Ka Nupepa Kuokoa, Volume XXXV, Number 37, 11 Kepakemapa 1896 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

@A HUI ALAHAO ME AINA O OAHU

MANAWA HOLO.

Mai a Mahope aku o Iulai 5, 1895

 

W@ o Ewa

Kaa Ukana

Na la a pau

Koo Sabati

Hiki i Waianao na la a pau.

Hiki i Will o Ewa na la apau.

Iliki i Wa@anao

Na Poaono m@

Sabati walo no.

@ki i Walanao na la a pau.

                                    A.M.    A.M.    P.M.    P.M.    P.M.

Haalele @a Honolulu  6:40     9:15     1:45     1:45     5:10

Haalele ia Manana       7:40     9:58     2:2@   2:35     5:5@

Haalele W@ o Ewa    8:10     10:19   2:49     2:49     6:14

Hiki i Walanae            --          10:54   --          8:24     6:49

 

Wa@ana@ na la a pau

W@ o Ewa

Kaa Ukana

Na la a pau

Koo Sabati

Wa@anao na la a pau.

W@ o Ewa na la a pau.

@ki i Walanae na Poaono me Sabati

                                    A.M.    A.M.    P.M.    P.M.    P.M.

Haalele ia Wa@anae   6:44     --          1:32     --          4:16

Haalele W@ o Ewa    7:19     9:10     2:07     8:51     4:51

Haalele ia Manana       7:50     9:48     2:@     4:22     5:22

Hiki i Honolulu           8:23     10:30   3:11     4:55     5:55

            E lawe ana na kaa ahi hali ukana i na kaa oh@a o ka papa ekahi.

G. P. DENISON,

Luna,   F. C. SMITH,

Luna Kuai Palapala Holo.

 

NU HOU HAWAII.

 

            Ua huli hoi mai ka Lunakanawai Kiekie Alapaki ame kona ohana no Honolulu nei i kela pule aku nei.

 

            Ma ke kakahiaka Sabati, huli hoi mai ka Ilamuku Brown mai Maui mai, maluna mai o ka mokuahi Kalaudina.

 

            Sabati, Sepetemaba 6, Loio Kuhina Kamika mai Kauai mai no Honolulu nei, maluna mai o ka mokuahi "Mikahala."

 

            Ua hoopauia mailoko mai o ka puali o na @mahana o ka Oihana Dute, ma kela pule aku nei o T. P. Severrin ame T. E. Cook.

 

            Ua lauahea hou ae no he lono, ua loaa hou no i ka makai kiu David Kaapa he eke dala o na dala o ka Hui Kaa Hapaumi i aihue@a ai.

 

            Ua lohela mai o Mr. J. K. Iosepa o Hana ka Lunakanawai Apana o Hana, ma kahi o Mr. J. S. H. Kaleo i waiho aku.

 

            Walawalaau mai ana na kilihune ua o Hanalei, Kauai, he pohuli hou paha ke kanu@a aku ana ma ke kihapai o ka Aha Kaapuni o Kauai.

 

            He keena mailai a hanohano ko Mr. W. C. Achi e hoomakaukauia nei ma ka aoao mauka o ke Alanui Moi e pili pu ana me ka hale-hana ili o Collins.

 

            Eia ke hoomaamaa mau nei na keiki hoehoe waapa o kakou nei i ke@a mau ahiahi no ke komo pu aku iloko o na lealea heihei o ka la 19 aenei.

 

            Eia hou no ua Ro@aliti no Kaleponi.  Ma ka huli hoi ana aku nei o ka mokuahi Australia ma ka Poakolu nei no Kaleponi, @a holo aku la o Col. Geo. W. Macfarlane ame kana wahine.

 

            I Kauai aku nei o Mr. Pua, a ma ka la Sabati aku nei no kona huli hoi ana mai nei.  Ua hala loa oia i Niihau i ka aina hanau o ke kino, maluna o ka waapa.

 

            Ua hoopauia ke kapu o ka lawaia ana maloko ae nei o ke awa.  "Ola ia kini ke a mai la ke ahi."  Hele ana i ka lawaia, ea:  noonoo ana hoi ko kauhale poe.  He hewa ia la?

 

            Maluna mai o ka mokuahi Iwalani o ka la Sabati aku nei i huli hoi mai ai o Mr. Samuel Parker, kana lede, ame ka laua mau keiki, ame na poe e ae he nui.

 

            Ua pau i ke pa'lia a ua paa i ka humu@a ka buke Kanawai o keia Kau Ahaolelo i pau aku nei, e ko makou halepai nei.  O ka buke nae keia ma ka Olelo Enelani, a koe ka buke ma ka Olelo Hawaii.

 

            O na kahu malama waiwai i keia wa no ka Waiwai o Pauahi, oia keia:  Charles R. Bishop, Samuel Damon Charles M. Hyde, Charles M. Cooke, Joseph O. Carter, Sandford B. Dole a me Henry Holmes.

 

            Ua ikeia kekahi mau moraki i hana @a iho nei i keia mau la, he 8 pa-keneta wale no ka uku-panee o ke dala o loko nei o ka aina e hoopukapuka@a mai nei?

