Ka Nupepa Kuokoa, Volume XXXV, Number 39, 25 Kepakemapa 1896 — Ke Alahele Maalahi. [ARTICLE]

Ke Alahele Maalahi.

Aole loa i mamao loa ka Hale Oihana o ka Mana Hooko o ke Anpuni Repubalika o Hawaii, mai ke Keena Oihana aku o ka hoaloha nupepa Ka Makaainana, e hiki ole ai i kona lunahooponopono a mea kakau ke hele kino aku a hoea i ke Keena o ke Kuhina o ko na Aina E, a nonoi aku iaia e hoikeike mai oia i ka palapala a Kaiulani i kakau mai ai imua o ia Kuhina no kona ae ana e lawe i ka uku hoomau o $4,000 a ka Ahaolelo Repubalika i hookaawale ai no ua "Alii opio la," no elua makahiki. Ina he ake maoli ko ua hoaloha nupepa nei e ike maoli i ka mea oiaio, alaila, ua hiki loa no iaia ke hele aku imua o ke Kuhina a nonoi aku e ae ia mai oia e hoolaha i ua palapala 'la; a ke manaoio nei no makou e ae mai ana no ke Kuhina ia manao ona; a he kumu auanei ia e hoopauia ai na hoole hoopaakiki wale ana a ka makaihaka, me he mea la e hoole ana aohe palapala a Kaiulani i loaa mai i ke Keena 0 ko na Aina E, 110 kona ae ana e lawe 1 na dala $4,000. Ua oi aku ka pono i ka lunahooponopono o ka Makaainana e hele kino a ike pono i ua palapala 'la. a ike hoi i ke kakaulima i kakauia maluna o ua palapala la, a ike pu iho i ke kakauinoa ana o ua "Alii opio" la i kona inoa elike me ka makou i ike ai, a ina e ike ana ua lunahooponopono la, aole ia o ke kakaulima o ke Alii opio, aole no ia o ka inoa o ua "Alii la" i kakauia ma ua palapala la, alaila, ua hamama maikai ka puka nona e hele aku ai imua o ka lehulehu a hoole i ka oiaio 0 ka loaa io ana mai o kekahi palapala, elike me kana e hoohuoi nei, mai lee "Alii opio" mai, elike me ka makou i hooia aku ai imua o ka lahui. Ina no e hoolahaia ae ua palapala la. elike me ka ua hoa nei e koi aku nei 1 ke Aupuni, he mea anei ia e hoopau ia ai ke pohihihi, hoopohihihi wale iho a ka manao hoololohe o ka lunahooponopono o ua hoaloha nupepa nei? Aole. Nokamea, ua hiki no iaia ke olelo mau ae imua o ke akea, he palapala ia na lakou (na ka Aha Kuhina paha) i haku-wale iho. • He oi aku ko Toma naauao i ko keia; nokamea, iaia i kanalua ai i na olelo hoike waha (oia na olelo i kakau ole ia a paiia maloko 0 na nupepa elike me ko kakou o keia wa) a kona mau hoa haumana no ka oiaio o ko lakou ike io ana ua ola hou mai o Karisto mai ka make mai, ua olelo kela. Aia kona manaoio i ka lakou imau olelo. a hou maoli oia i na puka i hou ia ai na lima. na wawae ame ka aoao oka Haku. He oiaio, ua hooko maoli ia kona makemake mamuli o kona ike maka inaoli ana i ke kino o ka Haku, hoopa maoli kona lima iaia, a haawi iho ta oia i kona mauaoio ana. [na pela ka lunahooponopono o Ka Makaainana e hana ai, e hele e haha i ke kino kanana o kela palapala "Alii," a nana pono hoi i na hua kakaulima, manao makou e loaa ana no i ua lunahooponopono la he manao 1 loa ae i ko keia manao ana e hilimU nei i keia wa. Ina no ua hoohiki a hoohiki ose o Kaiulani malalo o keia Aupuni, he mea ole ia ia makou; nokamea, ua maopopo o kona lilo ana i "ohua" i hoolakolako ia uku e na lima lokomaikai o ke Auinmi Kepuhalika o Hawaii. elike me ka hooholo ana a ka Ahaolelo, ua lilo oia i mea ai pomaikai mai ke Aupuni aku.