Ka Nupepa Kuokoa, Volume XXXV, Number 31, 31 July 1896 — Page 1
This text was transcribed by: | Kau`i Peralto |
This work is dedicated to: | Kahaipo Nuhi-Wright `Ohana |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE XXXV. HELU 31 HONOLULU. POALIMA, IULAI 31, 1896. NA HELU APAU 2609
Hoolaha Loio.
W. R. KAKELA,
Loio a he Kokua ma ke Kanawai.
HE LUNA HOOIAIO PALAPALA.
2370
Hoolaha Homau,
Allen & Robinson.
NA MEA KUAI PAPA O NA ANO APAU
e loaa no ma ka UWAPO O PAKAKA, Hono
lulu, ma ke kumukuai makepono loa, no ka
pomaikai o ka lehulehu e makemake ana e
kukulu hale. E kipa mai a e ike kumaka.
2396-q
WILDER & CO., (WAILA MA.
Mea Kuai Papa a me na Lako kukulu
hale o na ano a pau , a me
na mea e ae a pau e pono ai o
ka hale.
Kihio Alanui Moiwahine me Papa.
396-@
PAPA! PAPA
AIA MA KAHI O
Lewers & Cooke
(LUI MA).
Ma ke kahua hema o Alanui Papa
me Moi.
E LOAA NO NA
PAPA NOUAIKI
O kela a me keia ano.
Na Pani Puka, na Puka Aniani,
na Olepeiepe, na Pou, na O’a,
na Papa Hele, na Papu Ku,
me na Papa Moe he nui lo
NV PILI HALE O NA ANO A PAU
A me na
WAI HOOHINUHINU NANI
O na ano a pau loa
Na Balaki o na Ano ke Nui Wal
Ke hai ia aku nei oukou e na
makamaka a pau, ua make@
keia mau makamaka o oukou e
hoolawa aku ma na mea a pau
@i ana ma ka lana oihana ** **
like me ka mea e holo ana wawae
o Laua a me ka Mea Kuai.
Hele Mai e Wae no Oukou iho
EBINE LANOKA.
MOKUNA IV.
Ma ia hope. Ua houna aku la oia i kekahi elele e kii aku i ka Moi o Farani, ka Moi hoi i hoopaa pio ia e ua poe kolohe la, a e hoike aku iaia, ua lanakila oia i keia wa. No ka mea, ua pio kona poe enemi i ka pua a Alekanedero Lenoka; a e hele aku ana ka naita opio e ike iaia ke pau ae kana mau hana.
He palena ole ka hauoli o ka Moi i ka hoea ana aku o keia lono. Ua like oia i kela wa, me he la, ua opiopio hou ae oia. Hu mai la hoi kona aloha no ke kanaka ana i lokoino ai i na la i hala. aka o ka mea ana i hoomaopop iho ai mahope iho oia kona hoaloha oiaio hookahi, o Alekanedero Lenoka. Nolaila, ia Ebine Lenoka i hoea aku ai ma ka Hale alii, e uwe ana ka Moi no kona aloha ia Alekanedero Lenoka. He mea e hoi ka hauoli o na makaainana o ka aina. Ua lilo koke o Ebine Lenoka. a i ole, ka Nait o ke Kakela Ulaula, i alakai kiekie no ke Aupuni o Farani.
i ke akakuu ana o na me a apau. ua hookohu ia na koa ponoi o ka naita opio, i poe ukali kino ponoi no ka naita opio. Ua lilo hoi lakou i poe kikie a hanohano loa no ka aina. Mamuli o ke kauoha a ka naita opio. ua hoouna ia kekahi moku kaua nui o Farani e holo i Italia. no ka lawe ana mai i na ohana a pau o ua poe koa la ona. He mea e hoi ka pii hikiwawe o ka waiwai a me ka ikaika o ke Aupuni o Farani.
