Ka Nupepa Kuokoa, Volume XXXV, Number 32, 7 ʻAukake 1896 — KE KUMU E HOOHUI AUPUNI AI O HAWAII ME AMERIKA, A I OLE IA, ME ENELANI. [ARTICLE]

KE KUMU E HOOHUI AUPUNI AI O HAWAII ME AMERIKA, A I OLE IA, ME ENELANI.

Amsterdam, N. Y., lulai 13.—110k0 nei o ke kulanakauhale o John W. Mason, kekahi mahiko ona miliona o Hawaii, ma keia la. Ma kona wa i launa kamailioia aku ai no ka mea e pili an i ka hoohui aina ame ka uwea telegarapa me Hawaii, ua olelo mai la oia: "Ua manaoio loa makou, e holo ana la ka bila kanawai e ae ana i ka uku hoohoihoi ame ka pono kukulu uwea moana i kela kau Ahaolelo aku nei, a e lilo ana ia ia Mr. Spalding, ka mea i loaa iaia keia pono ame ka uku homau o $40,000 no ka makahiki mai ka Ahaolelo Hawaii mai; aka. ua nui ko makou hookunanaia, mamuli q ke komo ana mai o kekahi hui hoa ma ia kahua hookahi, a nui ae la ka hihia, oiai e paio like ana keia mau hui a i elua no i ia mau pomaikai hookahi no, a ua nele' like nohoi laua. Aka, ke manolana nei nae makou, e noonooia ana e keia kau Ahaolelo Nui ae (Congress) na noi a keia mau hui, ma ke ano hoohuiia laua i hookahi, a e loaa ana hoi ka pono hoomoe uwea, i hoomaka koke ia ai ka hoomoia ana oia uwea olelo. "Aole loa i hookuu iki na hoaloha o ka hoohui aina ma Hawaii no la ninau. Ua olelo mai o E. G. Hikikoki,, ka Makai Nui o Hawaii i keia wa. a Ilamuku mua hoi o ka Repubalika o Hawaii, ma ke kakahiaka o ka la a'u i haalele aku ai (ia Hawaii) he manaolana loa kona e lanakila ana ka aoao Repubalika, a ma ia wa i manao ai ia e hooko hololeaia ana ke keehina hana i kukuluia e Peresidena Harisona a lilo no ko makou aina i hapa no Amerika Huipuia. Ua hoike nvai nohoi oia, ua oi aku kona makemake, oiai hoi he Amerika oia, e hoohui ia o Hawaii me Amerika, mamua o kona hoohuiia ana aku me kahi aina e ae: aka nae, ina e hoole ana na Poo Aupuni hou ma ke kokua ana mai ia makou a hoomau no i ke ke'ehina hana a ka ilio hanai ai ia. alaila, e lilo ana makou i poe kanaka Pelekane. "He uuku loa ko makou aina, no ka hiki ana e ku mau aku i Aupuni Repuhalika kuokoa, oiai he nui maoli na lilo 0 ke kokua ana i kekahi pualikoa kumau, oiai nae. he mahele hana waiwai kaua kuwaho a kekahi poe; aka, he nui ia no ke ku ana, no na hana okomo nui maoli no nae ka lilo o keia. E lilo auanei keia mau hoolilo dala ana a makou i mea ole, ma ko makou wa e hoohuiia ai me Amerika Huiia, a i ole ia, me kekahi mana Aupuni nui e ae paha. Ma ke kau Ahaolelo o makou 1 pau aku nei, ua hooholo lokahī ia ka olelo hooholo e kakoo ana i ka hoohui aina, a o na kanaka ma na mokupuni (Hawaii) i loaa na pono koho haloia, ua aneane lakou e lokahi ilke ma keia manao."