Ka Nupepa Kuokoa, Volume XXXV, Number 29, 17 July 1896 — Page 7

 

Ka Nupepa Kuokoa

KE KILOHANA POOKELA NO KA LAHUI HAWAII.

 

   NUPEPA KUOKOA, IULAI 17, 1896

 

KANAWAI 65.

HE KANAWAI

 

EHOOMAOPOPO AI ILOAA NO KE AUPUNI, MA KA HELU ANA A ME KA OHI ANA I KEKAHI AUHAU MALUNA O NA LOAA.

E hooholoia e ka Ahaolelo o ka REpubalika o Hawaii:

 

            Pauku 1. Mai a mahope aku o ka la mua o Iulai, M. H. 1897, e kaui`a, heluia, ohiia a hookaaia i kela a me keia makahiki maluna o na loaa, na puka i loaa i kela a me keia mea @ ana maloko o ka Repubalika a me kela a me keia mea e noho ana mawaho aku o ka Republika mai na waiwai apan i onaia. a me kela a me keia oihana, hana lima, bana akamai a hana e ae i hoohania a i lawelaweia paha maloko o ka Repubalika, a me kela a me keia kauwa a luna paha o ka Repubalika e noho ana ma kela a me keia wahi, i kekahi @ o hookahi pa-keneta maluna o ka huina i loaa pela. Eia nae, ma na wahi i oi.ole ae na loaa'a me na puka o kekahi mea o ia ano e noho ana maloko o ka Repubalika e noho ana ma kela a me keia wahi. mamua o ka huina o eha tausani dala iloko o na malamahe umi-kumamalua mamua iho, o ka mea wale no o ia man loaa a puka paha i oi ae mamua o elua tausani  ke kauia i ua auhan la. A o ka auhau'i hoomaopopoia maloku nei e heluia no e na Luna Helu a Ohi Auhau no ka manawa. no na mahele auhau like ole o ka Repubalika, a e ohiia a e hookaaia maluna o na puka a me na loaa no ka makahiki e pau ana ma ka la kanakolu o Iune, mamua koke iho o ka manawa no ke kau ana, helu ana, ohi ana a me ka hookaa ana ika auhau i oleloia.

            Pauku 2.   E kauia, heluia, ohiia a hookaaia, koe wale no ma na mea i hoakakaia ma kekahi ano e ae maloko nei, kekahi auhau o hookahi pa-keneta i kela a me keia makahiki maluna o na puka a loaa maoli i oi ae maluna o na lilo hoohana a me na lilo hana mai na waiwai apau i onaia, a me kela a me keia hana a oihana i lawelaweia maloko o ka Repubalika, e na hui i hoohuiia apan e lawelawe ana ina hana no ka puka a loaa paha maloko o ka Repubalika o Hawaii, me ka nana ole i ke ano a me kahi i kukuluia ai a i hoonohoia ai paha, eia nae, aole e pili kekahi mea maloko nei i na hui i hoohuiia, a hui a ahahui paha ikukuluia a ihoohanaia no na hana manawalea, hoomana, hoonaauao a oihana akeakamai apau e huipu ana i na hui hoopomaikai, na hui a ahahui paha e lawelawe ana ma ke ano hui malu a e hoomaopopo ana no ka hookaa ana i na pomaikai no ke ola ma'i, ulia wale, a i ole ia, na pomaikai e ae i na lala o ia mau hui a ahahui paha, a me ka poe i kokuaia e na lala, aole no hoi i na hui panihakahaka i auhauia maluna o na uku i ohiia e lakou mamuli o ka mana o kekahi kanawai e ae; aole hoi i na mahele kumupaa, na mahele waiwai. ka waiwai paa me ka waiwai lewa a me na mea hoopaa i paaia e kekahi mea malama a kahu paha no na hana manawalea. hoomana. hoonaanao a akeakamai paha.

