Ka Nupepa Kuokoa, Volume XXXV, Number 34, 21 August 1896 — Page 2

HOOLAHA MANA HOOKO.

 

 

KUAI O KEKAHI APANA AINA AUPINI MA ALANUI PROSPECT, HONOLULU, OAHU.

Ma ka Poakahu, Sepetemaba 21, 1896, ma ka hora 12 o ke awakea, e kuai kudala akea ia aku ai, ma ka puka ma ke alo o ka Hale Oihana Hooko, kekahi Apana Aina Aupuni, ma Prospect Street, Honolulu, Oahu, nona ka ili, he 22,800 kapuai kuea, oi aku a emi mai paha.

Kumukuai maluna aku o $225.00.

J.A.KING, Kuhina Kalaiaina. Keena Kalaiaina, Aug. 18, 1896. 2612-3t

 

HOOLAHA HELU KANAKA

I kulike ai me ka makemake o ke Kanawai e malamaia ana ka helu kanaka lahui o ko Hawaii Pae Aina malalo o ka hooponopono ana a ka Papa Hoonaauao ma ka po o ka la 27 o Sepatemaba, 1896.

Ke konoia aku nei na mea a pau e nana i keia pauku o ke Kanawai:

“E hai pono ae na kanaka a pau i na mea a na Luna Helu o ka Papa. Hoonaauao e ninau ai i  mea e pololei a e pono ai ka helu ana i na kanaka; o ka mea e hoole ana aole e pane pololei i na ninau a na Luna e ninau ai e hoopai ia oia ma ka hooukuia ana i na dala aole e oi aku mamua o ke Kanalima Dala ke ku ka hewa iaia ma ka hookolokolo ana imua o kekahi Lunakanawai Hoomalu a Apana paha.”

Penei na Luna Nui o na Apana a pau i hookohuia no ka helu kanaka:

Hawaii: Hilo- H.C. Austin; Hamakua –Chase Williams; Kohala Akau – W.P. McDougal; Kona Hema-Harry T. Mills; Kau- C. Meinecke; Puna- Harry Rycroft.

            Maui, Lanai a me Molokai: Lahaina a me Lanai – Henry Dickenson; Wailuku-John A. Moore; Makawao- C.H. Dickey; Hana- R. Stranch; Molokai- Geo. Trumble.

            Oahu: Ewa & Waianae – C.C. Dement; Waialua- Ed. Hore; Koolauloa a me Koolaupoko – William Henry

            Kauai a me Niihau: Waimea a me Niihau- E. Omstead; Koloa-Edward Stretz; Lihue- W.I. Wells; Kawaihau- H.Z. Austin; Hanalei-W.E.H. Deverill.

Alatau T. Atkinson, Luna Hooponopono Nui.

 

KA NUPEPA KUOKOA

No ka Makahiki $2.00

No Eono Mahina  $1.00

Kuike ka Rula.

 

HOOPUKALA E KA HAWAIIAN GAZETTE CO

C.G. BALLENTYNE, Luna Nui.

JOSEPH M. POEPOE, Lunahoo ponopono.

Honolulu, Oahu.

 

POALIMA AUGATE 21, 1896.

 

Ka Maemae o ke Kulanakauhale.

He mea maopopo loa, ke ake nei kakou apau e loaa na malama maiau ia ana o ko kakou kulanakauhale nei, ma kona  kulana maemae. Ua ike ke Aupuni i ja waiwai o keia mea he noho ana o ke kulanakauhale nei iloko o ka maemae. Aka, eia no nae ko kakou mau maka ke ike aku nei i kela ame keia la, i na hana e hooka’e ia ai ia kulana maemae, ma na alanui a maloko o na pa-hale o loko ponoi o ke kulanakauhale nei, oia hoi na wahi i noho nui ia e na lahui Asia. E ikeia ana no i kela ame keia la, na keiki liilii Iapana e holo wale ana ma na alanui kau aoao a alanui maoli no hoi, a hokae iho la no keia poe keiki liilii i ka maemae o ke alanui, me ka hoomahuahua aku hoi i na haawe ame na ukana e kue ana i ka maemae. He mau mea keia i ikeia na la apau, akak, he mau mea nae a makou i hoomaopopo ai, ke ulu mau mai nei ia mau ano hana me ka ikaika loa ma na wahia makou i hoike ae la. Nolaila, i manao ai makou he mea pono i ke Aupuni, o ka oi aku paha, o na luna kiai malalo o ka Papa Ola, e makaala loa no na hana o ke ano a makou i hoike ae la, elike me na mea i hoohalahalaia mai imua o makou.

 

Ka Hakoko ana no ke Ola.

            O ko ke kanaka ku ana ma ke kulana e lilo ai oia i haku maluna o kekahi hana imi loaa, a e lilo ai paha oia i mea paahana malalo oia ano hana, hookahi no hopena nui oia ano hana, hookahi no hopena nui o ia mau mahele hana elua, oia hoi “Ka hakoko ana no ke Ola.” Eia wale no ko laua like ole, ma ke kulana mua, he haku kekahi; a ma ke kulana elua, he kauwa kekahi.

