Ka Nupepa Kuokoa, Volume XXXV, Number 28, 10 July 1896 — Page 7
| This text was transcribed by: | Kainani Hartnett |
| This work is dedicated to: | Kumu Mark |
Ka Nupepa Kuokoa
KE KILOHANA POOKELA NO KA LAHUI HAWAII.
KA HUI ALAHAO ME AINA O OAHU
MANAWA HOLO.
@ai a Mahope aku o Iulai 5,1895
@
----------
NU HOU HAWAII
----------
He hale keaka Iapana ko Hilo.
-----------
@ hookohuia ae nei o A. Wenner, @ kahi o A. Montano, i haalele aku @ hana o ke Keena Ohi Auhau.
-----------
O ka helu elua keia o ka eono ma@ o keia hapa makahiki e nee nei. Pehea la@ ua kaa anei kau uku pepa?
----------
Ma lilo ae nei o Tom Walker ame @ Sinclair i mau hoa no ka Puali @ o keia au o ka Repubalika o Hawaii.
-----------
Ke upuia aku nei e ku mai ana ka @kuahi Kina, mai Kina mai, a holo @ aku no Kapalakiko, ma keia Poakahi ae.
-----------
He moolelo Hawaii Kumuhonua ka makou e hoolaha aku ana ma keia mua koke iho. He pomaikai keia no ka hanauna hou.
---------
Ma ka la inehinei (Poaha) i hoike @ ke Kulanui o Iolani. Ma ka hora 2 auina la, ka hoomaka ana o na hana hooikaika kino.
--------
Ua manaoia ke huli hoi mai nei o Kuhina Kamika ame Kauka Wood maluna mai o ka mokuahi Kina e ku mai ana i keia Poakahi ae.
---------
Ma kekahi itamu i laha ae ma kekahi o na nupepa namu o kakou nei, ua ikeia he Kuhina Oihana Hoonaauao o Kuhina Cooper o ko na Aina E.
--------
Ua olelo ae kekahi poe akeakamai, o ka loa o ke alahele e kaaheleia nei @ ka honua ma kona alahele i kela ame keia makahiki he 569,680,703.
---------
He hookuku kipu ke ulele ia ana e ua poe wae o loko o na pualikoa Aupuni ame ka puali kipu pololei ma keia Poaono iho.
-------
Ma na lono i loaa mai ia makou, ke pahola mai nei ka Makua Haida mai kona, onawaliwali mai i lulumi iho nei iaia i keia mau la.
--------
Ua hala aku la o Lunakanawai De La Vergne o ka Aha Apana o Honolulu nei no Kapalakiko, ma ka mokuahi Doric o ka Poakahi nei.
--------
Ua loaa i kahi kaa uuku iki e huki ia ana e na wahi kao liilii keokeo maloko o ka huakai hookahakaha o ka la 4 aku nei, he makana o $7.50.
---------
Ke hoomaemaeia nei ke alanui Nuuanu ae nei i keia mau la. Eia makai aku nei, ma Kaopuoua e hoomakaia aku nei ka hana ana. Pehea iho la ka hoi ke alanui Kuakini?
--------
Ua hauoli makou i ka hoike ana aku, ua oluolu loa ae nei ko makou makamaka maikai, Mr. Charles Wilcox, Kakauolelo o ka Papa Ola, a Peresidena hoi o ka Hui Opio Hawaii.
---------
Ua puka mai nei, mai ke Kula Kanawai mai o ke Kula Nui Kiekie o Nuloka, o Miss Marian S. Hosmer, he kaikuahine no Peresidena Hosmer o ke Kula Nui o Punahou.
--------
Ua laulaha ae ka lono, e haalele iho ana ka mokukaua "Zaragoza" o Mekiko, ame ka mokukaua "Saida" o Auseturia ia Honolulu nei, ma keia Poaono iho, a holo aku no Iokohama.
---------
Ua waiho ae nei o Kapena McCauley o ka waapa pailata i heihei ai ma ka la 4 iho nei, i kana hoohalahala no ka olelo hooholo a na lunakanawai heihei waapa o ia la, imua o ka Hui Heihei o Honolulu nei.
---------
Ma ka hora 4 o ka auina la o ka Poaha nei i homoe ia ai ka pohaku kihi o ka Luakini Pukiki e kukulula nei ma ke kihi o na alanui Miller me Puowaina. E hiki ana paha na lilo o keia luakini i ka $7,000.
-----------
Ma ke ku ana mai o ka mokuahi Doric mai Kina mai ame Iapana, ma ka la Sabati nei. I hoea mai ai no Honolulu nei kekahi kanaka kalaiaina kaulana loa o Iapana, nona ka inoa o Kauna Matsu, he Kuhina mua oia no ko na Aina e, ma Iapana. Ua hoea pu mai oia me kana wahine. O Goro Narito, kekahi luna Aupuni Iapana maanei mamua, kekahi i hoea pu mai, a he kakauolelo oia na ke Kauna.
------------
Ma ka la Sabati nei, ua haawi ae o Adimarala Monasterio o ka mokukaua Mekiko “Zaragoza” he anaina hookipa maluna o kona mokukaua. Malaila ae ka hana puhi ohe o ka mokukaua Auseturia “Zaida” kahi i hoonanea ai.
------------
Ua haawi ae o Kale Luka he ahaaina o na mea ai Hawaii ma Niu, ma ka la Po-Kiulai aku nei, a mawaena o na poe i hoea no laila e hoonuu ai i na momona i hoomakaukauia no ia la o ra ‘liikoa o ka mokukaua Mekiko kekahi.