            Pauku 3.   Ma ka hoomaopopo a'na i na puka a me na loaa o kekahi mea, a i ole ia, hui ihoohuiia paha, e huipuia no na loaa apau i loaa mai, mai ka uku-panee maluna o na nota, na bona a me na mea hoopaa e ae, koe na bona o ka Repubalika o Hawaii i hookuuia ke kumupaa a me ka uku-panee mai ka auhauia ana e' ke kanawai mahalo olaila i hoopukaia ai; na loaa i loaa mai i loko o ka makahiki mai na kuai ana o ka waiwai paaa i huipuia me na hoolimalima no kekahi manawa ikuaiia maloko o elua makahiki mamua iho o ka pau ana o ka makahiki e hoonohonohoia ana ka loaa me na mahele puka maluna o na mahele waiwai o kekahi hui i hoohuiia, ka ukupanee i loaa mai, a i  ole ia, i piha ka manawa hookaa maluna o na nota, na bona, na moraki apau, a i ole ia, na ano aie e ae i kauia i ka uku-panee, ina ua hookaaia a hookaa ole ia paha, ina he maikai a ua hiki e ohiia, me ka lawe ae i ka uku-panee i aieia e ka mea i oleloia, a i ole ia, e ka hui i hoohuiia, a i ole ia. ihoo kaaia e ia a e lakou paha iloko o ia makahuki, ka huina apau o na uku panai maluna o na bona, na nota, a i ole ia, na kupona; ka huina o na kuai ana o na waiwai lewa apau mawaho ae o ka huina i hooliloia ma ke kuai ana, a i ole ia, ka hana ana o ia mea a ina e pili ana i kekahi mea aole e huiia kekahi hapa i pau iaia a me kona ohana ; ke dala maoli a me ka waiwai io o na waiwai lewa apau i loaa mamuli o ka haawi wale ia ana a hooilina paha a me na puka a me na loaa ae apau i loaa mai mai kela a me keia ano.

            O ka huina puka a loaa paha o na hui i hoohuiia apau e huipuia no me na huina i ukuia a e ukuia ana paha, a i ole ia, i maheleia, a i ole ia, e mabeleia aku ana paha iwaena o na poe paa mahele kumupaa, mailpko ae o kekahi puu dala a helu paha. a i ole ia, ma ka helu o kekahi huina dala i lawelaweia no ka hana ana. hoonui hou ana ae paha o na mea hana, a i ole ia. kekahi hoolilo ana i ukuia mailpko ae a na loaa makahiki a ia hui i hoohuiia i oleloia.

