Ka Nupepa Kuokoa, Volume XXXV, Number 38, 18 September 1896 — Ke Kuhikuhi Puuone Rostovski o ke Aupuni Imeperiela o Rusia. [ARTICLE]

Ke Kuhikuhi Puuone Rostovski o ke Aupuni Imeperiela o Rusia.

Mawaena o na kanaka kauiana loa o ke ao nei ma na hana kaiai Aupuni, elike me Bisimaka o Oeremania, Pohakuhauoli o Enelan!, Li Hung Chang o Kina, ame kekahi poe e ae he nui, ua heluia ke Keikialii Rostovski mawaena oia poe. O ke kulana hookele Aupuni a keia kanaka o Rusia, oia kekahi o na kalai Aupuni noeau loa 0 ke ao nei i piha i ke kupaianaha ame ke kamahao. Me he mea la. ma ka nana aku. oiai oia e hookele ana 1 ka waa Aupuni Imeperiela o Rusia, aia maloko o kona lima kahi i paa ia ai ka maluhia holookoa o Europa. Nolailā, mamuli o kona make ana ua hoololiia ae la ke kulana pili nohona Aupuni o Europa holookoa. He mea maopopo loa, aohe kanaka e ae ma Europa, nona ka make ana elike iho la me ko keia kanaka, i lilo i mea ano nui loa ma ka moolelo o ko ka honua nei nohona ana ma keia«mua aku. O ka puniu poo o keia kanaka, ua lilo ia i hale paahana kupaianaha loa e kukulu ana i kekahi mau keehina kalai Aupuni ano nui loa i ikeia e ko Europa ame Asia, a oia mau mea apau e hookeleia ana no ia e kona lima naueue ole. Maluna ae ona kumuhana apau ana i hookumu; ai a i alakai alrti ai me ka puhili ole, o ka mea e pili ana i ko Rusia noho pookela ana aku ma ka mana maluna o Europa holookoa ame Rusia, oia ke "aiwaiwa" ame ke pookela o ke "kaeaea" o kana mau hana. Me he mea la, oka iini nui iloko o kona houpo, oia ka hoopouliuli ana i ka nahi i loaa ia Enelani i kefa wa. O ka hoolilo ana ia Rusia i Aupuni mana nui ma Europa a ma Asia, oia ka uhane nui iloko o ka Pāpa Konane Kalai Aupuni a Petero ka Nui i waiho iho ai maloko o kana Palapala Kauoha a Hooilina Hope na ka nolioalii o Rusia e hooko aku. Penei

na huaolelo hope o ua Palapala Kauoha la: "Ke pau keia mau Aupuni i ke pio, alaila, e helelei wale mai no kekahi raau hoomalu ana. Alaila, o ka hopena iho la keia o Europa." līa kokoke loa e hookoia keia kumuhana "mai ka po mai," mamuli o na hookele ana a keia kanaka. Ua hiki loa iaia ke hooki i na hana hoomainoinoia ana o ka poe Aremania. mamuli o kona pane ana ae i kekahi huaolelo hookahi no ka malamaia o ka maluhia, eia nae aole loa oia i hana iki ia hana, a no ia mea ua hoomauia no ka a ana o ka lalapa ahi o ka mainoino mawaena oia poe. O ka hooulu ana ae i na hana hookuee lahui ma Tureke, oia kekahi waiwai hooilina i hekau iho maluna o ka nohoalii Imeperiela o Rusia, a me he mea la oia leo kauoha <4 mai ka po mai" ka keia kanaka i hooko aku ai me ke akamai loa. He wahi wa pokole wale no i hala ae nei i hoea aku ai ka lohe imuA o ka Emepera opio O Rusia no ka moolelo oiaio e pili ana i na hana hoomainoino i kau iho maluna o na makaainana Karistiano o ke Suletana. Ua lilo keia mau hana hoomainoino i mea no ua Emepera opio la o Rusia e hoololi ai i ke kulana kalai Aupuni a Rusia e hana aku ai ia Tureke. Mamuli o keia hana a ka Emepera, ua lilo ia i mea ano nui loa e hopilikia ana i kealahele kalaiaina a Ix)banoff. II a hooikaika loa ua kuhikuhi puuone kaul&na nei o Rusia i kona Emepera e hoololi ae oia i kana hana e akeakea ana 1 ka holomua o na mea ana (Lobanoff, i makemake ioa ai e hookoia ma Tureke, a o ka hua oia hana, oia ka loaa ana i&ia he wahi hooioli uuku loa mai ka Emepeiu mai. A ua man&oia, o keia mauae ana o ka Emepera opio 0 Rii3ta maluna o na hana a ua kuhikuhi puuone nei o Rusia, kekahi kumu nui nana 1 hoohikiwawe loa i kona make ana. O ka hana a keia kanaka i hana ai no kona ain& hanau, he lua oie ke hiw&hiwa, o ka nani ame ka hanohano. He hana nui hewahē«ra kana I hoao ai • hana, a ua manao ioa oia iloko o •)ua makahlki mai keia wa aku a hookoia no kooa iinl. He k&nahlku ona 1 mau makahiki a oi ma ka wa i lumaiia ' aku ai oia ikAo o ka lua puanuanu

