Ka Nupepa Kuokoa, Volume XXXV, Number 29, 17 July 1896 — Page 1
| This text was transcribed by: | Asia |
| This work is dedicated to: | Awaiaulu |
Ka Napped Kuokoa
KE KILOHANA POOKELA NO KA LAHUI HAWAII.
BUKE XXXV. HELU 29. HONOLULU. POALIMA, IULAI 17, 1896. NA HELU AI’AU 2607
Hoolaha @
W.R. KAKELA,
@ he Kokua ma ke Kanawai. He LUNA @ PALAPALA. @
Hoolaha @
Allen & Robinson.
@ KUAI PAPA O NA ANO APAU @ no ma ka @ PAKAKA, Hono @ kumukuai makepono loa, no ka @ @ @ e makemake ana e @ E kipa mai a e ike kumaka. @
@&Co., (WAILA MA.
@ Kuai Papa a me na Lako @ @ na ano a pau, a me na mea e ae a pau e pono ai o ka hale.
@ Alanni Moiwahine me Papa.
396-@
PAPA! PAPA
AIA MA KAHI O
Lewers & Cooke
(LUI MA)
Ma ke Kahua hema o Alanui Papu
me Moi.
E LOAANO NA
PAPA NOUAIK@
O Kela a me keia ano
Na Pani Puka, na Puka Amani,
na Olepelepe, na Pou, na O’a,
na Papa Hele, na Papu Ku,
me na Papa M@e he nui lo
NV Pili Hale O NA ANO A PA@
@@@
WA@ HOOHINUHINU NAN
o na @ a @ loa.
Na Balaki o na Ano he Nui Wa@
Ke hai ia aku nei oukou e @
@ @ pau, @ makaukai
@ @ makamaka o oukou
Hoolawa aku ma na mea a pau
@ ma ka laua oihana no ka
Uku Haahaa Loa,
@ @ me ka mea e holo ana @
O Lana a me @ Mea Ku@
Hele Mai e Wae no Oukou iho
@@
KA HUAKAI HELE AHIKANANAIKA WELAUAKAU.
Profesa Andree a me kona Baluna lele I ka lewa.
No ka pomaikai o ka poe heluhelu o ka nupepa kuokoa, ke “kilohana Pookela no ka Lahui Hawaii,” ke hoopuka alu nei makou i kau wahi moolelo e pili ana ika huakai hele kaulana loa a Prof. Andree e upu nei e hoea aku i ka welau akau, kahi a na poe huli honua e hooikaika nei e loaa, mai kela man la okikilo loa aku nei i hala.
E ikeia ana, oke kii mua malalo iho nei o ia ke kulana i kohoia no kahi e loaa ai ka welau akau ponoi.
KA PALAPALA AINA O KE ALAHELE A KA BALUNA
WELAU AKAU.
O ka honua aiai pu, o loko o keia kii, oia kahi o ka welau akau i uhi paa ia e ka hau; a o na wahi hauliuli, oia na hoikena no na aina, elike me Amerika Akau, Asia, Aina Omaomao, a pela aku. O ke kaha kikiko eleele e moe la mai Spitzbergen a i Asia, oia ke alahele o ka baluna i manaoia ai e nee aku. O kahi kaha kea x me na pohakaeleele e pili ana ma ia wahi, oia ka welau akau ponoi i manaoia ai.
Ua hoike ae o Julian Ralph maloko o ka nupepa Examiner o Kapalakiko i kekahi mau mea e pili ana i keia baluna kaulana e oni aku ana no ka welau akau.
He baluna kamahao keia. wahi ana, a maluna ona e mouoia ai na manaolana aiwaiwa ame na ola makamae o na poe poai lewa e nee ana no ka akau. O ka moku poai lewa lua ole i kapiliia mamua aku nei, he ole ia ke hoohalike ia ae me keia. Mamuli auanei o ka hanaia ana o keia baluna a paa, e ko ai ka iini i koiia ai na poe i mauna i ko lakou mau ola no ka hele huli ana i ka welau akau. O keia wale no ke alahele e hoea maalahi aku ai paha i ka welau akau, a he alahele nohoi ia i ike ole ia kana hoopuhili ia ana. Aka, ina nae e hololea ole ana keia hana, alaila, ua hoopuipui hou ia aku ka papainoa o na poe i alana i ko lakou mau ola no keia hana.