He elua makahiki mahope mai o ka hui hou ana o ka mana oiaio o Farani. ua hoea mai la, he kaikamahine alii no Enelani mai. a noho ma ke alo alii o Farani. a mamui o na hoolala ana a ka Moi. ua mare ia ua iwa waianuhea la o ke Aupuni noho anu o Enelani me ka Mana Hookele Aupuni Kiekie o Farani. ka Naita o ke Kakela Ulaula. i ka wa i mare ia ai o na opio, ua hoea mai na alii aimoku a pau o Europa a me Enelani no ke kulaia pu ana me na alii opio nona ka ia mare. He hookahi wale no nae alii i hoea ole mai, oia hoi na Moi o Italia. He mea e ka hilahila a me ke kaumaha o na manao o na makaainana o Italia no keia hele ole ana o ko lakou mau alii e ike i ka mea nana i hoopakele i ko lakou Aupuni.
Iloko nae o ia wa, ua kaawale ka noho ana o ka Ui Violeta me kana kane Moi. no ka mea, ua lawe hou ae ua Moi ia he wahine hou nana, oia hoi, he kaikamahine himeni leolea, a ui no hoi no Helena mai. Nolaila, ua lili loa ia ko Violeta naau, a ua hoi oia a noho ma kona home ponoi me kona makuakane aoo. Oia hoi ka ka makuakane i pane mai ai. “Ina oe i mare me ke kane a`u i makemake ai, aole loa oe e hana ia e like me keia!”
Aole a Violeta hana, o ka uwe wale no i ka la ame ka po. He mea kupaianaha nohoi. i ka wa i lilo loa ai o kana kane i kela wahine hou. ua komo koke ka hoowahawaha iloko o kona naau a me ka makona no ua kane ia ana. a ua hoopiha ia kona puuwai me ke aloha hiki ole iaia ke uumi iho no ka naita opio. Me he la, aia kona helehelena a me kona hiohiona a pau imua o kona mau onohi. maka kahi i kau *** ai i na wa a pau.
Ua noho o Violeta me ke kaumaha a me ka * no na la e loihi. me ke ake e hoi hou mai ka naita opio e kii hou mai iaia i wahine nana. aka he makehewa wale no nae ia manao ***. oiaia aia ma kekahi la. ua hoea mai ka ka lono i o lakou la, no ka mare ia ana o ka **** o ke Kakela Ulaula. Ebine Lenoka me ke kaikamahine alii Mele****. Baronesi o Iokasiea, ka wahine oi o ka ui ma ke ao ne. wahi a ka nupepa nana i hoolaha ae ka lono. He mea e ke ino o ka noonoo o ka Ui Violeta. aka o ka uku kupono no nae ia o kana mea i hana ai.
Ua hele aku ke kaulana o ka Naita o ke Kakela Ulaula a puni na Aupuni a pau o Europa; no ia mea, ua hele mai na poe o kela a me keia ano mai ka poe kiekie a haahaa e ike kumaka i ka Liona o ka makakila, ka olali hoi o ke kahua ka**.
He nui a lehulehu wale na wahine hanohano a kiekie i hehena mamuli o ke aloha a noe wale no i ke kanaka ui o ka naita, me ka launa ole ma ke kino. Ua noho laua me ka maikai a hiki i ko laua elemakule ana me ka maluhia.
Aole hoi he au maluhia e ae o Farani elike me ke au o ka naita o ke Kakela Ulaula i hookele aiai. i ka make ana o ka Naita o ke Kakela Ulaula, ua hoea ae ma ia hope iho ke au hookahe koko hou o Farani. Nolaila, he mea e ke aloha o na kanaka Farani oiaio a pau i ko lakou hoopakele i moe malie ma kona he me ke kali ana no ke kani mai o ka pu Anela kiekie Mikaela.
UA PAU.
Moolelo Hawaii Kumuhonua
Hoomakaukauia e Z. Kalai (Makua)
i make a i hooponopono hou ia
e kana keiki e O. Z. W. Kalai
(opio)
Anuu Umikumamalima.
