Ka Nupepa Kuokoa, Volume XXXV, Number 43, 23 October 1896 — Page 3
| This text was transcribed by: | Lianne Hee |
| This work is dedicated to: | Maxine Leinaala Porter Hee |
Ka Nupepa Kuokoa
KE KILOHANA POOKELA NO KA LAHUI HAWAII.
KA HUI ALAHAO ME AINA O OAHU
MANAWA HOLO.
Ma@ Mahope aku o Iulai 5, 1895
@
A.M. A.M. P.M. P.M. P.M.
@ Honolulu 6:40 9:15 1:45 1:45 5:10
@ Manana 7:40 9:55 2:25 2:25 5:53
@ o Ewa @:10 10:19 2:49 2:49 6:14
@ Waianae 10:54 3:24 6:49
Waianae na ia a pau Wili o Ewa Kaa @kana Na ia a pau Koo Ha@
Waianae na ia a pau Wili o Ewa na ia a pau Hiki i Waianae na Poaono me @
A.M. A.M. P.M. P.M. P.M.
@ Waianae 6:44 1:32 4:16
@ Wili o Ewa 7:19 9:10 2:07 3:51 4:51
@ Manana 7:50 9:48 2:@8 4:22 5:22
@ Honolulu 8:23 10:30 3:11 4:55 5;55
@ ana na kaa ahi hali ukana i na kaa @ ka papa ekahi.
@ DENISON,
Luna. F. C. SMITH
Luna Kuai Palapala Holo.
NU HOU HAWAII
I keia Poaono iho (Oct. 24) e hoauia aku ai ka waapa Aupuni.
I ka auina la o keia la e ku mai ai ka m@hi Malulani mai kona mau awa @ Hawaii ame Maui mai.
He emaimai ko makou hoaloha Mr. Charles Wilcox, kakauolelo o ka Papa Ola i keia mau la e waiho mai nei.
Ua wehe mai nei o Mr. John H. Paty i kona noho ana mai ka Banako mai o Bihopa a e loaa no oia ma kona hale @ iho.
Ka hala aku o Mr. ame Mrs. E. A. Jones ma ka Poakolu nei no ko lakou kona hooluolu ma Waikane ae nei Koolaupoko.
Ma ko makou pepa o keia pule ae e hoopuka aku ai makou i ke Ao Pili@ Enelani. Ua pilikia ia ko makou mea kakau i keia pule.
Eia ko makou makamaka Mr. Mattoon o Laupahoehoe, Hilo, Hawaii i Honolulu nei i keia mau la. He ola kino maikai kona.
He mea maikai ka hooholo nui ana i ka i’a gula iloko o na loi ai, oiai e make ana na anoano e laha ai ka makika i keia ano i’a mamuli o ka ai ia ana e lakou.
Ma ka Poalua nei i haalele mai ai ka mokuahi Kinau ia Honolulu nei no kona mau awa ma Maui ame Hawaii, a maluna ona i holo aku ai o Epikopo Guletana no Hawaii, a i ole no Maui
E ku mai ana no Honolulu nei ma ka la apopo (Poaono, Oct. 24) ka mokuahi Belgie mai Kapalakiko mai; a me ka Poakahi aku (Oct. 26) ka mokuahi Australia mai laila mai no.
@ @ nui loa mai nei kekahi o ko @ poe makamaka heluhelu e hoo@ aku makou i ka hoopuka @ i ka moolelo o Makuakauma@ . E hoomanawanui a keia pule ae.
Mamuli o ka holo ana aku o George @ kakauolelo o ka halewai ae nei @ ka mokupuni o Maui, ma ka mo@ Kinau, ua lilo ae nei kona wahi @ C.F. Chillingworth no ka manawa wale no.
@ ka Poalima o keia pule aku nei @ Poaono, oia kekahi po i haule @ ku-a-ua me ke ko’iko’i loa, @ pali aku o Nuuanu a hoea i ka @ Kualoa, Koolaupoko.
@ Poakahi nei i hele aku ai ke @ Pelekane e ike i ke Kuhina o @ Aina E. mahope iho o kona huli @ mai Hawaii mai. Ua haawila @ ao imua ona na hoohanohano pili @ koa ana.
Me ka Poakahi nei i kau aku ai o @ W. A. Kini ame kana wahine @ ka mokuahi Coptie, a holo @ ia no na kaiaulu o Amerika. E @ ia laua malaila he ekolu ma@.
Ma ke ku ana mai a ka mokuahi @ mai Kina ame Iapana mai i @ nei ma ka Poakahi aku nei. @ mai ai no Honolulu nei he 684 @mahana Pake malalo o na aelike kepa kanaka a hookahi lapana.
O ka poe e manao ana, he ma’i oia ole ka ma’i hi mau, e pono e heluhelu i ka olelo a Mr. P.E. Grisham o Gears. Mills, La. no ia mea, oia keia: “He mea au i loohia i ka hi mau mai ka wa mahope mai o ke kaua ana, a na hoao au i na laau apau no na ma’i la. Mahope loaa ia’u he laau nana au i hoola mai a oia ka KAMALENA LAAU OLA no ke Nahu, ke Kolera ame ka HI” He laau kupono loa keia no ke nahu, cholera morbus, hi-koko ame ka hi maoli. He maikai ke inu aole nele ke ola. He 25 a 50 kenota ke kumukuai. E kualia ana e na Poe Kawili Laau a Kuai Laau Lapaau. O BENSON SMITH & CO., na Agena no Ko Hawaii Pae Aina.