Aia keia baluna maloko o ke kulanakauhale o parisa. Ma kahi kokoke i na pakaua.
Eia iho ke kii o ua baluna nei:
HE ekolu poe kanakae lele ana ma keia baluna, a ua hoolakoia ua baluna la me ka ai elawa ai keia poe kanaka no na la he 120, pela pu nohoi me ka lole, na mea paahana akeakamai ame na eke-hulu hipa ekolu, i mau bela moe, no keia poe kanaka.
Eia iho ke kii o Prof. Aadree ke ka-
eaea nana e hookele aku ana i keia moku lele i ka poiuiu o ka lewa.
O keia mahina nei o Iulai i manaoia ai, ua haalele iho la ua baluna nei ia Nors Koearna, he wahi mokupuni uuku e kokoke ana i Spitzenbergen. He wahi ia e pa mau ana ke ahe lau makani mai ke kukulu hema aku nei, a nee I ka akau. Nolaila, na keia au o ka makani e lawe hele i ua baluna la no ka akau, a ua manaoia, ma ia ano e hiki aku ai ua baluna la i kahi i makemakeia. Ma keia lele ana, e hiki no i ka baluna ke kamoe loa aku a hoea i Asia, ma ka akau o Siberia. Ua manao o M. Andree, e hoea ana lakou ia wahi (Siberia) ma ka malama ae nei o Okatoba. Aka, he mau manao kohokoho wale no keia i hoouluia ae, a ke kali nui nei na poai o na kanaka akeakamai o ka honua nei, me ke pihoihoi nui no ka honua nei, me ke pihoihoi nui no ka hopena e ikeia ana ma o keia huakao la.
Ma ka wa mua loa e loaa mai ai na lono no keia huakai. E hoolaha piha aku no makou i ka moolelo, me na kii, ina he mau hoike kekahi o ia ano.
Ina o ka hoolilo ana’ku ia $100 imea e hoopaaia ai ke ola o kekahi ohana mai na umii ana mai a na ma’i o ka opu iloko o ka makahiki, alaila, e lehulehu auanei ka poe emanao ana he hana ia i kau iho maiuna o lakou, e uku aku lakou ke hoomaunauna wale aku i ko lakou mau ohana no ia huina dala. E loaa ana ikela amekeia meahoopaa ola no 25 keneta. Oia ke kumukuai no ka omole hookehi o ka LAAU HOOLA KORELA A KAMALENA. Aneane ma na wahi apau. Ua make kekahi mea mamuli o ka loohia ana i kekahi ma’i o ka opu mamua o ka loaa ana o kekahi laau, a o kekahi kauka paha. E hiki ana anei ia o é ke hoomaunauna wale i kou ola mamuli o kou ole ana e haawii keia wahi huina dala uuku loa? E kuaiia ana e na mea kuia laau lapaau o na ano apai, oia o BENSON, SMITH & CO., na Agena ma ko Hawaii Pae Aina.
EBINE LANOKA.
MOKUNA IV.
“E hana oe elike me kou manao e kuu keiki, aka e hoike moakaka aku nae oe, ua kue loa au kou makuakane i keia hana au ‘e kuu keiki!” i pane aku ai ke Cauna me ka haalele koke ana i ke kaikamahine, a hoi aku la oia noloko o kona keena kakau. Malaila, ua hoohaahaa aku oia imua o ke Akua no keia ino hou e hoea hou ae nei ma kona home, oiai o kekahi keia o na hoohilahila loa i hana ia e kona koko imua o konaalo.