            E hoomanaoia , o ka paio pookela loa a ke kanaka e paio ai ma keia ola ana, ma na mea pili ana i ka nohona kino, oia ke kipaku ana aku i ka ilihune, ka nele, ka pololi, ame na kumu hoonawaliwali i ke ola o ke kino, mai na poa aku o kona nohona home. E hoolakoi mau ana hoi iaia iho me ka aahu, ka umeke ai i piha pono i ka ai, ka ipukai i lako mau i ka i’a, ame na mea no apau e pono ai kona ola kino. O keia ka paio a ke kane e paio ai, o keia ka hakoko a kana wahine e kaua ai, o keia no ke aumeume a ka laua mau keiki e aumeume @. Oiaia ke ole ka wahine e kakoo i kana kane ma na mea e pono ai ko laua noho ana, alaila, e lanakila ana no ka ilihune, ka mele, ka pololi ame na pilikia e ae he nui, e komo ana mamuli o na hana whaai wale. Pela hoi ke kane e noonoo kuoo iho ai iloko iho ona, he mea pono iaia ke makaala loa i kana mau wahi loaa, no kona pono iho, ka pono o kana wahine, ame ka laua mau keiki, aole hoi o ka iu helelei wale ana. Pela no me na keiki, e ku no lakou ma ka aoao o ke akahele i ke komo ana i ko lakou mau aahu, ke ano o ko lakou ai ana, ke ano o ko lakou nohona hale a hele ana paha i ke kula, he mea pono ke imi nui lakou i na hana e hoomauauna ole ia ai ne mea i hoolakoia e ko lakou mau makua no lakou, a koe nui je waihona ulakolako i ko lakou mau makua no kahi wa hou aku e alo ai i na nee ana mai a na haawina a ka nele. E elike no me ka makou i olelo ae nei mamua, o na hana apau o keia ano,  “He hakoko ana no ia no ke Ola.”

            O keia ka kumahana pookela loa a ke kanaka e hana ai, a e mohai ai i kona kino, a e alana ai hoi i kona ikaika ame ka hoomanawanui. He mea pono ke lilo keia mea a makou e hoakaka nei i kumuhana na kakou e na kanaka Hawaii e hooikaika ai me ka pauaho ole. E na Hawaii Opio, e hoomanao i ka leo alakai, “ Ka hakoko ana no ke Ola.”

 

Ka Aina Lei Alii o Hauula.

            Ke ole makou e kuhihewa, o ke Ahupuaa, a Kalana Aina paha o Hauula, ma Koolauloa, Oahu nei, he aina” Lei Alii” ia , a-i-ole-ia, he Aina Aupuni paha. O ka mea nae i maopopo loa ia makou, aole ia he aina i nui na kuleana i loaa i na kanaka ma ke ano alodio. Ke paa ia nei kela aina e na kanaka Hawaii (maoli) malalo o kekahi hoolimalima. He ewalu nae paha makahiki i koe, alaila, pau pono ka huina o na makahiki he kanalima (50) i hoolimalimaia ai i kinohi.

            Nolaila, o ka makou i manao ai e kamailio aku ma keia wahi, oia keia, he mea  pono i ke Aupuni ke mahelehele i kela Ahupuaa iloko o na Apana home hookuonoono a kuai aku i na kanaka e noho la malaila i keia wa, na keiki ame na poe moopuna a na poe na lakou i hoolimalima mua i ua Ahupuaa la. Ua maopopo no ia makou, i keia wa, aole hana ano nui e ae e paahana ia nei ma ia wahi, ma ke ano he hana hoowaiwai aina holomua, o ka oihana mahi raiki wale no, a o ka na kanaka hana, e paa la i ua aina la malalo o ka hoolimalima, oia no ka mahiai kalo. He mahiai pomaikai no keia a ia poe ina e loaa ke alahele nana e hookokoke mai i ka hoea ana mai oia mau ano waiwai i ka makeke o Honolulu nei. Aole wale nohoi oia wale no, aka, he nui no na kumu hoopomaikai e ae ma ia wahi, a ma na aina nohoi apau o na Koolau, i kupono no ka laweia an mai no Honolulu nei, a o ka nele i keia alahele, ua hoopilikia nui ia na poe oia Koolau. No ia mea, o ka nohona hoa aina ana o na kanaka malalo o ke Aupuni, ma ke ano hoolimalima, he hana koikoi no ia, a ka poe i nele maoli i kahi kekahi kenikeni, i ka hapa nui o ka manawa, iloko o ka makahiki, e auamo ai.

            A oiai he eewalu makahiki i koe, alaila, pau keia hoolimalima oia poe, ke manao nei makou, o ka wa kupono loa keia a ke Aupuni e hoomaka ai e haawi i na noonoo ana a hana aku hoi i na mea e hooliloia ai kela Ahupuaa o Hauula i mau Apana aina home hookuonoono. He mea pono ke loaa mua i kela poe e noho la malaila ka hoomaopopo ana no keia mea, i loaa ai ia lakou he wa pono e hoomakaukau ai ia lakou iho i na dala e lawa ai ke kumukuai o ka Apana hookahi.

 

Na Poe Kanikoo o Europa.