-----------
Ma ke ahiahi Poalua nei i haawi ae ai na ‘lii moku o ka manuwa Auseturia “Zaida” he anaina hulahula me ka paina momona, maluna o ua mokukaua la, no ko uka nei poe puukani. Ua milo ia a ua uo ia a paa ke aloha Hawaii. Hawaii no ka oi.
-----------
Ke manao ia nei, e hoolilo aku ana ke keiki lalawai o Waimea, Hawaii, Mr. Samuela Parker, i kona mau aina o Hawaii, i hiki aku na eka i ka 2,000 eka, ma ka hoolimalima ana i ka poe makemake aina, no ke kanu kope a ano e ae paha.
-----------
Ua olelo ia he 31,625,625 mile, kuea ka ili apau o ka honua; a he 23,814,121 oia mau mile kuea i paa i ka wai a he 7,811,504 mile i paa i ka aina. He aneane 7-10 o ka ili o ka honua nei i paa i ka wai. Ehia tona ko ka honua kaumaha?
----------
He mea pono i na makamaka ke hoomahui wale ae ma ka halekuai lole o H. W. Schmidt & Sons, e ku nei ma Alanui Moi, ma ka hale pohaku o Von Holt, pili pu me ka halekuai o W. W. Dimond. He kuai hoemi ko laila. Pela ka nuhou i loaa mai nei ia makou.
---------
Ua lohe mai makou e holo aku ana o Mr. Aberehama Fernandez na Kapalakiko ma ka la 24 o keia mahina. He elua paha ona mahina e kaawale aku ai, alaila, hoi hou mai ia no ka home nei. E hoopomaikai ia no kau huakai imi loaa.
--------
Ma ka halawai ana a ke Komite haawi makana o na hana hoikeike o ka la 4 iho nei, ma ka Poakahi iho nei ua hooholo lakou e loaa kekehi makana ia W. W. Daimana, ka mea nana na wahi kuke paele e hana mea ono ana, ma ka wa kai huakai, iluna o na kapuahi hao Jewel.
---------
E makaala loa e na makamaka i na dala Hawaii ame Amerika e laulaha mai nei i keia wa, mawaena o kakou. Ina e loaa ke dala o ia ano ma kou lima he mea pono ke hoao i kona kani ana ma ke kiola ana iho i lalo. Ina e o maikai ana, alaila, he dala palekana ia. E makaala loa.
---------
Ma ka Poakahi nei, i ka wa i holo aku ai ke Kuhina o ko na Aina E, noluna o ka mokukaua Auseturia “Saida” ua ike ia aku la ka naholo ana ae o na luina o ua mokukaua la, a hoohiwahiwa aloha ae la ma na i-a o ka moku, ma ke ku lalani ana. Aole hoi o na kipu aloha ana, he mea mau ia.
----------
Ua loaa mai nei ka lono ia nei ua make o Rev. E. P. Baker i noho ai i Hilo mamua, mamuli o ka hiki ole ana iaia ke paa i ka holo ana o kona kaa baisikela, oiai ia e holo ana ma kekahi ihona kupou o na mauna o Sana Cruz. Ua haule oia ilalo o kekahi kahawai maloo nona ka hohonu he 50 kapuai. Ma ka la 20 aku nei o Iune.
----------
Mawaena o na koho i loaa ae i ke Keena Kalaiaina no ke kukulu ana i hale holoi lole o iwakalua rumi ma Iwilei, ua lilo ia J. B. Connell, no ka huina o $2796. O na koho e ae:
Hui Pake, $2465; R. Howie, $2847; J. Onderkirk, $2848; F. H. Redwood, $2945; H. Defries, $2955; Sinclair & Walker, $2997; Henss, $3050; J. A. Butterfield, $3220; W. Wagner, $3250.
--------
Ma ka wa e pau ai ka moolelo makemake nui ia o Ebine Lenoka a ke Kuokoa e hoopuka nei i keia wa, alaila, e pani ia aku ana kona makalua e kekahi moolelo hou loa a ku i ka nani. Aohe ona lua i ikeia mamua aku nei. He moolelo keia no ka “Naita Liona Gula o Bohemia,” a i ole ia, ka “Naita Eleele o ke Kea Ulaula,” a o ka “Weli Hookalakupua o Geremania.”
---------
E hoea mai ana no ka Halemai Lepera o uka ae nei o Kalihi, he 10 mau keiki mai lepera mai Kalawao mai, maluna mai o ka mokuahi Mokolii i keia huli hoi ana mai. E hoao ana o Kauka Alavareza o ka Halemai Hoolulu Mai o Kalihi e lawelawe i kana kulana lapaau no ia mai maluna o keia poe keiki. Ua olelo no keia Kauka, aia no he manaolana no ka hiki e hoolaia keia mai.
---------
Ua ike iho makou maloko o ka Handi@t o Iune nei i hoopukaia e ke Kula Kamehameha, e loa no ma ia kula ke aoia ana a kupono no ka oihana kumukula, mamuli o ka noho a’o ia ana no hookahi makahiki; a malaila no ka ai an, ka moe ana apela aku. O kauku
he$43.00 no ka makahiki. E ao pu ia ana ka ike Olelo Beritania kiekie.
--------
Ua loaa ia Kawahaonalani he makana, mai ke Komite haawi makana aku o ke Kai Huakai o ka la 4 aku nei. He huina ia o $2.50 no ka nani o kona hoohiwahiwa ana i kona kaa.
