Ka Nupepa Kuokoa, Volume XXXV, Number 46, 13 November 1896 — Page 2
| This text was transcribed by: | Sandy Murdoch |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII
Hoolaba Mana Hooko
LA KULAIA LAHUI
O ka Poaono. Novemaba 28, 1896, he la Kulaia Lahui ia, e paniia ana na Keena Aupuni apau o ka Repubalika ma ia la.
J. S. KING
Kubina Kalaiaina
Keena Kalaiaina. Nov. , 1896.
2624-3t
OLELO HOOLAHA PAPA AUHAU
E noho ana ka Papa Hoopii Auhau no na Mokupuni o Maui, Lanai ame Molokai, penei:
Hale Hookolokolo o Hana, Nov. 19, 1896.
Hale Hookolokolo o Makawao, Nov. 23, 1896.
Hale Hookolokolo o Wailuku, Nov. 26, 1896.
Ko Lahaina, Molokai ame Lanai, ma ka Hale Hookolokolo ma Lahaina, Nov. 30, 1896.
JOHN W. KALUA, Lunakanawai Aha Kaapuni a Lunahoomalu Papa Auhau no ka Apana Hookolokolo Kaapuni Elua. Wailuku, Maui, Nov. 7, 1896.
2624-2t
I keia la i hookohuia aku ai o AUGUST AHRENS, ESQ., i hoa no ka Papa Alanui no ka Apana Auhau o Ewa ame Waianae, Mokupuni o Oahu, ma kahi o C. P. Kanakanui, Esq., i waiho mai.
J. A. KING, Kuhina Kalaiaina.
Keena Kalaiaina, Okatoba 31, 1896.
2623-3ts
I keia ia i hookohuia aku ai o WILLIAM HENRY RICE, ESQ., i hoa no ka Papa Alanui no ka Apana Auhau o Lihue, Mokupuni o Kauai.
Eia na hoa o ka Papa:
St. D. Gynlais Walters, M. D., Lunahoomalu;
J. H. K. Kaiwi ame
William Henry Rice.
J. A. KING, Kuhina Kalaiaina
Keena Kalaiaina, Oct. 26, 1896.
2623-3ts
KUAI KUDALA O NA LAIKINI AWA.
I kulike ai me na olelo o ka Pauku 18, Mokuna 64 o na Kanawai o 1896 e kuai kudala akea ia aku no, i HOOKAHI LAIKINI AWA no ka Apana hookahi o kela ame keia Mokupuni, mawaena o ka la mua ame ka la ehiku o Dekemaba, 1896.
O ka laikini hookahi, no ka manawa ia o hookahi makahiki mai ka la 1 aku o Ianuari, 1897.
Kumukuai oi maluna aku o keia mau kumukuai, penei:
No ka Apana o Honolulu. . . . . . . $1000
No ka Apana o Hilo . . . . . . . . . . 500
No ka Apana o Wailuku . . . . . . . . 500
No ka Apana o Lahaina. . . . . . . . . 250
No kela ame keia Apana e ae. . . 100
O na laikini no na Apana lehulehu o ka Mokupuni o Oahu, oia hoi o Honolulu, Koolaupoko, Koolauloa, Waialua ame Ewa me Waianae, e kuaiia aku no ma ke alo iho o ka Hale Oihana Hooko, ma ka Poaha, la 3 o Dekemaba, 1896, ma ka hora 12 o ke awakea.
O na laikini hoi no na Mokupuni o Hawaii, Maui, ame Kauai, e kuaiia aku no ma ko lakou mau Apana iho, ma ka la a ma ka manawa, iloko o ka manawai hoopaaia ma ke Kanawai, elike hoi me ka mea e hoikeia aku ana e na Makai Nui (oia mau mokupuni), a e ko lakou mau Hope paha. E hoike maopopo la aku no ka la ame kahi e Kuaiia aku ai ma o na Palapala Hoolaha la, maloko o kela ame keia Apana.
Ua makemakeia e waiho ia mai ma ke dala kuike ka iwakalua-kumamalima pa-keneta o ka huina i kohoia, ma ke ano uku hoopaa ma ka wa i haule ai ka hamare, a e lilo loa ua uku hoopaa nei i ke Aupuni, ina e hookaa ole ia mai ka huina piha o ke kumukuai i kohoia ai. iloko o elima la mai ka la aku o ke kuai ana.
J. A. KING , Kuhina Kalaiaina.
Keena Kalaiaina, Nov. 3, 1896.