            Ma ka huli ana o kekahi kanaka noeau o Europa, ma ka mea e pili ana i ka nui o na poe i loaa na heluna makahiki keneturia, ua hoike ae oia i kona manao, aole o ke kulana kiekie a holomua o ka naauao maloko o kekahi lahui kanaka, ka mea e loihi ai ke ola ana. Penei kana hoike: Ma Geremania, he 55,000,000 ka nui o na kanaka, he 78 wale no nae ka nui o na kanaka i hoea aku ko lakou mau makahiki i ka 100 a oi. O Farani hoi, he 50,000,000 ka nui o kona poe kanaka, he 213 ka nui o kona poe i loaa ka 100 makahiki a oi. Ma Enelani, 146 ka nui oia poe “keneturia” a oi, Irelani, 578;Sekotia, 46; Denemaka, 2; Belegiuma, 5; Suedena, 10; a o Norewai, hoi, nona na kanaka, he 2,000,000, he 23 poe i hehi ma ka papa o ka poe “keneturia’ a oi. Aole o Helevitia, a o Sepania, nona na kanaka he 18,000,000, he 401 kona poe “keneturia.”

            O na aina oi loa aku o ka nui o na poe “kanikoo” aia ia ma na aina o ka Balekana. Ma Serevia he 575 ka nui oia poe, oia hoi, ua hiki ko lakou mau makahiki i ka 100 a oi, a ma Bulegaria, he 3,883 ka nuio keia poe. Ua like keia huina i ikeia ma Bulegaria, ma ka averika ana i 1 kanaka “keneturia” iloko o ka huina lahui o 1000 kanaka, a no ia mea ke paa nei o Bulegaria i ke kulana moho hookelakela o ke ao nei no ka lilo ana iaia o ka helu ekahi o ka nui o na poe “kanikoo” iloko o kona lahui.

            Ua hoike ae nohoi i keia kanaka i na kanaka kahiko loa o ke ao nei. Ma kona manao he Negero, nona ka inoa o Bruno Cotrim, i hanauia ma Aferika Hema, oia ke kanaka kahiko loa, he 150 ka nui o kona mau makahiki. O kona hope aku ke kanaka kalaiwa kaa, nona ka inoa o Kustrin, eia oia ke hele nei i ka 140 o kona mau makahiki. O ka wahine kahiko loa o ke ao nei, he 130 ka nui o kona mau makahiki.

            Ua olelo ae nohoi oia, ma ka makahiki 1892, ua make ma Bulegaria he 350 kanaka i hiki ko lakou mau makahiki i ka 100 a oi. Ma keia mau aina o  Balekana, ua manaoia, ke hoea ke kanaka i ka 100 makahiki, aole ia i aneane ma ke kae o ka luakupapau. Penei: Ma Serevia iloko o ka makahiki 1890, ua ikeia he 290 poe kanaka, no lakou na makahiki mai ka 106 a ka 115; he 123 poe mai ka 115 a ka 125; a he 18 poe mai ka 126 a ka 135 makahiki. He 3 hoi poe kanaka, mai ka 135 a ka 140 ka nui o na makahiki.

 

NUHOU KUWAHO

            Me ke ku ana mai a ka mokuaho Legic ma keia Poano aku nei, mai Kapalakiko mai, ua loaa mai la ia makou na nu hou ano nui mai na aina e mai, a ke hoopuka aku nei makou i ne mea waiwai nui a makou i wae mai ai no ka pomaikai o ko makou poe heluhelu.

Aole Paha E Lele Ana Ka Baluna Huli Welau Akau.

            Christina, Norewai, Aug 7.Ua hoolaha ae nei kekahi nupepa o onei nei i kekahi lono i loaa mai Spitzbergen, e olelo ana, ua hoike ae o Porofesa Andree, aia wale no a loli ae ke kulana o ka pa ana o ka makani, oia kona wa e lele ai, a i ole, o kona wa le e opeope ae ai i kana baluna, a hoopanee aku i kona lele ana no na Poai Anu Akau a hoea i ka makahiki 1897, oiai, ke hoea aku i ka la 24 o Augate nei, aole ikea hou ia ka la ma ka wa mahope aku o ka hora 12 o ke aumor.

O La Paha Auanei Na Huewai A Na Moho Holo Peresidena.

            Topeka, Kanesase, Aug 5- Ua manaoio loa ia i keia wa, e akoakoa mai ana na poe moho apau, e holo Peresidena ana, a hope Peresidena hoi, ma Topeka nei, ma na la kulaia e malama ia ana ma na la hope Sepetamaba. Ua ae o Makinele  (McKinley) ame Bryan e hele ilaila, a i keia la i loaa mai ai ka Hobart palapala i ke komite, e hele mai a Sewall ame Watson mai. Ua ao nohoi na moho a na aoaoa kalaiaina National me Prohibition e hele mai. O ka wa keia, no ka akoakoa ana o na hoa o ka Hui Koa Mokuaina.

DALA  NO NA POE KIPI O CUBA.

            Nu Ioka, Aug 5. –Ua loaa mai he lono i ka nupepe Herald o Piledelepia, e olelo ana: Ua laulaha ae ka lono maanei, ua loaa i ka Hui Kokua o na poe kipi o Cuba, maloko nei o Amerika Huiia, he waihona dala i hiki aku ka huina i ka $375,000. Ua hooliloia kahi hapa o keia mau dala ma ke dala gula, a ua hooiliia aku ia i keia wa maluna o ka moku o holo ana i Cuba, a malaila e haawiia aku ai ma na lima o na alakai o na koa kipi. Ua hookoeia ke koena o ke dala e na poo o ka Hui Kokua ma Piledepia ame Nu Ioka, a na lakou e hoohana ia mau dala i koe iho, ma na mea e holo pono ai na hana a na kipi.

