu o Honolulu i olelo. @@@ ka anao elua ma ka la @@ o Iune 18@@ i kakau kope ia ma ka buke @@ aoao 137 a mamuli @ ka uh@@ ana o na kumu aelike o kela moraki, oia ho@ o ka uku ole ia o ka ukupanee ame ke kumupaa, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku alaila e hoolahaia aku na aina i hoikeia ma ia moraki no ke kudala ma ke keena kudala o Jas. F. Morgan ma Honolulu, ma ka la 7 o Dec. 1896, hora 12 o ia la.
Aia ma kahi o W.R. Kakela na olelo hoakaka no keia mea.
Hanaia i keia la 6 o Nov. 1895.
WILLIAM R. CASTLE, Kahu Mea Moraki: mai
Penei na aina i morakiia.
Kela apana aina a apana pa-hale paha ma Iwilei. Honolulu, Oahu oia nohoi ka aina i hooliloia aku i ka Mea Moraki i oleloia, ma o ka Palapala Kuai Hooko Moraki la a S.S. Robikana i hanaia Iune 13, 1892, a i kupela ma ka Buke 141, aoao 285 maloko o laila he 11-100 o ka eka a oia kahi hapa o ka aina i hoakakaia maloko o ka Palapala Sila Nui 2848 ia Koi, a pela nohoi me na hale apau ame na mea i kukuluia maluna iho oia wahi 2624-4t
HOOLAHA HOOKO MORAKI
-----
Mamuli o kekahi mana kuai i hoike ia maloko o kekahi palapala moraki @ hanaia mawaena o CHARLES LIND. O ka aoao mua ame A. Feek, o ka aoao elua, ma ka la 28 o Iune , 1893, I kakau kope ia ma ka buke 145, aoao 35, a mamuli o na palapala hoolilo lehulehu i hooliloia aku ia William R. Castle, Kahu, a i kopeia ma ka Buke 153, aoao 359, a mamuli o ka uhaii ana o na kumu aelike o kela moraki, oia hoi, no ka uku ole ia ana o ka ukupanee ame ke kumupaa, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei aia mahope ak o na pule ekolu mai keia la aku, alaila, e hoolahaia aku na aina i hoikeia ma ia moraki no ke kudala ana, ma ke keena kudala o Seaborn Luce, ma Honolulu, ma ka la 7 o Dec. 1896, hora 12 o ia la.
Aia ma kahi o W.R. Kakela na olelo hoakaka no keia mea.
Hanaia i keia la 6 o Nov. 1896. WILLIAM R. CASTLE, Kahu, Mea Moraki mai.
Penei na aina i morakiia.
Kela mau apana aina apau e waiho ana maloko o ka Apana o Honolulu, Oahu, i hoakakaia penei:
1—Kela apana aina ma Kalihi i hoakakaia ma ke ano oia ka Apana 23 iloko o ka Palapala Sila Nui Helu 3498 ia Pablo A. Jimeniz, maloko o laila he 817-1000 o ka eka, i hooliloia aku i ka Mea Moraki mai, ma o ka Palapala Kuai la a Pablo a. Jimeniz i kopeia maloko o ka Buke 130, aoao 311.
2---O kela mau apana aina apau ma “Kulanakauhale Momi” ma Manana Ewa, Oahu, i hoikeia o na Apana @ ame 10, Mahele (Block) 4, ma ke kii-aina o ua “Kulanakauhale Momi” la, i apono ia e ka Hui Kaa Ahi me Aina o Oahu, i kakau kope ia maloko o ka Buke 121, aoao 207, o ua mau apana la he 150 kapuai ke akea ma ke alo, ma Alanui Ekolu, a o ka loa e holo ana iloko he 150 kapuai. 2624-4t
--------------------
HOOLAHA HOOKO MORAKI
Mamuli o kekahi mana kuai i hoike ia maloko o kekahi palapala moraki i hanaia mawaena o J. NAONE, ame MALIA, kana wahine, o Kaluanui, Koolauloa, Oahu, o ka aoao mua, ame Juliette M. Cooke, o Honolulu, Oahu, o ka aoao elua, ma ka la 25 o Maraki 1896, i kakau kope ia ma ka buke 121, aoao 18, a hoolilo pono ia aku ia W.R. Castle, Kahu, ma o kekahi paiapala hoolilo a C.M. Cooke, Kahu, i kopeia ma ka buke 121, aoao 18 a mamuli o ka uhaiia ana o na kum aelike o keia moraki, oia hoi, ka uku ole la ana o ka ukupanee ame ke kumupaa, noiaila, ke hoolahaia aku nei e ka mea nona ka aoao elua o ua moraki nei, e @@@ko ana oia la mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila , e hoolahaia aku na aina i hoikeia ma ia moraki no ke kudala ana, ma ke keena kudala o Seaborn Luce, ma Honolulu, ma ka la 7 o Dec. 1896, hora 12 o ia la.
Aia ma kahi o W.R. Kakela na olelo hoakaka no keia mea.
Hanaia i kela la 6 o Nov. 1896, WILLIAM R. CASTLE, Kahu, Mea Moraki mai
Penei na aina i morakiia.
Kela mau apana aina apau e waiho ana ma Kaluanui, a i hoakakaia penei:
1---Palapala Sila Nui 29161@ ma o ka Palapala Hoona Kuleana la @@@ ia Kamala, maloko o laila he (36-10) eka oi aku a emi mai paha.
2---Kela aina apau i hoakakaia ma ka Palapala Sila Nui 2909 ia Kaukaliu, maloko o laila he 9 58-10 eka @e koe ana nae he 3 eka i kuaila aku ia Kauaihilo i hooliloia mai i ka Mea Moraki mai
3---Eha @@@ hoi mahele maloko o ka Ahupuaa o ka Hui o Kaluanui.
2624-4t
-----