2623-3ts
HOOLAHA O NA AINA AUPUNI
Ke hoolahaia aku nei ma keia, e haawila aku no ke kuai ana i keia mau Apana Aina iloko o na Apana Aina Hookuonoono o ka Mahele kahiko, ma ka hora 9 A. M. o ka la 19 o Novemaba, 1896, a mahope aku nohoi oia wa, elike me na olelo o ke "Kanawai Aina o 1895." no na Hoolimalima Aina Hookuonoono.
Kahi i waiho ai. Apana. Area.
Akahipu, Kona Ak. . . . . . . . . . 57 43.33
Akahipu, Kona, Ak . . . . . . . . . 58 44.97
Akahipu, Kona Ak . . . . . . . . . . 59 45.44
Awalua, Kaulana, &c Kona Ak . . 78 39.14
Awalua Kaulana, &c. Kona Ak 80 41.31
Awalua, Kaulana, &c. Kona Ak 84 18.50
Puaa. Kaulana, &c. Kona Ak. . . 1 8.73
Ma ka la i hoikeia ae la, a mahope aku oia la, e nonoiia mai no keia mau Apana Aina i loaa ona Pono Hoolimalima Kuai, a Kuleana Alodio ma ke Dala Kuike:
Awalua, Kaulana
Waiwai io
Kahi i waiho al. Apana Area 1kohola.
&c., Kona Ak. 83 20.49 61.47
Awalua, Kaulana,
&c., Kona Ak., 85 18.05 63.17
Awalua Kaulana,
&c., Kona Ak. 86 19.99 69.96
Kealakehe, kona Ak 16 13.10 39.30
Kalamakowali Kona Hema 5 57. 484.50
Kukuiopae, Kona Hema 4 18.03 54.09
Kukuiopae, Kona Hema 5 29.08 68.87
O na hokaka piha, ke ano e noi mai ai, a pela aku, e loaa no ma ke Keena Aina Aupuni, Honolulu, a ma ke Keena o ka Hope Agena, ma Kailua, Kona Akau, Hawaii.
J. F. BROWN, Agena no na Aina Aupuni
Keena Aina Aupuni, Honolulu, Oct. 26, 1896. 2622-td
KUAI O NA AINA AUPUNI.
Ma ka Poaono, Novemaba 21 ae nei, ma ka hora 12 o ke awakea, ma ke alo iho o ka Hale o ka Oihana Hookolokolo ma Honolulu, e kuaiia aku ai kekahi wahi apana aina ma Waiahole, Koolaupoko, Oahu, maloko o laila he 32-100 o ka eka. Aia ka waiho ana o keia aina makai o ke Alanui Aupuni, e pili pu ana me ka aina o Mr. A. Cullen, a he aina maikai no ka raiki.
Kuike ke Dala, ma ke Dala Gula o Amerika Huiia.
Uku oi aku maluna o $100.
Ma ia manawa nohoi a ma ia wahi, e kuaiia aku ai he aina kope ma Kaupo, Maui, i ikeia o ka Apana Helu 7, o na Aina Aupuni Helu 1, maloko o laila he 38 50-100 eka. Kumukuai oi maluna o $115.50.
E kuaiia aku ana keia aina malalo o keia mau kumu aelike:
He kuike ka kahi-hapaha o ke kumukuai, o ke koena aku ma na hookaa liilii huina like ana iloko o hookahi, elua a ekolu makahiki, me ka ukupanee o ehiku (7) pa-keneta no ka makahiki.
E hoomakaia ka mahiaiia ana ame ke kukuluia ana o na hana hou iloko o ka makahiki mua a pela mau aku iloko o na makahiki hope aku elua. Ma ka hope o ke kolu o ka makahiki, ke pau he umi hapa-haneri o ka aina i ka mahiia, paa ka aina i ka pa-ia, a hookoia hoi na kumu aelike apau, e loaa i ka mea kuai mai ke kuleana alodio.
E loaa no na hoike piha ame ke kii o keia mau aina ae la ma ka ninau ana ma ke Keena Aina Aupuni, Honolulu.
J. F. BROWN, Agena o na Aina Aupuni.
Keena o na Aina Aupuni, Honolulu, Oct. 24, 1896. 2622-td
KUAI O KA AINA MA OLAA.