Ua haalele aku o Kauka C.A. Peterson i kona noho Kauka Aupuni ana no Ewa ame Waianae, a ma ka la 20 o Novemaba ae nei e pau ai oia.
Ke ao nei ke kumukula haole o ke Kula Aupuni o Hauula i kekahi poe haumana wae o kana kula i ka ike kakaulima pokole. He ike waiwai nui keia e pono ai ke hoikaikaia e na opio.
O ka la keia e noho ai ka Aha Hook@ ame Aha Kuka no ka noonoo ana @ poe Pukiki hoohaunaele ame ke kumuhana e pili ana i ka huikala ana i ke “Alii” Liliuokalani.
Aole i ae ka Papa Ola i ke noi a J. Pinao e hoi hou aku oia a noho ma kona hale e ku nei ma Kapuukolo, oiai he wahi maikai ole ia no ke ola kino. Ua ae ka Papa Ola e kokua iaia elike me ka hiki no ka nee ana aku ma kekahi wahi okoa aku.
Ua lauaheaia ae, e haalele aku ana ka mokukaua Amerika Alert ia Portland, ma ka la 1 o Novemaba ae nei; a ua manaoia e holo mai ana oia no Honolulu nei a lawe ae paha oia i kahi o ka mokukaua Adams e ku nei i keia wa.
Ua waiho ae nei ke Komisina Farani he palapala nonoi imua o ka Papa Ola, e aeia e haawi aku ke Aupuni i na kokua ana e hiki mai ai he elua mau kauka kaulana o loko o ka Halekauka o Pasteur ma Parisa, no ka huli ana i ka mea e pili ana i ka ma’i lepera. Ke noonoola nei keia noi.
He palapala ka makou i loaa mai la Cecilia K. Poepoe mai e noho mai la i Santa Cruz, ua hookipaia oia ma kekahi papa ahaaina maikai e Mrs. Ward, he lede Hawaii e noho ana ma ia kulanakauhale. Ua haawi mai oia i kana mau mahalo kiekie ana no ia kamaaina Hawaii ma ia aina malihini.
He paani kinipopo ke ulele ia ana mawaena o ka Hui Hoku o Honolulu nei ame ka Hui o Wailuku, ma ka hora 3 ame 30 minute o ka la apopo. Mamuli hoi o ka oluolu o Kuhina Kupa, e hiki aku ana ka Bana Puhi Ohe Aupuni ma ia wahi no ka ho-uheuhene ana me ka lakou mau hokeo kani.
E nana ae i ka palapala a Keaulanaokalani e puka aku nei ma ko makou pepa o keia la, ma ka mea e pili ana i kona manao kaokoa iho no ka pono ole e huikala piha i ke Alii Liliuoka-lani i keia wa. E nana ae malalo o ke poo, Na Palapala a na Makamaka.
He elua mau po kula oka papa kula olelo Hawaii maloko o ka Hale Hui Opiopio o na haole i keia wa, oia ka po Poakahi ame ka Poalima, a ke pii mahuahua aku nei ka nui o na haumana o keia papa i keia wa. Eia ke ao ana i keia wa ma ka Buke Ao Piliolelo a Alekanedero.
Ua nui na palapala i loaa mai ia makou mai Kohala mai, e haawi mai ana i na mahalo kiekie no Mr. A. Rosa, no ka eleu, ka makaukau ame ka maikai o kana mau lawelawe ana i na hihia o ka laila kau kiure i keia mahina iho nei. Ua huli hoi mai oia no Honolulu nei ma ka mokuahi Kinau o kela pule aku nei.
Ma ka po Poakolu nei, ua haawi ae la o Kuhina ame Mrs. Cooper he anaina aha mele hoonanea ma ko laua home noho imua o ko laua mau hoaloha he lehulehu. He kanaenae aloha keia na laua mamua o ko laua haalele ana iho i na kaiaulu makamae o Hawaii a au aku i ke kai loa o ka Pakipika no ka aina oiwi o ke kino.
Ma ka Poaka@ nei i hoopalia ai o Hoshina (Iapara) imua o ka Aha Apana o Honolulu nei, no ka hewa kue i ke kanawai dute o Hawaii nei, mamuli o kona hookomo malu ana mai i na waiwai gula mai na aina e mai me ka uku ole ana i ke dute. O kona hoopai he $375 ame na koina, a ua laweia na waiwai ana i hoopae malu mai ai e ke Aupuni.
Ma ka Poakahi nei, ua haule iho la ke komo daimana o kekahi wahine o luna o ka mokuahi Coptie i ku mai ai ma ia la, iloko o ke kai. O ka waiwai io o ua komo la he $300. Ua luu ia ua komo la e ke kanaka luu-kai o ke ala huki moku o Kakaako, a ua loaa mai la mai ka opu mai o ka hohonu. He $50 ka uku o ua kanaka la mai ka wahine mai nona ke komo.