1S-Pukuiakuanuiakea (k) ia Kahulikahelanuiakea (w), hanau o Kanekihili (k), a o Kanehekili no ia; o Kanewawahilani (k), o Kaneikapulena (k), o Kaneikamalamalama (k), Kaneikoiihanaakala (k), o Kaneikamolehulehu (k), Kaneikawanaao (k), Kaneikapule (k), o Kaneikamakaukau (k), o Kanekii, o Kanehaka (K), o Kanemakahiolele (k), o Kanelele (k), o Kaneikoha (k), o Kanepaina (k), o Kanekakaa (k), o Kanekoa (k), o Kaneikokea (k), Kaneikokala (k), o Kanehulihonua (k). o Kanekaulanaulakakaa (k), o (.o o Aki taoin taoineta (k), Kanemanaiapaiea (k). Kanemakua (k). o Kane*lunamoku (k), Kaneikapapahonua (k), Kanekiei (k), Kanehalo (k), Kaneohiohi (k), o Kanemilohai (k), o Knepuaa (k), o Kanepuahiohio (k), Kaneneenee (k), o Kanemanaiahuee (k), Kanepohakaa (k), o Kaneholopali (k), o Kaneikaonohiokala (k), Kanehulikoa (k), o Kanekauilanuimakakiheakalaninui (k), Kaneulupo (k), Kaneikamolimolialoha (k), Kaneuweke (k), Kanekala (k), Kanewehe (k), o Kaneikawaiola (k), o Kaneikapuenaena (k), Kaneikeahilapalapa (k), Kaneulala (k), Kanepupule (k), Kanehehena (k), Kanelolo (k) Kanepauha (k), Kanehoola.
Anuu Umikumamaono.
19—Pukuiakuanuiakea (k), ia Kahulikahelanuiakea (w, hanau o Kukeaohoomihamihaikalaninui (k), o Kuhooneenuu (k), o Kukalani (k), o Kukailimoku (k), o Kukealoewo (k), o Kumokuhalii (k), o Kupulupulu (k), o Kupaaikee (k), o Kupepeiaopoko (k), o Kupepeiaoloa (k), o Kualanawao (k), o Kuolonowao (k), o Kukaohialaka (k), Kukoalaulaulii (k), o Kumaune (k), o Kuhooholopali (k), o Kuliliaka (k), o Kuliliaikekaua (k), o Kuhaula (k), o Kuikealai (k), o Kuikaweke (k), o Kuikekala (k), o Kuikepaa (k), o Kuikahaawi (k), o Kuikepi (k), o Kuikaloaa (k), o Kuikapono (k), o Kuikahewa (k), o Kuikamake (k), o Kuikeola (k), o Kuikamolimolialoha (k), o Kupalaualelo (k), o Kuilioloa (k), Kuula (k).
20—Pukuiakuanuiakea (k), ia Kahulikahelanuiakea (w), hanau o Lonoikeoualii (k), hanau o Lonoopuakau (k), o Lonoikapo (k), o Lonoikeao (k), o Lononuianiha (k), o Lonoikaualoko (k), o Lonoikauapakahea (k),, o Lonomealii (k), o Lonokalolohia (k), o Lonokinau (k), o Lonoikiekie (k), o Lonoikiaweawealoha (k), o Lonokuli (k), o Lonohonuamea (k), o Lonokapala (k), o Lonoponi (k).
Anuu Umikumamahiku.
21—Lonoikapukolikoliko (k) ia Ulikahulipapakini (w), hanau o Kaneluhonua (k), o Kumulipo (k), o Opuukahonua (k), o Kumuhonua (k), Hinamakakai (w), o Hinamalule (w), o Hinaanaiamea (w), o Hinakeka (w), o Poele (w), o Powehiwehi (w), o Lalohana (w), o Kukuena (w), o Nuakea (w), o Kapauonuiakea (w), o Nihoaikaulu (w), o Kaiona (w); o Puanui, o Pualoa, o PUaiki, o Puapoko, he poe wahine wale no ia; o Hanalaaiki (w), Kahailiopua (w), o Laea (w), o Kaiona (w), o Lauhuki (w), o Waiololoi (k,) o Waiolola (w), Kanewahilani (k), Kapaialani (k).