MAKEMAKE  O KENERALA WEYLER E HOOKI I KE KAUA.

            Nu Ioka, Aug 7. – E hoike ana kekahi lono mai Key West mai, i ka nupepa Herald, penei: Ua hoike pukaamaka ia ae maanei, ua hoea aku la o Kenerala Weyler ma ke kiekiena o ka loaa ana he aelike mawaena ona ame na alakai nui o na kipi, a e lawelawe ia aku ana na hana e hookiia ai ke kaua ana ma Cuba, a e hanaia ana ia aelike ma na kahua e apono likeia ana e na aoao elua. Ua laulaha pu ae nohoi ka lono, ua malama ua Kapena Kenerala nei ame kona mau Aliihikaua alakai he halawai no keia manao ano nui.

AOLE I HAALELE KE KUHINA NUI O GEREMANIA.

            Nu Ioka, Aug. 7- Ua olelo ae ka mea kakau o ka nupepa Journal o Berelina penei: He nui launa ole mai ka pioo i hoea ae ma keia la, ma ka hoikeia ana ae iloko o ka Neuste Nachricten o Liepsig, e haalele ana  o Hohenlohe i ka oihana Kuhina Nui. Ua maopopo nae ia, aole oiaio o keia, a ua hoike mai  kekahi mea i hiki ke hilina@a aku, ua hoike aku Hohenlohe imua o ka Empera i na hooia ana, e paa ana no oia i kona noho. Ua hui ka Empera i na hooia ana, e paa ana no oia i kona noho. Ua hui ka Empera o Auseturia me ka Empera Wiliama e aua ia Hohenlohe e paa i kona noho Kuhina.

KAUA KIPI MA ECUADOR.

            Nu Ioka, Aug. 4- Ua hoike mai ka mea kakau o ka nupepea Herald ma Guayaquiu, Ecuador, ua loaa mai na lono mai na wahi mai o loko lilo o ka aina, aia na koa o Alfaro ke nee awiwi la no ka lele kaua ana aku maluna o ka poe kipi e kokoke la i Cuena, malalo Kenerala Vega. He mau la kakaikahi wale no koe a ikea ke kaua e maopopo pono loa ai ka hopena o ka poe kipi. O ka nui o na koa o Alfaro he 2000, a o ko na kipi hoi malalo o Kenerala Vega he 1500.

HE KAUA PILI HOOMANA MA CRETE.

            Caena, Crete, Aug. 5- No ka helu ekolu o na manawa i lele kaua aku ai na poe Mahomeda maluna o ka poe kipi ma kahi kokoke i Coprana, aka, ua hookuemi hope ia mai la nae lakou e ka poe kipi me ka nui o ka poino. Lilo pio aku la i na poe Crete na pu ame na lako poka a na poe Mahomeda, a hahai aku la ia lakou a hoea i na laina koa kiai o ka poe Tureke. E nana mai ana no na koa Tureke. E nana mai ana no na koa Tureke i ka hakaka ana o na aoao elua.

KA AIE DALA O KE AUPUNI O PERU.

            Nu Ioka, Aug 4. – E hoike ana kekahi lono mai Lima, Peru mai, (ma ke alahele ae o Galveston) i ka mupepa Herald, penei: Ua loaa hou ka haaheo, no ka lua o ka manawa, i ka Aha Kuhina o Peresidena Pierola, ma ka holopono ana o kekahi aie dala nona ka huina o 80,000,000 farani. E hoopaia ana keia aie, mamuli o na auhau i kauia maluna o ka paakai ame na loaa Aupuni e ae; a o kahi hapa o keia aie, e laweia ana ia ma Parisa, ao kahi hapa hoi ma Lima ponoi iho. E waihoia aku ana keia aie no ke aponoia ana e kekahi akoakoa ana o ka Ahaolelo, ma ke ano mana hooko. O ka manao nui o keia aie ana o ke Aupuni, oia ka uku panai ana aku no na apana aina o Taena ame Arica.

LELE PI NA POE PAAHANA MOKU.

            Kikako, Aug 4. – Ua olohani ae he 1400 paahana, mailoko mai o na paahana he 2,500 o ka Hui Kapili Moku o Kikako Hema, ma keia ahiahi, a ua manaoia, e hiki ole ana ke hoomauia aku na hana o ka hui no kekahi wa. Ua hoomaka mua ia keia olohani ana e 300 poe keikikane paahana, i hoohanaia ma ka hana ana i na pine hao, oiai, ua hoemiia iho ko lakou uku mai ka $1.50 o ka mea hookahi, a ka $1.25 no ka mea hookahi.

LAWE O BERAZILA IA TRINIDAD

            Ladana, Aug 6.- E hoike ana kekahi lono mai Lisebona aku a i ka nupepa Times penei: Ua hoouna palapala aku ke Keena o ko na Aina E i na nupepa, e hoike ana ua hoopuka ke Aupuni o Potugala ma kona ano oia ka lunakanawai koho, no ka noonoo ana i ka hoopaapaa mawaena o Enelani ame Berazila, no ka mea e pili ana i ka Mokupuni o Trinidad, oia hoi, ua haawiia ua mokupuni la no Berazila. Ua ae o Enelani a pela nohoi o Berazila i keia olelo hooholo. Ua nui ka mahalo o nupepa o Lisebona no keia ae hikiwae ana o Enelani i keia olelo hooholo.

