Ka Nupepa Kuokoa, Volume XXXV, Number 47, 20 November 1896 — HOALOHALOHA. [ARTICLE]
HOALOHALOHA.
I ka makua iloko o ka luuluu. Rev. Jno. M. Kealoha, Me ka naau mokumokuahua au.ame ko'u ohana e kakau aku nei i keia, ma ka loaa ana mai o ka lono hoolele hauli mai a Kekua mai mamuli o ka oluolu ana i ka Mea Mana Loa e lawe aku i ke ola makamae o kau lede i aloha nui ia Mrs. .īulia Kealoha, ka makuahine oluolu hoi o ka home, ke kipa aku i olelo iho ai na hookaau ana: "Naha ke kanaka ka makamaka o ka moe e kipa aku ai." Aloha wale.
A ke noi aku nei au 1 kou oluolu e ae mai ia'u ame ko'u ohana nei e komo pu aku me oe iloko o kou kumakena ana. a mawaho ae olaila, ke nonoi ae nei ia lehova o na Lehulehu, e hoomama mai i kou mau kaumaha ame na luuluu apau a Nana no e aloha mai ia oe ame na keiki apau. A aole oia e hoi hou mai io kakou nei, aka o kakou ke hele aku i ona la. Aloha ino a luuluu wale. Me ka walohia a lihaliha, na'u no. JOSEPH APUKAI AKINA. Waimea. Kauai. Aug. 22. 1596.