Ka Nupepa Kuokoa, Volume XXXV, Number 43, 23 ʻOkakopa 1896 — Untitled [ARTICLE]

Ma kekahi o ka makou mau mea hou 0 na Aina E, ma ko makou pepa o keia la, e ikeia ai he lono e hoike ana he palapala ka Peresidena Kalivalana e hoouna aku ana imua o ka Ahaolelo Nui e noho mai ana ma ka Poakahi mua o ka malama ae nei o Dekemaba, elike me ka mea mau. O ka makou e hoohuoi ae nei ma keia wahi, oia keia: Aia anei maloko o keia palapala a ua Peresidena nei e hoouna aku ai imua o ka Ahaolelo, e hoike aku ai ia, e hoihoi hou ana oia i ke Aupuni "Moi" o Hawaii nei, elike me kana i hoike mua ai 1 kahi mau makahiki i kaa hope ae nei, ka manao hoi a kekahi poe Hawaii e houpuupu nei i keia mau la? Oiai ke laulaha nei ka olelo mawaena o na Roialiti: "Mamua o ka haalele ana mai o Kalivalana i ka noho Peresidena 0 Amerika Huiia, e ho'iho'i hou xnai ana oia i ke Aupuni Moi o Hawaii." Eia ka ke Kuokoa: "E huli e kanaka auwana nei—Nohea ka ikaika e hoopaakiki kuhihewa ai—E ho'iho'i mai o Kalivalana me ka hupo nui—l ke Aupuni i make kona ku ana —Mamuli o ko oukou hemahema nui." E hoomanao 1 keia mau malama, Okatoba, Novemaba ame Dekemaba lele keia makahiki. Aia nae ma Dekemaba ka ikeaia ana o ke ko ana o ua hana ho'iho'i Aupuni "Moi" la e paakikiia nei e na Roialiti, na Kalivalana e hooko mai ana.