Ka Nupepa Kuokoa, Volume XXXV, Number 45, 6 Nowemapa 1896 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXXV.           HELU 45.       HONOLULU, POALIMA, NOVEMABA 6, 1896              NA HELU APAU 2623

 

hoolaha Loio.

 

            W. @. KAKELA,

            Loio i he Kokua ma ke Kanawai.

                        HE LUNA HOOIAIO PALAPALA.

2370

 

Hoolaha humau.

 

            WILDER & CO., (WAILA MA.

 

            Mea Kuai Papa a me na Lako kukulu hale o na ano a pau, a me na mea e ae a pau e pono ai o ka hule.

 

Kihi o Alanui Moiwahine me Papa.

396-@

 

PAPA!                        PAPA

 

AIA MA KAHI O

 

Lewers & Cooke

 

(LUI MA)

 

 

Ma ke kahua hema o Alanui Papa me Moi.

 

E LOAA NO NA

 

PAPA NOUAIK@

 

O kela a me keia ano.

 

            Na Pani Puka, na Puka Aniani,

 

                        na Olepelepe, na Pou, na O'a,

 

                                    na Papa Hele, na Papu Ku,

 

                                                me na Papa Moe he nui lea

 

 

NV PILI HALE O NA ANO A PA@

 

A me na

 

 

WAI HOOHINUHINU NAN

 

O na ano a pau loa.

 

 

Na Balaki o na Ano he Nui Wa@

 

            Ke hai ia akunei oukou e na makamaka a pau, ua makau@ae keia mau makamaka o oukou @ hoolawa aku ma na mea a pau @ ili ana ma ka laua oihana no ka

 

Uku Haahaa Loa,

 

 

            @ like me ka mea o holo ana mawae@ o Laua a me ka Mea Kuai.

 

Hele Mai e Wae no Oukou iho

 

2896-@

 

KA LA LANAU O KA EMEPERA O IAPANA.

 

            Ma ka Poalua nei, Nov. 3, i malama ae ai na Iapana o Honolulu nei i ka hoomanao hiwahiwa ana no ka la hanau o ko lakou Emepera, a me ke kanalua ole, ua pahola aku no keia haawina ulumahiehie iwaena o na makaainana Iapana apau e noho ana ma Hawaii nei.

 

KA EMEPERA O IAPANA.

 

            Ma ke kakahiaka o keia la ua welo ae la na hae ma na pahu hae o ke Aupuni, na luna Aupuni kuwaho, na Kanikela, na kia o na moku ame ka manuwa Amerika "Adams" ma ke awa ae nei o Kou.

 

            Ua kahikoia hoi ka hale noho o ke Kanikela Kenerala Shimamura mauka ae nei o ke alanui @, @ me ke alanui Kuakini, me na hae o Iapana ame na mea hoonani e ae he nui.  Maloko o ke keena hookipa nui ma ka aoao hema o ka hale, ua hoonaniia me na pua lani-uma ame na laau hihi.  Ma kekahi hakala o ua keena la e kau ana na kii o na Emepera o Iapana, i hoopuniia me na lipo o ka waokele.  Ma ka papahele, malalo ponoi iho o kahi e kau ana na kii, e ku ana kekahi pahu, me na pua kaulana loa ehiku o Iapana.  He elua nae o lakou he mau pua maoli, a he elima he mau pua pepa.  O ka hapa nui o na pua i hoonaniia ae ai o loko o ka hale, he poe pua pepa.  Ua ku nae i ka noiau ame ka hiwahiwa ka hanaia ana.  O kekahi mau wahi pana kaulana loa o Iapana, oia kekahi mau wahi i hoonohoia ma kekahi mau keena kaawale o ka hale, ma ka hoohalikelikeia ana o na mea hoonani a hoohiwahiwa i hoonohoia aku ma ia mau wahi, elike me ka mahinaai kaulana loa o Oji, e kokoke ana i Tokio.  E ku ana ma keia wahi, he kii pepa e hoike ana i ka wai-lele o ua mahinai nani nei o Oji.

