Ka Nupepa Kuokoa, Volume XXXV, Number 42, 16 October 1896 — Untitled [ARTICLE]

Mamuli o ka Sepania mau hooikaika ana e hilipalaha mai nei ma Cuba, ame na ooloku okaikai e ulu mai nei ma na mokupui Pilepine, aia Aupuni i noho mana ai, ke ikeia aku nei ko Sepania komo poo ana iloko o na okooko ahi elua. Hookahi ma ka moana Atelanika a hookahi hoi ma ka moana Pakipika. Ua lawa loa na lima elua o keia Aupuni o Europa me na hana e ikea ai kona hopena.

E ikeia ana ma kekahi wahi o ko makou pepa o keia la, he moolelo i laweia noloko mai o ka Buke a Hoonaueueihe (Shakespeare). Ua loaa mai ia makou keia moolelo mai kekahi opio Hawaii mai. Ke waiho aku nei makou i keia moolelo na ka lehulehu e wae no lakou iho. Ua ike makou, he mau manao waiwai nui kekahi e loaa ana i ko makou poe heluhelu maloko o keia nanea. 0 ko makou iini nui nae, oia ka hiki ana ke hoopaaia keia mau mahele maloko o kekahi buke i pai maoli ia a humuia hoi a paa, a. lilo i waiwai makamae no ka waihona buke o ke kanaka Hawaii i mahuahua ole koua ike i ka olelo Enelani.

Oiai ua hoomaopopo makou i ka waiwai nui o ka loaa ana o ka ike olelo Enelani i na opio Hawaii e hele nei maloko o na kula olelo Enelani o loko nei pau*,. k& hoopuka aku ma na kolamu o ka n-u--pepa Kuokoa nei he mau wahi mahele o ke Ao Piliolelo Enelani i laweia mai e makou mailoko mai o na buke piliolelo Enelani mai. Ua manao makou, ■ he kokua waiwai nui keia no ka poe apau—na keiki ame na poe kanaka makua —e ake ana e ike i keia olelo waiwai nui. O ka olielo kanawai keia | ma Hawaii nei, o ka olelo kalepa no ; keia ma Hawaii nei, a o ka olelo keia e ao nui ia nei ma na kula apau o ; loko nei oka aina. Nolaila, no ko makou iini nui, a makemake hoi e hoomahuahuaia aku ka makaukau o na kanaka Hawaii ma keia mahele waiwai o ka ike, ua hookaawale makou i kekahi wahi o ke Kuokoa nei no ka hoopukaia ana 'ku o keia mahele hoonaauao.