            Ma ka hoomaopopo ana i na loaa e hoolaweia no na lilo kupono i hoolilo maoli ia ma ka lawelawe ana a hoohana ana i kekahi oihana, hana a hooponopono ana paha i kekahi waiwai, a pela no hoi me ka uku-panee apau i piha ka manawa hookaa, a i ole ia, i hookaaia iloko o ia makahiki e ia mea a hui paha i hoohuia maluna o kekahi aie.     A me na aubau Aupuni a me na uku laikini apau i hookaaia iloko o ia makahiki, e hoolaweia no ia mailpko ae o na puka, a i ole ia, na loaa o ka mea a hui paha i hooluiia nana ihookaa, ina oia mea. a i ole ia, mea moraki; pela no hoi no poho i loohia maoli iloko o ia makahiki. i loaa mamuli o ka bana ana, a i ole ia. mamuli o na pauahi, na ino, a i ole ia, poino ma ka moana, a i hoihoi ole ia mai mamuli o ke panihakahaka, a i ole ia, ma kekahi ano e ae paha, a me na aie i hoomaopopoia he mau mea waiwai ole, eia nae, aole e hoolaweia no kekahi huina i ukuia aku no na hale hou, na hana hou ano paa mau, a i ole ia, na hana hoowaiwai i hanaia, i mea e hoomahuahuaia ai ka waiwai io o kekahi waiwai; a e hoomaopopo hou ia ma na wahi i aeia maloko nei he hookahi wale no hoemi ana o elua tausani dale e hanaia mai ka huina loaa o na lala apau o kekahi ohana nnona kekahi, a i ole ia, o na makua paha a i elua me hokahi a oi ae mau keiki i oo ole, a i ole ia, o ke kane a me ka wahine; e hiki no i na kahu e hoolawe ae no ka pono o kela a me keia mea a lakou i noho kahu ai, koe wale no, ina he elua a oi ae mau keiki iloko o kekahi ohana hookahi a he mau kuleana waiwai like ko lakou aole e oi aku ka huina o ka hoolawe ana no ko lakou pomaikai mamua o elua tausani dala.   A e hoomaopopo hou ia, ina o ka uku makahiki a uku e ae paha, i ukuia i kekahi mea aole i oi aku mamua o elua tausani dala i ka makahiki, a i ole ia, mamuli o na uku, a i ole ia, ua akaka ole ka nui i kela a me keia manawa, e huipuia no ia uku makahiki a uku e ae paha ma ka hoomaopopo ana i na puka a me na loaa makahiki o ka mea, i haawiia, ai ia uku, a e hoomaopopoia no hoi, ma ka helu ana i ka loaa o kekahi mea a hui paha i hoohuiia, aole e huipuia me ka huina i loaa mai kekahi hui i hoohuiia ma ke ano he mau mahele loaa maluna o ke kumupaa o ia hui i hoohuiia ina na hookaaia ka auhau o hookahi pa-keneta maluna o kona mau puka e ka hui i hoohuiia i oleloia e like me ka mea i kauohaia ma keia Kanawai, aole hoi kekahi waiwai i haawi wale ia a i hooilinaia paha i auhauia ma kekahi ano e ae ma ia ano.

            Pauku 4.  Okela a me keia hui i hoohuiia e lawelawe ana i ka hana ma kea no imi loaa maloko o ka Repubalika, e hana no lakou’ a waiho i ka Luna Helu o ia Apana Auhau ma waena o ka la ekahi me ka la kanakolu-kumamakahi o Augate i kela ame keia makahiki, e hoomaka ana ma ka makahiki Umikumamawalu Heneri me Kauaiwa-kumamahiku, i kekahi hoike piha i hooiaia mamuli o ka hoohiki a olelo hooiaio paa paha, ma kea no a ke Kuhina Waiwai e kauoha ai, no na mea apau mahope iho nei no na malama he umikumamalua e pau ana ma ka la kanakolu o Iune, mamua iho o ka la ihanaia ai ia hoike:

            Ekahi.  Ka huina o na loaa o ia hui’ i hoohuiia main a kuai ana i hanaia maanei, a i ole ia, ma na aina e. main a ano hana apau o kela a me keia inoa a ano paha.

            Elua.  Na lilo o ia hui i hoohuiia ma waho ae o ka ukupanee, na uku makahiki a me na mahele kumupaa.

            Ekolu.  Ka huina puka io o ia hui i hoohuiia me ka hoolawe ole ia o ka uku-panee, na uku makahiki a me na mahele kumupaa.

            Eha.  Ka huina i ukuia no ka uku-panee, na uku makahiki a me na mahele kumupaa i hoakaka pakahi ia.

            Elima.  Ka huina i ukuia ma na uku u makahiki i oi ae mamaua o eono haneri dala i kela a me keia mea i hoohanaia, a me ka inoa a me kahi noho o ia poe, e me ka huina i ukuia ia lakou pakahi.

