Ka Nupepa Kuokoa, Volume XXXV, Number 46, 13 November 1896 — Ka La Hoalohaloha Lahui. [ARTICLE]

Ka La Hoalohaloha Lahui.

Ua kukala ae nei ka Peresidena o ka Repubalika o Hawaii nei. e lilo ka Poaha, la 26 o keia mahina, i la hoalohaloha a hoomaikai i ke Akua ma ke ano Aupuni. He mea oiaio, he mau mea io kekahi i ikeia e ka lahui mai Hawaii a Kauai ma ke ano o ko iakou noho lahui ana a noho ana hoi malalo o na hoomalu ana a ke Aupuni Repuhalika o Hawaii i kupono loa ke haawi aku lakou i na hoomaikai ana i ke Akua. Oiai hoi; ma ka makahiki 1595 aku-nel, mahope iho o ka hoopilikaumahaia ana o ka lahui e kekahi pioo haunaele kuloko, a i ukaliia aku hoi e ka ma'i ahulau kolera, aia hoi, ua ikeia mai na la mua mai o keia makahiki e nee neT a hoea mai la i keia wa, he hookuene pono ana o ka maluiiia, a he komo ole ana mai hoi' o kekahi ma'i ahulau e paulu-a mawaena o ko kakou anaina lahui nei. He mea oiaio loa, iloko o na mahina he umi a oi i kaa hopē ae nei o keia makahiki, ua ikeia ka nee maalahi ana 0 na hana pili Aupuni, a pela nohoi me na hana hooholomua i ka aina. Ua ikeia ko ke Aupuni ku mau ana me ka makāala e kiai i ka maluhia o ka lehulehu. Nolaila, he mau haawina hoopomaikai pili lahui keia i kupono loa ke alanala na leo pule hoomaikai 1 ke Kahikolu Mana Loa no Kona papahi ana mai ia mau haawina hiwahiwa maluna o Hawaii, a e nonoi pu aku hoi laia e hoomau mai Oia i ka ! pahola ana mai ia mau hoopomaikai ana maluna o Hawaii nei mai keia wa aku, a mau ioa aku nohoi.