O ka nui o na loaa o na Apana aina i kuai kudala ia ai ma Waikiki ae nei, ma ke alanui Kalia ame ke alanui Waikiki—ua hiki aku i ka $11,000 a oi. He aneane 34 ka nui o na apana. O ka averika kumukuai i ka nana aku no ka apana hookahi, he$300.
---------
Ua loaa ma ko Mr. Aberahama Fernandez lima mai na kanaka mai o loko o keia Pae Aina, he huina o $1504, a no kekahi wa loihi oia i paa ai i keia dala me ka hoohana ole ia, oiai aole i makaukau ke Kumukanawai ame na rula e hiki ai ke ku ka hui ma ke ano i aela e ke Kanawai. Ua hoihoi hou aku oia i ke dala a ka poe mea dala, me ke kaki ole ana ia lakou no kona luhi ame na lilo o na buke ohi dala: a ua koe wale no i kela wa ma kona lima he $101.
---------
Ua haawi ae ka Bana Hawaii he Aha Puhi Ohe hanohano ma ka po Poaha nei, maloko o ka pa o ka Hotele Hawaii, no ka pomaikai o na ‘lii o na mokukaua Mekiko ame Auseturia.
---------
He 11 ka nui o na kii Hawaii i paiia e J. J. Williams i waeia e Peresidena Dole ame ke Kuhina o ko na Aina E, i mau kii hoohiwahiwa no na pepa dala Aupuni e hoopukaia aku ana ma keia hope koke iho. He kii o na kane ame na wahine Hawaii, na hale Hawaii a pela aku.
---------
Ma ke kakahiaka poniponi o ka la 4 o Iulai nei, i hou ae ai kekahi haole manuwa o luna o ka mokukaua Adams, nona ka inoa o William J. Ring i kekahi luina oia moku hookahi no, me ke apuapu a ku ma ka opu. Ua laweia ka luina poino no ka Halemai Moiwahine, a o ka mea hoeha hoi, ke paa nei iluna o ka moku, no ke kali i kona wa e hookolokoloia ai.
----------
E ike ana na makuahine, he laau waiwai nui ka KAMALENA LAAU KUNU no ke kunu “ho” ame ke kunu kalea. E loaa koke ana ka oluolu, a he palekana ame ka maikai ka inu ana. Ua lehulehu loa na makahiki a makou i kuai aku ai i keia laau, a aole loa i ikeia kona hoopahuaia ana, ma ka hiki ole ana iaia ke haawi aku i ka hopena hololea maikai. G. W. Richards, Duquesne, Pa. E kuai ia ana e na kuai laau lapaau apau, oia o BENSON, SMITH & CO., na Agena no ko Hawaii Pae Aina
------------
NUHOU KUWAHO
------------
CUBA .
Ua hoouna mai ke Kuhina Kaua o Sepania i na dala e lawa ai ka lilo no na lako kaua o na kanaka he 40,000, malalo o ka noho Alihikaua Nui ana a Kenerala Weyler. Ua manaolana loa oia (Weyler) mamuli o ka loaa ana mai iaia o keia huina koa hou, e hiki holo lea ai iaia ke anai aku i na kipi o Cuba a koe ahailono ole. He 20,000 o keia poe koa, kana e hoouna aku ai i Pinar del Rio, no ka lele kaua kaiehu ana ia Kenerala Maceo o ka aoao kipi. A he 20,000 o lakou no ka ho @ puipui ana i ka ikaika kaua o ke Aupuni ma na oawa naele a na kipi i no@o ai.
Aia na Kenerala Sepania Monoz, Melguizo, ame Valcarcel ke hanu hele la no Kenerala Maceo o na kipi ma Pinar del Maceo. Aia malalo o Kenerala Monoz he 6 bataliona koa me 4 pu-kuni-ahi; malalo o Kenerala Melguizo he 4 bataliona koa, me 2 pu-kuni-ahi, a malalo o Kenerala Valcarcel he 2 bataliona me 2 pu-kuni-ahi.
E hoike ana kekahi lono mai Santiago, Cuba mai a i ka nupepa World o Nu Ioka, no ka nui o na lilo o Sepania ma keia kaua ma Cuba, penei: Ma Maraki, 1895, hoouna o Sepania i Cuba he $500,000; Aperila, $400,000; Mei, $1,521,000; Iune, $1,800,000; Iulai, $700,000; Augate, $1,600,000; Sepetemaba $1,400,000; i Okatoba, $700,000; Novemaba, $1,700,000; Dekemaba, $4,000,000; Ianuari, 1896, $2,000,000; Feberuari, $3,000,000—huina pau, $19,321,000.
Mai Maraki, 1895, a i Aperila 10, 1896, ua hoouna o Sepania i Cuba he 40 Kenerala, 562 Aliikoa kiekie, 4768 Kapena Koa me Lutanela, 3396 hope Lutanela, 112,560 Kopala ame na koa; 143 pu-kuni-ahi, 150,111 pu raifela; 5000 elau pu, 23,124 pahu poka kauliilii, 61,878,368 owili poka ame 72,326 kilogerama o ka pauda pu.
Ke laulaha ia ka mai “samola poki” ma Cuba. He mau mai okoa e ae no kekahi e laulaha la me ka weliweli malaila.
ANEANE LANAKILA LOA O AMERIKA
MALUNA O ENELANI MA
KA NINAU AHA UWAO NO
KA NINAU O
VENEZUELA .