 

KANIKELA SHIMAMURA ME KANA WAHINE

 

            Aia hoi ma ke pa mahope aku o ka hale e ikeia aku ai kekahi mea like loa me kakehi o na mauna kaulana loa o Iapana, E uhi paa mau ia ana kona piko e ka hau.  Mawaho ponoi aku o ke keena oihana o ke Kanikela, e kuku ana na pahu mea ulu i hana poeau ia e lunashita, o ke Kulanui o Yen Shin.  Ua hanaia keia mau mea ulu ma ke ano o na kii manu, holoholona ame na ano mea ola e ae.  O keia wale no ka Iapana hookahi ma Hawaii nei i ike i ka hana ana i keia ano hoonani a hoohiwahiwa ana i na laau.

 

            Ua nui na makaaluana Iapana i hele aku e haawi i ka lakou mau hoomaikai ana i ke Kanikela ame kana wahine.  Pela nohoi me na maka hanohano he nui o Honolulu nei.  Ke Peresidena o ke Aupuni nei.  Kekahi mau luna o ke Aupuni, ka Lunakanawai Kiekie ame kana wahine, ke Kuhina (mua) John W. Foster ame kana wahine, ame na poe e ae he lehulehu.

 

            Ma ka auina la ae, he mau hoolele ahi kao.  E ikeia aku ana ka oili ae o na hae Iapana iloko o ka Iewa, na baluna pepa, na manu pepa ame na ano kii e ae he nui.  Nui na makaikai Hawaii i hoea aku ma kahi e malamaia ana keia mau hoohiwahiwa ana.

 

            Ia hoea aku no malaila ka Bana Puhi Ohe Aupuni, a na lakou i hoopuia ae i ka lewa me ka lakou mau leo mele.

 

HE MOOLELO NANI

 

NO

 

LUBIANA KASIMILA,

 

KA NAITA O KA

 

LIONA GULA O BOHEMIA.

 

A I OLE

 

Ka Hui Naita Eleele o ka Lima Ulaula.

 

MOKUNA V.

 

KA PAKELE ANA - KEKAHI ALII

KAHIKO O BOHEMIA - KE

KAHUA HAKOKO.

 

            Ia Lubiana ma @i nana aku ai ma @@@@@@@@, ike aku la laua i ke ku ana mai o kekahi kanaka i aahuia me kekahi aahu eleele, a ma kona umauma hoi i hulali mai ai ka hoailona gula o ka Hui Naita Eleele o ka Lima Ulaula.

 

            Ua paa kona maka i ka uhiia iho e ka uhi maka.  Iaia nae e ku ana ma ka puka, me ka ipukuikui lamalama ma kona lima, ua wehe ae la oia i ua uhi maka la, a ia wa i ike aku ai o Manafereda, o ke kanaka e ku mai ana imua o laua, aohe ia he kanaka e ae, aka, o kana keiki no ia, o Maniona.

 

            Ia wa oia i kahea aku ai:

            "Mamiona, e kuu keiki!"

            "Ae, e kuu makua.  Owau io no keia a pehea la ua haupu mua no anei oe e hiki mai ana au ia nei nei?"  wahi a Mamiona i kamailio mai ai imua o kona luau makuakane.

 

            "Aole aui i manao o oe ke hoea mai ana, e kuu keiki, aka nae, ua manao no nae au e hoea mai ana no kekahi mea."

 

            I kela wa i komo loa mai ai o ua Naita Eleele nei o ka Lima Ulaula, a ala ae la hoi a Lubiana.

 

            I ke kokoke ana mai o Mamiona ma kahi a Manafereda ma e noho ana, oia ka wa ana i pane hou mai ai imua o laua:

 

            "Ua loaa mai ia'u ka lono o ko olua hopu pio ia ana ma nehinei.  Aole loa i moeuhane iki o Rupereto aia he poe o ko kakou ahahui kuwaho mawaena o kona poe kanaka ko iko'l loa.  O ke kanaka wiliki nana olua i alakai mai iloko nei o keia ana, he hoa oia noloko o ka ahahui kuwaho o ka Hui a na Naita o ka Lima Ulaula."