Ma ka Poakahi, Novemaba 23, 1896, ma ka hora 12 o ke awakea, ma ke Keena o ka hope agena ma Hilo, e kuai ia aku ai ka Apana Aina o Olaa Helu 348, ma ke alanui Lua-o-Pele, maloko o laila he 47 eka, oi iki a emi mai paha. Uku oi aku maluna o $10.00 no ka eka.
E kuaiia aku no ua aina la malalo o keia mau kumu hoakaka laula:
E hookaaia mai ka akahi hapaha o ke kumukuai ma ka la e kuaiia ai, a o ke koena aku ma na hookaa liilii ana iloko o hookahi, elua ame ekolu makahiki, me ka uku-panee o 6 pa-keneta no ka makahiki.
E hoomakaia ka mahiaiia ana ame ke kukuluia ana o na hana hou iloko o ka makahiki mua, a e hoomau aku pela iloko o na makahiki hope aku elua. E mahiaiia ka iwakalua-kumamalima hapa-haneri (25) o ka aina, a o ke kukulu ana i na hana hou e ae maluna o ka aina, i hiki ka huina waiwai io i ka $200, e hanaia no mamua o ka pau ana o ke kolu o ka makahiki. Ma ka pau ana o ke kolu o ka makahiki a mamua ae paha oia wa, ina ua mahiai piha ia ka aina, a hanaia hoi na hana hou, me ka hookaa ia ana o ke kumukuai piha, a hookoia na kumu aelike apau, alaila, e hoopukaia aku no ka Palapala Sila.
No na hoakaka piha e loaa no ma ke Keena o na Aina Aupuni, Honolulu, a i ole ia, ma ke Keena o ka Hope Agena ma Hilo.
J. F. BROWN, Agena o na Aina Aupuni.
Keena Aina Aupuni, Honolulu, Oct. 24, 1896. 2622-td
O ke anu ino loa i loaa ia'u iloko o na la o kuu ola ana, ua hoolaia la e ka LAAU KUNU A CHAMBERLAIN, i kakau mai ai o W. H. Norton, o Sutter Creek, Cal. "O ka hopena a keia anu waiho iho ai me a'u, oia ke kunu, a e noke mau ana nohoi au i ke kuha. Eia nae, ua oia au i keia Laau, a ke makemake nei au i ko'u poe hoaloha apau e inu i keia laau, ke loaa lakou i ke kunu, a i ke anu paha, he mea ia no lakou e pono ai." E kuaiia ana e na poe kawili laau apau ame na poe kuai laau lapaau. O Benson, Smith & Co., na Agena no ko Hawaii Pae Aina.
KA NUPEPA KUOKOA
No ka Makah ki $2.00
No Eono Mahina 1.00
Kuike ka Rula.
@UAA 1 2 3 4 5 6
ANA Pule Pule Pule Pule Pule Pule
=================================
Iniha $ 1.50|$ 2.00|$ 2.50|$ 3.00|$ 3.50|$ 4.00
2 Iniha 2.00| 2.75| 3.50| 4.00| 4.50| 5.00
3 Iniha 2.50| 3.50| 4.50| 5.00| 5.50| 6.00
4 Iniha 3.00| 4.00| 5.00| 6.00| 6.75| 7.50
5 Iniha 3.50| 4.75| 6.00| 7.00| 8.00| 9.00
Iniha 4.00| 5.50| 7.00| 8.00| 9.00| 10.00
_______________________________________________________
O na Olelo Hoolaha a pau e hoounaia mai ana no ka Hoolaha maloko o keia Nupepa e hoouna pu mai me ka auhau a ina aole aoh@ hookomo la.
HOOPUKAIA E KA
HAWAIIAN GAZETTE CO.
C. G. BALLENTYNE, Luna Nui
JOSEPH M. POEPOE, Lunahoo ponopono
Honolulu, Oahu
========================
Poalima ---------------Novemaba 13, 1896
Ka La Hoalohaloha Lahui.
Ua kukala ae nei ka Peresidena o ka Repubalika o Hawaii nei, e lilo ka Poaha, la 26 o keia mahina, i la hoalohaloha a hoomaikai i ke Akua ma ke ano Aupuni. He mea oiaio, he mau mea io kekahi i ikeia e ka lahui mai Hawaii a Kauai ma ke ano o ko lakou noho lahui ana a noho ana hoi malalo o na hoomalu ana a ke Aupuni Repubalika o Hawaii i kupono loa ke haawi aku lakou i na hoomaikai ana i ke Akua. Oiai hoi, ma ka makahiki 1895 aku nei, mahope iho o ka hoopilikaumahaia ana o ka lahui e kekahi pioo haunaele kuloko, a i ukaliia aku hoi e ka ma'i ahulau kolera, aia hoi, ua ikeia mai na la mua mai o keia makahiki e nee nei a hoea mai la i keia wa, he hookuene pono ana o ka maluhia, a he komo ole ana mai hoi o kekahi ma'i ahulau e paulu-a mawaena o ko kakou anaina lahui nei.
