Ka Nupepa Kuokoa, Volume XXXV, Number 30, 24 Iulai 1896 — Na Hoalohaloha no Req. J. H. Kuia. [ARTICLE]

Na Hoalohaloha no Req. J. H. Kuia.

Hanauia o Rev. J. P. Kuia ma ka makahiki 1534. ma Kahu-a, Kohala, Hawali, mai ka puhaka mai o Kaneihalau (k), a me Kahiwa (w). he ekolu ko lakou nui, J. P. Kuia, Keaniani (w), me Makanoenoe (w), ke ola nei no laua. Ma ka makahiki 1853, mare aku o J. P. Kuia ia Hano, k"a wahine kanemake e ola nei, hanau mai ko laua puhaka mai he ekolu keiki kane, a he ekolu kaikamahine, ua pau e no lakou a pau i ka make, a ma ka makahiki 1874, a i ole, 1875, ua haalele i ke one hanau a hele a komo i ke Kula Kahunapule ma Honolulu, a ma ka makahiki 1879, ua noho kahu ma ka Ekalesia o Paia, nana i hookumu i keia Bkalesia me na haipule i hala e aku. A mai ia wa mai kona noho ana a hiki wale i ka lawe ana aku la o ka Makua Lani no ka hoomaha mau loa ana. He kanaka loko- | maikai a oluolu o Mr. Kuia, a ma ka oi- j hana'ana i noho ai he kuoo oia a he

ikaika, he kue loa oia i na mea hewa a pau, a he oi loa aku oia ma ke kue ana ika hoomana kii. He 17 makahiki ona i noho hoomanawanui ai ma keia Ekalesia, he kanaka hoomanawanui oia a hiki i kona waiho ana iho la i ka oihana laa ana i hoohiki ai.—Aloha ka Makua! Me ke aloha, P. N. KAHOKUOLUNA. Paia, July 15, 1896. Mrs. Hano Kuia, Aloha nui oe:—Oiai ua lawe aku ka Mea Mana Loa i kau kane i aloha nui ia, a kahu hoi o makou (Rev. J. P. j Kuia) ma ka la 9, o July, A. D. 1896. Ua like ia lono kaumaha me ka uwila e hokui like ana i ko makou puuwai pakahi me ka ilihia nui. Ua waiho iho oia ia oe, me makou hoi na keiki hookama no loko mai hoi o ka hua a olua i lulu ai o ka olelo a ke Akua. Ua hoomaha mai oia i ka hana a ka Haku iloko o ke sekona no ka ohi ana i ka hua o kona hoomanawanui ana, "E hoonani ia ke Akua." Nolaila, e Hooholoia: —O makou na Lunakahiko a me na hoahanau o ka Ekalesia o Paia, ke komo pu aku nei makou me oe i ke kanikau t>u ana me, oe no ko makou makua i hala. iloko o kou mau la 0 ka ehaeha, a na ke Akua e hoomama inai ia kakou. Hooholoia: —Ke komo pu nei makou me ka ohana a me na hoaloha a pau e noho la ma kona one hanau ma Kohala 1 Hawaii. Aloha ia keiki papa ou e Kohala! Ua hala! Hooholoia:—Ke noi nei makou i ke Akua e hoomama mai i kou mau luuluu iloko o na la o kou ola ana. 0 makou no, me ka walohia, PETER N. KAHOKUOLUNA JOHN KALUNA, JOHN HOOMALU, B. K. KANOA, ' Komite. Ia Mrs. Hano Kuia, na Keiki, na Moopuna amena Ohana, Aloha oukou: —O makou o na inoa malalo iho ke Komite i koho ponoia e ke Kula Sabati o Paia, no ka haawi ana aku i na olelo hoalohaloha; a no ka mea, ua ili iho maluna o na naumana o kona Kula Sabati he kaumaha nui a inakolokolu, me ka ehaeha; me he haawe keiki la make kua ame ka walohia, oiai, ua oluolu i ka Makua Mana Loa iloko o kona mana kupaianaha ka lawe ana aku i ka hanu ola o ko makou Makua Rev. J. P. Kuia, mai keia ao luhi, a i kela home nani ma o ma ke kakahiaka Poaha, July 9, 1596. Aloha wale ia Makua o ka Pono. O Rev. J. P. Kuia, he Puuku no ke Kula Sabati o Paia, ma ia kulana oia a hala aku la. He kupaa, hoomanawanui, he akahai, oluolu, he aloha, a he haipule io; a, ke noho nei maliou na hua au i hoomanawanui ai me na waimaka nou i hala i ke ala hoi ole mai. A nolaila; i ka hui ana o kau ohana i ka La Sabati mahope iho o liou hala ana, hoohiolo makawalu ia ko makou mau waimaka, no ka hoonele ana mai o na Mana Lani Kiekie, ia makou i ka Makua ole, a, e omo aku i ka waiu aiai o ka olelo a ke Akua. Auwe! Nani wale kou nalohia ana j iho nei, aia aku la paha oe ma ka poli o ka Makua Aberahama, kahi i hoomakaukau ia no kona poe kanaka, aka, o kau mau ao ana ame kau alakai ana i 'kou Kula Sabati, ua lilo ia i kia lioomanao poina ole iloko o ko makou mau puuwai pakahi. E hoonani ia ka inoa o na Lani Kiekie Loa. Nana no i hana, a nana 110 i lawe aku. Nani ka luuluu, me he ao hakumakuma la o na ao kaalelewa maluna o kou Kula Sabati e u nei, me ka minamina. A no ka mea; me he la ke hea mai nei kou leo aloha mai kou heana lepo mai, E kupaa oukou 1 ka mana o ke Akua, aole i ka mana o na' keiki a kaj nalea: oiai, ua kokoke mai ke Aupuni j o ka Lani; nolaila. e 1 Hooholoia:—Ke komo pu aku nei mai kou ke Kula Sabati o Paia, e kuniakena a e kanikau pu me oe ke kauwa wahine i hoonele ia i ka Makua ole ame na moopuna, a kaikamahine a olua ame na ohana me ke aloha no kou hiamoe loa e Rev. J. P. Kuia, a haalele iho i ka ukana nui o Ue'aloha, nana e paiauma aku, oiai, ua nalo, ua moku a ua pau ko kakou lohe ana i kona leo aloha; nolaila, e

Hooholoia:—Ke kulou nei makou imua o ke Akua Mana Loa, a ke nonoi nei ka makou leo pule e hooluolu mai ia oe ame ka u o kona Kula Sabati iloko o keia kaumaha; aka, o kakou a pau ke hele ana i ona la, aole hoi o Rev. J. P. Kuia e hoi hou mai ana i o kakou nei. Nolaila, e Hooholoia:—E haawi ia kekahi kope o kei'a mau olelo hoalohaloha i ka wahine kanemake, a e hookomo ia kekahi kope i ka nupepa Kuokoa. Me ka minamina nui, B. K. KANOA, A. P. KALEIKINI. MRS. MAHUNA KALEI. Paia, Maui, July 17. 1896.