 

            "Ua ike anei oe i ke Duke Rupereio @ i ninau aku ai o Manafereda.

 

            "Aole," wahi a Mamiona.  " Aole @ hoea mai ka wa kupono no'u e ike aku ai iaia; aka, aole nae e liuliu a ike no au iaia.  A e kuu luaui maikai, e Manafereda. he mea okoa ka'u i ike ai i keia po, he maka no a he maka.  Ua piha pahaohao loa ia nohoi ko'u manao i ko'u ike ana iaia.  Oia ko'u mea i lohi loa ai, ina no la ua hoea mua mai au ia nei."

 

            "Owai ia mea, e kuu keiki?"

            "Ua oi loa aku ka pono, na kou mau maka ponoi no e ike aku iaia, e kuu makua."

 

            Ma keia wa, huli ae la o Mamiona, a kamailio aku la ia Lubiana:

            "E kuu hoahanau, pehea kou manao no keia haawina mua i loaa ia oe ma ke alahele i na hora mua loa okou lilo ana he hoa no ka Hui a na Naita Eleele o ka Lima Ulaula?

 

            Pane mai la hoi o Lubiana:

           

            "E kuu hoahanau maikai, mamuli o keia haawina i loaa mai ia'u, ua loaa ia'u ka hoomalamalama pono ia ana mai no ke ano o keia kanaka i kapaia ke Duke Rupereto.  A e kuu hoahanau aole loa o'u hoahewa iki ia'u iho no ko'u ae ana e lilo au i pio na keia kanaka puuwai eleele.  I kinohi ua aa loa au e paio no ko maua mau ola iho, aka, he hana hupo wale no ia ame ka hehena; a o ka hoao ana hoi e holomai iaia mai, he hana no ia e hiki hololea ole ana ia'u ke hana."

 

            "He kanalua loa au, e Lubiana, no ka hiki i kekahi lio o loko o na lio apau o Rupereto ke uhai ia oe i ina no oe i huli ae i hope a holo."

 

            "Pela io no, aka, ina au e hana ana pela, alaila, aole hiki ana i ko Manafereda lio ke uhai mai mahope o'u."

 

            I keia wa i nana aku ai o Mamiona  @ @ @ @ @ @ @ okoa aku ana no oia iaia, no keia ano hana.  A pane mai la hoi o Manafereda:

 

            "Ua olelo aku au iaia e holo - ua kaupoha maoli aku nohoi au iaia e holo, eia nae aole oia i ae iki mai.

 

            Alaila, huli ae la ua Naita Eleele nei a kamailio aku la ia Lubiana:

 

            "E kuu hoahanau opio, mahalo no au i kou mau manao maikai; aka, ke kauoha nei au ia oe, ma keia hope aku, mai ae iki oe e komo hou oe iloko o kekahi upiki elike me keia ke ano.  E hoomanao oe, o kou paa pio ana maloko o na lima o kekahi o ko kakou poe enemi, aole ia he mea e hiki ai ia oe ke haawi i kau mau kokua ana i kekahi o kou mau haoloha.  Ina makemake oe, e kuu hoahanau e holo pono ka misiona i upuia ai me ke ohohia nui e kou mau hoahanau ponoi e hooko, alaila, mai ae iki oe e haule pio wale iloko o na lima o kou enemi, ina ike oe ua hiki loa ia oe ke hoopakele ia oe iho mailoko aku oia pilikia, me kou nana ole i ka hoaloha au e haalele aku ana mahope.  O oe kau e nana iho.  Nolaila, e kuu pokii, mai poina oe i keia leo a'o a kou hoa."