 

            Ma ke kakahiaka Poaono nei, ua kaahele ae o Kapena Campbell ma na hale kalepa o Honolulu nei no ka lulu dala no na hana o ka la heihei waapa ae nei, oia ka la 19 o keia mahina, a @a loaa @ala iloko o elua hora he $415.

 

            Ua aa aku nei ko Honolulu nei poe kipu pololei i ka Hui Kipu Pololei Denevera o Kaleponi, e hookuku no ke ka-wa o 200 iwilei.  E ki ana ka Hui Kaleponi me na pu i hoopili la me na ohe-nana liilii, a o ko Honolulu nei poe hoi aole me ia mau mea.

 

            Ke manaoia nei e kekahi poe ike lapaau, he laau lapaau maikai loa ka "lanatana" e hoowahawaha nui ia nei i keia wa e kakou.  Alia, e oki i ka "lanatana" a hoike hou aku makou: malia hoi he laau waiwai nui io aku ana ia ma kaia mau mua aku, pau nae hoi i ke oki ia.

 

            Ke hoomakaia nei ke kukuluia ana o na hale maluna o na Apana aina ma uka ae nei o Puunui.  O ia kela aina e lawelaweia nei ma ke kuai liilii e Mr. W. C. Achi.  Ua lohe@a mai, o na dala i loaa i kela wa, me ke koe no o kekahi hapa nui okoa o ka aina, he $37,000.

 

            Mawaena o na ohua o ka mokuahi Kala@dine mai Maui mai, ma ka la Sabati ak@ nei, o H. P. Baldwin, Rev. @ H G@ii@k ame G. P. Wilder, Mrs. J. H. S. Kaleo ame J. K. Iosepa.

 

            O ka hookuku kipu pololei mawaena o na Pualikoa G. ame D., ma ka auina la Poano aku nei.  Sepetemaba 5, @a loaa na helu 413 i ka Puali D. a he 387 ka helu i loaa i ka Puali G.

 

            M@i ka pico o kekahi poe ma Kapa@ ike nui ia ana o na poe @oial@ malaila i ke@a mau la.  Aia @ wa, o Kimo Kamabela, ke "Alii" Wilimana, elua mau Makapolena, ka makamaka Joseph Nawahi, ame Aberahama Fernandez.

 

            Aole anei he mea maikai no ka poe @awaia ke hoopili iho i aniani hoonui ike malalo o ka waa a waapa paha, ma ke ano i puka aniani e hiki ai la lakou ke ike iho i ka i'a e maalo ae ana malalo o ka waa, oiai lakou e holo ana maluna o ka ilikai?

 

            Ua mahui wale mai no makou, eia he opio Hawaii ke hoao nei e kukulu i nupepa ma ka olelo makuahine, a e hoopihaia ana kona mau aoao apau me na moolelo hoonanaea ame kekahi mau manao waiwai e ae.  Aole i maopopo ia makou ka inoa i keia wa, aka, e ike aku ana no kakou ke oili ae.

 

            Eia he palapala noi dala ke lawe hele ia nei iwaena o ka lehulehu no ko lakou kokua mai e like me ka mea hiki no ka uku ana i na lilo o ka wehe ana i aha hookipa i na keiki o ka bana puhiohe Lahui ke huli hoi mai lakou i keia mahina ae.  He poe wahine wale no na komite.

 

            Ua haawi ae o Mr. Kailimai o Kakaako ae nei he wahi paina luau ma kona home noho ma ia aekai, no ka hoohiwahiwa ana i kana kaikamahine i huli hoi aku i ke Kula Kaikamahine o Kamehameha ma ka Poakahi iho nei.  Ua nui na hoa kula o ua lede opio la i luana pu aku me ia ma kana papaahaaina ono o ua la 'la.

 

            Ma ka mokuahi Mikahala o ka la Sabati aku nei i huli hoi mai ai ko makou hoaloha maikai Mr. W. H. Tell ame kana lede, Mrs. Victoria Tell ame ka laua kaikamahine, mai ka mokupuni mai o Kauai, me na ola kino maikai, mahope iho o ka hala ana o kekahi mau pule eha ia lakou o ka walea ana ma na kaiaulu o ua mokupuni kaili la nei o Manokalanipo.

 

            Ma ka Poaha o kela aku nei i loaa ai i kekahi keiki kanaka he wahi moo, maloko o kekahi pa ma alanui Moiwahine, e kokoke ana i Mililani.  Ua manaoia he moo keia mai Iapana mai, oiai, aole like keia ano moo me ko na holoholona i ikeia ma ia inoa ma Amerika.  He ano papa-mu ke kikiko o ka ili—eleele me keokeo—a he ano ahinahina nae ka wai hooluu o ke kino o ua wahi malihini hooweliweli nei.

 

            Ma ka auina la Sabati aku nei, ua holo aku la o Kapena Thompson o luna o ka moku kiapa S. C. Allen, ame ka malama-moku kiapa S. C. Allen, ame ka malama-moku mua ame ke kamana maluna o kekahi waapa, no ka moku poino e mouo nei mawaho ae o "Laeahi."  I ko lakou hoea ana mawaho pono ae o kahi o W. W. Dimond ma Waikiki, ua poiia iho la lakou e ka nalu a lana ana lakou iloko o ke kai.  I ole o W. W. Dimond ame elua mau kanaka maoli e holo aku e hoopakele ia lakou, pakele ai mai apikiia e kamalii kolohe o ke kai o Kalehuawehe.