E hoike ana ka nupepa Call o Kapalakiko, ua kokua ae la kekahi mau keiki puhi ohe o loko o ka Bana Lahui Hawaii, ma na mea kani ame ka himeni i ka Ekalesia o Iesu Karisto no na poe Hoano o na La Hope i Hoonohonoho Hou ia. Aia keia wahi ma Alanui Pou (Post) helu 320. O ke kakahiaka Sabati ia Oct. 4. Ua lohe mai makou, ua lilo o Mr. Samuel K. Kamakaia i luna-
kahiko no ia Ekalesia.
Ua hoole ka Aha Kiekie i ka hoopii hou a na poe Pukiki hoohaunaele, no ka lakou noi e hookolokolo a e hoolohe hou ia ka lakou hihia imua o ka Aha Kaapuni. Ma ka auina la Poakahi
nei i hemo mai ai lakou mai kahi paa mai o ke Aupuni malalo o ka hela; a ua loheia mai e na’i hou ana no lakou i wahi no lakou e pono ai. O ka lono hope loa i loaa mai e nonoi ae ana na poe
Pukiki ma keia Poalima (Oct. 23) imua o ka Mana Hooko o ke Aupuni e huikalaia ua poe Pakiki la eono.
Ma ka hapaina o ka hora 4 o ke @ Poalua nei, na puiwa ae la ka @ o kekahi kaa lawe ukana no kekahi Iapana ma ka uwapo Malulani a holo mai la ua lio puiwa ia me ke kolaweawe o ke kaa mahope no uka nei o ke alanui Papu. Haule aku ia mai luna aku o ua kaa nei kekahi o na lapana limahana a maluna iho hoi o ka a-i o ua Iapana nei i haule iho ai he elua mau pahu “sake.” Mokaki ke alanui i na ukana helolei.
E hoea mai ana no Honolulu nei ka mokuahi Australia mai. Kapalakiko mai, ma ka la 16 o Novemaba; ka mokuahi Monowai ma ka la 19; ka mokuahi Rio de Janeiro ma ia la no (Nov. 19); a o ka mokuahi Miowera ma ka la 16, mai Victoria mai. Maluna mai o keia mau moku e loaa mai ai ia kakou na lono no ke koho Peresidena ma Amerika Huiia i keia kau koho ae o Novemaba.
NUHOU KUWAHO
LUA OLE KE AKAMAI O KA ALIHIKAUA KIPI O CUBA
Nu Ioka – Penei ka hoike a ka mea kakau o ka nupepa Herald mai Havana ma@. Ua hoopahu’a loa ia ka hoolala kaua a Kapena Kenerala Weyler o na koa Sepania i hoonoho-
noho ai ma ka welau komohana o Cuba nei, me ka manao ana pela iho la e hiki ai iaia ke hoopio ia Maceo a i ole ia, kaiehu paha iaia mai ia wahi aku no ka welau hikina.
Ua haawi aku o Kapena Kenerala Weyler i ke kauoha ia Kenerala Melguizo, ma kona ano oia ke Kiaaina Kaua ma Pinar del Rio, e hoomaka koke i ka lele kaua ana’ ku maluna o Maceo. He oiaio, ua hoonee koke aku oia i ke kaua, aka, ekolu mau manawa ana i lele kaua aku ai maluna o Maceo, a he ekolu manawa ona i hoauheeia mai ai. O kahi i hooukaia ai o keia mau kaua aia no ia ma na pae kuahiwi o Pinar del Bio. Ua nui ka poino o na koa Sepania, a ua kuemi hope lakou a hea i kahakai.
Ua like keia lono me kekahi poka pahu koikoi loa i haule aku maluna o ka halealii o Kapena Kenerala Weyler. No keia lono i loaa mai, ua papa loa ua Kenerala la, aole e hoikeia keia lono ma ka uwea olelo i Maderida. Ua hoahewa ikaika loa ia ka lunahooponopono o ka
nupepa “El Diario del Ejercito,” he nupepa wahaolelo ia no ka pualikoa Aupuni, no kona hoolaha ana i na nuhou e pili ana i keia auhee ana o na koa Aupuni o Sepania.
I keia kakahiaka, wahi a ka mea kakau o ka nupepa Herald mai Havana mai, i ku mai ai ka moku lawe koa, Triten, mai na awa mai o Pinar del Rio, a ua lawe mai la oia i na poe koa i hoehaia ame ka lono o na hooili kaua i hooukaia mawaena o Kenerala Melguizo ame na Konela Hernandez ame Fraces me na koa o Maceo, ma Tunibar del Torino ame Manajas.
Ma ka hooili kaua i hooukaia ai ma Tunibar del Torino, na Melguizo ame Maceo i alakai ponoi i ko laua mau pualikaua iho. He lua ole ka makaukau o na hoolele poka ana a na mahele pukaa o ko Maceo aoao, ua pau i ka ulupaia he eiwa-hapa-umi o na koa pukaa o Melguizo i ka make a hoehaia. Ua hoao ikaika na koa kipi e lilo pio la lakou na pu-kuniahi a na koa Sepania, aole nae he loaa iki. Ua halawai kino nohoi na pualikaua a elua he alo a he alo, a ua hou aku na elau a na aoao elua i kahi ame kahi.