 

            "Aka," wahi a Lubiana i pane mai ai imua o ka Naita Eleele, "e makemake ana anei oe ia'u, e kuu hoahanau, e hoohaliu aku au i kuu kua i kuu enemi, a e haalele aku hoi i kuu-"

 

            Aole i hololea loa na hopunaolelo hope o keia mau olelo a Lubiana i hoopuka mai ai, ia wa i pane aku ai o Mamiona, i ka i ana:

 

            "Ae, e kuu pokii.  Ina no o kou makuahine ponoi no ia, e hana aku oe, elike me ka'u e kauoha aku nei ia oe.  O ka iini o kuu puuwai. oia kou nana ana ia iho.  O ko kakou poe hoaloha i komo aku iloko o na kulana i koiia mai ai na kokua ana a na hoa o na ahahui elua, aole lakou e nele i na kokua ana mai ko kakou poe hoa aku.  Nolaila, e kuu Lubiana, e hoomanao mau loa oe i keia mau olelo a'u i hoike aku la ia oe.  Ano, e haalele kakou i keia wahi.  Ua hala ka hora umikumamalua o ka po.  E hele aku ana nae kakou a kekahi wahi hookaulua iki iho kakou no kekahi mau sekona.  Nolaila, e hahaoi mai olua l'au.  E hele me ke akahele loa."

 

            Alaila, huli ae la o Mamiona, a hele aku la no ka puka, oiai hoi o Manafereda ame Lubiana i hahai aku ai mahope ona.  Hoopa aku la o Mamiona i kekahi mea ma ka paia pohaku, a oia ka wa i niniu ae ai kekahi pohaku nui a pani aku la i ka waha o ke ana.

 

            @ Mai keia wahi aku, alakai aku la o Mamiona ia Manafereda ame Lubiana ma kekahi alahele kikeekee a haiki loa, a makekahi mau wahi o ua alahele ia, ua hele a kawakawau ka ea.

 

            Oiai lakou e hele ana, ua kamailio mai la o Mamiona:

 

            "Aole loa i ike o Rupereto i keia alanui.  A he nui nohoi na alanui e ae o loko nei o keia hale-kakela i ike ole ia e ia."

 

            Maanei i ninau aku ai o Lubiana ia Mamiona:

 

            "Aka, ina paha ia e ike ana ua hemo maua mai keia wahi aku, aole anei ia e ninaninau ana i ka luna-paahao no ke kumu i hemo ai maua mailoko aku nei?  Pehea la kela kanaka e pale ai nona iho?"

 

            "E kuu hoahanau, iloko o hapalua hora mahope iho0 o ko olua paa ana iloko o ke ana a olua i haalele aku la, ua nonoi aku ua luna-pahao nei ia Rupereto e aeia mai oia e hele aku e ike i kona mau makamaka ma Drosdendorf, a malaila nohoi oia e noho ai i keia po.  Ua ae mai la o Rupereto i kana noi, a ua haawi aku la hoi oia i na ki o ka hale-paahao o keia wahi i kekahi kanaka okoa aku.  Aia ua poe ki la ke kau la maloko o ke keena hooluolu o na kiai o ka hale-kakela nei; o kahi kiai hoi i haawiia aku ai na ki, aia oia i keia wa maloko o ko kakou Hale Kakela.  Ke hana na Naita Eleele o ka Lima Ulaula i kahi hana, e hana ana lakou me ka waiho ole iho i kahi moali ola mahope o lakou."

 

            Mamua hoi o ka hiki ana ia Lubiana ke ninau hou aku i ninau, ua hoea aku la lakou ma kekahi paia pohaku a komo aku la lakou ma kekahi alahele huna.  Aole i liuliu ka lakou hele ana aku ma ia alahele, aia hoi hoea aku la lakou ma kekahi keena i palaina puna ia.  Maanei kamailio mai la o Mamiona.

