Ka Nupepa Kuokoa, Volume XXXV, Number 33, 14 August 1896 — NU HOU HAWAII [ARTICLE]

NU HOU HAWAII

ra hopilia kekahi poe ma ke kakahiaka Sabati aku nei no ka lawaia ana maloko ae nei o ke awa. Ma ke kakahiaka nui Poalua nei i komo mai ai ka mokuahi Australia mai Kapaiakiko mai. Ma ka la apopo e haalele mai ai ka mokuahi Australia ia Honolulu nei, a huli hoi aku no ka Ipuka Gula o Kaleponi. Ma ka la apopo e ku mai ai ka mokuahi Belgic mai Kapalakiko mai, a ma ka la Sabati aku nei hoi o ka mokuahi Warrinioo mai Vanakoua mai. Ua loaa mai nei na lono, ke pohala mai la ka loio V. V. Akepoka, e noho mai la i Kapalakiko. Ua kipa aku ka, o Fred. Wundenberg e ike iaia. Ma ka la 22 o keia mahina e hookuku kipu pololei ai, mawaena o kekahi mau lae oo mai na poe kiai mai o ka hale dute ame kekahi poe makai mai. Ua lilo ae nei ia Mr. J. H. Schnack, na huina aie apau o ka poe aie ia Kauka Makalena (MeLennan), a nana auanei e ohi aku ana ia mau aie ma keia mua aku. l'a laulaha ae na lono, e lilo aku ana o Lutanela Coyne i pani ma kahi 0 Kapena Good, ma ka Puali E; a e lilo ae ana o Kakiana Moore i liitanela, ma kahi o Coyne. l'a hoopauia aku.ka haole nana i malama iho nei ke kahua hooulu mea kanu o ke Aupuni, nona ka inoa o H. J. Rhodes. Aole maopopo ke kumu o kona hoopauia ana. l-3ia ae a hoea hou mai he elua mau mokuahi holo pili aina no ko kakou maii kaiaulu nei. Hookahi moku he īooo tona kona kaumaha; a hookahi wahi moku, he 150 tona. O ka nui o na poe makaikai i ka 1 ua-o-Pele e noho mai la ma ka hale hofo]t> oia wahi, he kanalima. Ao ka ni* ;i nohoi nona ua hotele la, ke noke mai nei no i ka haano'u i ka holopono <> kana wahi kumuhana. Ke hoomoeia nei ke paipu wai Aupuni ma ke Alanui Kuakini i keia mau la. a ke hauoli la ko laila mau kini i ka loaa ana ia lakou o keia poniaikai. Hookahi a lakou mea e kali noi. oia ka hanaia o ke alanui a paa nn l ka papaakea. Ahea la? Mamuli o ke omaimai o Paulo Numana i keia wa ma Kapalakiko, nolaila. e haalele iho ana kana wahine ia Honolulu nei, oia o Mrs. Paulo Numana a inii aku iaia. Maluna oka mokuahi Australia o ka la apopo e hol aku ai oia. Ke manao ia nei e loaa ana ona laina mokuahi mawaena o kakou nei ame (>uatemala, ma Amerika Waena, ma mau mua aku. No ia wahi ka Loio Numana huakai i holo aku nei, a no ka mea hoi e pili ana i keia laina mokuahi. kekahi hana nui ana i neei aku nei nolailaaku nei nolaila. He umikumamahiku ka nui o na poe Puke i laweia mai e Hope Makai Nui Kauhi o Ewa. ma ke kakahiaka Poalua nei. no ko lakou makemake ole ana e noho kepa hou ma ka mahiko. Ua h'>okaula lakou maluna o ka moku \ < !ocity a hoihoi ia aku no Kina, ma kn auina la ae no. t*a halawai iho nei makou me Rev. •J. K. losepa o Hana, kekahi o na kahu hanai mua o keia pepa i kahi mau wa i hala ae nei. He maikai no ke ola oia kanaka oka Repubalika o Hawaii. Ua huli hoi hou aku no oia no ka aina "Va lani haahaa' ma ka mokuahi KaI.nidine o ka Poalua nei, oia ame kana kaikamahine. Good bye, Joe. Ma ka Poakahi nei i laweia ae ai ke kaeaea Wm. Hoopii, a o "Bila Kamaa Ole" hol imua o ka Aha Apana o Honolulu nei. no ke komo ana iloko o fea hale o Davies ame ka hale hana o Sorenaon, ua waiho loa ia imua o ka Aha Kaapuni, mamuli o ke kapae ana ° mea hoopiiia i na ninaninau mua ma ka Aha Apana.