            Pauku 5.  E lilo no i hana na na mea apan i piha ko lakou mau makahiki ma ke kanawai i loaa ia lakou he loaa ia lakou he loaa i oi ae mamua o umikumamalima haneri dala no ka makahiki auhau no na kumu loaa i hoakakaia maloko nei, a me na hui i hoohuiia apau i pili ia lakou ka auhau loaa e hana a waiho ae i kekahi papa a hoike paha mawaena o ka la ekahi a me ka la kanakolu-kumamakahi o Augate o kela a me keia makahiki ma ke ano i kauohaia e ka Kuhina Waiwai i ka Luna Helu o ka mahele a ia mea a hui paha  hoohuiia i noho ai, kukulu ai, a i lawelawe ai paha I ka hana, i ka huina o ko lakou loaa a mau puka paha e like me ia i olelo mua ia; a e hana no a waiho aku na kahu malama keiki, na kahu, hookokauoha, lunahooponopono waiwai, na agena, poe malama a me na poe, a i ‘ole ia, na hui i hoohuiia apau e lawelawe ana ma kekahi ano malama waiwai, i kekahi hoike e like me ka mea i olelo mua ia ae nei I ka Luna Helu o ka Mahela a ia mea,a i ole ia, hui i hoohuiia e lawelawe ana ma kea no malama i noho ai, a I ole ia, i lawelawe ai paha i ka hana, i ka huina o na loaa a me na puka o kekahi mea oo ole a mea e ae paha a lakou e lawelawe malama ana, aka, o ka poe he loaa ko lakou o umikumamalima haneri dala a emi iho paha, aole lakou i kauohaia e hana i kekahi hoike o ia ano; a e kauoha no ka Luna Helu e hooiaioia na hoike apau ma ka hoohiki, a i ole ia, olelo hooiaio paa o ka mea, a i ole ia, o ka Peresidena, Hope Peresidena, a i ole ia, Luna Nui o ka Hui i hoohuiia, a i ole ia, ina he hui no na aina e, o ka luna a agena paha o ia hui e noho ana maanei nana i waiho mai.  A’ina o kekahi mea, a i ole ia, o ka Peresidena, Hope Peresidena, a i ole ia Luna Nui paha o kekahi hui i hoohuiia, a i ole ia, ina he hui i hoohuiia no na aina e, o ka Luna Nui a Agena paha e noho ana maanei e hoole a hoohemahema paha e waiho ae i ia hoike iloko o ka manawa i kauohaia, a i ole ia, ina o kekahi mea hui paha ihoohuiia i kauohaia e waiho ae i ia hoike ua hana ole pela i ka manawa i kauohia, a i ole ia, ua waiho ae i kekahi hoike i manaoia e ka Luna Helu he oiaio ole a kolohe paha, a i ole ia, ua hoakaka hoemi loa ia, ua ku no i ke kanawai i ka Luna Helu e kauoha aku ia mea, Peresidena, Hope Peresidena, Luna Nui, Luna a Agena paha e noho ana, a i ole ia, i kekahi mea e ae iaia ka malama ana a paa ana paha i na buke helu iloko olaila na mea i laukauia e pili ana i ka hana a ia mea a hui paha i hoohuiia, a i ole ia, o kekahi mea e ae ana i manao ai he pono e noho ana a e loaa ana paha ma kela wahi keia wahi e hele ae imua ona a e hoike ae i ia mau buke ma kekahi manawa a me kekahi wahi i hoakakaia maloko o ka palapala kii, a e haawi i na olelo ike, a i ole ia, e pane i na ninau malalo o ka hoohiki, e pili ana i kekahi mau mea i ku i ka auhauia, a i ole ia, non ka hoike ana o ia mau mea.

            Pauku 6.  E lilo i hana na kela a me keia hui i hoohuiia e lawelawe ana i ka hana no ka puka e malama i na buke helu piha a pololei iloko olaila e hookamoia ai i kela a me keia la na hana apau i hanaia e like me ko lakou hanaia ana, a i na manawa apau e manaoio ai ka Luna Helu o ka Mahele i heluia ai kekahi hui i hoohuiia aole i waihoia ae ka hoike oiaio a pololei o na loaa o ia hui i hoohuiia, e hana no oia i kekahi palapala hoike o ia manaoio ana a me na kumu o kona manao ana pela, a ina e manao ke Kuhina i oleloia ma kona nana ana, he mau kumu kupono no ia manao ana, e hoopuka no ia i kekahi kauoha i kakauia i ua hui la i hoohuiia e ae e nanaia na buke o ia hui hoohuiia; a ina e hoole ua hui la i hoohuiia i ua kauoha la, alaila e hana no ka Luna Helu o ka Mahele e like me na ike i loaa mai iaia i kekahi koho ana o ka huina o ia loaa, alaila e pakui aku i hookahi haneri pa-keneta. A oia helu ana i hanaia pela oia no ka helu ana i ku i ke kanawai no ia mau loaa, a aole e hiki e hoopii hoohalahala hou ia ae.