o ka make, aia aae iloko o kona umauma kR lini oikelakela e 'Uo kona ain n lianau i hoku alakaī no Europa holookoa. m& ka wa e ho»a aku ai ia i ke kanahiku-kumamalima o kona mau makahikL A iaia i hoonee ai i keia hana no ka hoea aka i ke kilohana pookela o ka hookoia ana o kana mo*>uhane. ua kapae ae oia i ka ikalka o na mea kaua. a ua hakoko oia me na ninau apau i hookui aku ai 1 kana mau alakai hana ana. mamuli o ka noeau kalaiaina i loaa iloko o kona puniu poa O ka hana i loaa ai ka lanakila ia N&poliona ma ka oi o ka pahikaua ame ka waha o ka pu, oia ka keia kanaka i hoao ai e hana me ka maka o ka makakila (peni) ame ka waha o ka ipu-inika. Ua hana oia i keia hana elike me keia ke ano, aole mamuli o ka hookawakawauia ana o kona houpo e ka hohe waie ame ka maka'u wale i nei mea he hanini ana o ke koko, oiai ua ikeia kona menemene ole ana ia mea, mamuli o ka hoomainoinoia ana ame ka pepehi ia ana o na poe Aremania malalo ponoi o kona mau kii onohi. aka, ua kapae ae oia i ke kahua kaua. no kona paulele nui ana maluna iho o kona ike kalaiaina. Nolaihi, i ka make ana o keia kanaka. ua lumai pu ia me ia na hoolala noeau ana i kukulu ai no ka hanohano o Rusia. Aole paha e loaa ana maloko o Rusia he kanaka i hiki e laweiawe i keia hana hookaulana kilakila a nei kanaka kamahao i hookumu ai. No keia mea, ke hekau aku nei ko ke ao net mau kiei ana ame na hakilo ana maluna o ke kanaka e noho ae ana nia ia kulana. Ua oleloia me ka oiaio loa, aia iloko o ka poholima o Rusia kahi i paa ia ai o ko Europa maluhia, a o ka mea nana i paa ua maluhia la oia no o Lobanoff. Hala aku la ia, a waiho iho la ka mea ana kaupaona o ko Europa maluhia me ke kaliia ana 0 ke kanaka Rukini nana e alakai hou i na hoohele ana i na mea ana kaumaha iluna o keia mea ana o ka maluhia o Europa, Ua oleloia nohoi o keia LobanofE ke kanaka a Salisebure 1 liopohopo ai, a o kona make ana oia ka hookaawaleia ana aku o kekahi puko'a a Enelani i makemake ole ai e hookui pu aku.