Anuu Umikumamawalu.
22—Kuwahoilo (k), noho ia Haumea Mua. hanau o Haluluikekihiokamalama (k). he manu ma ka poohiwi. o keia ke keiki mua: o Namakaokahaipiilani (w), hanau mai oia ma ka maka akau o ka makuahine; o Kapoulaokinaunui (w). ma ka manawa no ka makuahine; o Kahoaliinuiokalani (k). ma ka manawa no o Haumea; o Kauilanuimkakehaikalanui (k). ma ka poaeae o ka makuahine: o Lonomakua (k) (2) ma ka hono-hope: o Kalaeokaena (k) ma ka lae: o Kanemilohai (k), o Kaneapuaa (k). ma ka piko laua : o Kuhaimoana (k) ma ka mahamaha: o Pelenuiaimoku (w) ma ka waha, o Hiiakaikaalei (w), ma ka poli; o Hiiakaikaalemoe (w), o Hiiakapaikauhale, o Hiiakaikapuaenaena, o Hiiakaikaikupeelani. o Hiiakanoholae, o Hiiakawawahilani, o Hiiakaikaaleuweke. he poe wahine wale no lakou a ma ka poli o ka makuahine kahi i hanau mai ai: o Hiiakaikapoliopele, hanau ma ka waha o Haumea. A hala kela anuu, alaila, hanau hou mai, na mea e pili ana ia Kaponui, penei ke ano, Kapoulale, Kapohehena, Kapololo, Kaponaaupo a me Kini, lehu ma ia lala. A, ma ka mea e pili ana i na Hiiaka. peia no a kini lau. A mailoko mai o keia Haumea i oili mai ai o Hina-opu-halakoa, a o Hina-kieleula hoi.
oakaka:--Ma ka moo-akua e hele nei, ua moe no lakou ia lakou iho, a hanau mau ia kau aku a ia kau aku.
E kapa ia ana no ma ka inoa o ke apo kuikahi o Pukuiakua (Kane, Ku, Lono); a pela no ma ka inoa o na papa lalo aku, a i kahi manawa, ua haaleleia na hua kumu, a hopu ia ma ka lau aku, pela iho la ka nee mau ana a hiki i ka mau loa.
Eia kekahi:--Ua manao wau e wehewehe piha loa me ka moakaka i ke ano a me ka manao o na inoa o na pulapula aku; aka, ua hookui e ia mai ko`u manao no ka loihi ka o nei kuauhau akua. a e lilo ana paha ia i mea moloa a hoihoi ole no kanaka;: no laila, ke waiho nei au ia mau mokuna, a e lele ana ka moolelo mamua aku. Ua manao no hoi@au, he mea maikai i ka mea heluhelu ke ike lea i ke kumu a me ka mole o na huaolelo kumuhonua Hawaii i mea e pohihihi ole ai. Eia hou: Ua olelo mau kanaka ua hanau maoli ia mai no keia mau paemoku o kakou e Papa, a pela i kapaia ai kona inoa o Papanuihanaumoku: pela no; a ina aole e hoakaka ia ma ka mookuauhau kahi e ike ia ai, a me ka wehe ana i ka huaolelo mole, alaila, e nee mau ana ka pohihihi a hookui me maopopo ole a me kamailio lalau. Aole e hiki i ko kakou mau kupuna ke nanao aku i na mea pohihihi, no ka moolelo lani a me ka moolelo honua, e huai ana i ke kuauhau o ka papahonua, na mea pohihihi loa i ka ike o kanaka, ke ole e hoike mai ke Akua; a, aole hoi inoa a olelo i ul@ mai ke ole he mole, he kumu, a i ole he ano paha.