Me ka noonoo maikai ole, ua hoi aku la o Viuleta ma kona keena, a malaila, ua hoomaka iho la oia, ua kupono. Penei na olelo o ua leta la:
“I ka Naita o ke Kakela Ulaula, ka oi o na koa. Aloha oe e kuu koa wiwo ole:
“No kekahi kumu, ke nonoi aku nei au kau kauwa haahaa loa, e kala mai oe ia’u. Mahope iho o kou haalele ana iho ia Utalia nei, ua halawai iho nei au me kekahi kanaka, a o ua kanaka la, oia no ka Moi o Italia nei. He oiaio aole loa au i maopopo mua iki ia mea he aloha ia mea he kane. O ke aloha o’u ia oe, ua kuhihewa au he aloha la ia, eia ka he makahehi wale no ia, a he mea pau wale. Aka o ke aloha i komo iloko o ko’u puuwai no ka Moi, he okoa loa ia mai ka haawina i loaala’u nou. Nolaila, ke nonoi aku nei au ia oe e hookuu mai ia’u mailoko mai o ka aelike hopalau i hana ia mawaena ou ame a’u. No ka mea, aole paha he mea maikai e mare ia oe me a’u me ko’u aloha ia hai. Aka ke manaolana nei au e loaa aku ana ia oe he wahine i oi aku ka maikai a kupono mamua o’u; a e mare ia oe me ia me ka hauoli. Aka, e hoomau ia no nae ko kaua launa maikai ana ma ke ano kaikunane a kaikuahine. Me ka lana o ko’u manao o ka holopono o kau huakai.
Owau iho no,
Me ka haahaa,
VISI-CAUNA VIOLETA AGASTINA.
Hale Kakela, Mauna Hoomaha.
Ia Ebine e nanea ana maloko o kona keena, ma kekahi ona hotele hanohano loa o Parisa, mahope iho o kona lanakila ana me ka haaheo maluna o na Hui Powa, ame na enemi apau o kona makuakane, a oiai iloko oia mau la, ua kaa ka hooponopono ana o ke Aupuni o Farani iloko o kona mau lima, a i kela wa, e noonoo akahele ana oia i na lala kupono o ka Aha Kuka Aupuni ana ehookohu aku ai, ua komo mai la kana wahi kauwa me kekahi leta maluna o kepa dala nani, a panee mai la imua o ke alo o ke kanaka nana e paa ana ke Aupuni o Farani me ka mana uni.
Hoomaopopo koke iho la ka Naita Opio, na Violeta keia palapala, oiai e kau ana ka hoailona alii o ke Cauna Agastina mawaho o ka wa-hi o ka palapala. Nolaila, ua kapae koke ae la oia i kana mau mea e hana ana, oia hoi i kana mau mea e hana ana, oia hoi ka papainoa o na poe kanaka koikoi o ke kulanakauhale. Ia wa, ua wehe koke ae la oia i ka wepa o ka leta me ka houpo kapalili, aka i kona homaka ana e heluhelu no kekahi mau sekona pokole, ua hoomaka koke ae la kona helelelena ui mohaha e haikea, a i ka pau ana, ua kulou iho la oia no kekahi mau minute loihi, aka i kona ea ana ae nae, ua nalohia aku la na hiohiona kaumaha mai kona helehelena aku; a ua hoomaka koke oia e hoomau ma kana hana e hana ana, me he la, aohe kekahi kaha-maha i hoea ae iwawena o kona wa e hana ana. Ua wae ae la oia he poe inoa maiwaena ae ona alii hanau o ka aina. Apela hoi ka, Aha Kuhina o ka Moi. I ka pau aua, ua houna aku la oia i kekahi’ o kana poe elele e lawe aku i ua papainoa la imua o ka Emepera.
Ia wa, homaka koke iho la oia e pane aku i ka leta a Violeta a i kona heluhelu ana, ua hoo iho la oia iloko o ka wa-hi a hoouna koke aku la no ka Hale leta. Penei kana i kakau aku ai:
Ika Visi Cauna Violete Agastina.
Aloha oe a nui loa: Ana, ua loaa mai kau palapala ia’u, aua ike hoi i na manao apau oloko. Ua noi mai nei oeia’u e kala aku au iaoe. Eia ka haina: Aohe ou hewa a’u e kala aku ai! Aole no ia’u ia mana, no ka mea he hookahi wale no mea iaia ia mana oia hoi ke keiki hiwahiwa loa a ke Akua. He mea oiaio, okou aloha ia’u ua like ia mea he mea ole ‘la, oiai, ua hoolilo oe i kuu puuwai i meapaani nau; aka, e ka Lebe, ke hoike aku nei nae au ia oe, ua piha au me ke ke aloha ia oe mai ka piko o kuu poo a ka manea oko’u mau kapuai. Ua punia hoi ko’u kino ame ko’u uhane i ke aloha nou; a ua makaukau au e waiho aku i kuu ola ma kou mau wawae i na wa a pau. Eia nae, aole loa e hiki ia’u, a aole no hoi au e ae iki ana e a-u-a aku ia oe mai kau mea i makemake ai. Ke lana nei ko’u manao, e noho aku ana no olua iloko o ka hauoli a me ke aloha oiaio, ke kakoo ikaika hoi o ka maluhia; aka, me he la nae, ke hoike mai nei kekahi mea ia’u e hahai ana ka poino a me ka pilikia ia oema keia hope aku. E noonoo oe e kuu aloha, he kanaka kela i lae ula ma ia hana a he naaupo hoi oe elike me a’unei. A he mea oiaio, e noho iho ana olua a hiki i kona wa e manaka ai ia oe, a oia kona wa e lawe hou mai ai i wahine houna i ala a noho pu me oe. E ar ana anei oe e noho pu me ka punalua?