Ua hakaka na koa o Maceo me ka wiwo ole, a pela-nohoi na koa Sepania. Ua oleloia, ua ku na koa Sepania e kaua a e paio me ka ikaika loa. Ma ke kaua ana hoi ma Manaja, ua nui no aliikoa Sepania i ku i na poka a na poe kipi. He kanakolu-kumamaono hora i nele ai na koa Sepania i ka ai.
LAWE MALU IA O KHALID O ZANZIBA E NA GEREMANIA
Zanziba – O Khalid, oia ke kanaka i kukala ae iaia iho i Zuletana no Zanziba, ma ka la 26 o Augate, mahope iho o ka make ana o ke Suletana Hamid Bin Thwain, a i holo ai a noho maloko o ke Keena Kanikela Geremania mahope iho o ke kipoka-pahuia ana ame ka hoohioloia ana o ka halealii e na mokukaua Beretania, ma ka la 28 o Augate, ua lawe malu ia aku oia e na kanaka Geremania, me ka nana ole ia ae o na koi a ka poe Pelekane no kona haawi pio ia ana’ ku iloko o kona lima.
Ma ka wa i pii mai ai ke kai o aneane e ili-wai like me ke kahua o ka Hale Oihana Kanikela Geremania, oiai he wahi e ku ana ma ka pili kahakai ua laweia aku la o Khalid iluna o ka mokukaua Geremania, nona ka inoa o Seeadler malalo o ke kiaiia ana e na luina o luna o ua mokukaua la. Aole i hoike mua aku na poe Geremania i ka poe Pelekane no keia hana a lakou i hana ai me Khalid, aole nohoi lakou i hoike aku imua o na Pelekane aia o Khalid maluna o ka mokukaua Geremania.
I ka wa i lohe ai ke Kanikela Pelekane i keia hana a na Geremania, mai kekahi poe okoa mai ua waiho koke mai oia i na palapala pane kue imua o ke Keena Kanikela Geremania, aole i loaa iki mai ka pane a na luna Aupuni Geremania.
Ladana – E hoopuka aku ana ka nupepa Standard he palapala mai Berelina mai, e hoike ana ua hoike e mai no o Geremania ia Beretania Nui iloko o kahi mau la i hala ae nei, no ko Geremania makemake e lawe aku ia Said Khalid a hoonoho ma Aferika Hikina, kahi i kuleana ai o Geremania.
Ua hoahewa loa ae hoi kekahi mau nupepa o Ladana ma ko lakou mau manao pepa, no ka laweia ana ku o Khald mai ke Keena Kanikela Geremania aku, a he hana hoaloha ole loa ia i hanaia, aka, ua olelo pu ae no nae ua poe nupepa la ua olioli loa o Beritania Nui no ke kaawale ana’ ku o ia kanaka i kahi e.
HE KUIKAHI PUKOLU HOU MA EUROPA.
Ladana – Mamuli o ka hana hoopahenehene wale a Amerika ua make loa ka manao i hapaiia ai no ka loaa ana he kuikahi pukolu mawaena o Amerika Hulla, Beritania Nui ame Italia no ke kue ana’ku i na hana maewaewa ma Tureke, nolaila, na hoolala hou ia ae la iloko o na noonoo ana a kekahi poe aia ke kuikahi pukolu mawaena o Rusia. Enelani ame Farani. Ua oleloia ae, ua ae o Haku Salisebure e lilo o Konekakinopela ia Rusia ke ae nae oia i ko Enelani hookuene pono loa ana ma Aigupita. Ua hooke-ke ae nae kekahi mau nupepa o Auseturia no keia hana ano mai@ a Enelani.
KA PALAPALA A PERESIDENA KALIVALANA IMUA O KEIA AHAOLELO AE
Kaikuono o Buzzard Makakuseta- Oiai aole ka Peresidena ame kona ohana i hooholo no ka la e huli hoi aku ai lakou no Wasinetona me he ia nae e haaiele iho ana lakou ia Gray Gables i kahi wa o keia pule ae. Ke ano puanuanu loa mai nei ka nohona o keia wahi, a ua makemake nohoi ka Peresidena e huli hoi aku i Wasinetona no ka hoomakaukau ana i kana palapala hoike akea imua o keia Ahaolelo Nui ae (Congress).
MAKE O KENERALA SANCHEZ
Havana – Ua hooukaia kekahi kaua hahana loa mawaena o na koa Aupuni ame na koa kipi o Cuba e alakaiia ana e Kenerala Serafina Sanchez, kekahi o na alihikaua kaulana loa o na poe kipi a kahi i malamala ai o keia kaua ma ka okana aina no ia o Mantanzas a ma ia kaua ana ua make ua Kenerala kipi nei.
POE KOA HOU NO CUBA
Maderida – Ua hooholo ke Aupuni e hoouna aku no Cuba i 40,000 poe koa hou no ka hoopuipui ana’ku i na koa Sepania malaila a no ka hoopuipui ana’ku nohoi i na koa ma Porto Rico ame na koa ma na mokupuni o Pilepine, mai ka 2,000 a ka 3,000. Ua haawi ae ke Aupuni o Sepania he huikala ana no na poe koa i haalele a mahuka mai loko aku o na pualikoa Aupuni ina lakou e komo hou ana iloko o ka Oihana Kaua. Ua loaa mai na lono mai Havana mai, ua liia ma ka amana ka alihikaua Rodrigues o ka aoao kipi, e ua poe kipi la no. O ke kumu o keia hana aole i maopopo.