MOKUNA II.
O Pukaiakuanuiakea me kona lehulehu—Ka hanau ana o Kahulikahelenuiakea—Hanau o HonuaLani he mau mahoe.
*. A wehe ae l* ka ahaolelo a Pukuiakua, e hoomakaukau ana i kona lehulehu, a hoomakaukau iho lakou.
Penei ka hoomaka ana:--Lawe ae la o Pukuiakua i kona lehulehu, a mahele iho la ma na papa, e hoomaka no mai iaia iho a ia Kukahi-o-alaneo, a ma na papa ehiku me hookahi kaau ka mahele ana:
NA PAPA,
- Pukui, loaa o Ha.
- Ha, loaa o Paiaole.
- Paiole, loaa o O.
- O, loaa o Kahuli.
- Kahuli, loaa o Puholo.
- Puolo, loaa oNeo.
- Neo, loaa o Ano.
- Ano, loaa o Holio
- Holio, loaa o Halia.
- Halia, loaa o Aka.
- Aka, loaa o Au.
- Au, loaa o Lipo.
- Lipo, loaa o Lapa.
- Lapa, loaa o Pipa.
- Pipa, loaa o Piki.
- Piki, loaa o Nio.
- Nio, loaa o Puainawele.
- Puainawele, loaa o Lahi.
- Lahi, loaa o Neki.
- Neki, loaa o Nini.
- Nini, loaa o Humu.
- Humu, loaa , o Kuina.
- Kuina, loaa o Kilo.
- Kilo, loaa o Onea.
- Onea, loaa o Iako.
- Iako, loaa o Pokini.
- Pokini, loaa o Hoaka.
- Hoaka, loaa o Ahua.
- Ahua, loaa o Hilo.
- Hilo, loaa o Hopapa.
- Hopapa, loaa o Hoaa.
- Hoaa, loaa o Milo.
- Milo, loaa o Nalo.
- Nalo, loaa o Poina.
- Poina, loaa o Lehu.
- Lehu, loaa o Kini.
- Kini, loaa o Papa.
- Papa, loaa o Mano.
- Mano, loaa o Palili.
- Palili, loaa o Lau.
- Lau, loaa o Kaau.
- Kaau, loaa o Kauna.
- Kauna, loaa o Kupau.
- Kupau, loaa o Kukolu.
- Kukolu, loaa o Kulua.
- Kulu, loaa o Kukahi
2. A loaa o Kukahi-o-alaneo, alaila, haawi aku ia oia i ka mana i ku ma ke kanawai. a ma ko lakou papa iho, i kela a me keia papa o kona lehulehu, a makaukau iho ia lakou i ka mana me ka ikaika, e hoolilo iho la ia lakou i mau kiai no ka Pukuiakua.
Ka Hanau ana o Kahulikahelanuiakea.
3. A ike o Pukuiakua ua makaukau a ua hoohaahaa o Kahulikahela i ke keiki, hoanae ae la oia i wahi e waiho ai no ke keiki. apo ae la a hoailona iho la, pale ae la i mau kiai mamua a ma na aoao, alaila, hookokohi iho la keia a oili mai la ke keiki. a he mau mahoe ka @ o Honua-Lani. O Honua ke kaikuahine a o Lani ke kaikunane.
4. O kahulikahelanuiakea, he wahine ia e waiho kahela ana iluna ke alo o ka Pukuiakua, a mamuli ona ka hoomaka ana o keia pule penei: Eia ka ai a ke Akua (Kane, Ku, Lono) E Kahuli e Kahela
E ka wahine e moe ana i luna ke alo—Hoakaka:--O keia pule maluna ae, he pule kumu-akua keia, a malaila ka hookumu ana o ka pule a ke kanaka i ke au-kanaka, e kahea ana i ke akua no ka ai, ka ia a me na mea like, ma ka hookumuana o ke aloha o ke kanaka i nei mea he Akua.