            Pauku 7. Ina ua hoole a hoohemahema paha kekahi mea a ahahui paha nona kekahi loaa i kupono e auhauia, i ka waiho ae i kekahi hoike a papa hoike paha o ka loaa i kauohaia ma ke kanawai, a i ole ia, ua waiho ae paha i kekahi hoike a papa hoike paha i hoemi loa ia, a i ole ia, i oiaio ole a kolohe paha, e hana no ka Luna Helu mamuli o na ike maikai i loaa iaia a mamuli o kona ike ponoi, i ua hoike la elike me ka mea i hoakakaia o ka loaa i ku i ka auhauia o ia mea a hui paha i hoohuiia, a e helu no ka Luna Helu i ka loaa, a ina he hoike oiaio ole a kolohe paha e pakui aku no oia i elua haneri pa-keneta i ua auhau la; a ina he loole a hoohemahema paha e hana i kekahi papa hoike a i ole ia, e hooiaio i ua hoike la e like me ia i olelo mua ia. e pakui aku oia i hookahi haneri pa-keneta i ua auhau la. –O ka huina i pakuiia aku pela i ka auhau, e ohiia no ia i ka manawa hookahi a me ke ano like me ka ohiia ana o ka auhau, ina aole i ike ia ka hoohemahema ana a hana oiaio ole paha mahope iho o ka hookaaia ana o ka auhau, a ina pela e ohiia no ka huina i  pakuiia aku e like me ka ohiia ana o ka auhau; a o ka hoike i hanaia pela a i kakauinoaia e ka Luna Helu e manaoia no he hoike kumu lawa a kupono no na hana kanawai apau.  Eia nae, mawaho ae o na hui i hoohuiia e hoole ana i ka nanaia o ko lakou mau buke, aole e heluia kekahi mea i hana ole i kekahi hoike aole hoi e hoonui hou ia ae ka huina o kekahi hoike, aole hoi he heluia kekahi hoopai maluna o kekahi mea a hui paha i hoohuiia no ia hoohemahema a hoole ana paha a i ole ia, no ka hana ana a waiho ana ae paha i kekahi hoike oiaio ole a kolohe paha, aia wale no a mahope iho o ka hoolaha kupono ia ano aku o ka mawana a me kahi e hooleheia ai i hoakakaia e ka Luna Helu i loaa ai i ka mea, a iole ia, ka hui i hoohuiia i hoopiiia he manawa e hooloheia ai. O ia hoolaha e hanaia me ke kakau a e hookoia aku no maluna o ka mea a hui paha i hoohuiia i hopiiia.   O kekahi hoolaha i kauia aku i kahi noho hope i ikeia’a wahi hana paha o ka mea, a i ole ia, ka hui i hoohuiia, a hookomoia iloko o ka Hale Leta me ka hookaaia o ka uku leta, he hooko lawa ana no ia o ka hoolaha malalo o keia Kanawai.   O kekahi mea, a i ole ia, hui paha i hoohuiia i hoehaehaia mamuli o ka olelo hooholo o ka Luna Helu me na hana o ia ano, ua hiki no iaia e hoopii aku mai ia hooholo ana a imua o ka Aha Hoopii Auhau i kukuluia malalo o kekahi Kanawai o keia kau o ka Ahaolelo, i kapaia “He kanawai e pili ana i na Auhau Kuloko, a e hoopau loa ai i ka Mokuna 61 o na Kanawai o 1892 e pili ana ia mea.” Ma ka waiho ana aku me ka Luna Helu ma ka la ekahi o Okatoba, a mamua ae paha o ia la i kela a me keia makahiki i kekahi hoolaha i kakauia no kona manao e hoopii hou a me na kumu o ia hoopii ana. E noho no ka Aha Hoopii Auhau e hoolohe i na hoopii auhau malalo o ka mana o keia Kanawai nawaena o ka la elima a me ka la iwakalua-kumamalima o Okatoba o kela a me keia makahiki.

