Ka Nupepa Kuokoa, Volume XXXV, Number 34, 21 ʻAukake 1896 — Ka Maemae o ke Kulanakauhale. [ARTICLE]

Ka Maemae o ke Kulanakauhale.

He mea maopopo loa, ke ake nei kakou apau e loaa na malama maiau ia ana o ko kakou kulanakauhale nei, ma kona kulana maemae. Ua ike ke Aupuni i ka waiwai o keia mea he noho ana o ke kulanakauhale nei iloko 0 ka maemae. Aka, eia no nae k») kakou mau maka ke ike aku nei i kela ame keia la," i na hana e hooka'e ia ai ia kulana - maemae, ma na alanui a maloko o na pa-hale o loko ponoi o ke kulanakauhale nei, oia hoi na wahi 1 noho nui ia ena lahui Asia. E ikeia ana no «i kela ame keia la, na keiki liilii lapana e holo wale ana ma na alanui kau aoao a alanui maoli no hoi, a hokae iho la no keia poe keiki liilii i ka maemae o ke alanui, me ka hoomahuahua aku hoi i na haawe ame na ukana e kue ana ika maemae. He mau mea keia i ikeia i na la apau, aka, he mau mea nae a makou i hoomaopopo ai, ke ulu mau mai nei ia mau ano hana me ka ikaika loa ma na wahi a makou i hoike ae la. Nolaila, i manao ai makou he mea pono i ke Aupuni, o ka oi aku paha, o na luna kiai malalo o ka Papa Ola, e makaala loa no na hana o ke ano a makou i hoike ae la, elike me na mea i hoohalahalaia mai imua o makou.