Ua olelo ae ka nupepa St. James Gazette o Ladana, Iune 24, ua aelike o Beretania Nui ame Amerika Huiia e hoopuka like laua iloko o elua pule mai keia wa aku i na palapala pili
Aha Kuka Uwao i panaiia mawaena o na Aupuni elua. Ua hookaulua ia ka hoolahaia ana aku o keia mau palapala aia a loaa mai ka palapala hope loa a Kuhina Olney, i haawiia ai ia Sir Julian Pauceforte, ko Enelani Emabasedoa ma Wasinetona. Aole nae i hoea aku na aoao elua i ka pahu hopu o na mea i aelikeia e na Aupuni elua, aka nae, ua lawa na mea i hoomakaukauia no ka hoea ana aku o na aoao elua ma ka hana ana i kekahi kuikahi e aelike e ku he Aha Uwao mawaena o na Aupuni elua no ka ninau o Venezuela.
Ua hoike ae ka mea kakau o ka nupepa Herald ma Wasinetona, ma ka wa e huli hoi mai ai o Kuhina Olney a hoea i ke Keena Kuhina, e loaa ana iaia mai a Julian Pauncefort mai, ko Beritania Nui Emebasedoa, he noi mai ke Aupuni mai o Beritania, e hoohana ae oia i kana mau hana kokua ma Venezuela, i mea e hookuu ia mai ai ke ana aina “lei-alii,” oia o Mr. Harrison, ka mea i lonoia, ua hopu ia oia e na makai o Venezuela, oiai oia e hana ana i ke alanui e hoohui ai i na muliwai Barima ame Cuyuni, ma ke kalana aina e hoopaapaaia nei i keia wa, maloko o Guiana. O keia hana a Beretania Nui, ua manao wale ia, he keehina ia no ka holomua, o ka hoea ana aku o na Aupuni elua ma ke hooholo ana e kukulu Aha Uwao no ka ninau o Venezuela. Ua olelo ke Aupuni Beretania, aole i loaa ka mana i ka puali ana aina e hele a kaa aku mawaho o ke kalana aina e nohoia ana e na kanaka Pelekane wale no, iloko o na makahiki he umi i hala ae nei. Aole nae he lono pili Aupuni i hoea ae ma ke Keena Kuhina o Venezuela, no ka hopuia ana o Harrison. Ua hauoli na poe Venezuela, no ka lohe ia ana e nonoi ae ana o Enelani i ke Kuhina Olney no keia mea, he hoike ia ua lilo keia keehina hana i mea ano nui loa. Ua kau ia ke koikoi apau o keia hewa maluna o na keehina hana kuwaho a Joseph Chamberlain. Ua olelo ka poe Venezuela, ma ka la 19 o Dekemaba, 1894, ua hoopii lakou ia Kuhina Gresham, no keia alanui hookahi no a Harrison e hana nei, me ka hoike ana, he hana wale no keia e hoalaia mai ai ka paio mawaena o na Aupuni elua, nolaila, ua haule wale ia hana ana. Ua haalele ia ka hana ana o ua alanui
la a hoea mai i keia makahiki aku nei, akahi no a hoala hou ia. Ua hoouna mai la ke Kuhina o na Panalaau o Enelani i ke kauoha i Beretania Guiana e hana ia ke alanui Barima.
E hoike ana hoi kahi lohe mai Georgetown (Guiana Beretania) ae, ua ano akakuu a lana maikai ka manao o ko laila poe, no ka mea e pili ana i ka hopuia ana o Harrison, ua manao lakou, aole oia i hopuia malalo o na kauoha mai ke kapitala mai o Venezuela, oia hoi, o Caracas, aka, mamuli wale iho no o ka manao hoka’e wale a kekahi poe Venezuela ma Acarabisi, kahi e hana alanui ia ana. O keia ka manao o ke Aupuni panalaau o Guiana Beretania, a ua hoike aku la ma ka uwea telegarapa i ke Aupuni makua elike me ia.
ENELANI MA AFERIKA
Ua hoauhee ia aku e na koa Pelekane ma ka la 24 o Iune na poe paele hoala kipi, a o ka poino o na enemi ua hiki aku i ka 2000.
Ua loaa mai na lono mai Lae Taona mai, ua hoomaha nui loa ia ka pioloke ma Salisbure mamuli o ka hoea ana aku o na kokua Aupuni ilaila, he pualikoa, me 1 pu nui a Makimo, na pu raifela ame na lako poka.
E hoike ana nohoi he lono mai Salisbure mai, penei: Ua ala mai na paele apau o ka aina e hoopuni ana ia wahi no ke kipi ana a nolaila, ua ake nui loa ia ka hoea ana aku o na koa Aupuni no ia wahi. He nui na wahi mawaho aku o ke kulanakauhale i paa ole i ke kiai ia. O na wahi hoolulu keia, ma ke alanui mai Umalti mai a Salisbure, ua lele kaua ia ae la e ka poe kipi, a ua hao ia kekahi hale kuai, a he 6 poe o ua hale kuai la i make oiai lakou e paio ana. He nui na kanaka ma ke alanui i pepehi wale ia. Ua hopohopo loa ia, ualilo pio aku la i na poe kipi he 50,000 owili poka o ka pu Maretini.
E hoike ana kekahi lono mai Papu Chester mai, ua puni loa ia wahi i ke kiai ia e na poe kipi, a ua luku ia e ia poe na paele hanai pipi. A ua lawe pio ia e lakou na pipi a keia poe i pau iho la i ka make. Nui ka pioloke i ikeia mawaena o na kanaka o Lae Taona. E hoike ana hoi ka nupepa Daily Telegraph, he lono mai Peretoria mai, ua lauahea ae ka lono ua lele kaua ia aku kahi kauhale o Salisbure e na paele kipi, a ua lilo pio ua wahi kauhale la. He aneane 50 ka nui o na kanaka i pepehi mainoino ia.
