Ka Nupepa Kuokoa, Volume XXXV, Number 24, 12 Iune 1896 — HAAWINA KULA SABATI. [ARTICLE]

HAAWINA KULA SABATI.

11.. 12. June 21. Ka Haku i ala hou ,ai, Luka 24:36-53. AI KO lakou kamailio āna ia mau mea, ku iho la lesu iwaena konu o lakou, a olelo mai la oia ia lakou, a.'oha oukou! 37 A makau iho la lakou.me ka weliweli e manao ana he uhane ka mea a lakou i ike ai. '38 A olelo mai la oia ia lakou, No ke alia la oukou e makau ai? No ke aha la hoi e kupu ai ka haohao ana iloko o ko oukou mau naau? 39 E nana mai oukou i ko'u mau lima ame ko'u mau wawae, owau no keia, e lawelawe ia'u i maopopo ia oukou, no ka! mea, aohe io ame na iwi ko ka uhane, e like me ko'u a oukou e ike nei. 40 A i kana olelo aua pela, hoike mai la oia ia lakou i kona mau lima ame kona mau wawae. 41 A i ko lakou manaoio ole ana no ka olioli, ame ka pihoihoi ana, ninau mai la oia ia lakou, he wahi ai anei ka oukou maanei? 42 Haawi aku la hoi lakou iaia i kauwahi ia i koalaia, a i kauwahi waihona meli. , 43 Lalau iho la oia ia, a ai iho la ma ko lakou alo. j 44 Olelo mai la oia ia lakou, eia na olelo a'u i olelo aku ai ia oukou, i k.o'u noho | ana me oukou, c pono e hookoia na mea a pau i kakauia ma ke kanawai o Mose, ! a ma na kaula, a ma na halelu no'u. ; 45 Alaila wehewehe iho la oia i ko lakou manao i hoomaopopo lakou i na palapala hemolele. 46 A. olelo mai la oia ia lakou, pela i palapalaia ai, a pela hoi e pono ai ka Mesia ke make, a e ala hou mai i ke kolu o ka la mai waena mai o ka poe make. 47 A e haiia aku hoi ka mihi a me ke kala ana i ka hala ma kona inoa mawaena 0 na lahuikanaka apau, e hoomaka ana ma lei-uaalema., 48 O oukou hei na mea e hoike i keia mau mea. 49 Eia hoi, e hooili ana au maluna o 1 ka mea a ko'u makua i olelo hoopomaikai iho ai; aka, e noho oukou ma lerusalema, a hoolakoia mai oukou me ka mana no luna mai. 50 Alaila alakai oia ia 'lakou iwaho a hiki i Betania, hapai ae la i kona mau lima. a hoomaikai mai la ia lakou. 51 Ela hoi kekahi, i kona hoomaikai ana ia lakou, ua hookawaleia ae- la ia mai o lakou ae, a lawe ia aku la iluna i kalani.52 Hoomana aku la lakou iaia, a hoi mai la i leruBalema me ka olioli nui. 58 A maloko o ka luakini lakou i kela

la a i keia la, e hoolea ana a ehoomaikai ana ike Akua. Amene. Pauku Gula. JLuka 24:34. Ua ala hou ka Haku. Alanao Nui. E pono ke hauoli mau no ko kakou Haku e ola ai. Olelo Hoakaka. Ua ala hou o lesu mai ka make'iuai, Aperila 9, M. H. 30, a pii iluna i ka lani, Mei 18. Ua manao ka poe Parisaio ua paa o leBu ma ka hale kupapau. Ua paa ka manao o kona poe haumana ua make ioa ia. No na ia ekolu ua paa ia ma ka hale kupapau. Aka hoi ma ke kakahiakanui mahope o ke Sabati ludaio, ua hoomakaukau na wahiue e wahi iaia me na mea* aia e ialoa ai. Ua ike mua o Marie Magedalena iaia, a nuahope na wahine e ae. Ia kakahiaka no ua ikemaka o Petero laia, a ma ka auina la na na haumana elua holoholo ana i Emanse. O ka lima o kona ike la ana, oia ma ke keena maiuna ma lerusalema, kahi i akoakoa ai ka poe aposetole, koe nae o Toma. 36 Kamailio—e pili ana i keia mau mea kupaianaha. Ku—oiai ua paa na puka komo i na makai ludaio, loane 20:19. Alo\»a—Salaamalaikum, maluhia ia oukou, oia ka olelo hoaloha maa mau o ka poe ludaio. 37 Uhane—, he lapu paha, 'hekino wailua paha: 38 Haohao,