5. A haakokohi mai la ka makuahine i ke keiki a hanau mai la, a penei ka hanau ana:
O Popanopano (k) noho ia Popanopana (w), hanau O Pokane (k) no ho ia Pomanamana (w), hanau o Polehulehu (k) no ho ia Pomanomano (w), hanau O Pohakoikoi (k) noho ia Pokuliu (w), hanau O Pouliuli (k) noho ia Poeleele (w), hanau O Poaaki (k) noho ia Popalamea (w), hanau O Pohina (k) noho ia Pokea (w), hanau O poaka (k) noho ia Pomalama (w), hanau O Popaa (k) noho ia Pohoaka (w), hanau O Poliu (k) noho ia Polama (w), hanau O Poulu (k) noho ia Popale (w), hanau O Pohakalau (k) noho ia Pokahi (w), hanau O Pohooilo (k) noho ia Pomakalii (w) hanau O Poloa (k) noho ia Poiki (w), hanau O Ponui (k) noho ia Popoko (w), hanau O Pokapu (k) noho ia Polauanoa (w), hanau O Polea (k) noho ia Po-ola (w), hanau ka inaina, hanau ka nalu. ke kai-ula ke kuakoko, a pale ae la ka po, a puka mai la ke ao malamalama , alaila hemo mai la ke keiki a he mau mahoe hoi o Honua-Lani; a alala ae la ke keiki a hoe iho la iluna o na kuli o Opuukahonua (k) me lalohana (w), a ma na poli o Kanelahonua (k) me hina-anaiamea (w), e kau ana iloko o ka lewa nui akea o Kanenuiakea, Kunuiakea me Lononuiakea, kahi a Pukaiakuanuiakea i hoomakaukau ai no Honua-Lani (na keiki mahoe). Eia iho ke koihonua: (Aole i pau.)
MEA HUNA POHIHIHI
MOKUNA VI
Oiai ka Lede Beatirisia e hookaukoo ana ma ka lima o ke Kauna Sepania, iho aku la laua a hoea i ke keena e akoakoa ana ka laua mau keiki e hoonanea ana ia lakou iho.
Ma keia wa a ka Lede Beatirisia e nana aku nei maluna o kana poe keiki, ua puapuai ae la iloko o kona houpo na mapuna manao aloha no lakou, a ia wa oia i hookaukau wale iho ai iloko ona:
“Aloha no oukou e a`u mau keiki e noho hoomanawanui nei me ko oukou makuakane, i hoopuniia e na haawina o ka ehaeha ame ka walohia. He mea oiaio no, eia oukou ke noho nei, me ko oukou manao ana, he nohona lanakila ka ko oukou mau makua e noho nei i keia wa. O! E ke au mahiehie o ka manawa! Ahea la akaaia ae na owili pohihihi e hoopuni nei i ka oiwi o ka @ makuakane o keia poe keiki hala ole? E haawi mai i maha no oukou- E hoopakele ia makou mai ka popilikia mai.”
A, ma ka wa i hoomaha iho ai ua Lede Beatirisia nei i ke kanaenae ana ae i kela mau mamalaolelo, ia wa oia i huli mai ai a hawanawana mai la i kana kane, ma ka ninau ana mai iaia:
“E kuu aloha, aole anei keia he nanaina maemae imua oa kou mau maka” He oiaio, ua piha lakou apau me na haawina o ka nani ame ka maikai”
A mamua o ka hiki ana i ke Kauna ke pane aku no ka ninau o kana wahine, ia wa i pau iho ai ke kani ana o ka piano, a pau iho la hoi me ka hulahula ana a Mirande ame Jose, ua lohe ia ae la kekahi mau leo hooho hauoli: “Mama! Mama!! Mama!!!”