           E hooholo no ka Aha Hoopii Auhau i ka manawa e hoopakaia ai ka olelo hooholo i na mea e pili ana i na koina, ina he koina kekahi, ana i manao ai ua kupono no kela a me keia aoao.

            Pauku 8.  Ona Auhan maluna o na loaa i kauia maloko o keia Kanawai e ukuia no ma ka la umikumamalima o Novemaba a mamua ae paha o ia la i kela a me keia makahiki; a maluna o kekahi huina a mau huina paha i ku ika hookaaia, a ua hookaa ole ia nae mahope iho o ka la umikumamalima o Novemaba e like me ia i olelo mua ia e ohiia no maluna ae o ia mau auhan ka huina o umi pa-keneta maluna o na auhau i hookaa ole ia, a me ka uku-panee ma ke ano o eiwa pa-keneta no ka makahiki maluna o ia auhau i oleloia, mai ka manawa mai i kupono ai e hookaaia me ke ano he hoopai, koe mai na waiwai mai o ka poe i make, papule a aie kaa ole paha.

            Pauku 9.  O na mana a me na kuleana apau e ukuia mamuli o kekahi kanawai o keia kau o ka Ahaolelo i kapaia “He Kanawai e pili ana i na Auhau Kuloko, a’e hoopau ai i ka Mokuna 61 o na Kanawai o 1892,” i waawiia i ka Aha Hoopii Auhau i hoonohoia mamuli o ka mana o ke Kanawai i oleloia, no ka hoolohe ana a me ka hooholo ana i na hoopii a me na hoohalahala i lawe pono ia malalo o ke Kanawai i oleloia, e haawiia no ia i ka Aha Hoopii Auhau i oleloia no ka hoolohe ana a me ka hooholo ana i na hoopii a me na hoohalahala i lawe pono ia malalo o keia Kanawai, a o na mana, na kuleana a me na hana apau i hoakahaia maloko, a i ole ia, i hooholoia e ke Kanawai i oleloia no ke kau ana, helu ana, ohi ana, lawe ana a hooko ana i ka hookaaia ana o ka auhau i kauia malalo o ka mana o ke Kanawai i oleloia, a i pili paha ma kekahi ano e ae, e haawiia no, lawelaweia a hookoia no ke kau ana, ohi ana a lawe ana a hooko ana i ka hookaaia ana o ka auhau i kauia mamuli o ka mana o keia Kanawai, ma na wahi apau e kue ole ia ai me na mea i hoakakaia ma keia Kanawai, e like no ma no ano apau ina i helu a hoakaka pakahi ia na mana like a me na kuleana, a ua hooholoia iloko o ke kino o keia Kanawai e pili ana i ka auhau i oleoloia, a o kela a me keia hoakaka a rula o ke Kanawai i oleloia e pili ana i na Auhau Kuloko; (koe e like me ia i olelo mua ia), e pili no ia a e manaoia ua pili i ka auhau i kauia malalo o ka mana o keia Kanawai e like no me he mea la ua hooholoia maloko olaila.

            Pauku 10.  E hoolako aku no ke Kuhina Waiwai i na Luna Helu i na buke kupono, na pai-hakahaka, na palapala hookaa a me na lako palapala e ae.

            Pauku 11.  E mana keia Kanawai mai kona la e hoolahaia ai.

            Aponoia i keia la 12 o Iune M.H. 1896.

 

SANDORD B DOLE,

Peresidena o ka Repubalika o Hawaii