 

            Ma ka auina la o ka Poalima o kela pule aku nei, i hoopaiia ai o Arthur Fitzgerald e ka Aha Apana o Honolulu nei, no ka hewa "hoana e hoeha me ka mea make," he elua makahiki hoopaahao ma ka hana oolea.  Ua hoohalahala loa nae ka Loio Karaitona i ua hihia la i ka Aha Kaapuni, malalo o na kumu elua:  (1) E hoemi i ka hoopai; (2)  Ka mana o ka Aha Apana ma ka ofeni "hoana e hoeha me ka mea make.  Manao ka loio, aole i loaa ka mana i na Aha Apana e hoopai ai i ka mea i hoopiiia no ia hewa; aka, o ka mana ninaninau wale no ka mea i loaa @a lakou ma @a hewa.

 

            Mahope iki o ka hora 3 o ka wanaao Poakahi nei, ua kuu mai la o Mrs. Wm. Chunghoon i keia ola i ka 26 a keu o kona mau makahiki, a hele kohana aku la ma kela ao.  Ua haalele iho oia i ke kane ame na keiki e u aku nona ma keia ao mauleule.  Ma ka auina la o ia Poakahi no i malamaia ia ke anaina pule kupapau maluna o kona kino wailua maloko o ka luakini o Kaumakapili a mailaila aku i manela ia aku ai a nalo ma ka @lina o Kawaiahao.  Ua panikuia ae ka halekuai o Holo me Keiki ia auina la no ka manewanewa ana iaia.  Aloha wale oia.

 

            Ma ka po Poalima aku nei, Sept. 4, i koho@a ai na luna nui o ka Hui Opio Hawaii.  Ua koho hou ia no o Charles Wilikoki i Peresidena; a o G. L. Desha i Hope Peresidena; E. J. Crawford, i Kakauolelo Hoopaa Moolelo; W. J. Coelho i Kakauolelo Palapala; J. L. Holt, i Kakauolelo Malama Buke; N. Fernandez, ka Puuku; J. A. Baker i Ilamuku.  Komite Hooko:  G. L. Desha, C. B. Dwight, J. M. Kea, S. Meheula ame C. A. Long.  Komite Ninaninau:  N. Fernandez, J. A. Baker ame W. J. Coelho.  A ma ke ahiahi o keia Poaha ae, Sept. 17, e haawi ai lakou i mau anaina hoolaulea maloko o ko lakou keena halawai.

 

E KOMO IO AKU ANA ANEI O EUROPA ILOKO O KE OKOOKO O KE KAUA?

            Valelta (Mokupuni o Malta, Kaiwaenahonua), Sepatemaba 1.—Ua haalele iho ia anei na mokukaua Ramillies a me Trafalgar, na moku lawe hae o ka aumokukaua Beritania ma ke Kaiwaenahonua, me umikumamalua mau mokukaua "Pelekane" e ae no ka Levant (oia hoi na aina ma ke kapakai hikina o ke Kaiwaenahonua).

            Wasinetona, Sept. 1.—Ua kauohaia aku nei ka moku kaua Cincinnati e holo aku no Tureke.  Aole keia he mea e maua'e aku ai keia mokukaua i na hana a ka mokukaua Bancroft, oiai ua hoana okoa ia, ia moku no ke kiai ana i ka Oihana Kuhina Amerika ma Konekakinopela.  O ka mokukana Cinicinatia me na mokukaua e ae e mouo ana lakou ma na kai Tureke, mawaho mai o ke Dadanela, a ina e ulu io mai he haunaele, alaila, o ko lakou wa ia e komo aku ai.

 

KIPU WELIWELIMA PAUOA

Ka Olelo Hooholo a ke Kiure Koronero.

            Ma ke kakahiaka o ka Poaono aku nei, me he mea la o ka hora 8 paha ia, ua kiia kekahi Pukiki, nona ka inoa o J. C. Pacheco, e kekahi makai Hawaii, nona ka inoa o Kaapuni.

            O ke kumu nui o ke ala ana mai o keia hana weliweli ma ka aoao o keia kanaka Hawaii, e ikeia no ia ma kana mau olelo i hoike ai imua o ka Aha Koronero ma ke kakahiaka Sabati nei.