NA HANA HOOMAINOINO MA AREMANIA.
E hoike ana kekahi lono mai Konekakinopela mai, ua poha ae la he haunaele weliweli maVan, ma ka Poakahi. Nui na kanaka Aremania i pau i ka pepehiia, a he nui loa o lakou i holo aku ai ma kahi o ke Kanikela Beritania. Ua koho wale ia, he aneane 400 ka nui o na poe i make, ma na aoao a i elua, ma ke haunaele ana iloko o ka pule i hala ame ka Poakahi nei. Ua manaoia, na na Mana Tureke no keia hana i paipai. Ua hoolimalimaia kekahi poe e lakou no ka hoala ana i keia haunaele. Mamuli o ka lakou hana hoohaunaele ana i ka poe Aremania, e lilo ai ia i umamalu e hiki ai ke luku mainoino ia na Karistiano.
MAKE KE AKUA KANAKA O NA AFERIKA
E hoike ana kekahi lono mai Peretoria mai, Aferika, ma Ladana, ua looa ia Burnham, ke kiu Amerika, maloko o kekahi ana ma na pae puu o Matoppo, ke Akua kaulana loa o ka lahui Matabele, oia o Mlimo, ka mea nana i paipai a i kenakena i ka lahui Matabele e kaua. Ua hoao ikaika ua kiu la e hopu ola i ua Akua kanaka nei o Aferika, aole nae hiki, nolaila, mamuli o keia make ana o ke Akua o ua poe la, e paluhe ai ka manao o na kanaka o Matabele, a he kumu ia e pau ai ka haunaele kipi.
Ke hanaia mai nei i keia wa, he wati pakeke, e hiki ana ke hai mai iloko o kou pepeiao i kela ame keia wa, i ka wa au i makemake ai, ina i ka po a i ke ao paha, mamuli o kou kaomi ana iho i ke ki o ua wati la. Aia iloko o ka wati, he mea paahana o ke ano o ka pu olelo ponogarapa. Ma kou wa e kaomi iho ai i ke ki, e o ae no ka leo o ua pu olelo la, ma ka hai ana ae ia oe i ka manawa au i makemke ai.
------------
Ka Holomua o ka Hoohuihui Houluulu Dala ana.
------------
Ua ikeia ka holomua kamahao o na ahahui hoiliili dala ma Enelani, ma ka wa i malamaia mai ka Ahaolelo Nui Helu Iwakalua-kumamawalu o ia mau ahahui ma Woolwich. Ma ka haiolelo ana a ka Erela o Winchilsea, ua hoike ia ae, ma ka makahiki 1865, aia he 850 poe ahahui, me na lala he 150,000, a o ko lakou kumuwaiwai he L1,000,000, ua like ia me $5,000,000; aka, ma ka makahiki 1895, ua pii mahuahua ae ka nui o na ahahui i ka 1,750, me na lala o 1,000,000, a o ko lakou kumuwaiwai he L16,000,000, oia hoi, he $80,000,000. Ua like me $80 a ka mea hookahi o keia poe he 1,000,000 iloko o na dala he 80,000,000. Ina he 20,000 kanaka Hawaii e haawi ana i $1 a ka mea hookahi i ka malama hookahi iloko o kekahi waihona houluulu kupono, ua maopopo e loaa ana ia lakou he $20,000 i ka mahina hookahi; i ka piha ana o ka makahiki hookahi o ka nee haule ole ana ma ia ano, ua loaa ia lakou he $240,000; a iloko o 5 makahiki, e loaa ana ia lakou he $1,200,000. Aole anei keia he kumuhana waiwai nui i kupono ke noonooia e na Hawaii ake hooholomua ia Hawaii iho?
-----------
Hoolaha Mana Hookolokolo.
-----------
ILOKO O KA AHA KAAPUNI APANA
Hookolokolo Ekahi o ko Hawaii Pae Aina. Ma ke Keena. Ma ka Hooponopono Waiwai. Ma ka hana o ka Waiwai o WILLIAM R. PARKER o Honolulu, i make ka@.
No ka mea, n@ mai o Rose Parker ka wahi@ kanemake, he palapala noi no ka Hookohu Lunahooponopono Waiwai no ka waiwai i oi-loia a e @ aia aku ia palapala iaia, nolaila, @, keia, ke hoolahaia aku nei i ka @ i kuleana ma na waiwai la, o ka POALIMA. IULAI 31. 1896. ma Aliiolani Hale, Honolulu, hora 10 o ke kakahiaka, oia kahi ame ka manawa o hele mai ai lakou, a e hoike mai i ua komo ina he @ ka lakou e @ ole ia ai ke @.
Honolulu, H. I. Iulai 1. 1896.
P D. KELLETT Jr.
Kakauolelo.
@
AHA KAAPUNI APANA HOOKO OKOLO Elua o ko Hawaii Pae Aina. Ma ke Keena. Ma ka Hooponopono Waiwai. Ma ka hana o ka Waiwai o KAHALEPUNA @ o Kalaupapa, Molokai i make kauoha ole. Imua o Lunakanawai Kal@. He @ ka hoolaha i ke noi e Hooponopono.
