Ka Nupepa Kuokoa, Volume XXXV, Number 24, 12 Iune 1896 — Ka Makana Hiwahiwa a Luna Senate Balauwina i ka Malu Ulu o Lele. [ARTICLE]

Ka Makana Hiwahiwa a Luna Senate Balauwina i ka Malu Ulu o Lele.

E ike ana ko mkkou poe heluhelu ma ko makou "Pepa Panai" o keia la i ke kii o ka luakini hou ka makana hiwahiwa a Luna Senate Balauwina i ka Malu-Ulu-o-Lele. Aole paha i poina iki i na kamaaina o Lahaina, a pela me na kamahele i hele aku ma na kaiaulu o Lahaina ka ike ana i ka halepule o Wainee iloko 0 na makahiki i kaahope ae nei, ka luakini i ku ma ia wahi no ka hapalua keneturia ame 14 makahiki a keu, a ma kahi wa pokole hoi i kaahope ae nei ua lilo iho la ia i puu lehu; aka, mailoko mai o kona puu lehu i hea mai ai ka leo walohia o na haipule oiaio o ke Akua, e hoala hou ia ona halau hale laa nb lehova ke Akua Ihiihi. He oiaio, ua loheaia ua leo uwalo la, a e ku aku ana he luakini hou no Wainee. Eia iho ke kii: 1 oka luakini mua o Wainee na Dr. Dwight Balauwina no ia i kukulu, ke ole makou e koho hewa, i ka makahiki 1830, a ma keia makahiki 1896 hoi, ke lawe nei kekahi o kana mau keiki puuwai hamama, a makee hoi i ka luakini

a ka makua i kukulu ai a hoopau wale ia ai e ka ulia poino, a kukulu hou i heiau laahia no ke Akua,„me ka nana ole i ka nui o na lilo. O na kamana na laua e paahana aku ana i keia hale nani hou, oia o Ripley ame Dickey. He hale pohaku no elike me ka mua. E okoa ana nae ke kulana ame ka hiehie o keia "Betela" hou i ko ka mua, a e lilo ana keia i kia hoomanao haaheo na ko Lahaina poe oiwi. Ke ole e hoopauhaia, alaila, e hoopanee ana ka Ahaolelo e noho nei i ka la 15 o keia mahina.