Ka Nupepa Kuokoa, Volume XXXV, Number 38, 18 September 1896 — KE AKAMAI O KE AKUA I IKE IA MA O KA NANANA LA [ARTICLE]

KE AKAMAI O KE AKUA I IKE IA MA O KA NANANA LA

O ka nanana, oia kekahi holoholona kolo a ke Akua i hana ai ma keia hoku hele (honua). He lehulehu wale na maka o ka nanana a puni kona poo. He elua mau maka i hanaia i hiki ai ke huli i hope. a elua mau maka i hiki ai ke nana imua; a o kekahi mau maka aia no ia ma na aoao elua. Aohe ona mau hhilihi; aka. o kona mau maka. ua uhiia i kekahi mea manoanoa ano kohu aniani. Aole nae keia i mau mea malama wale i na maka; aka. i mea e hoonui !oa aku ai ika ike. MaUa paha. ua makemake kakou e ike i ke kumu i hanaia ai ā paapu na maka oka nanana. Ae. pela no. He nui no na kumu. 1. Aole hiki iaia ke oni i kona mau maka. elike me ka hiki ia kakou; nolaila, hookahi wale no wahi a ka maka hookahi e ike ai. 1. He lehulehu wale na enemi o ka nanana, a 0 ka mea ia i hoonuiia mai na maka. 1 oia i kahi e pakele ai. 3. He poe hoomanawanui iakou i ka noho pololi ana; a he poe hiki ke kakali loihi i loaa ai hahi al; a o na maKa na mea e hiki ai ke kokua mal i ka wa o ka nalo e leie ae ai, a komo iloko o ka upena punawelewele. Elua mau umiumi liilii mamua pono o kona poo, me na mea oioi mamua, e oni ana iloko o na mea ano maiuu elike me ko ka popoki. A malalo iki iho o ua mau maiuu la. he wahi puka uuku, mai loko mai olaila e puka mai ai he wai make. Aole nae kakou e pilikia ia mea, aia wale no o na mea kolo ana e hopu āku ai, o lakou ke make i ua wai make la. 0 ka nalo ka ai maa loa a ka nanana; a no ko na mau eheu ole, e hiki ai ke alualu ia lakou. nolaila. hoholo iho la ia i kana upena punawelewele, a iloko olaila e hei ai na nalo a hikiwawe ka loaa. Ua kauia keia upena punawelewele ma kahi a na nalo e maa mau ai 1 ka akoakoa ana; elike me na kuono 0 na keena hale, ma na aoao o na puka aniani, a ma ke kula. a maluna hoi o na laalaau. Aia a paa ka upena punawelewele. No keia mea, hoomanawanui no oia he mau pule, a he mau malama hoi. e kakali ana me ka loaa ole o kahi nalo hookahi: oiai, elike ia me kekahi mau mea kolo e ae, aka, ua kaulana no ka nanana no ka hoomanawanui i ka pololi. Aole mea kolo e ae 1 oi ka ikaika elike me kona; a he hiki no ia ia ke pepehi i kekahi mea kolo i pa-umi ka nui i kona. A ina mahope o ka hakaka ikaika ana a mainoino, he hiki iaia ke hoola i kona mau eha. Ina e pau ana kona mau wawae i ka hakihaki. he mea uuku wale no ia iaia. Oiai e ulu hou ae no kona mau wawae a hoi hou no elike me mamua. Nolaila, ma keia wahi holoholona kolo, a me kekahi mau holoholona e ae i ike ai kakou i ke akamai lua ole o ke Akua. Nolaila, ua kupono no kekahi inoa ona o "Kupaianaha." Me ka mahalo, Kou oiaio, S. H. P. KALAWAIAOPUNA. Kalaupapa, Aug. 20, 1896.