Ma ka heluhelu ame ka waihoia ana mai o ke noi a S. W. Kaai @, e olelo @ make kauoha ole o Kahalepuna o Kalaupapa, Molokai, ma Ka@papa i @, ma ka @ Feberuari, A D @, me ka waiho ana iho @ Hawaii Pae Aina he waiwai i kupono i ka @ ponoponoia, a e nonoi ana e hoopukaia na Palapala Lunahooponopono Waiwai ia 8. W. K@
Ua kanohaia o ka POALIMA, ia 17 o IULAI. A. D @ hora 10 a.m. ka wa e hoolo@ ai @noi ia ma ke Keena Hookolokolo o keia Aha, ma Wailuku, Maui, a ma ia manawa a ma ia wahi e hele mai ai na poe apau i kuleana ma ia hana a hoike mai i kumu ina he kumu kekahi no ke aha la @ ole ia ai ke noi.
H@, Wailuku, Maui. H.J. Iune 13, 1896.
Ma ke kauoha a ka Aha:
G ARMSTRONG.
Kakauolelo o ka Aha Kaapuni.
@
-------------
ILOKO O KA AHA KAAPUNI, APANA HOOkolokolo Ekahi o ko Hawaii Pae Aina. WILHELMINA VOGEL kue ia HANS BRODER ANTON VOGEL.
Ka Repubalika o Hawaii. I ka Ilamuku o ke Aupuni, a i ole, i Kona Hope: Me ka mahalo.
Ke kauohaia aku nei oe e kii ia Hans Broder Anton Vogel, mea hoopiiia, ina e waiho mai ana oia i kana pane i kakauia iloko o na la he iwakalua mahope iho o ka hookoia ana o keia, e hele mai imua o ka Aha Kaapuni i hoikeia ae nei ma ke Kau o Mei o ua AHA ia, e malamaia ana ma Honolulu, Mokupuni o Oahu, ma ka POAKAHI la 4 o MEI ae nei, ma ka hora 10 kakahiaka, e hoike mai hoi i ke kumu e ae ole ia ai ke koi a ai ke koi a Wilhelmina Vogel, ka mea hoopii, e like me ka mea i hoakakaia iloko o kana palapala hoopii i pakuiia me keia @ e hoihoi mai i ka palapala kii me ka hoike piha o kau mau hana no ia mea.
Ikea ka Mea Hanohano A. W. Carter,
Lunakanawai Ekahi o ka AHA Kaapuni Apana Hookolokolo Ekahi.
Honolulu, Oahu, i keia la 13 o Mei, 1896
Sila (Inoa) GEORGE LUCAS
Kakauolelo.
--------------
Ke hoike aku nei au o ka mea maluna ae he kope oiaio ia o ka Palapala Kii ma ia hihia, a ua kauoha ua Aha la e hoolahaia ia mea a e hoopaneeia ka hihia a ke Kau o Aug@ e hiki mai ana o keia Aha.
P. D. KELLET, Jr.,
HONOLULU, IUNE 1, 1896.
2601-6
-------------
AHA KAAPUNI. APANA HOOKOlokolo Elima o ko Hawaii Pae Aina. Ma ka Hooponopono Waiwai. Ma ke Keena. Ma ka hana o ka waiwai o Mahoe (w) o Koloa, Kauai. Imua o Lunakanawai Hardy, Kauoha Hoolaha no ke Noi e Aeia ka Hoike Helu Waiwai hope a e hookuuia na waiwai o ka mea i make.
Ma ka heluhelu ame ka waihoia ana mai o ke Noi ame na Hoike Helu Waiwai a J. K. Farley, Lunahooponopono Waiwai o ka waiwai i oleloia ae la, e nonoi ana e aeia ka huina o $28.50 a e auhau ana iaia iho no $41.00, me ke noi ana mai e nanaia a e aponoia, a e hoopukaia ona kauoha hope no ka mahelehele ana i ka waiwai e waiho nei ma kona lima i ka poe apau i kuleana ma ia mea, a e hookuu ana iaia ame kona mau hope mailoko aku o ka oihana lunahooponopono waiwai.
Ua kauohaia o ka POAKAHI, la 27 o Iulai, A.D. 1896, ma ka hora 10 a. m., imua o ka Lunakanawai o ua Aha la, ma ke Keena Hookolokolo o ua Aha la ma Lihue, Mokupuni o Kauai, oia kahi ame ka manawa i kohoia no ka hoolohe ana i ua Noi la ame na Hoike Helu Waiwai, a ma ia wa a malaila hoi e hele ae ai na poe apau i kuleana ma ia waiwai a hoike ae i na kumu, ina he mau kumu kekahi, no keaha la e ae ole ia ai ia noi, a e hiki nohoi ke waiho mai i no olelo hoike no ka pae i kuleana i ua waiwai la. A e hoolahaia keia kauoha ma ka olelo Hawaii iloko o ke “Kuokoa.” he nupepa i paiia a i hoolahaia ma Honolulu, no ekolu pule ka’i-like, a o ka hoolaha hope ana aole ia e emi iho malalo o elua hebedoma mamua o ka manawa i hoikeia maloko o laila no ka hooloheia ana o ua Noi la.
Hanaia ma Lihue i keia la 19 o Iune, 1896.
JACOB HARDY
Lunakanawai o ka AHA Kaapuni Apana Elima. 2604-3t
-----------
ILOKO @ AHA KAAPUNI APANA HOOkolokolo Ekahi o ko Hawaii Pae Aina. LOUISA MARION TODD kue ia ALFRED ADRIAN TODD Hookaawale wahi moe.
Ka Repubalika o Hawaii. I ka Ilamuku o ke Aupuni, a i ole i Kona Hope: Me ka mahalo.
