Ka Nupepa Kuokoa, Volume XXXV, Number 34, 21 August 1896 — Na Poe Kanikoo o Europa. [ARTICLE]

Na Poe Kanikoo o Europa.

Ma ka huli ana o kekahi kanaka noeau o Eui'opa, ma ka mea e pili ana i ka nui o na poe i loaa na heluna makahiki keneturia, ua hoike ae oia i kona manao, aole o ke kulana kiekie a holomua o ka naauao maloko o keka'ni lahui kanaka, ka mea e loihi ai ke ola ana. Penei kana hoike: Ma Geremania, he 55,000,000 ka nui o na kanaka, he 78 wale no nae ka nui o na kanaka i hoea aku ko lakou mau makahiki i ka 100 a oi. O Farani hoi, he 50,000,000 ka nui o kona poe kanaka, he 213 ka nui o kona poe i loaa ka 100 makahiki a oi. Ma Enelani, 146 ka nui oia poe "keneturia" a oi; Irelani, 578; Sekotia, 46; Denemaka, 2; Belegiuma, 5; Suedena, 10; a o Norewai, hoi, nona na kanaka, he 2,000,000, he 23 poe i hehi ma ka papa o ka poe "keneturia" a oi. Aole o Helevitia, a o Sepania, nona na kanaka he 18,000,000, he 401 kona poe "keneturia." O na aina oi loa aku o ka nui o na poe "kanikoo," aia ia ma na aina o ka Balekana. Ma Serevia he 575 ka nui oia poe, ofa hoi, ua hiki ko lakou mau makahiki i ka 100 a oi, a ma Bulei garia, he 3,883 ka nui o keia poe. Ua like keia huina i ikeia ma Bulegaria, ma ka averika ana i 1 kanaka "keneturia" iloko o ka huina lāhui o 1000 kanaka, a no ia mea ke paa nei o Bulegaria i ke kulana moho hookelakela o ke ao nei no ka lilo ana iaia o ka helu ekahi o ka nui o na poe "kanikoo" iloko o kona lahui. Ua hoike ae nohoi keia kanaka i na kanaka kahiko loa o ke ao nei. Ma kona manao he Negero, nona ka inoa o Bruno Cotrim, i hanauia ma Aferika, a e noho nei ma Rio Janeiro, Amerika Hema, oia ke kanaka kahiko loa, he 150 ka nui o kona mau makahiki. O kona hope aku he kanaka kalaiwa kaa, nona ka inoa o Kustrin, eia oia ke hele nei i ka 140 o kona mau mākahiki. Oka wahine kahiko loa oke ao nei, he 130 ka nui o kona mau makahiki. Ua olelo ae nohoi oia, ma ka makahiki 1892, ua make ma Bulegaria he 350 kanaka i hiki ko lakou mau makahiki ika 100 a oi. Ma keia ma\i aina o ka Balekana, ua manaoia, ke hoea ke kanaka i ka 100 makahiki, aole ia i aneane ma ke kae o ka luakupapau. Penei: Ma Serevia iloko o ka makahiki 1890, ua ikeia he 290 poe kanaka, no lakou na makahiki mai ka 106 a ka 115; he 123 poe mai ka 115 a ka 125; a he 18 poe mai ka 126 a ka 135 makahiki. He 3 lioi poe 'kana'ka, mai ka 135 a ka 140 ka nui o na makahiki.