Ma ka Poalua nei, i haalele mai ai o Peresidena Dole ia Honolulu nei a holo aku la no ka mokupuni o Maui, maluna aku o ka mokuahi Kalaudine. Ua ūkaliia kana huakai e Geo. C. Potter. Oiai ka moku e hoopuka aku ana iwaho o ke awa f ua kipu aloha ae la ka batari o Kakaako. Ma kai oka uwapo kahi i ho-uhe-uhene ai o ka Bana Hawaii. O ke KUOKOA o ke M Au Kahiko" ame KE AU HOU, oia ke Kilohana Pookela o ka Lahui Hawaii e noho MAKAAINANA nei no ka Repubaiika j o Hawaii, me na manao lamalama | wainohia o ke ALOHA AINA, i kukulu ia maluna o ka OIAIO, a oia auanei ka mea e pau ai ko kakou noho PUEO ! ana. Pololei wale. Ma ke ahiahi o kela Poaono aku nei, ua komo iho la he uhane hehena iloko o ka lio o Charlea Leonard e ku ana me ke kaa ma ke kihi o na alanui Betela ame Moi, a holo puahiohio ae la ia ma ke alanui Betela, huli ma alanui Kalepa, a hookui aku la ke kaa me ka pou telepone. Oka hopena, ua nahaha ke kaa a ua lilna ua lio hehena la ilalo, a paa i ka hopuia, me ka palapala hopu ole, e makai Sam. Macy. Ma ka haalele ana iho a ka mokuahi Malulani ia Honolulu nei, no kona mau awa ma Maui ame Hawaii, ma ka la 1 o keia malama, he Pukiki kekahi i loohia i ka ma'i, mawaena o kona poe ohua, a ma ke awakea ponoi oia la, hora 12 a oi, ua make iho la ua Pukiki nei. I ke ku ana o ka moku i Lahaina, ua kanuia ke kino make o ua ohua poino la ma uka o ka aina. % Ma ka Poakolu nei i ulele kinipopo ai na kumukula Aupuni mai Maui mai ame na kumukula o na wahi e ae, ma !ke kahua kinipopo. Mamuli hoi o ke komo e ana aku o ka Hui Honolulu ma ke kahua a ua poe kumukula la e noke nui ana i ka paani, a pau wale ae la. Ua loaa nae i na aoao elua na komo ana he 6, a ua loaa i ka poe o Maui na puni 8 a he 4 a kekahi poe e ae. 0 Maui no anei ka oi? Ka! Pela mai ka mele. Oiai kekahi mau wahine e hele ana ma Kamaki Kuea, ma ka po o kela Poaono aku nei, ua ike laua i kekahi wahine e hele aku ana mahope o laua, he aahu eleele kona, a haupu ae la laua i ka "Wahine o ka Aahu Eleele," nolaila, hoomaka laua e holo, eia nae, aia no ua wahine aahu eleele nei ke pili mai la mahope o laua, pela ka hele ana a hoea i ke alanui Beritania, nalowale iho la ua wahine aau eleele nei. Weliweli a manuunuu ka puiwa o Mr. John Cassidy ma ke awakea Poalua iho nei, mamuli o ka haawi makana ia ana aku o kekahi kii i kaha lima ia, e na poe paahana o ka Hui Telepone Mutual. 0 ko Mr. Cassidy kii ponoi no keia i haawiia aku ai iaia. Eia na poe na lakou keia kii makana: Charles Crane, Henry Crane, Charles Reves, Toyo Jackson, Kalei Aona, Charles Spencer, Tom Holstein, Charles Cash, M. Johnson, M. Hopkins, John Crowder, Louis Castino, Joe Castino ame loela Kiakahi.

Ua loohia o Mr. James Perdue, lie koa kahiko e noho ana ma Monroe, Mieh., i kekahi ma'i rumatika oolea loa, aka nae, ua loaa koke iaia ke ola mamuli o ka hamo ana i ka LAAU HAMO A KAMALENA. Penei kana olelo: "I kekahi wa, aole i kana mai ka eha o ko'u kua a hiki ole ia'u ke ala ae iluna. Ina aole e loaa ia'u ka oluolu aole loa au e hoea lanei e kakau ai i keia mau wahi lalani. He nui ka pomaikai i loaa mai ia'u mai ka Laau Hamo mai a Kamalena, a ke hoomaikai ae nei au no ua laau la. E kuaiia ana e na poe kuai laau lapaau apau, ola o BENSON, SMITH & CO., na Agena ma ko Hawaii Pae Aina. *