O ka wa no ia i hoopuniia ae ai ka Lede Beatirisia e kana poe keiki. He oiaio, me na waimaka e haloiloi ana ma kona mau maka honi iho lo oia i kana poe keiki. O Jose hoi kahi mea uuku loa o lakou, lalau iho la oia iaia a hapai ae la iluna. Oiai hoi o Alamira i huki aku ai iaia a hoonoho iho la maluna o kekahi noho hooluolu. Hoi ae la oia a ma ke kua o ko lakou @ makuahine a olelo iho la:
“E mama, aole loa makou i manao iki e huli hoi mai ana oe i keia po. Aole i kana mai ka ino o keia po. Ke aoa nei ka makani mawaena o na laau. A no ka nui launa ole mai nohoi o ka ua o keia po, ua hai aku la au ia papa, aole oe e hoi mai ana i keia po.”
Ninau mai la hoi o Mirande i ko lakou makuahine: “Pehea la oe, e mama, i hoea mai aia i ka hale nei? Aole i hoounaia aku nei ke kaa, e kii aku ia oe.”
“Ma ke kaa hoolimalima au i hoi mai nei,” wahi a ka Lede Beatirisia i pane aku ai no ka ninau a Mirande.
Ia wa pane ae la o Mirande: “Heaha no la ke ano o kela Opera e hoo@ ai oe, e mama? Aole loa e hiki ia`u ke uumi iho i ko`u aloha nou, e mama, no kou haawi ana ia oe iho e hana me ka ikaika ame ka luhi nui. a e kaawale aku ana nohoi oe mai a makou aku nei no ka hapanui o ka manawa. Makemake loa au e noho mau oe me makou i na manawa apau loa.
I kela wa i hanu ae ai o Kauna Arevalo me ke kaumaha. a umalu iho la ka nanaina ano e maluna o kona helehelena.
Ma ia manawa hoi i nana aku ai o Alamira i kona kaikunane me ke ano e o na helehelena, alaila, hele aku la ia a ma kahi e noho ana ko lakou makuakane, a olelo aku la.
“E papa, e hiki mai ana no ka manawa e noho mau mai ai o mama me kakou. Nolaila, e papa, mai hookaumaha oe i kou naau.”
Honi aku la oia iaia, a haalele iho la oia i ka rumi, oiai na maka o ko lakou makuakane i haloiloi ae ai me ka waimaka.
E mama,” wahi a Jose i kamailio ae ai ia Beatirisia. “O Alamira ka mkou kuke i keia wa. Nana no e malama a e hoomaemae nei i ka hale. Aole makemake iki o Megi i keia hana a Alamira: aka, olelo nae o Alamira, aole pono ke hoohana nui ia o Megi, oiai ua luahine ia. a oia nohoi kou kaikuaana ai-waiu hookahi. Nolaila, aloha loa o Alamira iaia. i nehinei hana pu@ina o Alamira na makou, a pela no i keia la iho nei, a i keia wa hou. ua hele aku la oia e nana i ke @i.”
Ma ia wa no hoi mai la o Alamira a olelo mai la. ua makaukau ka aina ahiahi, me ka hookohukohu ana, @ he mea la oia ka hku-wahine nui o ka hale.
Ku ae la ka Lede Beatirisia a paa aku la i ka lima o kana kane, oiai hoi o Jose e hele ana ma ka aoao o kona makuahine. O Alamira hoi, paa ae la ia i ka lima o kona kaikunane a hele aku la laua mahope o ko lakou mau makua.
I ka hoea ana aku o lakou apau maloko o ka rumi @, @ noho iho la lakou maluna o na @. No @ mahope pono aku o ka @ e noho ana, e ku ana he wahine hou.