HAALELE O ELA ROSEBERI I KA NOHO ALAKAI KALAIAINA
Ladana – Ua kakau aku nei o Ela Roseberi, ke alakai o ka aoao Liberala he palapala imua o Mr. Thomas E. Ellis, ua haalele oia i ka noho alakai ana no ka aoao Liberala.
HOEHAIA O HOPE PERESIDENA STEVENSON O AMERIKA HUIIA
Burlington – Ua hookawakawauia na hana “kiulaia” i malamala ai ma Iowa nei i keia la, no ka hoomanao hapa keneturia, mamuli o ka ulia ana o kekahi poino maluna o ka Hope Peresidena o Amerika Huiia, Kiaaina Drake ame kekahi poe e ae. Me he mea la, mai waena mai o kela poe i poino hookahi paha mea e make ana.
Mahope iho o ka hoonohonoho pono ia ana o na puali paikau ma ko lakou mau kulana, ma ka wa i hoomaka ai ka weheia ana o na hana o ka la, a oiai hoi e nee ana ua mau mahele la ma ke kulana paikau a hoea i ka hapalua like, ia wa i alakaiia aku ai o Kiaaina Drake ame kona mau aliikoa ukali, Hope Peresidena Stevenson ame na Luna Aupuni apau o ka mokuaina nei o Iowa no luna o ka holopapa i hoomakaukauia. I lawa no lakou a noho iho ilalo o ka wa no ia hina aku ai o ua holopapa nei ilalo a haule pu me ka poe e kau ana maluna iho.
NUHOU HOPE LOA.
Ma ke ku ana mai o ka mokuahi Mariposa ma ke kakahiaka Poaha nei (Oct. 22) i loaa mai ai ia makou keia mau mea hou mai na aina e mai, a no ka pomaikai o ko makou poe heluhelu
ke panee aku nei makou i ua mau anoai la o na aina mamao.
KELA AME KEIA LONO MAI CUBA MAI.
Havana, Cuba Oct.13 – Ua laulaha ae ka lono maanei nei ma ka Poaono nei, ua hele kino aku o Kapena Kenerala Weyler, a i ole ia, e hele aku ana oia no Pinar del Rio. Aka, aole nae he oiaio o keia mau laulaha, oiai aole i haalele iho oia ia Havana nei, aole nohoi i ikeia e manao ana oia e hana pela.
Ua hoehaia o Maria Rodriguez, kekahi alakai o na poe kipi, ma kekahi hoouka kaua ana ma Junces, e kokoke ana i Esperanza, me na koa Sepania malalo o ke alakai ana a Kenerala Alavareza.
Ua hoike aku o Kenerala Castellano o Sepania, ua hoouka kaua aku ia ma Cascorro, Camaguay, a kaiehu aku la i na poe kipi mai ia wahi aku, mahope iho o na hoouka kaua he umikumamaono i hooneeia e ia ma ka la 4 ame ka la 5 o Okatoba nei. O ka nui o na koa kipi he 5,000 malalo o na alakai ana a Maximo Gomez. Calixto Garcia ame kekahi poe alakai kipi e ae.
O ka nui o na koa Aupuni he 1,800 koa hele-wawae a he 300 poe kaua-lio. He elua a lakou mau pu-kuniahi. Ma ka la 6 o Okatoba, ua komo aku la na koa Aupuni ma Cascarro a hoomaka aku la e pahonohono i na wahi poino mamuli o na kipu ana a ka poe kipi. Ua ki ia e na poe kipi he 219 mau poka lele liilii iloko o 13 la i hooukaia a @ kaua.
Ma ka la 7, ua hoouka kaua hou na koa Aupuni me ka poe kipi ma De@mayo. He eha (4) hora o keia hoouka kaua ana, a o ka hopena i ikeia ua kaiehu holookoaia na kipi. Aole maopopo ka nui o na poino o ka poe kipi, aka, ua manaoia no nae ua koikoi loa. O ka nui o na poino ma ka @ o na koa Sepania he 5 poe i make, a mawaena oia poe he 2 mau aliikoa. He ekolu mau aliikoa ame umikumamalima poe koe i hoehaia.
Nu Ioka, Oct. 14 – E hoike ana ka nupepa Herald, i kekahi lono telegarama i loaa mai Cadiz mai. Sepania, penei: “Ina aole e hiki ana ia Sepania ke hoopio i ka haunaele kipi kuloko
ma Cuba a hoea i ka la mua ae nei o Maraki, alaila, e manao ana ke Aupuni e hooki i ka hakoko ana malaila a e hookuu aku i ua mokupuni la.”