He mea oiaio loa, iloko o na mahina he umi a oi i kaa hope ae nei o keia makahiki, ua ikeia ka nee maalahi ana o na hana pili Aupuni, a pela nohoi me na hana hooholomua i ka aina. Ua ikeia ko ke Aupuni ku mau ana me ka makaala e kiai i ka maluhia o ka lehulehu. Nolaila, he mau haawina hoopomaikai pili lahui keia i kupono loa ke alanaia na leo pule hoomaikai i ke Kahikolu Mana Loa no Kona papahi ana mai ia mau haawina hiwahiwa maluna o Hawaii, a e nonoi pu aku hoi Iaia e hoomau mai Oia i ka pahola ana mai ia mau hoopomaikai ana maluna o Hawaii nei mai keia wa aku, a mau loa aku nohoi.
Ka Anatomia o kela Palapala a ka Puali Puhi Ohe Lahui.
Ua ike iho makou malalo o ka hoaloha nupepa Ka Makaainana o Novemaba 9 aku nei ma kona aoao mua, i ka palapala a ka "Puali Puhi Ohe Lahui" i waiho aku ai imua o ka Mea Hanohano J. W. Foster ma Kapalakiko, Kaleponi, ma ka la 26 o Okatoba aku nei, ma ke ano he leo uwalo na ia poe oiwi o ka aina, e mahamaha aku ana i ka "luaui Amerika o ka Hoohui Aina Hawaii," aole e ae e lawe ae i ke keehina hoohui ia Hawaii me Amerika "aia a maopopo loa ka manao o na poe i kupono i ke koho balota" ma Hawaii nei, "elike me ia i kauia ai ma na hoakaka Kumukanawai e mau ana i Ianuari 17, 1853, ma ka hoopaa maopopo ia ana ma o kekahi koho balota ana o ka lahui," ma ke alahele koho balota i kapaia he "plebis-cite." Ua nana akahele makou i keia palapala mai ka mua a ka hope a oiai he unuhina Hawaii keia no ka palapala kumu i waihoia aku imua o Mr. Foster ma Kapalakiko ma ka manawa i hoikeia ae la---a o ua palapala kumu la ma ka Olelo Beritania no ia, ma ko makou hoomaopopo---ua ike makou aole na Joe J. Kaaua, Sol. A. Hiram, Joseph Aea, Sam'l K. Kamakaia ame John Aiu, i haku i na olelo o ua palapala kumu la, aka, na kekahi haole "Roialiti" no e noho ana ma Kapalakiko ia wa.
No keia palapala ka makou mea i manao ai e kua-kuai ae i kona mau mea paahana kuloko, a no ia mea i kapa ai makou i keia kukulu manao ana "Ka Anatomia o kela Palapala a ka Puali Phi Ohe Hawaii."
