Ka Nupepa Kuokoa, Volume XXXV, Number 33, 14 ʻAukake 1896 — Ka Pueo. [ARTICLE]

Ka Pueo.

O ka inoa keia o kahi nupepa buke i loaa mai ia makou i kela pule aku nei, a na hoopihaia kona mau aoao me na moolelo hoonanea. Ua lohe mai makou, e hoomahuahua ia aku ana ka nui 0 kona mau aoao a hoea paha i ka 24. Aohe a makou olelo e ae nou e Pueo, eia wale no, he keiki kamaaina no o no ka aina'nei, nolaila, ua ike no oe 1 na kuauna nihomole apau o ka aina iho nei. Hookoloia i ka nui manu o kakou. Ua komo kolohe ia ka hale hana waapa o Soreson & Lyle, ame ka hale oihana o Theo. H. Davies, e kekahi mea i hele a lehia ma ia hana. O ka hale hana o Sorenson ma, ua komoia ia ma ka po Sabati aku nei, a o ka hale oihana o Davies, ma ka po Poaono aku. O kahi o Davies, ua komo aku, ua hookalakupua nei ma kekahi puka aniani o ke keena oihana nui o ua hale la. Ua huliia na pahu ume waiho dala apau o loko o na pakaukau ma ia keena. Aia maluna o kekahi pakaukau a ka eu i pii aku ai, e waiho ana ke kohu o kona kapuai, a i ke ana ia ana, ua ike ia he kapuai ia o 9% iniha, a oia ke kumu i loaa koke ai ka oiwi o ua eu nei, ma ka hoomaopopoia ana o ua kapuai wawae la. Ua naiowale nohoi he paa kamaa, nona ka helu He pu panapana kekahi i lilo ame kekahi

dala Amerika; he pahu kika, lie mau hainaka wahine, elua paha kakini. eono palule keokeo. Ma ka hale haua waapa hoi o Sorenson ma, ua lilo he mau mea paahana. 0 na mea hana i laweia, he mau mea paahana maikai. Mamuli o na helehelena o ka hana ame na mea i laweia, ua hoohuoi ka Makai Kiu David Kaapa, o Bila Kamaa ole ke kupueu nana i hana i keia mau hana. Nolaila, ua hoounaia na kauoha oihana makai i na luna makai apau o ka mokupuni o Oahu nei e makaala loa no 'Bila Kamaa Ole" a e hopu iaia. Ua ikeia oia ma Waianae, a ua paa i ka hopuia, a ke kaa ahi o Waianae mai, ma ke kakaiiiaka o ka Poalua nei, no ka hookolokolo ana. He luna kamana nui ia no ka aina mahi kope o ka Luna Paahao J. A Low ma Walanae. Ma ke kakahiaka oka la Sabatl, ua ikefa na oia i Honolulu nei. Ūa hoolohe ia kona mau hihia imna o ka Aha Hoomalu ma. ka Poakolu nei, a ua hoomoeia no ke kau o ka Aha Kaapuni e hiki mai ana.