Ka Nupepa Kuokoa, Volume XXXV, Number 34, 21 August 1896 — Ka Huakaia ka Peresidena o ka Papa Ola no na Kaiaulu o Iapana ame Kina. [ARTICLE]

Ka Huakaia ka Peresidena o ka Papa Ola no na Kaiaulu o Iapana ame Kina.

(Hoomauia.) Mamuli auanei o ka nana akaheleiaj ana ame ka puhi hoomaemaeia ana o; *ka lole, ma ke awa kumoku mua e' haalele iho ai ka moku, ame ka nana | hou ia ana ma lokohama, oia hoi, ke j awa hope loa a holo no Honolulu, ua: lahiiahi loa ke kumu pilikia e kau ial ai ka weli. Eia hoi kekahi, mai ka ewalu a umi la e hala ana, mai ka wa ma'i, o ka holo ana mai 6 ka moku mai Hongkong mai, a i ole ia, mai Amov mai paha, mamua o ka haalele ana aku ia lokohama, a o na la iho la no keia no ka manawa e lawa ai ka hookawowo ana o ka ma'i kolera ame ka ma'i luku (plague). No keia kumu i haawi ai maua i ke kauoha i na Luna Nana, e pono i na moku me na eemoku e holo ana no Hawaii, mai na awa mai o Kina, ke holo ma na awa o lapana, pela e hana ai a hiki i ka wa e loaa hou ai he kauoha. NA HANA AME KA UKU O NA LUNA NANA. Eia na poe i hookohuia i poe luna nana: Dr. Stuart Eldridge ma lokohama, lapana. Dr. G. R. M. Graham ma Kobe, lapana. Dr. M. Paul ma Nagasaki, lapana. Dr. Gregory P. Jordan, ma Hongkong, Kina. Dr. Hugh Mae Dougall ma Amov, Kina. Ma ko maua manao, he mea pono ke hooliloia ka Luna Nana ma lokohama i Luna Nana Nui no na awa kumoku o lapana; a malalo aku ona na poe e ae; a ma Kina hoi, o ka Luna Nana ma Hongkong, oia ka Luna Nana Nui no na awa kumoku o Kina, i loaa ai ka moekahi ana oka hana. A eia hou hoi. o ka nana ia ana o na moku ma Nagasaki ame Kobe, oiai e holo ana no. e pono no e kapaeia, koe wale ma kekahi.mau manawa kauikawa. O ka ninau e pili ana no lea papa hoonohonoho no na uku e auhauia ai, he kumuhana ia i noonoo nui ia e maua—he ano nui ka hana e lawelawe ia ana, a ua pono hoi ke loaa ona uku kupono, aole nae hoi e lilo ia uku i mea e kaumaha ai ka moku. Nolaila, ua hoikeia ka maua mea i hooholo ai maloko o kekahi palapala akea i hoounaia i kela ame keia Luna Nana a i na agena o ka Pacific Mail S. S. Co., ma lokohama ame Hongkong, a eia iho ke kope o ua palapala: lokohama, lapana, lulai 13, 1896. Aloha oe:—Aia a loaa he mau olelo hoonaauao hou aku, ua hoopaaia ka pepa hoike mahope ae nei.no na uku, no na Luna Nana no Hawaii, no ka hookoia ana o ka oihana nana ola maluna o na moku ame na ohua i kauoha ia e ke kanawai no keia mea, oia hoi: No kela ame keia moku, na luina ame na ukana i nana ia, $25.00. No ka ohua apau maluna o 100, he 25 kenta no ka mea hookahi. Ma ka wa hoi e kaohiia ai ka moku malalo o ka hoomalu, mamua o ka holo ana, he $15 no ka la no ia ka-uaia ana. A eia hou hoi, o ka nana ia ana o na moku ame na ohua, e holo ana mai na awa kumoku mai o Kina no Honolulu, ma lapana ae, ua hoopauia ma Nagasaki ame Kobe, koe wale no malalo' o na oleloao kuikawa mai ka Luna Nana Ola mai o Hawaii ma lokohama. Owau, &c., &c.

KE PUHI HOOMAEMAE ANA MA HONGKONG AME AMOY. Aohe mau lako kupono no ke puhi hoomaemae ana i na aahu o na ohua ma Hongkong, ame Amoy hoi. Aia he wahi mea paahana uuku no ke puhi hoomaemae ana me ka ea i hoowelaia ame ka mahu ma ka Halemai Kivila ma Hongkong, eia nae, aohe waiwai. Nolaila, mamuli o keia kumu i ikeia, ua kauoha aku maua i na Luna Nana ma ia mau awa, e lawelawe aku lakou i ke puhi hoomaemae ana me ka lepopele no na hora he iwakalua-kumama-ha, a oia ka mea e hana ai, ma kahi o ka mea mua, a hiki i ka loaa ana aku o kekahi kauoha hou. Aole maua i koi ikaika, no keia wa, no ka hoomaluia ana o na ohua, mamua o ka haalele ana iho ia Hongkong, no ke kumu, aia ka mana hoomalu nana ola kuloko maialo o ka mana o ke Aupuni Pelekane (Victorian Government), a o kekahi hoi, ma Hongkong ame na wahi mawaho ae, ua emi loa ka ma'i luku (plague) a he kakaikahi loa na wahi poe ma'i. Aka nae, ua kauoha aku maua i ka Luna Nana ma Amoy, e pono no e hookoia ka rula o elima la hoomalu, mamua o ka holo ana mai, no ka hoopalaleha maoli o ke Aupuni Pake i ka lawelawe ana i na keehina malama ola, ame ka laulaha nui ana o ka ma'i luku (plague) ma ko laila mau kaiaulu.