Ka Nupepa Kuokoa, Volume XXXV, Number 23, 5 June 1896 — Untitled [ARTICLE]

Ma ka haiolelo akea a Rev. Kauka Dille, a makou i ike iho ai ma ka nupepa Kahea (Call) o Kapalakiko, a.i unuhiia ae e ka hoialoha nupepa "Ka Makaainana" ma kona helu o ka la 1 iho nei, ua ike iho makou i keia manao: "No Liliuokalani hoi, mamuli o kona haalele ana a hookuu aku hoi i kona pono a kuleana apau i ka leialii, aohe olelo ana i koe nona a aiau loa aku." Oia hoi, ua pau loa ka manaolana no ka hoihoi hou ae ia Liliu maluna o ka nohoalii, elike me na koi hapauea a kekahi poe e hiipoi a hapai memeue wale nei po i keia wa, a e hoopaakiki nei hoi me ke kuhihewa.

Ma ko makou pepa o keia la e ike iho ai ko makou poe heluhelu i ka mahele mua o ka hoike waiwai nui a ka Papa Hoonaauao imua o ka Ahaolelo. Ua hoomaopopo makou i ka waiwai o keia hoike, a no ia kumu makou i hoopuka aku ai. Ua oi ae keia mamua o ka hapanui o na manao i leakauia mai nei e kekahi o ko makou mau makamaka no ka hoolaha ana maloko nei o "Ke Kilohana Pookela o ka Lahui Hawaii," a makou hoi i hoolaha aku ai i kekahi wa, a i hoomoe loa ai nohoi ma ka papa i kekahi manawa i loaa ai he kowa no na manao waiwai nui e ae, elike me keia a makou e hoopuka ak\t nei i keia wa.