O ke kahua i ku ai keia palapala, oia no ke noi ana ia Mr. Foster i kona oluolu, e waihoia ke aponoia ana a hooleia ana paha o ka ninau hoohui aina mawaena o Hawaii ame Amerika Huiia ma ke koho balota ana a ka lahui koho balota o Hawaii nei i aeia e ke "Kumukanawai elau pu o 1887"---wahi a ka poe Roialiti---ke Kumukanawai i hoowahawaha maoli ia no e lakou, a no ia hoowahawaha i ua Kumukanawai la i hooikaika ai ka Hui Kalaiaina e hi@ i kekahi Kumukanawai hou ma ke Alanui Moi a hoea i ka halealii iloko o ua malama ia o Ianuari, 1896, a i Kumukanawai hoi ia na ka mea e noho ana ma ke poo o ke Aupuni e kukala mai i Kanawai kumu no ka aina---he maikai no keia kahua , oia iho la no ka hana a ka Aoao Roialiti e pono ai ke hana. Aka o ke alakai ana i ka noonoo o kekahi kanaka kalaiaina a loea ike kanawai o ka Repubalika o Amerika Huiia, e oleloia aku he Kanawai Oia ke Kumukanawai o 1887, mahope iho o ke kukala @@ nui maoli ana o ka poe Roialiti mai Hawaii a Kauai he Kumukanawai ia i onouia me ka lima ikaika maluna o ka nohoalii ame ka lahui Hawaii maoli o Hawaii ame ka hoea maoli ana o na palapala noi lehulehu a ia poe imua o ka Mana Kaukanawai o ka aina e hana hou ia i Kumukanawai, ame ka lawe maoli ana ae o ke Poo o ke Aupuni i kokua nui ia e na poe Roialiti koikoi o ka aina, i ke keehina kiola maoli i ua Kumukanawai la o 1887, ka hana hoi e uhai ia ai ka aelike nohona apono like mawaena o ka "nohoalii" ame ke poe i kue maopopo ia mau hana moakaka kue kanawai a ke "Poo Aupuni" i hana ai, he alakai lua ole ia o ka naaupo. Oiai o ka rula Kanawai mau ma na Aelike hoopaa mawaena o na aoao hana aelike, oia keia, Ma ka wa e hoao ai kekahi aoao e uhai i ka aelike i kakauinoa ponoi ia e ia, e loaa ana i kona hoa hana aelike ke kuleana e wehe iaia iho mai loko mai o ka paa ana malalo oia aelike. Ina nohoi, e hoihoi hou ka aoao i hoao e uhai i ka aelike e ku hou maloko o ka aelike a e malama hou hoi i ua aelike la, no kona ike ana ua ko ole kana hana hoao uhai aelike, aole ia he mea e paa hou ai kona hoa hana aelike i kue i kana hana hahaki aelike maloko o ua aelike la, ke ole oia e ae me ka haawi pio ana; a ma ia sekona e waihoia ai ka ninau o ka noho lanakila ana o kahi o laua maluna o kekahi ma o ka ikaika kanawai la, a o ka ikaika paio hoomalu paha i loaa i kela ame keia o laua.
Aole i makapo a i ike ole o Mr. Foster i keia kulana i owiliia ai ke Kumukanawai o 1887, a keia palapala a kela poe keiki Hawaii i kakau ai i ko lakou mau inoa me ka maopopo ole.
O ko lakou hoakaka ana imua o Mr. Foster i ke kumu nui o ko lakou haalele ana ia Hawaii nei a hele i Amerika Huiia e imi ai i ola no lakou, mamuli o ko lakou hoole ana aole e hoohiki e kakoo i ke Aupuni e ku nei, ame ko lakou hoike pu ana i ko lakou manao hoowahawaha maoli ia Amerika Huiia ka aina ponoi a lakou i hele aku nei e imi i ola no lakou ame ko lakou mau ohana, wahi a ko lakou noonoo ana, oia kekahi pane hawawa loa i pane ia ma ke ano kalaiaina imua o kekahi loea kalaiaina a kalai Aupuni, elike hoi me Mr. Foster ke ano. O ko lakou hoike ana aku hoi i ko lakou mau manao hoowahawaha i ke Aupuni o Amerika, ma ka hoohalike ana iaia me kekahi holoholona e kau nui ana kona manao "e alapoho" ia Hawaii nei, oia kekahi o na pane i hoohaahaa maoli i ke kulana ike kalaiaina o ke kanaka Hawaii. Heaha la ka olelo a keia poe Hawaii i hoohaahaa a i hoino ai lakou ia Amerika Huiia, ka aina nona ka momona a lakou i hoonuu mai nei? Eia: "O oe e ke Kuhina Nui iloko o ka Aha Kuhina o Peresidena Harisona. i na la makamua o 1893, i ka wa o kekahi kuikahi i hooholoia ai e oe, ma ka aoao o Amerika Huipuia. me kekahi poe keonimana i hooia aku o lakou na elele ma ka aoao o we Aupuni o ko Hawaii Pae Aina, o ka manao o ua kuikahi la, oia no ko Amerika Huipuia alapoho aku i ko makou aina oiwi a kinai iho i ke Aupuni o Hawaii." Aole o ke Aupuni o Amerika Huiia wale no kai hoinoia ma keia olelo ana a kela poe Hawaii, aka. o Mr. Foster maoli no kekahi. oiai oia maoli no ka mea nana i hoolala i keia kuikahi, a o ua kuikahi la a keia poe Hawaii i nou pololei aku nei imua o na maka o ke kanaka a lakou i manao ai e uwalo aku' i kona lokomaikai e ka ua iki ka hana hoohui ia Hawaii me Amerika Huiia, he kuikahi ia e "alapoho" ai o Amerika Huiia ia Hawaii nei. Aole paha kekahi puupuu ikaika i onou ia aku ma ke ano kuikui a Sharkey imua o ke "Kuhina Nui" Amerika. elike me keia.