O ka oili ana mai o keia olelo, mai kekahi aliikoa kiekie mai o ka pualikaua Sepania iloko o keia pule he mea ano nui no ia e noonooia ai. O keia maoli iho la no ke kulana e ikeia aku nei no ke alahele a Sepania e hoopapau mai nei i ka hoolue ana mai i na koa Sepania ma Cuba nei, oia hoi. I loaa ai ka ikaika nui e opu pu ai i na poe kipi, a e hoike pu mai ana nohoi ina aole hiki laia ke noho lanakila ma Cuba me ka nui o kona mau koa, ame ke akeakea ole aku hoi a Amerika
aole ia e hoomau hou aku ana i ke kaua ke pau ka la 4 o Maraki ae nei.
I mea hooiaio i keia lono, ke hoouna nei oia (Sepania) he huina koa i oi aku maua o 200.000 i Cuba, he poe koa maamaalea mua ole i ka oihana kaua aia no oia ke malama la he huina o @,ooo koa iloko ponoi iho ona no ke kiai ana i ka wa e ulu ae ai kekahi haunaele kuloko.
O keia poe @ he poe makaukau @ lakou. Aia @ mokukaua.
Maderika, Sepania Oct. 13 – Ua loaa mai @ lono e hoike ana o ka @ o ka poe ma’i a hoehaia mawaena o na ko’u Sepania ma ka mokupuni o Cuba ua hiki aku i ka @.
Kela ame Keia.
OLELO HOOLAHA I NA POE ALE.
Ke hoolahaia aku nei ma keia i ka poe apau i ale ia aku e ka waiwai o J. Wainui Pii, e waiho mai ka lakou mau koi i hooiaio pono ia i ka mea nona ka inoa malalo iho nei ma Honolulu, iloko o eono mahina mai keia ia aku a-i-ole-ia e hoole mau loa ia aku no ia mau ale.
W. A. KINNEY
Lunahooponoponoo ka Waiwai o J. Wainui Pii
Honolulu , Okatoba 10, A.D. 1896
2620-@ts
OLELO HOOLAHA
Ua papa ia na poe apau aole e lawaia mai Kohololoa aku ima ka aoao Akau Komohana oke Awa o Honolulu oia hoi, mai ka uwapo aku o ke alanui hao a ka hale ipukukui a mai ka hale ipukukui mai hoi a ka nuku o ke awa.
O ka pono lawaia ka-okoa ma ia kai, ke paa ia nei ia e ka mea nona ka inoa malalo iho nei, a nana no e hoopii i ka poe komohewa apau elike me ke kanawai.
LI MING & CO.
2619-3ts
HOOLAHA MANA HOOKOLOKOLO.
ILOKO O KA AHA KAAPUNI APANA Hookolokolo Ekahi o ko Hawaii Pae Aina. Ma ka Hooponopono Waiwai. Ma ka hana o ka waiwai o Kahula Drew, o Honolulu, i make.
Oiai ua waiho ia mai ka Palapala Noi a me ka Hoike Waiwai a ka Luna Hooponopono Waiwai o ka waiwai o ka mea i make i oleloia ae la, a ma ia palapala i nonoi mai ai oia e nana ia a e apono ia kana hoike waiwai a e hoopukaia ke kauoha hope loa no ka mahele ana i ka waiwai e koe nei ma kona lima i na poe i kuleana ma ia waiwai, a e hookuu ana iaia mai na koikoi mai a pau ma kona ano Luna Hooponopono Waiwai.
Ua kauohaia, o ka Poakahi la 23 o Novemaba, M.H. 1896, hora 10 o ke kakahiaka, ma ke Keena Hookolokolo Aliiolani Hale, ma Honolulu, oia kahi ame ka manawa i kohoia no ka hoolohe ana i ua noi ia ame ka Hoike Waiwai, a malaila a ma ia wa hoi e hele ae ai na kanaka a pau i kuleana ma ia waiwai a hoike mai i kumu ina he kumu ka lakou e ae ole ia ai ua noi la.
Honolulu, October 20, 1896.
Na ka Aha:
J. A. THOMPSON
2621-3ts Kakauolelo
ILOKO O KA AHA KAAPUNI APANA Hookolokolo Ekahi o ko Hawaii Pae Aina. Ma ka Hooponopono Waiwai. Ma ka hana o ka waiwai o John S. Kekukahiko o Honolulu, i make.
Oiai ua waihoia mai ka palapala noi a me ka Hoike Waiwai a ka Luna Hooponopono Waiwai o ka waiwai o ka mea i make i oleloia ae ia, a me ia palapala nonoi mai ai oia e nana ia a e aponoia kana hoike waiwai a e hoopukaia ke kauoha hope loa no ka mahele ana i ka waiwai e koie nei ma kona lima i na poe i kuleana ma ia waiwai, a e hookuu ana iaia mai na koikoi mai a pau ma kona ano Luna Hooponopono Waiwai.
Ua kauohaia, o ka Poakahi, la 9 o Novemaba, M.H. 1896, hora 10 o ke kakahiaka, ma ke Keena Hookolokolo, Aliiolani Hale, ma Honolulu, oia kahi ame ka manawa i kohoia no ka hoolohe ana i ua noi la ame ka Hoike Waiwai, a malaila a ma ia wa hoi e hele ae ai na kanaka apau i kuleana ma ia waiwai a hoike mai i kumu, ina he kumu ka lakou e ae ole ia ai ua noi la.
Honolulu, Okatoba 6, 1896.
Na ka Aha:
GEORGE LUCAS
2619-3ts Kakauolelo.