HE mea oiaio ua hookuu au ia oe me ka laelae, a e hana elike me kou makemake. E haawi i ko’u aloha a niu i kou makuakane maikai, a e hai aku oe iaia, aia a ike no au, aole oia i makemake iki i kou manao. Ua lohe paha oe i ka lanakila i loaa ia’u ma Farani nei/ Eia ma ka poho o ko’u lima ka mana piha o keia aupuni He haawi loaa ia’u mai ke Akua mai, aole hoi ma ko’u lima iho, oiai nana ka ikaika a me kapuuwai wiwo ole i haawi mai ia’u. Enoho me ka hoopono, e ka mea a kuu uhane i aloha ai
Me ka haahaa,
EBINE LANOKA.
Mana Hooko a Hookele o ka Emepera o Farani.
Hale alii L de Faranse DuBois.
He mau la mahope mai, ua loaa aku ka leta a ka Naita opio ia Violeta. He mea e ke kaumaha o kona naau i kona wa i heluhelu iho ai i na olelo o ua leta la. Akahi no oia a hoomaopopo iho i kona hewa ame kona kuhihewa nui. Ua kuhi loa oia e huhu mai ana la ka opio, a i ole, e aua mai ana la iaia; ai ole, e hoike mai ana la i kona hoohalahala. Aka me kela mau mamalaolelo puanuanu wale no, ua hoeha loa ia kona naau. Ua ike pu iho la nohoi oia i ka naauao ame ke akea o ka manao o ka Naita opio. Nolaila, ua ulu hou ka minamina iloko o kona puuwai no ka Naita. Ua hilahila oia, a ua hopohopo pu nohoi i ka hoike ana aku i keia palapala i kona makuakane. I kekahi la ae ua ninau mai la ke Cauna iaia no kana leta, oiai ua maopopo no i ke Cauna ua loaa mai ka leta a ke kaikamahine mai ia Ebine mai, nolaila, ua ninau mai la ia ia Violeta; “heaha na mea hou o kau leta mai iaEbine mai?”
“Aohe mea hou ano nui, aka ua ae mai nei no nae oia i ka’u nonoi. Eia wale no, ua lanakila oia maluna o kona poe enemi, a aia iaia ke hookele ana o ke Aupuni o Farani i keia wa,” wahi a ua kaikamahine la.
“He makemake au e heluheluponoi i ua leta la, ekii aku oe ahaawi mai ia’u,”i nonoi aku aikamakuakane. He oiaio, he hilahilaloa o Violeta, aka aole loa ehiki iaia ke paleaeike kauoha a kona luaui, nolaila, ua kii akula oiame ke kulou ana o kona poo, ame ka puapai ana o ka ulama kona papalina. O Kahi ana i makemake ole ai e ike ia, oia no na huaolelo hope a ka opio, ma kahi ana i wanana mai ai, e komo aku ana ua kaikamahine la iloko o ka noho ana kaumaha ame ka poino o kona noonoo. He mau minute mahope mai, ua hoea mai la o Violeta me ka leta a ka Naita ma kona lima. Lalau aku la ke Cauna, a hoomaka iho la oia e heluhelu; iaia nae e heluhelu ana, ua hoea mai la ka Moi. Komo mai la oia a noho iho la ma kekahi noho e ku kokoke ana ma kekahi aoao o kahia ke Cauna e noho ana. I ka pau ana o ka heluhelu ana o ke Cauna. Ua ea ae la oia. Iluna a pane aku la i kana kaikamahine: “E kuu keiki, he mea oiaio loa e hoea io mai ana no na mea a ka. Naita e olelo mai nei; a he hookahi ka hoi mea kaumaha o oe! He pomaikai, ina e kamau ana ko’u ola a hiki ia wa, aka ina nae au e make e ana, alaila ooeka hoi ka mea aloha!”