Nolaila, mahope iho o ko makou heluhelu ana i keia palapala i oleloia na kela poe Hawaii, ua loaa ia makou kekahi manao hou loa, a oia keia ua maopopo loa aole i loaa mai na hooia pololei ana ia lakou mai a Kalivalana mai elike me na mea i hoike mua ia mai ia nei, e hana ana o Kalivalana i ka hana hoihoi Aupuni "Moi," aka, elike me ka poeleele o na Roialiti maanei ma ia mahele manao, pela no ka poeleele o kela poe keiki Hawaii. O kekahi manao i ulu mai iloko o makou ke hoomahuahua nei keia palapala i ka ikaika o ke kumuhana hoohui aina, oia hoi, o ka noho kuee mau ana o ka lahui Hawaii, mawaena o lakou iho, ame na lahui o ko na Aina e, o ka oi aku nae, o ka lahui Amerika, he mea ia e pono ole ai ke ku ana o ke Aupuni o Hawaii nona iho, ke ole e loaa ka mana nana hoomalu i ka ulu ana mai o na hana lili pili lahui ma Hawaii nei, a lilo i mea hoopoino i na pono ame na pomaikai Amerika maanei.
NUHOU KUWAHO
Ke Ao Omam lo Kaua ma Beritania No !
KELA AME KEIA LONO ANO NUI:
Ke Kahua Koho Balota ma Amerika Huiia.
Ma ke ku ana mai o ka mokuahi "Alameda" ma ka Poakolu nei. mai na Panalaau mai o ka Hema, i loaa mai ai ia makou keia mau mea hou o ko na Aina e, a makou hoi e hoonee awiwi aku nei no ka pomaikai o ko makou poe heluhelu.
Wasinetona. Oct. 27.---Mamuli o ka eleu nui o na hana haiolelo a Bryan ma keia paio koho Peresidena o Amerika nei, ua nui loa na kanaka paahana i paa ko lakou mau manao maluna ona. Eia oia ke haiolelo nei he 20 mau haiolelo i ka la hookahi. Ua olelo ae hoi o Mr. Hanna, ka luna nui o ka papa hooikaika balota o Makinile, ua maopopo loa ko Makinile lanakila ma keia kau koho balota.
Ua manaoia, mamuli auanei o ke kohoia ana o Makinile i Peresidena, e hookuuia ai he mau tausani dala gula e pahola iluna o ka aina, mai loko aku o ko lakou mau lua huna i waihoia ai i keia wa.
Ua olelo ae hoi o Henry George, mahope iho o kona kaahele ana ma na mokuaina komohana, ua maopopo loa ko Bryan lilo ana i Peresidena.
Ke hoike nei o Bryan i ke kamahao lua ole o kana mau hookele koho balota ana. Ua haiolelo oia iloko o 410 kuianakauhale, a ma kela pule aku nei, ua haiolelo aku oia imua o na anaina kanaka lehulehu i hiki ko lakou huina i ka 1,000,000 a oi aku.
Ua olelo ae ka poe Demokarata, ua hoolilo aku ko Makinile aoao he $5,000,000 ma ke kipe ana.
Eia hoi kekahi poe kenerala o na koa ame na kiaaina ke hele nei ma kela ame keia taona e haiolelo hooikaika ana no Makinile. Aia keia poe maluna o na kaa.
Nui ke pioloke e ikela aku nei ma na mokuaina apau, a ua ikea na manao wela ikiiki o na kanaka e hanini ana ma ko lakou mau alelo.
KE AO OMAMALU KAUA MA BERITANIA NUI.
Ladana, Oct. 29.---Ua olelo ae ka Makuisa o Dufferin, iaia i kamailio akea ai ma Belfast, aole loa i hoomaopopo iki na kanaka o Enelani i ka nui o ke kulana pihoihoi i ikea mawaena o na poo Aupuni ma ka aina puni ole (o Europa). Eia mau no ke ao omamalu kaua ke maalo nei ma ia mau wahi, a ua hopohopo loa na kila Aupuni apau ma Europa, o na hana hoeueu a Eneiani e hana nei, oia auanei ka mea e onou poo holookoa ia aku ai o Europa nei iloko o kekahi kaua. No keia mea, i ulu mai ai ka inaina o na Aupuni o Europa ia Beritania Nui.