            "Mawaena o ka hora 7 ame 8 o ke kakahiaka Poaono nei, hele mai la kekahi kanaka a koi mai la ia'u e lawe i kekahi pipi wahine iloko o ka pa Aupuni.  Me he mea la ua komohewa ua pipi la moloko o ka pa o ua kanaka la.  Hoole nae au i ka lawe ana i ua pipi la, aia a hookuuia mai ua pipi la iwaho nei o ke alanui.  Ua hoemu mai la ua kanaka nei i ua pipi la iwaho, ua hoohei aku hoi au iaia i ke kaula a lawe aku la no ka pa Aupuni.  Ia'u i lawe mai ai, halawai mai la au me kekahi keiki Pukiki ma ke alanui, a ninau aku la au iaia ina paha ua ike oia i ka mea nana ia pipi.  Ua ae mai oia, a o kona kii koke no ia, ia Pacheco.  Ua hai mua mai nae ke kanaka nona ka pa i komo la ai e ka pipi, he $1.00 kona poino, a o keia ka'u i hoike aku ai ia Pacheco.  Aole nae oia i ae oluolu mai i keia uku a'u i hai aku ai iaia, a ua olelo mai oia e uku mai no oia i ke dala hookahi ina au e hoihoi i ka pipi a kona wahi hana wa@u.  Ua hooko au elike me kana olelo, a i keia wa, i hoea hou mai ai o Pacheco me kekahi "huipa" loihi.  Holo mai la oia a hili mai la ia'u, a hili ae la i kuu lio a i ka pipi nohoi, me he mea la o kona manao ma keia hana ana i mea e lilo aku ai ka pipi iaia.  Ua kahea aku la au iaia, ua pau; a hookuu aku la au i ka pipi.  Aole no nae o Pacheco i hooki i kana hili ana ia'u, a ia wa hoi i holo mai ai he heluna nui o na Pukiki—kane, wahine ame keiki—ua oili mai lakou mailoko mai o na hale e ku-ku ana ma ia wahi, a hoomaka nui mai la e nou ia'u me ka pohaku ame ka lepo.  Ua hooomanawanui au elike me ka hiki ia'u, a mahope unuhi ae la au i kuu pu panapana a ki aku la au no ekolu manawa, ma ke ano hoomaka'uka'u i ua poe la.  Aole au i kau pono i ka'u pu i kahi mea.  E hoomaka'uka'u ana au i kela poe."

            Ua oleloia o Pupue kekahi kanaka i hele pu me Kaapuni ia kakahiaka.  O laua a i elua maluna o na lio ma ka wa i lele aku ai na Pukiki me na laau ame na pohaku.  Hookahi o keia poe Pukiki e kau ana maluna o ka lio, me he mea la, oia ko lakou alakai.  O Pupue ke kanaka mua i nou mua ia aku i ka pohaku e na Pukiki, a ua kua-pilikia maoli no oia ma ka wa a Kaapuni i ki ai i ka pu mua loa, a ku ai o Pacheco.  Na keia pu i hoouluku nui loa ae i ka inaina o na Pukiki, a lele aku la lakou maluna o Kaapuni, a ki ai oia i ka lua o ka pua hala-hia ka poka ma ke kua o kekahi Pukiki, aka, ua puka pu nae ke kuka.  O ke kolu o ka pu, ua kiia aku ia i ke Pukiki maluna o ka lio keokeo.  Ua olelo ae ke keiki a keia Pukiki i poino, ua inu (rama) no kona makuakane ia kakahiaka, aole nae ia i ona.

LELE KA HANU O KA MEA I KIPUIA.

            Ma ka auina la ae, ua make iho la o Pacheco ma kona wahi ma Pauoa.  A ma ka la Sabati nei i maneleia aku ai kona kino make no ka pa ilina ma Koula.  He aneane 700 a hoi na Pukiki i hele aku ma keia huakai hoolewa, a o lakou na lala o na Hui Lusitana ame @mano.  Maloko o ka luakini i malamaia ai ke anaina haipule hoolewa.

KA OLELO HOOHOLO A KA AHA KORONERO.

            Ma ke kakahiaka Sabati nei, ua hoomakaia ka noho ana o ka Aha Koronero.  O na kiure i waeia, oia o H. R. Hitchcock, Manuel Reis, Capt. Shepherd, F. C. Rhodes, L. Marx, Louis Marks, ame J. Radin,  O ka olelo hoike a Kaapuni ka mea i laweia e ka Aha Koronero, a no ka hiki ole ana mai o kekahi poe hoike mamuli o ko lakou paa ana i ka hoo@ewa ma ia kakahiaka, nolaila, ua hoopanee ka Aha a noho hou ma ka a@ina la Poakahi, hora 1:@0.

            Ma ka hora 1:30 o ka auina la Poakani nei, ua noho hou ka Aha Koronero, maloko o ke keena o ka Ilamuku.  O na loio o ka ohana o ka mea i make, o@a o Messrs. Vivas ame Correa.  Ma@ia pu ae no ke Kanikela Pukiki.  He elima ka nui o na hoike Pukiki i ninaninauia a hookahi Pake.

            Maria Pacheco ka mua—ike au i ke kanaka e ki ana i ka pu i kuu makuakane.  Mahope iho o keia, ua holo oia i kai o ke alanui.  Lohe au 5 manawa i kani ai ka pu.  O ke kani hope ana, me he mea la he 200 anana ke kaawale mai kahi i kani ai na pu mua.

