Ka Nupepa Kuokoa, Volume XXXV, Number 31, 31 July 1896 — He Aina Mahiai Waiwai Nui a Home Hookuonoono Paha. [ARTICLE]

He Aina Mahiai Waiwai Nui a Home Hookuonoono Paha.

I kahi wa i hala ae nei, ua holo aku makou maiuna o kekahi o na kaa-ahi o ka Hui Kaa Ahi o Oahu nei, no na kaiaulu o Ewa. Ma keia holo ana, ua loaa ia makou he mea e hoike aku ai, no kekahi mea i ike ia e makou, ma ke alahele, ma ia huakai. 0 kahi a makou i makemake ai e kamailio aku, oia kela aina papu palahalaha ma kai pono ae o "Aliapaakai," ma ka huli ma Ewa aku o ke kaikuono o Moanalua. Aia ma ka lihi o ia honua palahalaha, e pili ana ma ka huli ma Honolulu nei, he mahi v raiki, a o kona wai e pono ai, noloko mai ia o kekahi lua-wai eli. E kahe ana keia yrai, a e hoopulu ana ha mau eka o keia wahi. 1 ko makou ike ana i keia mahi raiki i hoolaia e keia wai eli, ua ulu mai ia keia manao iloko o makou, ma ka hoohuoi ana iho elike me keia penei: Ina loaa he wai eli ma keia lihi o kela Kula palahalaha a nui akea hoi, e hiki ai ke hoopulu ia wahi o ka aina, no keaha hoi, e loaa ole ai he mau lua wai eli hou aku elike me ia ke ano ma na wahi e ae oia kula palahalaha i mea e hiki ai ke hooliloia na wahi panoa e ae o ua aina ia, i aina waiwai nui no ka hanai holoholona? U manao makou ina e loaa nui ana ka wai ma keia wahi, e lilo auanei keia aina i mea waiwai loa. Ua hiki ke hooliloia ia iloko o na apana aina liilii kupono no na home hookuonoono, a i ole ia, i ainamahiko nohoi. Aole nohoi makou i ike, heaha la ke kumU e loaa ole ai he mau lua-wai eli hou aku ma keia aina, e lawa pono ana i ka wai, elike me ko ka luawai e kahe nei i keia wa? Ma ke kulana o. ka nohona kulanakauhale, manao makou he wahi maikai loa ia Aia ke aianui hao ke kaalo pono la ma kona hokua, a oia auanei ka auwaha nana e hoolako i na mea i makemake ia N e ko laila mau kini ke lilo ia i wahi noho ia eke kanaka. Aia mai hoi ke awawa o Moanalua ke waiho la i ka nani, ka mea nona ka hoomakaukauia ana i keia wa a makou i ike ai, ma ke ano he Paka nani a maikai. Aka, ke lana nei no nae ko makou manao e hiki mai ana no ka la, a hookoia no ka makou e upu nei.