AHA KAAPUNI, APANA Hookolokolo Kaapuni Elima, ko Hawaii Pae Aina. Ma ka Hooko Kauoha. Ma ke Keena. Ma ka hana o ka waiwai o Pauole (k) ame Meike (k), he mau keiki oo ole. Ma ka heluhelu ana ame ka waihoia ana mai o ke Noi a Kalua Pauole (w), ke Kahu o ka waiwai o ua mau keiki oo ole la, e nonoi ana i kauoha mai ka Aha aku, no ke kuai ana i kekahi waiwai paa o ua mau hanai la ana, ame ka hoakaka pu ana mai i kekahi mau kumu ma ke kanawai e pono ai ke kuaiia aku ua waiwai paa @a. Ua kauohaia ma keia o ka Poakahi, Novemaba 16 A.D. 1896, ma ka hora 10 A.M. ( kakahiaka), ma ke Keena Hookolokolo o keia Aha, oia ka manawa ame kahi i hookaawaleia no ka hoolohe ana i ua Noi la; a ma ia wa a ma ia wahi e hele mai ai a hoike mai na poe apau i kuleana ma ia waiwai, i kumu e ae ole ia ai ua noi la.
Hanaia ma Lihue, Sepetamaba 25, 1896.
Na ka Aha:
R. W. T. PURVIS
2618-3ts Kakauolelo
ILOKO O KA AHA KAAPUNI APANA hookolokolo Ekahi o ko Hawaii Pae Aina. Ma ka hooponopono waiwai. Ma ka hana o ka waiwai o Antonio Rodrigues Gasper o Kalihi, Honolulu, i make.
Oiai ua waihola mai ka palapala noi ame ka hoike waiwai a ka Luna Hooko Kauoha o ka waiwai o ka mea i make i oleloia ae la, a ma ia palapala i nonoi mai oia e nana ia a e apono ia kana hoike waiwai a e hoopukala ke kauoha hope loa no ka mahele ana i ka waiwai e koe nei ma kona lima i na poe i kuleana ma ia waiwai, a e hookuu ana iaia mai na koikoi mai a pau ma kona ano Luna Hooko Kauoha.
Ua kanohaia, o ka Poakahi, la 9 0 Novemaba, M.H. 1896, hora 10 o ke kakahiaka, ma ke Keena Hookolokolo, Aliiolani Hale, ma Honolulu, oia kahi ame ka manawa i kohoia no ka hoolohe ana i na noi ia ame ka Hoike Waiwai, a malaila a ma ia wa hoi e hele ae ai na kanaka apau i kuleana ma ia waiwai a hoike mai i kumu, ina he kumu ka lakou e ae ole ia ai na noi la.
Honolulu, Okatoba 2, 1896.
Na ka Aha:
GEORGE LUCAS
2619-3ts Kakauolelo
ILOKO O KA AHA KAAPUNI APANA @ Pae Aina. Ma ka @ Sam Kalama a me Kamalo @.
Na ka mea ia waihoia mai he palapala hoopii e ke Kahu Malama Waiwai. S.H. @ e
@ ana e @ ia ka mahele hoowahi hapa @ o na keiki oo ole i waiho la ma Kapuakolo, Honolulu, Oahu
Nolaila, ma keia @ nei ka lono i na poe @ o ka Poalima, la 13 o Novemaba @, hora 10 kakahiaka, ma Aliiolani Hale Honolulu, Oahu, oia kahi a me ka manawa e hooloheia ai o na palapala hoopii la a e hoike mai lakou no ke aha la e ae ole ia ai ke noi a ke Kahu Malama Waiwai.
Honolulu, Okatoba 14, 1896.
Na ka Aha:
@ P. D. KELLETT, JR.
Kakauolelo
AHA KAAPUNI APANA Hookolokolo Kaapuni Elima. Ko Hawaii Pae Aina. Ma ka Hooko Kauoha. Me ke Keena. Ma ka hana o ka waiwai o Kapalehua (k) o Wailua, Kauai, mamua, a i make kauoha ole. He kauoha e hoolaha i ke Noi no ka aeia ana o ka Hoike hope ame ka hookuuia ana ma na waiwai o ka mea i make. Ma ka heluhelu ana ame ka waihoia ana mai o ke Noi ame ka Helu Waiwai a Carl Isenberg, ka Lunahooponopono o na waiwai la, a malaila oia i noi mai ai e aeia aku i $ . . . . . a e kaki ana iaia iho me $ . . . . . . ., a e nonoi ana e nana ia ia hoike a e aponoia a e hoopukaia ke kauoha hope no ka mahelehele ana i ka waiwai e waiho ana ma kona lima i ka poe i kuleana, a e hookuu ana iaia a i kona mau hope mai na koikoi mai apau o ia noho Lunahooponopono ana. Ua kauohaia, o ka Poakahi, la 16 o Novemaba, A.D. 1896, ma ka hora 10 A.M. (kakahiaka) imua o ka Lunakanawai o ua Aha la, ma ke Keena Hookolokolo o ua Aha la ma Lihue, Mokupuni o Kauai, oia kahi ame ka manawa i hookaawaleia no ka hoolohe ana i ua Noi la ame ka Helu Waiwai, a ma ia manawa a ma ia wahi e hele mai ai ka poe apau i kuleana ma ua waiwai la, a hoike mai i kumu, ina he kumu ka lakou, nokeaha la e ae ole ia ai ua noi la, a e waiho mai i na mea hoike no ka poe i kuleana i ua waiwai la. A e hoolahaia keia kauoha ma na olelo Hawaii ame Enelani, maloko o ke Kuokoa ame ka Hawaiian Gazette, he mau nupepa i paila a i hoolahaia ma Honolulu, no ekolu hebedoma ka’i-like, a o ka puka hope ana aole ia e emi malalo o elua hebedoma mamua ae o ka manawa i hoikeia maloko nei no ka hoolohe ana.