            Christina Rodriguez—Ike au i ke kipu o ke kakahiaka Poaono nei.  Ike au o ke kakahiaka Poaono nei.  Ike au i ke kani hope loa ana o ka pu.  E ku ana au ma kahi kokoke i ko'u puka pa.  Aole hiki pono loa ia'u ke ike aku i na helehelena o ke kanaka.  Aole au i ike aiai e ki ana i ka pu i ku ai o Pacheco.  Ike au i ke kanaka e holo ana i kai o ke alanui, oia wale no.  Ki aku la o@a he kanaka okoa aku.  E holo nui ana oia.  E pii mai ana o Oleveira makai mai o ke alanui, a ninau mai la i ke kanaka i ke kumu o ka pilikia, oia ka wa i ki aku ai ke kanaka i ka pu iaia.

            J. F. Aguira—Aole au i ike ia Pacheco e hili ana i ke kanaka, a-i-ole, i ka lio paha.  Iwaho au kahi i ku ai ma ka wa i ki ai ke kanaka i ka pu mua.  E ku malie ana no na kanaka a i elua, me he mea la nae e hoopaapaa ana laua.  He kama@i wale no ke akoakoa ana malaila ma ka wa i kani ai ka pu.  Malaila nohoi he Pake ame ke kaikamahine a Pacheco.  E ku ana o Pacheco mamua iho o ka lio o ke kanaka.  Ki ola elima kani ana, a holo.  Ia'u ka mua.  Ekolu manawa ia Pacheco.  A hookahi ki ana iaia i holo aku ai i kai.  Aohe mea hookahi nana i paa iaia.  Na'u i ho-a aku i ka pipi a komo i ka pa.  Wehe au i ke kaula a haawi aku la i kekahi kanaka okoa aku, mahope iho o na ki ana elima.  Aole i hoopa iki aku o Pacheco i ke kanaka.  Ua hili wale no ia i ka pipi.  Na'u i wehe i ka puka.  Mahope iho o ke kani ana o na pu apau elima, a holo kela kanaka, ia wa i lalau iho ai kekahi Pukiki i ka pohaku a nou aku la iaia, aole nae oia i pa aku.  O ka pu ekolu ka pu i ku ai o Pacheco.

            Mrs. Vierra—Ike au ia Pacheco ame na kanaka e ho-a mai ana i ka pipi.  Lohe i ke kani o ka pu mahope iho.  E hoao ana o Kaapuni e hoohele i kona @o a hehi iho maluna o ke kauia i mea e ku iho ai ka pipi.  E hili ana o Pacheco i ka pipi i hele aku ai oia imua.  Holo mai ia kekahi Pukiki e nana, heaha la ke kumu o ka pilikia, a ia wa i ki ia mai ai i ka pu.

            Akana—He kanaka hana au no C. Booth.  Mawaena o ka hora 9 ame ka 10, puka mai la au a ku ma ka puka pa, ike mai la au i ke kanaka e wiliwili ana i ka pu panapana a e olelo hooweliweli ana e ki i ke Pukiki.  E kau ana laua a elua maluna o na lio.  Hapai ae la ia i kana pu a ki mai la ia Pacheco.  Aole au i ike i ke Pukiki e hahau ana i ke kanaka.  Ike au he 6 a 7 paha poe makua ame kekahi poe kamalii.  Aole lakou e nou ana i ka pohaku.  Aole ka poe Pukiki e hoopilikia aku ana i ke kanaka mamua o ka wa i kani ai ka pu.  He uwepa ka ke Pukiki e paa ana ma kona lima, aole nae au i ike iaia e hili ana i kahi mea.  Mahope iho o ke kani ana o ka pu, ua hili oia i ke kokooina o keia kanaka no na manawa he nui me ka uwepa.  I ka pu mua loa no ku ke Pukiki.

            O ka hoike hope oia o Francisco Oleveira.  Ua hoike oia, ua lohe oia ia Pacheco e olelo ana "Na'u keia pipi.  E hookuu oe iaia."  Hili oia i ka pipi me ka uwepa.  Haalele au i ka'u hana a hele aku nei au e nana i ke kumu o keia hana, a oia ko'u wa i ki ia mai ai i ka pu.  Kokoke loa au e ku.

            Ua hoopuka ke kiure Koronero i ka olelo hooholo, "ua make o J. C. Pacheco ma ka la 5 o Sepetemaba, 1896, ma Honolulu, Mokupuni o Oahu, mamuli o ke kiia ana ame ka pepehiia ana e Kaapuni: a oia pepehi ana (lawe ana i ke ola) ua hoomaopopoia e keia kiure, aole i aponoia."

KA OLELO HOOHOLO A KA AHA APANA.

            Ma ke kakahiki Poalua nei, ua lawe ia ae o Kaapuni imua o ka Aha apana o Honolulu nei, no ka hewa pepehikanaka ma ke degere ekahi, oiai, ua hanaia ua hana 'la e ia me ka manao ino e mamua.  Ua kapaia ka hooloheia ana o na olelo hoike, a ua waiho loa ka Aha ia Kaapuni imua o ka Aha Kaapuni.

 

Kela ame Keia.

HOOLAHA O NA AINA AUPUNI.

            Ke hoolahaia aku nei ma keia, e haawiia aku ana he 16 Apana Aina Aupuni ma Kaohe, Puna, Hawaii, no ke noiia ana mai, ma ka hora 9 kakahiaka o Sept. 21, 1896, a mahope aku, malalo o na olelo o ke Kanawai Aina o 1895, no na Pono Hoolimalima Kuai ame na Kuleana no ke Dala Kuike.