            Paria, Aug 5.- He lono telegarama kai loaa mai ia nei, mai Rio Janeiro mai, e hoike ana, ua hoike aku ke Kuhina o Potugala ma laila. Oia hoi o Senor Thomasa Rebiero Ferriara, i ke Aupuni o Berazila noho mana ana ma ka Mokupuni Trinidad, ka mokupuni i laweia ai e Beritania Nui ma ka la 1895, i kahua uwea olelo moana, malalo o ke kumu, ua pau ko Berazila noho mana ana maluna o ia mokupuni, oiai aole oia i noho iki malaila.

KA HAKOKO PERESIDENA O AMERIKA.

            Indianapolisa, Aug. 7- I keia la i halawai ai ke komite a ka poe Demokarata kakoo dala gula maloko nei o keia kulanakauhale. O ka inoa i hooholoia no ka aoao kalaiaina i hoea mai mamuli o ka noonoo ana a ia komite, oia ka Aoao Demokarata Lahui. A ua kapaia aku ka aoao Demokarata e kakoo ana i ka papahana i hooholoia ai ma Kikako, ka Aoao Populiki Demokarata. E malamaia ana ka halawai wae moho Peresidena a ka Aoao Demokarata Lahui ma Indianapolisi nei, ma ka pule mua o Sepetemaba. Ua lokahi loa ka manao o na mea apau ma ka inoa i kapaia ai ka hui. Ua hooholo ke komite e kaheaia ona Aha wae moho holo Peresidena. I kinohi, ua kue kekahi mau hoa mai na mokuaina Hikina ame Hema mai, noka hoala ana i ke kolu o na paa balota, aka, ma ka wa i hoomaopopo ia aku ai imua o lakou, ua ikea na manao laulaha mawaena o na poe Demokarata ma na Mokuaina Waena, aole lakou e kho na i kekahi paa balota, nolaila, ua lokahi na manao o na mea apau e malamaia ona Aha elele waemoho.

KELA AME KEIA.

            Ua hoolaha ae ka nupepa Pou (Post) he palapala loihi no ka mea e pili ana i ko Enelani kulana ame ko Geremania, a penei ke ano nui oia manao: O ka hoomau ana aku u na kiai makaala ana i na pono Beritania ma Amerika, Aferika ame Asia, he mea ia e owiliia aku ai o Enelani, i kahi wa, e hakaka aku me Amerika, Farani ame Rusia. Nolaila, he mea pono ia kakou ke noonooo pono i ko kakou kulana me na mana e ae. He mea oiaio, ma ka malama aku nei o Ianuari, ua noonooia me ke kuhohonu loa ma Berelina, ke kulana e hiki ai ke kaua ia na aumoku kawau Beritania me ka hololea.

            Aole loa i hoolahaia keia mea oiaio mamua, a he mea pono ia kakou ke ae, ua lilo ka manao nui o na olelo a na nupepa Geremania i mea e ku ai ko kakou poe kanaka kilo Aupuni ma ke kulana kiai makaala.

            Ua hoike ae ka mea kakau o ka nupepa Chronicle, aia na mana apau o Europa, koe nae o Enelani, ke makemake la e paniku aku ia Kerete.

            Ua kauoha aku na mana Tureke ia Helene, e hooki i ka hoouna ana i na mea kaua i Kerete, a ua hoole nae ka Moi o Helene i ka waiho ana mai o kona Aha Kuhina i ko lakou mau hookohu, a kauoha aku la oia i ke Kuhina Kaua, e kaohi oia i ka puka ana o na mea kaua mailoko aku o ka aina, a maluna ponoi iho o kona hokua na koikoi apau oia hana.

            Ua pau i puhiia i ke ahi e na poe Mahomeda he 200 hale o na poe Karistiano maloko o kahi kauhale o Kakodike, ma ka mahele aina o Selona, ma ka mokupuni o Kerete, a ua hopohopoia e hana aku ana na Karistiano ia ano hana hookahu. Ua aia hou na manao kuee ma na wahi apau o ka mokupuni.

 

HE OIAIO ANEI KELA?