kuihe, kanalua. 39 Lawelawe, a maopopo ka mea kino. 40 Lima i hou ia ena kui. 41 Ai, a hiki ole ia lakou ke kanalua e pili ana i kona ola hou ana. 42 Koalaia, olai he poe lawaia ka hapanui o lakou. Meli, aole loaa, ke kopaa i na kanaka lehuiehu a hiki i keia keneturia. 43 Laiau, mamuli o ke ano maa mau mamua o ka hana ana aku i na ōo dala ame na pahi o keia mau la. 44 Olelo, ma keia mau pauku ka huina pau oko lesu mau kamailio me lakou. Kakauia, ma na mahele ekolu o na Palapala Hemolele Hebera, ko Mose, na Kaula, naHalelu. 45 Wehewehe i na buke ame ka nuonoo, loane 20:22. - 46 Moke, oia no ka mea ano nui no ka poe hewa, oiai kona ala ana oia no ka mea ano nui ika poe i huikalaia. 47 Inoa, no lesu wale no keia mana e ola ai. Lahuikanaka, no iakou apau loa keia pomalkai aole no ka poe kakaikahi. 0 ka mea kokoke oia no ka mea mua e hai euanelio ai; o ka mea mamao loa aku oia no 'ka palena e emi mau ai. 48 Hoike, oia ka mana o ka mea haieuanelio. 49 Mea, oia no ka Uhane Hemolele, Isaia 44:3, Ezek. 36:27, loela 2:2832, Mat 3:11, 0ih.'2:17. 50 Alakai mamuli o ka olelo hoike, Mareko 16:19, Oih. 1:9-11. 51*Hoomaikai, a loaa i ka poe a pau loa kona mau pomaikai lehulehu. 52 Hoomana, ma ke ano ko lakou Akua Hooko. 53 Hoomaikai, a loaa 1 na lehulehu keia dono kamahao e pili anu i ko lesu ala hou ana.

I. Ka hooiaio ana i ke ola hou ana, 36 43. Mahea ka poe uuuikumamalua ia wa? Heaha ko lakou hana? Heaha ko lakou makau? Owai ka mea ku hikilele mnwaena o lakou? Pehea i komo ai o ledu? Heaha kona olelo hooikaika? Heahrt ko lakou manao? Henha ko lesu ninau? Ua knmailio mua anei o lesu e pili ana i kona ala hou ana, Mat. 20:17-19? No ke aha la i kanalua ai ka poe haumana? Heaha n« mea a lesu i hoike mai ai? Heaha ke kumu no ko lakou man&oio oie ana? Heaha na kumu no ka manaoio ole o na kanaka i keia mau la? Heaha na mea e hooiaio ai i ko lesu ala hou ana, aole hiki i na kanaka ke hoole pono ai? Ua kue anei ka olelo loane 20:20 i ka oleio Luka 24:37? Heaha ka olelo hoike ona haumana, Oih. 20:41? Heaha ka hoike o ke Sabati Karistiano?

11. Ka wehewehe ana i nn Palapala Heiuolele, 44-49. Heaha ko lesu mau oielo ao i ka wa mamua, Luka 18:33, Mareko 10:33? Heaha kekahi mau ma ko Mose mau buke t Kin. 3:14, Kin. 22:18, Nahelu 21:9, Kan. 18:15, Nahelu 24:17? Heaha keKahi mau wanana e pili ana ia lesu ma na buke o na kaula, Isaia 7:17, Zek. 12:10, Ezek 34:23, ler. 23:5?? Heaha kekahl

mau Halelu wanana, 2, 22, 72? Heaha ke kumu no ka paakiki ona manao ana 1 wehe ai o lesu? Heaha na olelo hoike o ka pono Ka. nstiano? He hewa anei i kekahi ke hoole 1 keia mau olelo hoike? Heaha ka hana e pono ai ke hooholo koke? Ua kupono anei ka oihana cuisionari īko na aina e? Heaha na kumu no ka hooholo ana i keia oihana? Heaha ka pomaikai aka makua ma ka lani i olelo mua ai no ka poe manaoio? Heaha ka hana kupono o kela a me keia mea manaoio? Heaha ka mana i loaa ai i loaa ai i ka poe iiunaoio, loane 20:22? Ua makaukau auei na haumana e haalele īa lerusalema a hele aku i ko na aina e, Oihana 11:19? 111. Ka pii ana aku ika poinaikai lani, 50-53? Ehia mau la mahope o kona ala hou ana ua kamailio o lesu me kona mau haumana? Heaha ka mahina a me ka la o kona pii ana aku i ka pomaikai lani? Pehea i pii ai oia, Oih. 1:9-11? Heaha ke ano o kona kino lani Mat. 17:2, Hoikeāna 1:12-16? Ua hoomaoi opo anei ka poe haumana i ko lesu ano akua? E pono auei ia kakou ke manaoio aku ia lesu ko kakou akua hoola, a hoomana aku pela? Mahea ko lesu pii ana? A pau ae la ihea ka hoi hou ana mal o ka poe haumana? Heaha ko lakou mau hana ma ka luakini? Heaha ka olelo hoopomaikai e hoohauoli ai ia lakou, Oih. 1:11? Heaho ko kakou mea e iini mau ai, Hoik. 22:20? Heaha na hana kupono no na kanaka apau loa ii ko lesu euanelio? Ina paha aole mihi kekahi a manaoio aku ia li-su, heaha ka hua kupono no keia mihi ole ana, manaoio ole i ko ke Akua olelo lokomaikai? E loaa hou ana anei ia lakou he wa no ka imi ana i ke kalahala? Manao Pili. 1 Pehea, e hiki anei ia oe ke launa pu me lesu, Mat. 18: 20, Mareko 16:20? 2 Ua loaa anei jia oe ka mana a ka Uhane Hemoleile e hoolaa ai ia oe no kou oihana halpule? 3 Ua hauoli anei oe no kou paulele ana aku ia lesu? 4 Ua lana anei kou manao e ala hou mai waena mai o ka poe make a pii aku ika pomaikai lani? 5 Ua liuliu anei oe no ka pomaikai l»ni?