“Heaha keia mea,” ininau ae ai ka Moi. Me ke kanalua ole, ua hoakaka koke aku la ke Cauna i na mea a pau imua o ua Moi la.
I ko ka Moi lohe ana, ua hoohiki koke aku la oia aole loa oia e lawe houmai i kahi wahine e aku a noho huikau me laua ina laua e mare ia ana. Ua olelo aku la hoi ke Cauna, he mea pono e mare koke ia laua iloko oia mau la koke no. Me ka naau kaumaha, ua hoomakaukau ia e ke Cauna na mea e pili ana no ka mare ana o kana kaikamahine me ka Moi. Ua kono ia na alii hanau a pau o Italia ame ko Auseturia-Hangeri e akoakoa mai no ka ahaaina mare o na alii. Ma ka hoomaopopo ana mai o na makaainana ame na poe e ae, ua maikai, a kupono loa keia mare ia ana; aka ma ka noonoo nae o ke Cauna, aole loa he maikai. I ka hoea ana mai o ka la e mare ai o na alii, ua japai iana hana me ka nani ame ka hanohano; a ua hoeamai hoi na malihini o kela ame keia ano. I ka nana aku o ka uo nohea o Italia ka oi aku o ka nani ameka ui iwarna o na wahine a pau, a ua like a like no hoi ka Moi. Oia no paha ka oi iwaena o na kane. I ka wa nae e hoonanea ana ke anaina, ua kamailio nui ae na malihini no na hana koa a wiwo ole a ka Naita o ke Kakela Ulaula, ame ka hoopuka ana aeo ke keiki alii o Hangari, o ua Naita la o ke Kakela Ulaula ka oi o ke kanaka ui loa ma ke ao nei, a wahi ana i olelo ae ai: “O ka Naita o ke Kakela Ulaula ka oi o ke kanaka ui o ke ao nei, he ui ma ka nanaina, a he ui ma kona puuwai! Ina he kaikuahine ko’u, hooikaika koke au e mare ia me ia!”
I kalohe ana o Violeta i kela mau olelo a ua keiki alii la, ua puapuai koke ae la ka ula ohelohelo ma kona mau papalina, e hoike ana aole oia i lealea i kela mau olelo. Eia nae, ua hoomaopopo koke kela keiki alii i kela ano o ka Moiwahine opio, a oia kana i ha@ anahawana koke aku ai i ka Moiwahine opio, Viioleta. “He oiaio anei ka’u e ike nei, ua eha kou puuwai no kela mau olelo a’u?”
‘Aole, he ano hikilele ko’u i ko’u lohe ana aku nei i ka inoa o ka Naita o keKakela Ulaula, no ka mea, ua kamaainaau iaia i kona wa i hele mai ai ia nei nei,, a hoopio ai oia i ka Hui Powa o Romanei,” wahi a Violeta.
“Aole anei oe i huhu ia’u i ka hoopuka ana ae nei no ka mareia o ka Naita opio me ona wahine?” wahi a ua keiki alii la i ninau aku ai.
He Hoomaikai i ka Luna Senate
H.P. Baldwin
Omakou o ka ohana i hoonele ia mai i ka makua ole, ma ka lawe ia ana aku o E. Helekunihi ma kela aoao ma o. A ma kau mau kokua uni hiwahiwa lua ole, e hiki ole ai ke hoopoina ia, i na la o ko makou ola ana, kou hoolako ana mai i ka mea mai me na mea ai, ke kauka me ka uku ana i kona lilo, kapahu kupapau nani, me kona kumukuai, na kanaka eli lua, ke kaa lio, ka pine e hoopuni ana i ka “he” o ka mea i make ame ka lawe ana i na lilo apau o ka ukana mai Wailuku, a Haiku, ka haawi ana i ka home ma Haiku no ka ohana, ka hookomo ana i kekahi o na keiki a ka mea i make i ke kula o Maunaolu. Ke noi ae nei makou i ke Akua e hooloihi ia na la o ke Senate H.P. Baldwin a kanikoo.