Ma ka hora 7 a oi o ke kakahiaka Poakahi nei, haalele aku la o John Kea, ke Kapena o ka Pualikoa G. a Kakauolelo kope hoi o loko o ke Keena Loio Kuhina, i kona home, ma alanui Kinau, a iho mai la noloko nei o kekulanakauhele. Ma kona wa e haalele aku ai i ka hale ua hoopuka ae la ia i kekahi mau huaolelo i lilo i mea na kana wahine e hoohuoi  nui ai, oia hoi, e kiia ana e ia i ka pu ke kanaka e hookolo ana mahope o kona meheu, a e imi ana paha i kona wahi e loaa ai. I ka hele ana a po ua la nei, aole o John Kea i hoi aku i kauhale, nolaila, ua hopohopo i ka oihana makai, oiai, ua manao iho la ia, malia paha e hoi aku ana no ia ma ia po. Aka, ia po a ao ae ka Poalua, aole no i hoi iki aku ke kane no ka hale. A ma keia kakahiaka Poalua nae, i loaa ai i ka oihana makai keia lono , ua hoomake koke ia ko John Kea huli ia ana, aole nae ia i loaa iki a hoea wale i ke awakea ana. I ka hora 4 paha o ka auina la, ua loaa aku la oia ia D. Nahoolewa, oiai ia e hele ana ma ke alanui Hotele, a e huli ana nohoi nona, e ku ana ma ke kihi o ke alanui Kamika, a e peahi aku ana hoi i kekahi Pake kalawaia kaa. I keia wa i holo aku ai o Nahoolewa a hui pu me ia. Ua kau pu laua maluna o ke kaa a holo aku la no ko John Kea hale. Ua koi ia aku oia e hele ike i ka Loio Kuhina , ua hoole nae oia, me ka olelo ana e waiho no iaia pela.

            Ua oleloia ma kona wa i haalele aku ai i ka hale ma kela kakahiaka Poakahi, ua paa pu oia i kana pu panapana ame kana pu raifela.

            He nui na olelo i hookaulanaia ae e pili ana o keia kumu i ano e ai o John Kea: aole nae i maopopo ia makou ke kumu o keia wahi kulana oehaa ma ka aoao o keia kanaka opio i hilinai nui ia. Heaha la keia?

 

            He mea pono i kela ame keia ohana ke loaa ona laau lapaau mama no na ma’i o ka opu. I laau lapaau puhili ole no ka “Moku ino loa o lepo” (Diarhea) Nahu, Umii, Kolera ame na ma’i apau o ka opu, aole he laau lapaau oi aku o ka maikai. elike me ka Perry Davis Laau Penikila (Pain Killer). Ua laewlaweia keia laau no na makahiki he kanalima, a ke hana mau ia nei i kela ame keia la, ma na aina apau o ka honua nei. O ka Hui Ku i Laau Lapaau o Holister, ka Agena

 

KA BUKE KI GULA O NA MEA HUNA

Na Ouli Kupaianaha o ke Kanaka

HELU 2

            Aia ma ke helu 32 o ke Kuokoa nei, e loaa ai ka Helu lo ka puka ana o keia mahele kamahao o “Na Ouli Kupaianaha o ke Kanaka.” Aole i puka a i hoolaha mua ia keia kulana wehewehe ouli maloko o na nupepa Hawaii; aole nohoi na ma buke o ia ano hookahi; a nolaila he mau mea hou loa keia e waihoia aku nei no ka pomaikai o ka poe lawe i ka nupepa Kuokoa.

           

NA POE I HANAUIA MAWAENA O FEBERUARI 20 A MARAKI 21.

            O na poe i hanau ia ma keia manawa he poe manao kuokoa, a he poe hoi lakou i manao nui ole i ka noho ana malalo o ko hai lokomaikai: nolaila, no keia kumu , he poe keia e makau loa ana i ka noho ana ilihune a nele hoi. A no ia mea, he poe lakou e akahele loa ana ma na mea pili i na lawelawe dala ana, a ma na mea nohoi e pili ana i na lawelawe hana ana. He poe hoopololei a makee i ka hanohano o ka lakou mau lawelawe hana ana. He poe keia e loaa ana na noonoo noeau ma na mea he nui, aku he ano kuemi wale nae lakou, kanakanalua wale hoi, a hopohopo hoi, a o ka ike ame ka noeau auanei i loaa ia lakou, aole e lilo i mea hoowaiwai loa ia lakou ke lanakila, a no ia mea, i koiia ai lakou e noho me ke kiai makaala ana ma na mea apau i pili i ka lakou hana. He poe akamai loa keia ma ka malama buke waiwai ana, a na hiki loa ia lakou ke lawelawe ma na mahele hana apau o ka oihana kalepa. He poe lokomaikai no keia  ma na hana ku i ke aloha aka me ke akahele no nae lakou mau wahi kenikeni. He oiai, he poe ano ka kanalua keia ma ko lakou mau hoonee hana ana, aka, he poe nae e ake loa ana, e hanaia na hana apau me ka pololei loa, a e hanaia nohoi elike me ko lakou makemake iho.

            He mea pono i keia poe ke mare i na poe i hanauia mai ka la 23 o Okatoba a ka la 23 o Novemaba, a i ole ia mai ka la 21 o Iune a ka la 22 o Iulai.

            O ko lakou mau la laki iloko o kela ame keia makahiki, oia keia: Okatoba 23 a hoea i Novemaba 22: Iune 21 a Iulai 22: Dekemaba 21 a Ianuari 20; Aperila 19 a Mei 20. O na wa mua elua i hoikeia ae la (Okatoba 23 a Novemaba 22, Iune 21 a Iulai 22) oia na manawa maikai loa o keia poe ma ne hana ano nui apau.

            O ko lakou mau la pomaikai ole i ke la ame keia makahiki, oia keia Mai Augate 22 a Sepatemaba 23, Novemaba 22 a i Dekemaba 21; Mei 20 a i Iune 21. O ka mahele mua nae ka oi aku o ka ino.