 

            Eia @ @ @ @ @ @ kahi keena i hanaia malalo o na kauoha a Rupereto mahope koke iho o ka lilo ana o keia hale-kakela iaia, a ua hoolilo oia i keia wahi i lua huna.  Aia he alanui e moe ana mai keia wahi aku a hoea i ka rumi moe o ua Rupereto nei, a ua manao loa hoi oia, aole he alanui e ae e hoea mai ai i keia wahi, mawaho ae o ke alanui e moe ana a hoea i kona keena moe.  O na kanaka na lakou i hana i keia wahi he eha ko lakou nui - ua pau loa lakou i ka make, mahope koke iho no oko lakou hana ana a paa keia wahi.  Ua ikeia hoi keia wahi, e Winifereda, ka luna-paahao a wiliki hoi o loko nei, mamuli o ka ulia wale no i kahi wa i hala ae nei, a ma ka la inehinei i hai mai ai oia ia'u no keia mea."

 

            Alaila, ninau aku la o Manafereda iaia:

 

            "E, nowai la i hanaia ai keia lua huna, a-i-ole-ia, heaha la ke kumu i hanaia ai keia wahi?"

 

            "E kuu makua," wahi a Maniona, "Aole auanei e liuliu a ike no oe i ke kumu i hanaia ai keia wahi.  E hele malie loa mai olua ma keia wahi mai, oiai, aia maluna pono ae o keia wahi a kakou e hele nei na rumi hooluana a oihana o Rupereto."

 

            Aole i liuliu ka lakou hele ana, aia hoi, ua hoea aku la lakou ma kekahi paia pohaku mania.  He hoopa ana aku hoi a ko Mamiona lima ma kekahi wahi o ua paia pohaku mania nei, ua oni ae la kekahi apana pohaku nui, oia hoi ke pani o ka waha o kekahi ana.  I ka hamama ana ae o ua pani pohaku nei, komo aku la lakou nei ma ia wahi.  Hele aku la lakou a hoea i kekahi wahi alapii e iho ana ilalo alaila, iho aku la lakou ma ia wahi a hiki i ko lakou ku ana mawaho o kekahi pani hao.  Maanei lalau iho la o Mamiona i kekahi ke ma ka ekeeke o kona lole, a me ia mea wehe aku la ia i ke pani hao.  I ka hemo ana mai o ua pani la, kau ae la o Mamioina i ka lamalama iluna ma ke ano o hoomalamalama aku ana ia loko.

 

            I kela wa hoi i kiei aku ai o Manafereda iloko o ua wahi keena la, a ma ia manawa hookahi nohoi komo aku la lakou apau iloko.

 

            Aia maloko o ua keena pohaku nei, e noho ana kekahi elemakule i hele a wiwi.  E kuuwelu ana kona mau lauoho hina keokeo ma kona mau kipoohiwi, a o kona mau umiumi hina hoi e luhe ana ma kona umauma.  Ua hele kona mau aahu a weluwelu, e ike wale ia aku ana no kekahi mau wahi o kona kino.

 

            Ma ka wa i komo aku ai o Mamiona ma iloko o ua wahi la. na puiwa ae ia ua elemakule nei I ka wa i haawi aku ai o Manafereda i kona lima i ua elemakule la. ua lalau mai la oia me ka nana pono loa ana mai o kona mau maka maluna o Manafereda. oiai hoi ia e waiho moakaka aku ana imua ona. mamuli o ka maiamalama o ka ipukukui a Mamiona e paa ana @ alaila. me ka leo haalulu a ano nawaliwali nohoi pane mai la oia me ke pihoihoi nui, oiai hoi oia e paa ana i ka linia o Manafereda me ka haalulu:

 

            "E Manafereda!  Nani ka pomaikai o ko'u ike hou ana ia oe?  Aloha - alo - ha kaua!  Ea. ke ike mai la no anei oe ia'u?"

 

            Me ke pihoihoi nui nohoi, me na waimaka e haloi ana ma ko Manafereda mau maka, pane aku la ia:

 

            "E na lani e!  E aloha mai oe la@u!  He hihio moeuhane anei keia a'u e ike nei i keia wa, a-i-ole, he mea io a he mea koko no paha keia a'u e ike nei?  O oe no anei keia e Ludowiga o Drosendorf?  Eia anei au iloko o ko'u mau noonoo ao-kanaka ponoi iho?"

