Ka Nupepa Kuokoa, Volume XXXV, Number 35, 28 August 1896 — Page 2 Advertisements Column 1 [ADVERTISEMENT]

|jooko. HOOLAHA O KA PAPA OLA. Keena o ka Papa Ola, Honolulu, Augate 21, 1896. Ke konoia aku nei ko ka lehulehu hoomaopopo mai i na Pauku mahope iho o kekahi Kanawai i kapaia "He Kanawai e hoomaopopo ai no ka Malama ana o na Moolelo o na Hanau ana, na Make a me na Mare," i aponoia lune 3, 1896: NA HOIKE I NA HANAU I KA INIEA KAKAU. Pauku 12. E lilo no i hana na ka makuakane o kela a me keia keiki i hanauia ma ka Repubalika o Hawaii, a i ole ia, ina ua kaawale aku ka makuakane mai ka aina aku i ka manawa i hanau ai; a i ole ia, aole e ola ana; a i ole ia, ina he keiki ku ole i ke kanawai, alaila, e lilo no i hana na ka makuahine o ia keiki iloko o kanakolu la mahope iho o ka hanauia ana o ia keiki, e hoike aku i ka Mea Kakau i na Hanau. na Make a me na Mare ana o ka Apana i hanau ai ia keiki i ka la i hanau ai, ke kama a me ka inoa o ia keiki, ina«ua kapaia ka inoa, na inoa 0 na makua o ia keiki, ina i ku a ku ole paha i ke kanawai a me kahi i hanau ai. E lilo no hoi i hana na kela a me keia kauka nanā i lawelawe, a i ole ia, 1 kaheaia aku, e pili ana me ka hanau ana o kekahi keiki inaloko o ka Repubalika o Hawaii, e hoike aku iloko o kanakolu la mahope iho o ia hanau ana, no ia hanau ana a me na mea e pili ana i ua keiki la i hoakakaia maluna ae nei maloko o keia Pauku. NA HOIKE.I NA' MAKE I KA MEA KAKAU. Pauku 13. E lilo no i hana na kela a me keia ona o kekahi hale a wahi paha iloko, a i ole ia, maluna olaila i make ai kekahi mea ma ka Repubalika 0 Hawaii, e hoike koke aku no ia make lana i ka Mea Kakau o- ka Apana kahi i make ai me ke hoike aku e like me ka hiki iaia e hana pela i ka inoa, ke kama, na makahiki, kumu o ka make ana, ka lahui, wahi noho hope o ka mea i make a me kahi i make ai; a i ole ia, o ka hale a wahi paha maloko, a i ole ia, malima. olaila i make ai ua hoolimalimaia, a i ole ia, ua nohoia e kekahi mea e ae aole oia ka ona, aiaila, e lilo no i hana na ka mea hoolimalima a mea noho paha ma ia hale a wahi paha, e hoike koke aku i ka Mea Kakau i na mea a pau i hoakakaia maaua ae nei maloko o keia Pauku. Pauku 14. E lilo i hana na kela a me keia Kahunapule nana i lawelawe ma ka hoolewaia ana o kekahi mea i make, a me kela a me keia mea lawelawe a mea e ae paha nana i hana ma ke kanu ana i kekahi mea a me kela a me keia luna halema'i, ag£na malama ola, a me kela a me keia mea 1 pili i kekahi mea i make, e hoike aku i ka Mea Kakau o ka Apana kahi o ia make ana i na ike a pau i loaa ia lakou e pili ana i kekahi mea i make, i na manawa a pau a ka Mea Kakau i oleloia e noi ai no ia mea. NA HOIKE I NA MARE I KA MEA KAKAU. Pauku 15. E lilo no i hana na kela a me keia mea i hoomanaia e ke Kanawai e hooko i ka oihana mare nana i hooko i kekahi manawa i ka oihana mare e hoike koke aku i kela a me keia mare ana i ka Mea Kakau o ka Apana ' iloko olaila i mareia ai, a e hoike aku iaia i na inoa piha, na makahiki, kahi noho, ka lahui a me ka inoa piha o kela a me keia makua o kela a me keia 0 na mea i mareia. NA HOOPAI. Pauku 20. O kekahi mea nana i uhai, a i ole ia, nana i hana a hooko ole paha i kekahi o na mea i kauohaia ma keia Rula a Hooponopono ana paha 1 hanaia a hoolahaia e ka Papa malalo, a i ole ia mamuli o keia Kanawai, ina e hoahewaia no ia uhai ana a hooko ole ana paha imua o kekahi Aha Hookolokolo Apana, e hoopaiia oia no ia uhai ana a hana ole ana paha i kekahi huina i oi ole ae mamua o kanalima dala. Ma ke kauoha a ka Papa Ola, C. B. REYNOLDS, Luna Hooko. 2813-3ts KUAI O KEKAHI APANA AINA AUPUNI MA ALANUI PROSPECT, HONOLULU, OAHU. Ma ka Poakahi, Sepetemaba 21, 1896, ma ka hora 12 o ke awakea, e kuai kudala akea ia aku ai, ma ka puka ma ke alo o ka Hale Oihana Hooko, kekahi Apana Aina Aupuni, mti Prospect Street, Honolulu, Oahu, nona ka ili, he 22,800 kapuai kuea, oi aku a emi mai paha. Kumukuai maluna aku o $225.00. J. A. KING, Kuhina Kalaiaina. Keena Kalaiaina, Aug. 18, 1896. 2612-3t