 

MOLELO HAWAII KUMUHONA

Hoomakau auia @ [line unreadable]

i na ke a i hooponopono h@u ia i kona keiki O. Z. W. Kalai (opio)

MOKUNA IV

            Hoakaka – Aia ma keia mookuauhau  maluna ae, ua oili aku he mau kino kahuli, e laa na papai i kapa@ he kuapaa waewae huluhulu: a he lehulehu loa na ohana ma ia kulana.

           

KUAUHAU PAPAHONUA

Anuu Alua.

            Hoakaka- Ma keia mookuauhau iho, e mahae palua ana na kino, a o ka inoa nae, ua kahuli iki ae, aka no ia mea kino hookahi no. E ulu ana iloko o ka wai moana ma ke kai, a e ulu ana ma ka aina maloo: mai na lae aku a hoea i na kula, mai laila aku e hoea i na kualapa me na waokele, a lehei loa aku i ka piko o na kuahiwi anu maeele. He mau holoholona koko a koko ole, he mau mea i’o a iwi, a he mea ola kupu.

 

KUAHAU.

1.       O Walewale-hookumuhonua (k) o Walewale-hookumuhonua (w.) hanau Kama na Waiololi. hanau Kana na Waiolola, o Waiololi (k) o Waiolola (w) hanau o Akaha (k), Akaha (w), no kai: Ekahakaha (k). Ekahakaha (w), no uka: hanau o Akiaki (k). Akiaki (w). no kai; Manienie Akiaki (k). Manienie (w) no kai; Alaalawainui (k), Alaalawainui (w.) no uka; hanau o Manauea (k), Manauea (w), no kai; Kalo-manauea (k). Kalo-manauea (w) no uka; hanau o Limu-koeleele (k). Limu-koeleele (w). no kai: Punapuna-koeieele (k). Punapuna-koeleele (w). no uka: hanau o Puaiki (k), Puaiki (w) no kai: Lauaki (k), Lauaki (w), no uka: hanau o Kikalamoa (k). Kikalamoa (w) no kai: Momoa (k). Momoa (w). no uka: hanau Limu-kele (k.) Limu-kele (w.) no kai; Limu-ekele (k). Limu-ekele (w) no uka; hanau o Limu-kala (k). Limu-kala (w) no kai; Akala (k). Akala (w) no uka: hanau o Lipuupuu(k), Lipuupuu(w) no kai; Lipuu (k), Lipuu (w), no uka; hanau o Loloa (k), Loloa (w), no kai: Kalamaloloa (k), Kalamaloloa (w) no uka: hanau o Ne (k). Ne (w), no kai: Neneleau (k), Neneleau (w). no uka; hanau o Hulu-ie (k). Hulu-ie (w.) no kai: Huluhulu-ieie (k), Huluhulu-ieie (w) no uka.

Hoakaka: -He elua papa kuauhau aku i koe, ma ke ano he papahonua ia, aka, ua manao au e hoalu iki ke kuekaa loa ana no ia mea, a ia  no kekahi manawa aku ma keia nee ana e huai pau ia ai. E hookomo aku au maanei i ka moolelo o na kino-malamalama e noho la ma kahu iuiu loa, iloko o ka Nuupaa ma ka Nuu-uli, kahi hoi i kapa ia ai o ka Lani Nui a Kane.

 

 

MAHELE III.

MOKUNA 1.

Moolelo o na Kino-malamalama  @  o ka Nuu-paa ma ka Nuu-u@

1.       Nana ae la o Pukuiakua i ka iuiu o ka nuupaa, i iho la, e hoonoho aku au i kekahi o kuu lehulehu maloko o ka nuu-uli, (aouli), i mau ahi lakou nolaila, e hoohanau a e hoomalamalama i ka honua, i lama lakou no @ hanauna aku a ia hanauna aku @ lakou auanei a ma lakou iho e ma hele ai i na mea-tupu ma ka honua na holoholona lele, na holoholona ko@o e kolo ana maloko o na wai, a e hele ana maluna o ka aina, a e lele ana ma ka lewa, na kanaka: a e hoike aku no hoi i na po huihui ma ka malama ame na po pumehana, a e mahele i ka hooilo me ka makalii, a e hoopaa iho i ka napele me ke pohopoho ma ka lepo @ ka momona me ka hukakai iloko o na mea ma ka honua; a i ke kumu uka@ o na kumuwai ame na i’a ma ka @ o ka lipolipo, ame na holoholona maloko o ke kumu o ka moana, a pela @ no.

2.       Penei ka hoonoho ana. Lawe a@ la o Pukuiakua ia Anomakalukapo @ hoonoho aku la i poo, ma ka @ me ka nuu-uli, a malalo aku ona Haumeakuohanuiakea, o Kaunaoa@ himea, o Hinakaalewalewa, o @ lemaianakapo, o Ku-weoweo-@ lihilihinuiakea, o Kupopaeaa@ ame Apapakinolapakaonuiakea @ malalo aku ma lehulehu.

3.       Hoohanau mai la lakou i @ ku a makia aku la ma ka @ ka Mahiua me ka @. A @ ka ikea o ia mau mea ma ka @ alaila mahele ae  la i ka La ka mea malamalama nui i alii ia no ke ao a o ka Mahuia i alii ia no ka po, a @apa aku la “Na ialani Hoku a Kane @ Mahina Nui a Kane,a o ka @  a Kane.”