 

            "Owau no keia o Ludowiga, e Manafereda maikai.  Ke ola nei no au.  He iwakalua-kumamaha nae hora i hala ae nei. aole loa au i manao e ola hou aku ana au i hookahi la hou aku, i ole wale no ka hoea kamahao ana mai o kau keiki nei, a mamuli o kana mau olelo hoolana, ua loaa mai la ia'u he ikaika hou.  Ke ike nei au, e kamau aku ana no ko'u wahi ola nei a ike aku i na la e hauoli ai kuu uhane.  Ke hoomaopopo nei hoi au i ka nui o ko na lani aloha ia'u, eia ka, i malama aloha mai Oia ia'u, iloko o keia mau makahiki i kaa hope ae nei no kekahi kumu waiwai loa."

 

            "Aka," wahi a Manafereda i pane me ka hoomau i ka paa ana i kona lima, "e hai mai oe ia'u, pehea la i ola ai oe, oiai, ua manao loa makou apau ua make oe?  Heaha la ke kumu nui i hoola ai keia puuwai eleele ia oe?"

 

            Pane mai la ua elemakule nei:

 

            "Eia paha ke kumu o kona lawe ole ana i ko'u oia.  Ua manaoio loa oia. eia ia'u kekahi mau mea huna e pili ana i ke aupuni nei. a oia kana mea i makemake ai e loaa mai a'u aku.  No na makahiki lehulehu loa i hala ae nei, e hele mau mai ana oia i o'u nei i kela ame keia pule, a i kekahi pule, he pinepine loa kona hele ana mai, me ke koi hoomano ana mai ia'u e hai aku au iaia i ua mea huna la.  I kekahi wa me na olelo pelo oia e hoike mai ai imua o'u, a i kekahi wa hoi me na olelo hooweliweli oia e hana mai ai imua o'u.  Aka, i keia mau makahiki hope iho nei nae, ua kakaikahi loa kona manawa i hele mai ai e ike ia'u, a o kana hana nui ma ia mau wa ana i hele mai ai, o ka hoohenehene wale mai no i ka nui o ko'u mau ehaeha.  Iloko o elua mahina i kaa hope ae nei, hai mai ana oia ia'u, eia no ka, ke ola nei kuu kaikamahine i keia wa, a ela ua kaikamahine la a'u maloko o kona lima a ina aole au e hai aku i ka mea huna ana i makemake loa ai e loaa mai ia'u aku, alaila, e kau aku no kona inaina maluna ona.  Ua manao nohoi a@, ua make la kuu kaikamahine.  Ae - ua kuhi au ua haalele kahiko loa mai kuu Arediana!  Aole ka!  Nolaila, eia oia ke hele nei i na makahiki oke kanaka makua.  Aloha!"

 

            Maanei i kulou iho ai ua elemakule la ilalo, a palulu ae ia kona mau lima i kona mau maka, a loheia aku la kona leo kaniuhu.

 

            "Ehia la ona mau makahiki ma ka wa i ike hope loa ai oe iaia?"  I ninau aku ai o Mamiona.

 

            Pane mai la oia me ka leo haalulu, iaia i aea ae ai iluna, oiai hoi na kulu waimaka e kiheahea ana ma kona mau paplina:

 

            "He elua no ona mau makahiki ia wa."

 

            "Alaila," wahi a Mamiona i pane aku ai, "he iwakalua ona mau makahiki i keia wa."

 

            "Auwe!" i hooho ae ai o Ludowiga.  "Alaila, he umikumamawalu ka nui o ko'u mau makahiki i paa aima keia wahi?  Aka, he olaio anei ke ola lo nei no ola?

 

            "Ae - ke oia io nei no oia; a ke oleloia nei, he kaikamahine oia na Rupereto," i pane aku ai o Mamiona.

 

            "Aloha wale no ka hoi!"

                                                                                                (Aole i pau.)