Ke kauohaia aku nei oe e kii ia Alfred Adrian Todd, mea hoopiiia, ina e waiho mai ana oia i kana pane i kakauia iloko o na la he iwakalua mahope iho o ka hookoia ana o keia, e hele mai imua o ka Aha Kaapuni i hoikeia ae nei ma ke Kau o Mei o ua Aha ia e malamaia ana ma Honolulu, Mokupuni o Oahu, ma ka POKAHI la 4 o MEI ae nei, ma ka hora 10 kakahiaka, e hoike mai hoi i ke kumu e ae ole ia ai ke koi a Louisa Marion Todd, ka mea hoopii, e like me ka mea i hoakakaia iloko o kana palapala hoopii i pakuiia me keia.
Ae hoihoi mai i ka palapala kii me ka hoike piha o kau mau hana no ia mea.
Ikea ka Mea Hanohano A. W. Carter,
Lunakanawai Ekahi o ka Aha Kaapuni Apana Hookolokolo Ekahi,
Honolulu, Oahu, i keia la 11 o Feberuari, 1896.
Sila HENRY SMITH,
Kakauolele.
-------------
Ke hoike aku nei au, o ka mea maluna ae he kope oiaio ia o ka palapala kii ma ia hihia, a ua kauoha ua Aha la e hoolahaia ia mea a e hoopaneeia ka hihia a ke Kau o Augate e hiki mai ana o keia Aha.
GEORGE LUCAS
Kakauolele
Honolulu , Iune 1, 1893. 2601-6
---------------
AHA KAAPUNI, APANA HOOKOlokolo Elima o ko Hawaii Pae Aina. Ma ka Hooponopono Waiwai. Ma ke Keena. Ma ka hana o ka waiwai o Maraea (w) o Wahiawa, Kauai, i make. Imua o Lunakanawai Hardy. Kauoha Hoolaha no ke Noi e Aeia ka Hoike Helu Waiwai hope a e hookuuia na waiwai o ka mea i make.
Ma ka heluhelu ame ka waihoia ana mai o ke Noi ame na Hoike Helu Waiwai a A. K. Mika, Lunahooponopono Waiwai o ka waiwai i oleloia ae la, e nonoi ana e aeia ka huina o $34.00 a e auhau ana iaia iho no $190.00, me ke noi ana mai e nanaia a e aponoia, a e hoopukaia ona kauoha hope no ka mahelehele ana i ka waiwai e waiho nei ma kona lima i ka poe apau i kuleana ma ia mea, a e hookuu ana iaia ame kona mau hope mailoko aku o ka oihana lunahooponopono waiwai.
Ua kauohaia o ka POAKAHI, la 27 o Iulai, A. D. 1896, ma ka hora 10 a. m., imua o ka Lunakanawai o ua Aha la, ma ke Keena Hookolokolo o na Aha la ma Lihue, Mokupuni o Kauai, o ia kahi ame ka manawa i kohoia no ka hoolohe ana i na Noi la ame na Hoike Helu Waiwai, a ma ia wa a malaila hoi e hele ae ai na poe apau i kuleana ma ia waiwai, a hoike ae i na kumu, ina he mau kumu kekahi, no keaha la e ae ole ia ai ia noi, a e hiki nohoi ke waiho mai i na olelo hoike no ka poe i kuleana i ua waiwai la. A e hoolahaia keia kauoha ma ka olelo Hawaii iloko o ke “Kuokoa,” he nupepa i paiia a i hoolahaia ma Honolulu, no ekolu pule ka’i-like, a o ka hoolaha hope ana aole
ia e emi iho malalo o elua @ mamua o ka manawa i hoikeia maloko o laila no ka hooloheia ana o ua Noi la.
Hanaia ma Lihue i keia la 19 o Iune, @.
JACOB HARDY.
Lunakanawai o ka Aha Kaapuni Apana
Elima. 2604@
-----------------
Kela ame Keia
---------------
OLELO HOOLAHA .
-------------
Ua hoo@ aku au i @ mahele kuleana apau ame na waiwai iloko o ka oihana i @ iho nei e J.T. Waterhouse i make aku nei, a @ pu me na @ i hookaa ole ia mai i @ oihana ia, i kuu poe keiki ia @ C. John ame G. T. Waterhouse @ e lawelawe aku i na oihana la, a maluna o lakou @ koikoi apau, mai keia la aku Iulai @
ELIZABETH @ WATERHOUSE.
Ka Hoolina hookahi wale no, malalo o ka Palapala Kauoha a @ J. T. Waterhouse.
@ @
----------------
OLELO HOOLAHA HUI
-----------
O ka @ no lakou na inoa malalo iho nei, e noho ana keia ame keia o lakou ma Honolulu, ma ka Mokupuni o Oahu, ka Repubalika o Hawaii, ua hoohui @ noi ia @ kahi ame kekahi, ma ka oihana o ke kuai ana mai ame ke kuai ana ku i na waiwai a i poe Kalepa Uka Komisiana no hoi, ma Honolulu, malalo o ka inoa hui o J T. Waterhouse, oia no ka oihana i lawelaweia mamua aku nei e J T Waterhouse, mua, a me kona hope o J. T. Waterhouse, elua.
Hanaia Honolulu, Iulai 1, @
FREDERICK T.P. WATERHOUSE.
ERNEST CONISTON WATERHOUSE.
JOHN WATERHOUSE.
GEORGE S. WATERHOUSE.
2606 (1 mo)
-----------------
HOOLAHA A NA LUNAHOOPONOPONO WAIWAI.