O makou no,
OHANA O KA MEA I MAKE.
J. P. Haulani,
Hamakupoko. June 25, 1896.
Na Mea Hou o Kona Akau.
Ma Keauhou. Iulai 2 hora 7 p.m. ua hoohuiia ma ka berita mare e Rev. C. A. Lazaro o Punahoa (k) me kekahi hapa Pukiki.
Ma Kailua, ma ia la no, hora 9 p.m., ua hoohuiia e Rev. C. A. Lazaro o Apa Pake, halekuai me Mrs. Nahuina.
A ma ka la 4 mai, ua malamaia he papaaina i luluu i na ono like ole a ka puu e hooiho aku ai. He elue hale i hoomakaukau ia no ka paina. Ua nui no na hoaloha i hui pu mai me laua a hawele-lua iho la i na mea i hoolako ia e ia mau puuwai hamama, no ka hanohano o ko laua la i hipuu polena ia ai a paa, i ole e makili hou ae.
Malaila ae kou mea kakau, ke kahunapule nana i mare ame S.B. Kaomea. A ma kekahi hale aku hoi, ke Kapena o “Malulani,” ka Hope Makai, Loio Malulani, Mrs. A. Thomas Aiu, ame Mrs. Kapoli Kaiua.
Ua ai a lawa, a “ko’u ka puu i ka wai a ka naulu,” akoe aku no.
O ka’u wale no e kalokalo ae nei, e uhai ia na la o ka noho mare ana me ka pumehana o ke aloha ame na haawina o ka pomaikai.
Iulai 8, noho ka Aha Apana Hookolokolo o Kona Akau, a nana i ka hoopii koi poho a John D. Paris ia J.W. Keliikoa, (ka Luna nui o na Keauhou ame Kahaluu), no ka hoopaa io iano na bipi iloko o kaPa Aupuni e J.W. Keliikoa ame kana mau paniolo, ma ke ano komo hewa i na aina hui o Keauhou 1&2. O ke koi a ka mea hoopii, he $300; ua hoopanee ka Aha i kana olelo hooholo a ma ka la 10, alaila, hoopuka mai, ia la e ike ia ai ka aoao I pono ame ka aoao I hewa. Aka, ke haili e nei i ka mea kakau, e loaa ana ka pono i ka mea hoopii.
Nui ka wela o ka ia ma na kapa kahakai o Kona i keia mahina, aka, mauka aku o kaamau a ma na kualono, e haule mau ana na paka-ua eloelo o Kulanihakoi. Ke uwe nei na kupa noho kahakai i ka loihi o kahi e kii ai o ka wai, a uwe pu hoi me ka poe mea hanai bipiika pau mai i kamake, i kau a mea o ka maloo mai o ke kula aohe ulu mauu mai.
Aohe o makou Kauka Aupuni, ua hoi aku nei i Honolulu. I pono iki makou i ke Kauka Iapana.
Ua hala! Ua kuu ka luhi o Mr. James Robinson ma Pahoehoe ae nei, Kona Akau i ka hora 12:5 o ke awakea o ka la 30 o Iune, ma kona home noho. Ua waiho iho oia mahope nei he wahine mare, he mau kaikuahine a nui, a he mau hoaloha a lehulehu wale, i hele aku e ike i kona kino wailua, a hoi aku la ka lepo i ka lepo, a hoi ka uhane i ka mea nana i haawi mai.
Pela i ko ai Kana olelo: “No ka lepo no oe, a ehoi aku nooe ilaila.”
Me ka mahalo,
D. A. NAMAIELUA
Kona Akau, Hawaii, July 9, 1806.
He mea pono i keia ame keia ohana ke loaa ona laau lapaau mama no na ma’i o ka opu. I laau lapaau puhili ole no ka “Moku ino loa o lepo” (Diarhea) Nahu, Umii, Kolera ame na ma’i apau o ka opu, aole he laau lapaau oi aku o ka maikai, elike me ka PERRY DAVIS LAAU PENIKILA (Pain Killer). Ua lawelaweia keia laau no na makahiki he kanalima, a ke hana mau ia nei i kela ame keia la, ma na aina apau o ka honua nei. O ka Hui Kuai Laau Lapaau o Holister, ka Agena.