Ka Nupepa Kuokoa, Volume XXXV, Number 29, 17 Iulai 1896 — Na Mea Hou o Kona Akau. [ARTICLE]

Na Mea Hou o Kona Akau.

Ma Keauhou, lulai 2, hora 7 p.m. ua hoohuiia ma ka berita mare e Rev. C. A. Lazaro o Punahoa (k) me kekahi hapa Pukiki. Ma Kailua, ma ia la no, hora 9 p.m., ua hoohuiia e Rev. C. A. Lazaro o Apa Pake, halekuai me Mrs. Nahuina. A ma ka la 4 mai, ua malamaia he papaaina i luluu i na ono like ole a ka puu e hooiho aku ai. He elua hale i hoomakaukau ia no ka paina. Ua nui no na hoaloha i hui pu mai me laua a hawele-lua iho la i na mea i hoolako ia e ia mau puuwai hamama, no ka hanohano o ko laua la i hipuu polena ia ai a paa, i ole e makili hou ae. Malaila ae kou mea kakau, ke kahunapule nana i mare ame S. B. Kaomea. A ma kekahi hale aku hoi, ke Kapena o "Malulani," ka Hope Makai, Loio Malulani, Mrs. A. Thomas Aiu, ame Mrs. Kapoli Kalua. Ua ai a lawa, a "ko'u ka puu i ka wai a ka naulu,"a koe aku no. O ka'u wale no e kalokalo ae nei, e uhai ia na la o ka noho mare ana me ka pumehana o ke aloha ame na haawina o ka pomaikai. lulai 8, noho ka Aha Apana Hookolokolo o Kona Akau, a nana i ka hoopii koi poho a John D. Paris ia J. W. Keliikoa, (ka Luna nui o na Keauhou ame Kahaluu), no ka hoopaa hewa ia ana o na bipi he 13 iloko o ka Pa Aupuni. A oiai hoi, ua hoopaa io ia no na bipi iloko o ka Pa Aupuni e J. W. Keliikoa ame kana mau paniolo, ma ke ano komo hewa i na aina hui o Keauhou 1 & 2. O ke koi a ka mea hoopii, he $300; ua hoopanee ka Aha i kana olelo hooholo a ma ka la 10, alaila, hoopuka mai, ia la e ike ia ai ka aoao i pono ame ka aoao i hewa. Aka, ke haili e nei i ka mea kakau, e loaa ana ka pono i ka mea hoopii. Nui ka wela o ka la ma na kapa kahakai o Kona i keia mahina, aka, mauka aku o ka amau a ma na kualono, e haule mau ana na paka-ua eloelo o Kulanihakoi. Ke uwe nei na kupa noho kahakai i ka loihi o kahi e kii ai o ka wai, a uwe pu hoi me ka poe mea hanai bipi i ka pau mai i ka make, i kau a mea o ka maloo mai o ke kula aohe ulu mauu mai. Aohe o makou Kauka Aupuni. ua hoi aku nei i Honolulu. I pono iki makou i ke Kauka lapana. Ua hala! ua kuu ka luhi o Mr. James Robinson ma Pahoehoe ae nei, Kona Akau, i ka hora 12:5 o ke awakea o ka la 30 o lune, ma kona home noho. Ua waiho iho oia mahope nei he wahine mare, he mau kaikuahine a nui, a he mau hoaloha a lehulehu wale, i hele aku e ike i kona kino wailua, a hoi aku la ka lepo i ka lepo, a hoi ka uhane i ka mea nana i haawi mai. Pela i ko ai Kana olelo: "No ka lepo no oe, a e hoi aku no oe ilaila." Me ka mahalo, D. A. Namaielua. Kona Akau, Hawaii, July 9, 1896.

He mea pono I kela ame keia ohana ke loaa ona laau lapaau mama nc na o k« opu. I laau lapaau pulilll ole no ka 'Oloku ino loa o lepo" (Diarhea) Nahu, Umll, Kolera ame na i»»'i apau o ka opu, aole he laau lapaau oi aka o ka maikai, elike me ka PERRY DAVIS LAAU PKNIKILA (Pain Killer). Ua lawelaweia keia la'au no na makahiki ho kanalima, a ke hana mau ia nei i kela ame keia la, ma na aina apan o ka honua nei. O ka Hui Kuai Laau Lapaau o Holister, ka Agena.