KE KAUA KIPI MA NA MOKUPUNI PILEPINE.
Maderida. Oct. 28.---Ua ikea kekahi ohumu kipi i na Mana Aupuni o Sepania ma na mokupuni o Lulu (Looloo) a ua hoounaia aku na koa mai Manila aku a i na mokupuni Pilepine.
Sidane, Oct. 29.---Ma na nupepa i loaa mai nei mai ka hikina mai ua ikea ke mau la no ke kaua kipi ma na mokupuni o Pilepine, a ua hooukaia kekahi mau kaua hahana. He lehulehu loa na poe kipi i pau i ka make, a he mau haneri o lakou i hopuia, he poe kanaka ko'iko'i kekahi. He heluna nui hoi oia poe i ke kipokaia ma na Kuea Aupuni, i mea e ike mai ai na poe kipi e ae i ka weliweli oia hana. He 8,000 ka nui o kekahi puali o na kipi e paa ana i kekahi papu, aka nae, eia lakou ke hoopuni mau ia aku nei e na koa Sepania, nolaila, e hoea mai ana ka la e hooiliia ai kekahi kaua hahana loa.
HOPOHOPO KE SULETANA O TUREKE NO KONA OLA IHO
Konekakinopela, Oct. 28.---Ua laulaha ae ka lono aia ka moku holoholo o ke Suletana ke ku la me ka makaukau mau i ka po ame ke ao ma kahi kokoke i kekahi alahele huna mailoko aku o ka halealii.
LILO KE KUHIKUHI PUUONE LI O KINA I KUHINA NO KO NA AINA E.
Pekina, Oct. 26.---Ua hookohuia o Li Hung Chang i Kuhina no ko na Aina E.
KA MARE ANA O KA HOOILINA MOI O ITALIA.
Ma ke kakahiaka o ka la 24 o Okatoba aku nei i malamia ai ke anaina mare kivila o ka Hooiiina Moi o Italia me ke Kamaliiwahine Helene o Montenegro, maloko o ke keena hulahula o ke Quirinal, a o ka materemonio maoli ia ana, malalo o na lawelawe Ekalesia ana, maloko no ia o ka Halepule o Santa Maria Degil Angli. Ua nui ka hiwahiwa o na hoowehiwehiia ana o ia mau anaina elua, a ua ulumahiehie nohoi na hana me ka hauoli ia. Ma ka wa i hookauk@@ aku @ mea mare no ka luakini @@@ ke alanui i na kanaka e loaa @@@ huro ohohia nui @@.
Maloko o ke keena huiah@@@ Quirinal. oia hoi ka halea@@ o Italia. e ku ana he pakauka @@ ma laila kahi i noho ai ka M@@ H@@ bereto ame ka Moiwahine Mak@ ame na Keikialii ame na Kaikam@@ Alii apau o ke Aupuni o Mon@@@@ Maria Pia, ke kaikuahine o ka M@@ hoahanau hoi o ka Moiwahine Ka@@ make o Potugala: ke Duke o @@@ hoahanau o ka Moi o Po@@@@ Keikialii Victor Napoliona ame @@@ ikialii Karageorgevices. E ku@@@@ hoi ke anaina alii na Nai@a o k@ @@ Naita o ka Annunciation na hea @@@ Aha Kuhina o ke Aupuni na p@@@ ko'i o ke aloalii. na Luna Sena@@@ na Lunakanawai o ka Ahao@@@ na luna Aupuni Kulanakauhale @ holo aku ka paa mare ma keiki @@ e hukiia ana e eono li@ no ka Ha@@@ o Santa Maria Degil Angli. E k@@@@ ni ana na koa ma na aoao o ke @@@ hoohiwahiwaia me ka nani loa. E ni ana na bele o na luakini a@@@ kolokolo ana hoi na kani aina @@@ na pu aloha mai na pukumah@ @@@ nui. mai kela a mai keia wahi@@@ mai o ke kulanakauhale.
E hoopuipui hou ae ana o En@@@@ ka heluna o kona mau mokuka@@ ke Kai Akau o Amerika Akau. E @@@ unaia aku ana no laila ka moka @@@ topido Daring, a ua loheia ae @@@ h@@ unaia aku ana ma ia wahi hookah@ @ ka mokukaua Renown, e hali ana @@ pu he 14, nona ka nui, he 14 D@@@@ o ka ikaika o kona enegini mak@@ like ia me ka ikaika huki o 12 @@@ e komo pu aku ana nohoi ma ia k@@ ka mokukaua Flora, e hali ana @@ pu he 10, nona ka nui, he 4 @@@. E hoopuipuiia aku ana nohoi ka @@@ na mahele koa aina e hoolulu la @@ Halifax a hoea i ke kulana maka@@ no ke kaua. Ua nui ka hoonene @@@ nupepa no keia hana a Enelani.
