Ka Nupepa Kuokoa, Volume XXXV, Number 23, 5 June 1896 — Na Olelo Hoalohaloha. [ARTICLE]

Na Olelo Hoalohaloha.

Ke hoike aku nei makou imua o ko makou mau makamaka ame na hoaloha, a o ka oi aku hoi i ka poe e manao ana e hoouna mai i na olelo hoalohaloha no na kini, na ohana ame na hoaloha i newa aku ma kela huli o keia ola ana, ma keia hope aku e lilo ana ia mau waiwai i mau mea auhauia e makou, oiai ua like no ia mau olelo hoalohaloha ame ia mau manewanewa me na mele kanikau maoli, a o ko lakou -poniaikai a waiwai io maoli iho hoi no ka ohana ia ame na hoaloha i pili i ke "kinowailua" o ka mea i hala aku ma kela huli o keia ola ana. ' Aka, e hoike aku ana no nae makou maloko nei o ke "Kilohana Pookela o ka Lahui Hawaii'' i na mea ano nui e pili ana i ka mea i hala aku ma kela ao.-ma ke ano pili mea hou, no ka pomaikai o ka leUa ulu mai keia noonoo iloko o makou mamuli o ka ike nui ia ana o na manao o keia ano e hoea mau mai nei i o makou nei no ka hoolaha ana aku, aole hoi m'a ke ano kanikau maoli elike me ko wa mamua. 0 ke kumu paha o keia loli ana ae, mai ke kulana kanikau a ke leulana olelo hoalohaloha, ma ko makou koho koho wale ana iho, mamuli ia o ka ikeia aha he auhauia ke kanikau ke hoopukaia ma ka nu'pepa, a he auhau ole ia hoi na olelo hoalohaloha; aka, hookahi no nae manao nui, o ke kanikau a o ka olelo hoalohaloha paha ua loaa ka pomaikai o ka hoike akea ana ae imua o ka lehulehu i ke kumakena i miloia iloko< o na huaolelo. Nui na leo kuhalahala i loaa mai ia makou no keia mea, a ua manao makou ua pololei ia mau hoohalahala ana, aka mamuli nae o ka maa i laweia e keia pepa i na wa i hala ae nei,-pela no makou i hoomau aku ai a hoea iho la i keia hoike maoli ana aku la o makou i ko makou manao no ke ano e hiki ai ia makou ke hoolaha hou aku i ua mau olelo hoalohaloha la maloko nei o ka nupepa ma keia hope aku. E hoikeia aku ana ka makou ka-ki ma keia hope aku.