Ka Nupepa Kuokoa, Volume XXXV, Number 29, 17 July 1896 — Na Maka o Iapana ma Hawaii. [ARTICLE]

Na Maka o Iapana ma Hawaii.

Ua hoolaha ae kekahi o na nupepa lapana oHonolulu nei, o ke kumu nui o ka hiki ana mai o Kauna Mutsu i Hawaii nei, oia no ka hakilo pono ana ame ka noii ana i na hana i oleloia ai, he mau hana ino lua ole ia a ke Aupuni Hawaii i hana aku ai i ka lahui lapana e noho nei maanei. Aka, oka ke Kuokoa e hoike aku nei, me ke kanalua ole, oia keia, "He huakai hakilo nohona aina io no keia a kela kanaka kalaiaina naauao o lapana i hoea mai la." Ke oni ka lahui Potugala ma ke kue ana i ka lahui Asia, nolaila, oni pu na kilo Aupuni o lapana. Ua kamailio mua aku makou no ke kulana o ka lahui i awiliia ma Hawaii nei. oka nui 0 ka ike kalaiaina e paa ana ma na lima o ko kakou poe hookele Aupuni 1 keia wa,o ia ka mea nana e hoopakeie ae i ka waa Aupuni o Hawaii, e holo nei malalo o ka mana hookele Aupuni Repubalika, mai kona komo poo ana aku iloko o na poina nalu o na pilikia kalai Aupuni kuwaho. Aka, aole makou hopohopo iki e loaa ana no ia Kauna Matsu o lapana hje mau hoakaka e hoopauia ai na manao kuhihewa iloko ona no ke ano o ka noho ana o kona mau hoa kanaka ma na kaiaulu o Hawaii nei, mai na alakai o ke Aupuni e noho nei i keia wa.