 

O na lalani hoku a Kane, o na hoku i ka nuupaa, o na hoku i makiaia, i paa, a paa i ka ili lani a Kane, o na hoku i Kahakahakea, o na hoku kapu no a Kane, o na hoku lewa a Kane, o Kini, o ka lau, o ka mano o ka hoku, o ka hoku nui, o ka hoku iki, o ka hoku ula a Kane, He lewa O ka Mahina nui a Kane, O ka La nui a Kane, A hoolewalewa, a lewa, i hoolewaia i ka lewa Nui a Kane.

 

4.       A nana ae la o Pukuiakea i ka malamalama ua maikai, alaila @ ae la oia i ka hoku ma@ mahele ekolu. Ka mua, o na hoku @

ka lua, o ka @okup@ , ke kilu, o na hoku o ka moana lewa o @ a ka lakou @ e hoike mai  @ ma ka honua , ma @ [column unreadable] lehulehu maloko @ ma ka [column unreadable] a i kona lehulehu maloko @. A @ la mau mea e o@o, a huki a e @ ae i kekahi ano o @ [column unreadable] @-tapu ma ka aina a ma ka @, a e hahai no kekahi a@o @[column unreadable] holoholona ma ka moana i ka malamalama a ia mau mea. O ka La @ [column unreadable] malamalama, nana  @  e @ [column unreadable] a e hooulu i kekahi ano o @[column unreadable]  hanu a ola tupu, ma ka aina a ma ka moana.

 

E pomaikai no ka aina,

Ka aina i ka Houpo-a-Kau,

Na mea-tupu a ka la i hoo @[column unreadable]

Na mea-tupu a ka ma@[column unreadable]  ai.

O Melemele, o Ulunui ka aina,

O tahiti-tu, o @ahiti- @ ia,

 O Hakalauai, o ke kihapau @

A Kane.

            5. A paa ka @ hoku i makaiana a ka mahina me ka la, alaila, @[column unreadable] oia i kona lehulehu, e hali mai i ka malamalama a e hoolaha ma@ina o @

honua ku lalani like me la lakou @ na poku a i ka honua, mai ka @ hina me ka la no hoi a i ka honua, e haawi aku ana kekahi ma ka lima o kekahi me ka hooho nui, me ka @ a poha iho ia ka malamalama o ka hoku, ka mahina me ka la ma ka honua, a mai keia @ i keia @, ma@ kela welau a i kahi welau, mai @ kukulu-akau a i ae kukulu-hema, @ i na paia o ke ao.   

            Kanoha aku @ o Pukuiakua, E m@ oukou oeka, a e lilo i h@ [column unreadable] ka honua, ma ka nuu-p@a  iloko o ka muu uli, a pela io no.

 

MOKUNA II.

Oaheahe mai ka makani, -Ma@ [column unreadable]

lepo honua- Lipolipo a wewehi

na launahele-ikea maopopo

ia na holoholona o ka aina

me ka @-A ikea pu ia ko ka lewa.

           

1. He palupalu, he a@h@[column unreadable] he pele pohopoho ka lepo o ka honua, @ kakaie a ua opiopio loa maoli no @ wahi apau; aole mea-ulu, o ka @ holona hoi aole i ikea maopopo ia @[column unreadable] i mea e maloo ai ka aina a e ik@ [column unreadable] kahi paa, pela o Pukuiak@ [column unreadable] mai ai i ka makani, ame ka we@a @[column unreadable]  la, a ikea ia mau mea maluna [column unreadable] honua, e pa ana. e wela ana, e @[column unreadable] mau ana, alaila hoomaka ma @ [column unreadable] maloo maikai o ka lepo, a ma @ [column unreadable] mai la ka maloo ana a p@ [column unreadable] na wahi apau o ka aina, a ua @ [column unreadable]

2. Hoomau iho la ka aina pa@[column unreadable] wai, a ikaika loa ae la ka aina p@ [ column unreadable] ame ka aina mai o a o, ame @ [column unreadable] e nono ana iloko o ka wai me @ [column unreadable]

 A oolea maoli mai na aoao @[column unreadable] nua, a ua ikaika ko o me ko @ [column unreadable] pau ka opiopio o ka moana me @ [column unreadable] haule mai la ka uhiwai o ka aina @ [column unreadable] ma@ ae la, a k@hune mai ia, @[column unreadable] ma-u ana i na wahi kaloo o ka @ [column unreadable] weuweu, na laau hihi @ [column unreadable] hua ana iluna, na mea hua maluna @ [column unreadable] ili a e kokolo ana hoi maluna o @ [column unreadable] po, na mea hua malalo a iloko o @ [column unreadable] honua, a o na mea ulu @ a wau @ [column unreadable] ko ka aina, na pua, a o kele ame @ [column unreadable] ma kona kumu iho a mamuli o @ {column unreadable] ohana iho; na mea i ku i na hoku @ [column unreadable] ka mahina, na mea hoi i k@ i ko ka la; aka, e lelehuna a e kupi mau @ na ehukai ma ka lewa, a e ko, a e ha@ mau ana no keau o ke ea me ka makani, ma na welelau apau o ka aina a e hoolaha ana ma na kaei , ma keia pea a i nei pea; mai kela kihi a i keia kihi, a hoopaa iho la ka Pukuiakua pela.