Ua make mai nei o Charles F. C@@@@ ka Lunahoomalu (i pau) o ka Ha@@ na Makaainana o Amerika Huiia @@ Atlanta, Georgia, ma ka auina la @@ la 23 o Okatoba aku nei. Ua kaa ma @ no oia no kekahi wa loihi.
Ua kohoia o Right Rev. Fred@@@ Temple, Bihopa o Ladana, i Aka Bihopa no Canterbury, ma ke ano pau hakahaka no Rev. Edward White B@@son i make.
Ua loaa aku i ke Aupuni o Kina ma ke Aupuni aku o Iapana ke kuikah@ hooholoia mawaena o laua, no ko K@@ ae ana ia Iapana e ku kona mau ha@ hana o kela ame keia ano ma Tie@@tsin, Shanghai, Hankow ame Amoy@@,
PAUAHI MA WAIKIKI.
Mahope koke iho o ka hora 11 o @@ po Poakolu nei a ao ae Poaha, ua K@@ mai la ke oeoe pauahi, a o ke ahi @@@ ka hoohoia ana ana ae, aia ia i Waik@@ kai, ma kekahi hale o Hobron. Ma@@ o keia hale e noho nei ka lunahoo@@@ pono o ka nupepa Advertiser @@ Mr. Wallace R. Farrington am@ k@@ wahine, ame ka makuahine o ka @@ hine. Ua pau loa ka hale, aoh@ @a "opala" lawe. Ua holo no na kaaw@@ nai ahi no laila, aka, mamua o @@@ ana ia lakou ke haawi aku i ne@@ kokua" no ka hoopakele ana i ka @@ poino, aia hoi, ua lilo iho la @@ apau he puu lehu.
Ma keia po, ua haalele aku @@ Farrington ame ka ohana i ka @@ keaka, a e noho ana lakou ia w@@ loko o ke keena o ka Advertiser @@ muli o ka maikai ole o na lau@a @ ana o ka uweaolelo, ua maopop@ ia lakou ka hale pauahi. Aka ia @@ nae i huli hoi aku ai me ka awi@@@ no ka hale, aia hoi loaa mai la k@@ o ko lakou hale ke @ ia ana e ke@@@.
Ua pau loa ko lakou mau wah@@@ ame na pono e ae o lakou e waih@@ ma ka hale ia wa. Pau pu me @@@ kana mare, ame kahi mau wa@@ ae. O na lako hale nae no Mrs.@@ Hobron.
KA MANAO O LI HUNG CHAN@ @@ KUHINA FOSTER
Ua olelo mai o Li Hung Chang @@ kuhina nui o ke aupuni Pake, n@@ Generala Grant, ke kulana nui o @@naka a pau ana i ike ai o Generala Gordon ka oi aku o ke ano w@w@ aka hoi, no Generala Foster, ke k@@ Amerika, e makaikai ana i k@@ aina i keia wa, ka naauao oi aku @ makemake nui ka poe Pake @@ noho mau ma ko lakou aina a k@ mau ia lakou ma na oihana aup@ pili ana i ko na aina e. Ua hik@ kou ke paulele loa iaia. O ka @a wale no kona olelo hoike i na a@@ pau, a nui kona akamai ma ka @@ ponopono ana i na hihia i puka @@ waena o ka lahui Pake a me na @hini, me na lapana kekahi.
HE LEO MAHALO NO KE A'O P@ OLELO BERITANIA.
Ia Mr. Jos. M. Poepoe:
Aloha oe:---Ua loaa la'u he ma@@ kupono e haawi aku ai ia oe e k@@ nau mua ma ke kino, oiai hoi @@ ana ma ka hookele i na mea e p@@ a e pomaikai ai na hanauna opio @@ kaua lahui aloha ma na ike piliole@@ hoopukala nei ma ka nupepa au e n@h@ lunahooponopono nei, i ko'u ma@a@ piha no kau mau hana hona@@ Imua aku no ka pono o ko kaua lahui.
May God bless you forever, @@ brother.
Yours truly,
WM. KALANI KALUA