---------------
Ua hookohu pono ia na mea noua na inoa malalo iho i Lunahooponopono Waiwai
no ka Waiwai o ADDIE N. SMITH (w) o Honolulu, Oahu, i make.
Ma keia, ke hoikeia aku nei ka lohe i na mea a pau he mau koi ka lakou ma ka Moraki a Palapala e ae paha, e hoike koke mai i na mea nona na inoa malalo iho nei iloko o Eono Mahina (6) mai keia la aku, a i ole, e hoole loa ia aku mahope o ia manawa.
A o na poe a pau he mau aie ko lakou i ka mea i make, e awiwi lakou i ka hookaa koke mai ma ke Keena Loio o S. K. KA-NE, ma ke kihi o na Alanui Moi a me Betela, ma ka Hale maluna.
(Signed)
GEORGE WASHINGTON SMITH.
(Signed)
J. E. KAHOA
Na Lunahooponopono Waiwai o ka Waiwai o Addie N. Smith (w) i make.
Honolulu. June 26 th , 1896.
2605-4t
--------------
HOOLAHA A KA LUNAHOOPONOPONO .
------------
Ua hookohuia ka mea nona ka inoa malalo iho nei i Lunahooponopono Waiwai no ka waiwai o A. P. Jones, i make, ma keia ke hoolaha aku nei i ka poe apau he mau koi ka lakou i ka waiwai o ua A. P. Jones la, e waiho mai ia mau mea, me ka hooiaio pono ia me na hooia kupono, ina he mau hooia kekahi, ina ua hoopaaia ke koi ma ka moraki maluna o ka waiwai paa, imua ponoi ona, a i ole, ma ke Keena o J. A. Magoon, Alanui Kalepa, e pili la me ka Hale Leta, Honolulu, iloko o eono mahina mai keia la aku, a i ole ia, e hoole mau loa ia aku no ia mau koi.
MRS. RACHEL JONES.
Ma o kona Loio la o J. Alfred Magoon.
Honolulu, Iulai 1, 189 6. 2605-5t
---------------
HOOLAHA A KA LUNAHOOPONOPONO WAIWAI.
--------------
Ua hookohuia mai ka mea nona ka inoa malalo iho nei i Lunahooponopono Waiwai no ka waiwai o C. R. McVeigh, o Honolulu, ma ke kauoha a Hon. A. Perry, Lunkanawai Elua o ka Apana Kaapuni Ekahi, ma keia ko hoolaha ia aku nei na kanaka apau he mau koi ka lakou i ua waiwai la o waiho mai ia mau mea, me ka hooiaio pono ia, imua ona, ma kona wahi hana, Honolulu, iloko o eono mahina mai keia ia aku, a i ole ia, e hoole mau loa ia aku no ia mau koi. O ka poe i aei i ua waiwai nei, ke haiia aku nei ka lohe a kauohaia hoi e uku mai ia mau aie i ka Lunahooponopono wale no.
WALTER C. WEEDON,
Lunahooponopono, Honolulu, Iune 19, 1896.
2604-4t@
--------------
OLELO HOOLAHA.
-------------
E IKE AUANEI NA KANAKA APAU I KEIA owau o Mrs. Rose Kapu Manumanu. Ke hoike nei ma keia, ua haalelo kumu ole mai kuu kane mare ia @ oia o Kapu Manumanu no Hanawi, Puumoi, Hilo, Hawaii. No ia mea, Ua komo mai ka hopohopo iloko o’u. A ke komo, papa a hoole loa aku nei au i ka mana ole o kekahi palapala kuai a ano o @ paha i hanaia e kuu kane mare.
MRS. ROSE KAPU MANUMANU.
Puuhale, Honolulu, Oahu, June 27, @
@
--------------
Hoolaha Moraki
-------------
HOOLAHA MANAO HOOKO MORAKI A KUAI A KA MEA PAA MORAKI.
-------------
I kulike ai me na olelo o kekahi moraki i hanaia e G. B. ELAMA (k) ame KEALALAINA, kana wahine, ia John Pulaa (k), i hanaia ma ka la 28 o Mei, 1888, i kopeia ma ke Keena Kakau Kope, Oahu, ma ka Buke 110, aoao 329 me 330, he hoolahaia aku nei ma keia, ke makemake nei ka mea paa moraki e hooko i ua moraki la, no ka uhakila ana o ke kumu aelike, oia hoi, ka uku ole ia o ke kumupaa ame ka ukupanee ma ka wa e ukuia ai.
Ke hoolaha pu la aku nei hoi, mahope iho o ka hala ana o na pule ekolu mai keia la aku, e hoolahaia aku no ka aina i paa ma keia moraki ana, no ke kuai a e kuaiia aku no ma ke kuai kudala akea ma ke Keena Kudala o J@ F. Morgan. Honolulu. Oahu, ma ka Poakahi. Iulai 27, 1896, ma ka hora 12 o ke awakea o ua la.
No na mea i koe e ninau ia
J. A. MAGOON
Loio o John Pulaa, ka Mea Paa Moraki.
Honolulu Hale, Alanui Kalepa.
Hanaia Honolulu, Iulai 3, 1896.
Eia ka waiwai e kuaiia aku ana:
O kela apana aina apau e waiho ana ma Kapaakea ame Opukaala, Waikiki, Oahu,
i hoakakaia ma ka Palapala Sila Nui Helu 256@, Kuleana 1536 ia Kaneauhii, maloko o laila he eha ame 20-100 eka. 2605-4t