            O keia mau Apana, aia mai ke 60 a 100 eka ka nui, a o ka waiwai io o ka eka hookahi ua kohoia he $4.00 a $7.00, a he aina mahiai maikai a kupono nohoi i ke kanu kope.

            O kekahi nohoi, mahope aku oia manawa, e laweia mai no na noi no na Apana aina i noho ole ia, iloko o na Apana Aina Hookuonoono kahiko.

            No na hoakaka piha no keia mau Apana Aina, e loaa no ma ke Keena Aupuni ma Honolulu, a i ole ia, mai na Hope Agena mai, maloko o na Apana i waiho ai ua mau Apana aina la.

(Kakauinoaia)              J. F. BROWN.

Agena no na Aina Aupuni.

12615-td

 

HOOLAHA LUNAHOOPONOPONO.

                        Ma keia ke hoike ia aku nei ina he mau koi ka kela mea keia mea i ka waiwai o James J. Robinson, i make ma Kona Akau, Mokupuni i Hawaii, e waiho ia mai ia mau koi i ka Lunahooponopono mamua o ka pau ana o na mahina eono mai keia la aku, o hoole loa ia auanei.  A o ka poe i aie i ka mea i make, e uku mai lakou i ka Lunahooponopono ma kona keena, ma (Spreckels' Block), Honolulu, Mokupuni o Oahu.

M. P. ROBINSON,

Lunahooponopono Waiwai o James J. Robinson.

Honolulu, Oahu, Sept. 1, 1896.

2614-5t

HOOLOAHA A KA LUNAHOOPONOPONO WAIWAI.

            Aiai, ua hookohuia ka mea nona ka inoa malalo iho nei, ma ka la 3 o Augate, 1896, i Lunahooponopono Waiwai no ka Waiwai o William R. Parker, nolaila, ma keia ke hoolaha aku nei oia i ka poe apau he mau koi ka lakou i ua waiwai la, e waiho mai ia mau mea, me ka hooiaio pono ia, ame na mea hoike kupono, ina e loaa ana, ina nohoi ua paa ia koi mamuli o kekahi moraki maluna o ka waiwai paa, imua ponoi ona, a ma ke keena paha o J. A. Magoon, Alanui Kalepa, e pili ana me ka Hale Lta, iloko o eono (6) mahina mai keia la aku, a-i-ole-ia, e hoole mau loa ia aku no lakou.

ROSE PARKER.

Lunahooponopono Waiwai o ka Waiwai o William R. Parker, i make.

            Honolulu, August 19, 1896.

2612-5w

 

OLELO HOOLAHA HUI.

            Ke hoolahaia aku nei ma keia, ua hoohui ae nei o A. M. Wilson ame T. O. Wilson, o Waiakea, ame A. Ramsey o Paauilo, o lakou apau no ka Mokupuni o Hawaii, a Repubalika hoi o Hawaii, ia lakou iho i poe hoa hui ma ka Oihana Kanu Kope, malaio o ka inoa hui o Wilson & Ramsey, a o kahi e lawelaweia ai ia hana aia ma Olaa, ma ka Mokupuni o Hawaii, i oleloia.

            Hanaia ma Hilo, Hawaii, i ke@a la 15 o Augate, M. H. 1896.

(Kakauinoala)  A. M. Wilson,

            "           T. O. WILSON,

            "           A. RAMSAY.

2613-3ts

 

HOOLAHA A KA LUNAHOOPONOPONO WAIWAI.

            Oiai, @a hookohuia mai ka mea nona ka inoa malalo iho nei, i Lunahooponopono no ka Waiwai o Edmond B. Bartlett, o Wainaku, Hilo mamua, a i make, ma ke@a, ke hoolaha aku nei oia e waiho mai na poe apau a ua waiwai la i aie aku ai i ka lakou mau koi i hoo@a@o pono ia i ka mea nona ka inoa malalo iho nei, ma Hilo, iloko o eono (6) mahina mai ke@a la aku, a i ole ia, @

W A HARDY

Lunahooponopono o @ Waiwai @ Edmond B Bartlett @ make

Hilo, Augate @

 

Hoolaha M@ Hookoloholo.

            ILOKO O K@ kolokolo Eka@ o ko Hawaii Pae Aina.  Ma ka Hooponopono Waiwai.  Ma ka hana o ka waiwai o B. KAHEWAHEWANUI (k) o Honolulu, i make kauoha ole.

            No ka mea, ua waiho mai o Kanohohale ame J. M. Peenahele, he palapala noi no ka Hookohu Lunahooponopono Waiwai o ka waiwai i oleloia a e hoopuka aku ia palapala ia J. M. P@hele, ma keia, ke hoolahaia aku nei a ka poe apau i kuleana ma ua waiwai la, o ka POALIMA, Okatoba 9, 1896, ma Aliiolani Hale,  Honolulu, hora 10 o ke kakahiaka oia kahi ame ka manawa e hele mai ai lakou, a e hoike mai i na kumu ina he kumu ka lakou e ae ole ia ai ke noi.

