Ka Nupepa Kuokoa, Volume XXXV, Number 31, 31 Iulai 1896 — Ke Aupuni o ka wa Hoohuiaina Ole. [ARTICLE]

Ke Aupuni o ka wa Hoohuiaina Ole.

Me ka maopopo loa, e hiki ole ai ke ike ole ia, e na maka i hoopoaeae ole ia e na manao kuhihewa maoli a noonoo nonohua iho o ke kuhalahala, ua hookumuia ke Aupuni Repubalika o Hawaii nei malunā o ke kahua oni paa, naue ole a kapekepeke ole hoi. 0 ke Aupuni hookahi wale no keia i ku, a e ku mau aku ana hoi, oiai ka Hoohui Aina me Amerika Huiia e ku mamao ana mai a Hawaii Repubalika aku nei O ke Aupuni mana hookahi wale no keia e ku nei. A elike no me ka makou i hoike mau aku ai imua o ke akea, me ka maopopo o ka poe apau i hoohiki e kakoo i ke Aupuni Repubalika, a e kue aku i ka hoihoi hou ia ana mai o ke Aupuni "Moi," e ulu hou maluna o ka umauma o Hawaii, o lakou na hoaloha oiaio 0 ka Repubalika o Hawaii; a ina e ulu mai ana he hana e hookahuli ae ai 1 ke Aupuni a lakou i haawi aku ai i ka lakou mau kakoo ana, e ku ana lakou. ma ka aoao o ka Repubalika a kue aku ia mau hana hookahuli Aupuni. Nolaila, o ka poe apau i haawi ole i ka lakou mau hoohiki ana elike me ka keia poe i hoikeia ae la, o lakou na poe i ku me ka moakaka lea, ma ka aoao e kue mau ana i kela poe mua, a makou i hoike ae la, ame ke Aupuni a lakou i kakoo ai. He akioma maopopo loa keia manao. A oiai e ku ana ka Repubalika o Hawaii i Aupuni mana, mai ka wa mai 0 kona kukuluia ana, me ka maalahi maluna o ke kahua o ka ike, ka naauao ame ke akamai o kona mau alakai. i awili pu ia me ka wiwo ole, ka makau ole ame ka'hohe wale ole iloko o ko lakou wa i waele ai i ke kahua o ka hale Aupunihou, hoonoho iho la i ka pohaku kihi o ua hale la, hoopii ae la 1 kona mau paia paa. e hia ana i na aho, e ako ana i ke pili, a hiki i ka paa ana, a hoomanaloia ua hale i ka lae 0 Kaimana Hila, ua naki, ua aaki, ua pipili *a ua paa ka halau hale Aupuni hou, aohe eu "hookalakupua nana e hoohiolo. "Ku mai! Ku mai ka nalu! Popoi kai-uli, kai-koo!! Aole hina ia puko'a ku ia^oe!!!" A oiai o ke Aupuni keia e ku nei ma ka nuu o ka mana, alaila, ua kaa ke koikoi maluna o na hokua o ua Aupuni la ka nana ana ame ka hakilo pono ana 1 na manao kalai akea a na nupepa o loko nei o ka aina; ma na mea e pili ana i ke Aupuni. Ua ike makou a ua hoomaopopo, he ekolu no mahele o na manao kalai Aupuni a na nupepa e hana nei:—(l) Na manao ka£oo i ke Aupuni; (2) Na manao hoahejva maoli i ke Aupuni, no ka pono ole, hemahema a hana ewaewa ia ana paha o na hana 0 ka lehulehu; (3) Na manao hoala inaina a hookuee mawaena o ka lahui, 1 mea e ala mai ai he haunaele kuloko, no ka hookahuli ana i ke Aupuni. O ka poe e ku ana ko lakou mau manao malalo o na mahele manao 1 me2 i hoikeia ae la, he poe hoaloha lakou na ka Repubalika o Hawaii, a me he mea la no, he poe lakou apau loa i lawe i na hoohiki ana e kakoo iaia (ke aupuni. O ka poe i haawi ole ina hoohiki ana e kakoo i keAupuni, oia ka poe e hauoli ana ma ka luakaha ana ma ka mahele manao 3 i hoikeia ae la. A q keia ka poe e hana ana i na hana apau, e hiki ai ke hoohioloia ke Aupuni a lakou i ae ole ai e kakoo. He mea moakaka paha keia. Aka, owai la-ka mea nana e kiai. e makaala a e hoomalu i ka'ulu nui ana o keia mau manao mawaena o ka lahui? Ke manao nei makou o ke Aupuni no. E oleloia mai paha auanei eia makou ke paipai nei i ke Aupuni e hanr. aku i na hana hooweliweli a uahoa mawaena o ka lahui, elike me ka Rusia hana i lohe wale ia e kakou. Pela io no ma ka nana aku mawaho o ka helehelena wale no; aka, o ka mea oiaio maoli, ua hoala makou i keia hoakaka ana no ko makou hoomaopopo maoli ana i ko ke Aupuni hoopalaleha maoli i kekahi o na hana a ke kanawai e hoouka nei maluna o kona hokua, a nana hoi e hooko aku.