Ka Nupepa Kuokoa, Volume XXXV, Number 39, 25 September 1896 — HOOPAIIA KELA HAOLE NANA I POWA O KIMO KAMABELA. [ARTICLE]
HOOPAIIA KELA HAOLE NANA I POWA O KIMO KAMABELA.
Ma ke kakahiaka o ka la 16 aku nei i hopuka ai ke kiure i ka olelo hoahewa maluna o 01iver Winifield Winthrop no ka hewa "powa" maluna o ke kino o Kimo Kamabela. Ua hoao ikaika ka loio o ua Winthrop nei elike me ka nui o kona ike, e pale ae iaia mailoko mai o na lima o ke kiure, aka, ua oi loa aku ka paa o ka olelo hoike e ahewa aiia iaia. He hoolele baluna ko ka auina la o 'ka la apopo, ma Independence Park (Kuokoa Pa). Ua hilinaiia o Mr. P. J. Testa e na poo o Kalakaua Hale, nolaila, ua hookuu waleia mai oia e ko laila poe no ke a'o ana i ko makou hoahanau J. Keala Kamakea e liio i keonimana maikai. Ma ka Poaha nei keia.