            Honolulu, Sepatemaba 10, 1896.

                        Na ka Aha:

P. D. KELLETT. JR.,

2615-3t            Kaka@olelo

 

            ILOKO O KA AHA KAAPUNI APAna Hokolokolo Ekahi o ko Hawaii Pae Aina.  Ma ka Hooponopono Waiwai.  Ma ka hana o ka waiwai o PAELE (k),. o Ewa.  Oahu, i make kauoha ole.

            No ka mea, @a waihoia mai e S. Kauhane, he mea i aie ia e ka mea @ make, he palapala noi no ka Hookohu Lunahooponopono Waiwai no ka waiwai i oleloia, a e hoopukaia aku ia palapala iaia, nolaila, ma keia, ke hoolahaia aku nei i ka poe a pau i kuleana ma ua waiwai la, o ka POALIMA Okatoba 9, 1896, ma Aliiolani Hale, Honolulu, hora 10 o kakahiaka, oia kahi ame ka manawa e hele mai ai lakou, a e hoike mai i na kumu ina he kumu ka lakou e ae ole ia ai ke noi.

            Honolulu, Sepatemaba 7,1896.

                        Na ka Aha:

GEORGE LUCAS.

2615-3t            Kakauolelo.

 

            ILOKO o ka Aha Kaapuni Apana Hookolokolo Ekahi o ko Hawaii Pae Aina.  Ma ka hana o ka waiwai o KAHALEIKEKAI (w) o Honolulu, i make kauoha ole.

            He palapala e noinoi  ana e hooholo ka Aha owai la na hooilina o ka mea i make a e mahele ia ka waiwai e like me ke kuleana o kela me keia hooilina.

            No ka mea ua waihoia mai e Kanoii (k) he palapala e nonoi ana e hooholo ka Aha owai la na hooilina o ka mea i make a e maheleia ka waiwai o ka mea i make elike me ke kuleana o kela me keia mea.

            Nolaila ke hai ia aku nei ka lono i ka poe a pau i pili, e hele mai lakou ma Aliiolani Hale, ma Honolulu, Oahu, i ka POALIMA la 9 o OKATOBA, 1896, hora 10 kakahiaka, a ma ia wahi a ma ia manawa e hoike mai no keaha la e ae ole ia ai ke noi elike me ia i hoikela ae la maluna.

            Na ka Aha:

GEORGE LUCAS,

Kakauolelo.

Honolulu, Sepatemaba 4, 1896.

2615-3ts

 

            ILOKO O KA AHA KAAPUNI HOOkolokolo Ekahi o ko Hawaii Pae Aina.  Ma ka Hooponopono Waiwai.—Ma ka hana o ka waiwai o MELE HOOMOEPULE, o Waialua, Oahu, i make.

            Oiai ua waihoia mai ka Palapala Noi ame ka Hoike Waiwai a ka Luna Hooponopono Waiwai o ka waiwai o ka mea i make i oleloia ae la, a ma ia palapala nonoi mai ai oia e nana ia a e aponoia kana hoike waiwai a e hoopukaia ke kauoha hope loa no ka mahele ana i ka waiwai e koe nei ma kona lima i na poe i kuleana ma @a waiwai, a e hookuu ana iaia mai na koikoi mai apau ma kona ano Luna Hooponopono Waiwai.

            Ua kauohaia, o ka POALIMA, la 9 o Okatoba, M. H. 1896, hora 10 o ke kakahiaka,ma ke Keena Hookolokolo, Aliiolani Hale, ma Honolulu, oia kahi ame ka manawa i kohoia no ka hoolohe ana i ua noi la ame ka hoike waiwai, a malaila a ma ia wa hoi e hele ae ai na kanaka apau i kuleana ma la waiwai a hoike mai i kumu, ina he kumu ka lakou e ae ole ia ai ua noi la.

            Honolulu, Augate 28, 1896.

                        Na ka Aha:

GEORGE LUCAS.

2614-3t            Kakauolelo.

 

ILOKO O KA AHA KAAPUNI APANA Hookolokolo Ekahi o ko Hawaii Pae Aina.  FREDERICKA COOK kue ia CLARK MATTHEW COOK.  Hoopii oki mare.

            Ka Repubalika o Hawaii.  I ka Ilamuku o ke Aupuni, a i ole i kona Hope.  Me ka mahalo:

            Ke kauohaia aku nei oe e kii ia Clark Matthew Cook, mea hoopiiia, ina e waiho mai ana oia i kana pane i kakauia iloko o na la he iwakalua mahope iho o ka hookola ana o keia, e hele mai imua o ka Aha Kaapuni i hoikeia ae nei ma ke Kau o Augate o ua Aha la, e malamaia ana ma Honolulu.  Mokupuni o Oahu, ma ka POAKAHI, la 3 o Augate ae nei, ma ka hora 10 kakahiaka, e hoike mai hoi i ke kumu e ae ole ia ai ke koi a Fredericka Cook, ka mea hoopii, elike me ka mea i hoakakaia iloko o kana palapala hoopii i pakuiia me keia.

            A e hoihoi mai i ka palapala kii me ka hoike piha o kau mau hana no ia mea.