O keia wahine. oia no o Megi Bela. Oia ka wahine malama hale o loko o ka home o ke Kauna Sepania. He like loa na helehelena o keia wahine @ ko ka wahine lawelawe o ka Lede Beatirisia ma Hametona Kakela. Aohe wahi lilo o keia wahine i ko keia. a pela hoi ia i keia. Ua like loa laua i kahi ame kahi. He mea oiaio, he @ mahoe keia mau wahine. O ka wahine e noho ana ma Hametona Kakela, O Mege Bela kona inoa. a o kona mau wahine a i elua, he mau hoa ai-waiu laua no ka Lede Beatirisia. a ua pili paa loa hoi ko laua mau manao @kee ia Beatirisia. no laila, ua mo@ @ laua iloko o ko laua mau opu na mea huna apau o ke ola ana o Beatirisia.
O ka nui o na kauwa lawelawe ma ka Evergreen @ he ekolu no lakou. He wahine Geremania i @ maopopo ole i ka olelo Beritania, he kanaka kahu kaa a malama nohoi ua loko o ka pa a o Mrs. Megi Bela no hoi.
Ma ka home o ke Kauna Sepania. ua ikeia o Beatirisia e kana mau keiki ma ka inoa o Kaunawahine Arewalu. Aole loa lakou i ike iki a ko lakou @ makuahine, oia kekahi o na wahine waiwai loa o Enelani. Ua hoomaopopo nae lakou, he wahine Pelekane no ko lakou makuahine a ma ia wa hookahi nohoi. ua manao no lakou he mau makua Sepania no kona, elike me ko lakou makuakane ka mea a lakou i hea aku ai o Arevalo. O kekahi mea a lakou i hoopaanaau loa ai. mamuli o na olelo a Megi Bela ia lakou, he wahine hana keaka ko lakou makuahine.
No na manawa @ nui i ike ai lakou i ko lakou @ makuahine e huli hoi mai ana i ka home me ka aahu pupuka a inoino hoi. O ke kumu nae o kona hana pela. aole lakou i ike. Ua manao wale iho no lakou, aole paha @ maikai loa no ko lakou makuahine ka hui ana mai i ka home me ka hoololi ole ana ae i kona ano elike nohoi me kana i hana mau ai.
E kuu makamaka heluhelu, e hoike aku kou mea unuhi moolelo, ma keia wahi no ka mea e pili ana i ka hanauia ana o keia poe keiki a ka Lede Beatirisia ame ke Kauna.
O lakou apau ekolu, ua hanauia no lakou ma Evergree Home. a o ko lakou wahi ia i hanai ia ai a nunui. Aia i ka wa a Beatirisia e ike ai ua kokoke mai kona manawa e hanau ai. Oia kona wa e olelo ai i kona makuakane. oia hoi ka Haku Hametona. e @oio oia i Germania, aia kona mau wahi @ e hoolanalana ai iaia. A ma ka wa e kaawale aku ai kona@ no na kaiaulu o Geremania. oia kona wa e hele mai ai i ka Evergreen Home. a hanau iho la hoi i ka @ua o kona opu. A @ kau na malama ana i na keiki @a @ Magi Bela a hiki i ka hui ana.
Penei iho la ke ano i hanauia ai a i malama ai keia mau keiki a kaua e kuu makamaka heluhelu e ike ae la.
Ua loohia o Mr. James Perdue, he koa kahiko e noho ana ma Monroe, Mich., i kekahi ma`i rumatika @ loa, aka nae, ua loaa koke @ ke ola mamuli o ka hamo ana i ka LAAU HAMO A KAMALENA. Penei kona olelo: “I kekahi wa, aole i kona mai ka eha o ko`u kua a hiki ole ia`u ke ala ae iluna. Ina aole e loaa ia u ka oluolu aole loa au e @ @ e kakau ai i keia mau wahi lalani. He nui ka pomaikai i loaa mai ia`u mai ka Laau Hamo mai a Kamalena. a ka hoomaikai ae nei au no na laau la. E @ ana e na poe kuai laau lapaau apau. oia o BENSON, SMITH & CO., na Ag@ ma ko Hawaii Pae Aina.