Ka Nupepa Kuokoa, Volume XXXV, Number 47, 20 November 1896 — Ke Kulana Kalaiaina o ka Ahaolelo nui o Amerika Huiia i keia wa. [ARTICLE]

Ke Kulana Kalaiaina o ka Ahaolelo nui o Amerika Huiia i keia wa.

Oiai makou e ku ana ma ka aoao no ke kiai pono ana i ka ninau "Hoohui Aina" i koia nui ia ai ka hapanni o ka makou mau kalai manao ana iloko o na wa i kaa hope ae nei. he mea pono loa ia makou ke hoike aku imua o na poe Hawaii maoii i ake loa i na pomaikai oi aku o ka nohona Aupuni kuokoa oiaio maoli e kau mai maluna o Hawaii aina ame Hawaii lahui* no ka mea e pili ana i ke kulana oiaio maoli o ka Ahaolelo Nui o Amerika Huiia e noho mai ana ma keia mua kokoke iho kekahi mana Aupuni koikoi o Amerika e pono ai ke hooholo ma keia kumuhana "Hoohui Aina" e koia nei ko kakou mau noonoo ana. Mamuli o na lono i hoea mai i o kakou nei ma ka Poalua aku nei mai ka Repubalika makua mai no ka mea e pili ana i ke kulana o na hoa o loko o ka Hale o na Senate ame ko na Makaainana, iloko o ka Ahaolelo Nui (Congress) o ia Repubalika, ua ikeia he 50 ka nui o na poe Repubalika; he 34 poe Demokarata; a he 6 poe Populika, iloko o ka Hale o na Senate. Iloko hoi o ka Hale o na Makaalnana, he 211 poe Repuba\ika; he 127 poe Demokarata; a he 19 poe Populika. Ua maopopo loa ma keia mau huahelu i hoikeia ae la, ua Hlo ka hapanui o na hoa o na hale Ahaolelo a i elua i ka aoao Repubalika. Nolaila, aia ka hap&nui o ka Mana Kau-kanawai o Amerika Huiia i ka aoao Repubalika. a o ka Mana Hooko hoi aia no ia iioko o ko lakou lima, a o kela ame keia kumuhana pill Aupuni a ka aoao Repuhalika e hapai ai, e holo lea ana ia me ka maalahi loa, o ka ol loa aku nae paha o ke kumuhana ia i ulu mai noloko mai o ke kahua kalai Aupuni (platform) i puka ai ka moho Peresidena a ia aoao i hooikaika ai i keia kau koho iho la.