            Ikea ka Mea Hanohanon A. W. Carter, Lunakanawai Ekahi o ka Aha (Sila) Kaapuni, Apana  Hookolokolo Ekahi, ma Honolulu.  K. H. P.. A. i keia la 17 o Iune, 1896.

(Kakauinoaia)  HENRY SMITH,

Kakauolelo.

 

            Ke hoike aku nei au, o ka mea maluna ae he kope oiaio ia o ka palapala kii ma ia hihia, a ua kauoha ua Aha @a e hoolahaia ia mea a e hoopan@ia ka hihia a ke Kau o Novemaba e hiki mai ana o keia Aha.

(Kakauino@ia)            GEORGE LUCAS,

Kakauolelo.

            Honolulu, Augate 26, 1896.

2613-6ts

 

            ILOKO O KA @HA K@

malama @a ana ma Honolulu, Mokupuni o Oahu, ma ka POAKAHI la 3 o Augate ae nei, ma ka hora 10 kakahiaka, e hoike mai hoi i ke kumu e ae ole ia ai ke @oi a Julius C @, ka mea hoop@ elike me ka mea i hoakakaia @ o hana palapala hop@ pak@ me ke@a.

            A e hoihoi ma@ i ka palapala k@ me ka hoike piha o kau mau hana no @a mea.

Ikea ka Mea Hanohano A W Carter, Lanahanawai Ekahi o ka Aha Kaapuni Apana Hookolokolo Ekahi, ma Honolulu, Oahu i ke@ la 25 o Mei @

(Sila)

(Kakauinoa)    P. D. KELLETT JR.

 

            Ke hoike aku nei au, o ka mea maluna ae he kope oiaio @a o ka palapala kii ma ia hihia, a @a kauoha na Aha la e hoolahaia  la mea a @ hoopan@ ia ka hihia a ke Ka@ o Nevemaba @ hiki mai ana o ke@a Aha.

@Kakam@     J A THOMPSON,

Kakuolelo.

            Honolulu, Augate @

2614-6t

 

Hoolaha Moraki.

KA HOOLAHA A KA MEA PAA MORAKI NO KA MAKEMAKE E HOOKO A E KUAI AKU @UA MORAKI LA.

            Ke hoolahaia aku nei ma keia, mamuli o kekahi mana kuai maloko o kekahi moraki, i hanaia i ka la 12 o Augate, A. D. 1893, i hanaia e Jo@o A. Affonso, o Honokaa, Hamakua.  Mokupuni o Hawaii, la Manuel Branco, o Laupahoehoe, Hilo.  Mokupuni o Hawaii, i kopeia ma ke Keena o ka Luna Kakau Kope, ma ka Buke 151, ma na aoaoa 221 me 222, ke makemake nei ua Mamuel Branco nei, ka mea paa moraki, e hooko aku i ua moraki la no ka uhakiia ana o na kumu maloko o ua moraki la, oia hoi, ka uku ole ia ana o ke kumupaa ame ka ukupanee ma ka wa e hookaaia ai.

            Ke hoolahaia aku nei ma keia, @ kuai kudalaia aku ana na aina apau @ pakahi paha, ame na mea e pili ana i ua mau aina la, i hoikeia maloko o ua moraki la, ma ke kuai kudala ak@ ma ke Keena Kudala o J. F. Morgan, ma Honolulu, ma ka Poakahi, la 22 o Sepetemaba, M. H. 1896, ma ka hora 12 o ke awakea o ua la 'la.

@Penei i hoakakaia ai ka waiwai maloko o ua moraki la, oia hoi:

            O kela apana aina apau e waiho ana ma Haina, Honokaa, ma Hamakua i oleloia, ola hoi kela hapa o ka Palapala Sila (Aina Aupuni) Helu1073, ia G. Hardy, e nohoia nei o ka mea nana i moraki mai i ua aina la, a ikeia hoi o ka pa hale kuai o Affonso, maloho o laila he 27-100 o ka @ mai paha, a komo pu ma laila na hale maluna o ua aina la.

            Kuike ke Dala.

            O ka uku o na palapala hoolilo ma ka aoao ia o ka mea kuai mai.

            No na mea i koe e ninau ia Thurston & Stanley (Kakina & Kana-@) na Loio no ka mea Paa Moraki.

MANVEL BRANCO.

            Ma kona mau Loio Thurston & Stanley.

            Kakauia Honolulu, Augate @ 1896.

2614-4w

 

Hoolaha Hooko Moraki.

@

 

Hoolaha Hooko Moraki me ke Kuai.

@

J. M Monsarrat la me ka palapala kuai i @ Dekemaba 22, @ ko@ ma ke Keena Ka@ Ko@e Buke @ aoao @ a me @

            Kuike ke dala.  Na @ palapala i @ mea @ lilo ai.  No@a mea i ko@ @ ninau i ka @ nei i ka moraki

J M MONSARRAT,

Mea @ p@ nei i ka moraki.

            Kakauia ma Honolulu, Augate 7, @

 

            Hoopan@ a ka POAONO, SEPATEMABA 17, @

J. M. MONSARRAT,

2614-@