Ka Nupepa Kuokoa, Volume XXXV, Number 36, 4 September 1896 — KA MISIONA AIE DALA AUPUNI A MR. P. C. JONES I KO NA AINA E. [ARTICLE]

KA MISIONA AIE DALA AUPUNI A MR. P. C. JONES I KO NA AINA E.

Ma.ka la 10 o Augate aku nei, hoea maalahi aku la o Mr. P. C. Jones, ma Kapalakiko. A oiai oia maioko o ka Hotele Occidental, ua hoike aku oia imua o kekahi mea kakau o ka nupepa Examiner o Kapalakiko, no ke ano o kana huakai ame ka aie lahui o Hawaii nei. Ua hoike aku oia, no Ladana kana huakai-hele imi dala. Oka huina aie "Aupuni" o Hawaii nei, wahi ana, he $3,000,000 a e uku ana i uku panee o 6 keneta. O ka elua hapakolu o keia huina aie, aia ma Hawaii ponoi nei kahi i paa ia ai. A o ka hapakolu i koe, oia hoi, he $1,000,000 aia ma Ladana. Ma ke kulana aie hou i hooholoia iho nei, ua hoohuihuiia keia mau aie "Aupuni," e ku ana ma ke ano kau liilli, u komo iloko o kekahi huina holookoa, a oia huina houluulu hou, oia ka mea i kukuluia i kahua hoohana no ke kulana Aie "Aupuni" hou, ma ka hoopuka ia ana ona mau Bona Aupuni hou, ma ka ukupanee o 4 pa-keneta. "O keia ka manao nui o ka'u huakai e hele i\ei i Ladana," wahi a. Mr. Jones. "O na uku-panee o ke dala e laulaha nei i keia wa, ua oi aku ka emi i ko ka wa mua loa i hanaia ai ko maleou aie mua, a ma ko'u manao, o ka makou koi e hoemiia iho ka uku-panee no keia aie hou, ua ku maoli no ia i ka, maikai ame ka pololei-. He maikai ke kulana loaa dala i ka Repubalika Hawaii, a ku maoli ia ma ke kulana hiki iaia ke auamo ae i ke koikoi no ka uku ana i kekahi (lala ana i aie ai, a e aie aku ai paha ma keia mua aku. Ua loaa mahuahua loa na kopaa ia makou i keia wa, aole hoi oia wale no, aka, ua loaa ia makou na kumukuai maikai no ia mau mea. Nolaila, aia na mokupuni (o Hawaii) ma ke kulana oi aku o ka holomua ma na ano apau, malalo o ka Repubalika, i ko na wa e ae apau mamua aku nei."