Hanaia ma Lihue i keia la 26 o Sepetemaba, A.D. 1896.
R. W. T. PURVIS
2618-4ts Kakauolelo
Hoolaha Moraki
KUAI WAIWAI PAA A KA LUNAHOOPONOPONO WAIWAI.
Na Apana Pa-Hale ame na Aina Kanu Kope ma Kona Hema Mokupuni o Hawaii
Ua kauohaia mai au e C. ROSSE Kamahooponopono waiwai o ka waiwai o D.H. NAHINU, i make, e hana ana malalo o ka mana mai ka Aha Kaapuni mai o ka Apana Kaapuni Ekahi ma ka hana o ka waiwai o D.H. Nahinu @ Hookena mamua, ma ka Mokupuni @ Hawaii, e kuai aku ma ke kuai kudala akea, ma ko’u keena kudala maloko nei o ke kulanakauhale o Honolulu Mokupuni o Oahu, ma ka Poaono, Nov. 14, 1896, ma ka hora 12 awakea o ua la @, i keia mau aina apau i hoikeia a i komo hoi iloko oua waiwai la o D.H. Nahinu @oleloia.
Ka Mua – Apana 2 o ka Palapala Sila Nui 5106, Kuleana 7066 e waiho ana ma Hookena, Kona Hema Hawaii, a he aina mahiai ia a @ hoikela na palena penei:
E hoomaka ma ka @ihi Hikina a e holo Ak 36 deg, 15 min Kom @ kh, ma ka aina konohiki Hem 72 deg 30 min. Kom @ Kh ma ka aina o Kailuna Hem 70 deg Kom @ Kh ma ka aina o Kailuna Hem 80 deg Kom 620 Kh ma ka aina o Kailuna Hem 22 deg 30 min Hik @Kh ma ka aina o Konohiki Ak @ deg 28 min. Hik 610 Kh ma ka aina o konohiki Ak 77 deg 30 min Hik 795 Kh ma ka aina o konohiki Ak 70 Hik 10 Kh ma ka aina o Konohiki a hiki i kahi i hoomaka’i nona ka ili a 15-100 eka.
Elua – Apana Pahale ame aina ma@ e waiho ana ma Kealia 2 Kona Hema, Hawaii, a he kuleana akahi hapalua ia maloko o ka Palapala Sila Nui 5234 Kuleana 6984, a i hoikeia na palena penei.
E hoomaka ana ma ke kihi K@ a holo Hem 40 deg Hik 270 Kh ma Konohiki Ak 53 deg 15 min Hik 280 Kh ma Nuuanu, Ak 70 deg Hik 278 Kh ma Nuuanu Ak @ deg Hik @ Kh ma Nuuanu Ak 78 deg 45 min Hik @ Kh ma Nuuanu Ak 17 deg 30 min Kom @ Kh ma Konohiki Hem 77 deg 3@ min Kom @ Kh me Konohiki Hem @ deg Kom @ Kh ma Konohiki, nona ka @ mau eka.
Ekolu – Apana Pahale ame aina mahiai ma Hookena Kona Hema Hawaii. Palapala Sila Nui 5108, Kuleana 7006 a i hoikeia penei.
Apana @ Pahale hoomaka ana ma ke kihi Hik a e holo Akau 20 deg Kom 107 Kh ma ka alanui Hem 64 deg 30 min Kom 196 Kh ma Kahula Hem 24 deg 30 min Hik @ Kh ma ka alanui, Ak @ deg 15 min Hik @ Kh ma ka alanui nona ka III 20-100 eka.
Apana @ Hoomaka ma ke kihi Ak a e holo Hem 16 deg 30 min Hik 1@ Kh ma Konohiki Hem 73 deg Kom 760 Kh ma Kanekoa Hem 74 deg 40 min Kom @ Kh ma Kanekoa Ak 85 deg Kom 133 Kh ma Kanekoa Hem 59 deg 15 min Kom 3.30 Kh ma Kanekoa Ak @ deg 30 min Kom 2.20 Kh ma Konohiki Ak 75 deg Hik 11.30 Kh ma Konohiki Ak 79 deg Hik 9.80 Kh ma Konohiki nona ka III 2 30-100 mau eka.
Kuike ke dala ma ke Dala Gula o Amerika Huiia.
O na lilo palapala i ka mea kuai mai.
Ala ka paa o ke kuai ana a apono ka Aha Kaapuni.
No na mea i koe e ninau la
CECIL BROWN
a-i-ole la J. F. MORGAN
Luna Kudala.
@