Ka Nupepa Kuokoa, Volume XXXV, Number 22, 29 Mei 1896 — HE HOALOHALOHA. [ARTICLE]

HE HOALOHALOHA.

Ia Mr. M. Kamakani ame na keiki: O makou o na lala o ka Hui Hookuonoono Puuwai Lokahi o Honolulu. a ma ka inoa o ka Hui a'u e noho kakauolelo nei: Oiai, ua ili iho maluna ou ame na keiki i hooneleia i ka makua ke kaumaha nui makolukolu, me ka ehaeha ame ka walohia ; Oiai, oluolu i ka Makua Mana Loa, iloko o kona mana kupaianaha ka lawe ana aku i ke ola o kau wahine i aloha nui ia, a makuahine hoi o na keiki i hooneleia i ka makua; A no ka mea, o Mrs. Kamealoha M. Kamakani i hala aku la ma ke ala mau o na mea a pau, a ua hoomaha oia i kona luhi. a o kana mau hana maikai e iilo ana ia i kia hoomanao na ko ke ao nei e nana aku ai; Ke hooiaio aku nei makou i kona kulana ano maemae io me ke aloha, oiai kana mau hana maikai e waiho nei iwaena o ko olua home; nolaila, e Hooholoia: Ke komo pu aku nei makou, ka Hui Hookuonoono Puuwai Lokahi o Honolulu, me oe iloko o ke kumakena ame ke kanikau pu ana me ke aloha ame na keiki pu hoi i hoooeleia i ka makua; E hooholo hou ia: Ke pule nei makou i ke Akua Kahikolu Hemolele Loa e hoomama mai i kou kaumaha ame na ehaeha o keia mau la ame na keiki i hooneleia i ka makua, "no ka mea, o kakou ke hele aku ana imua ona la, aole ia e hoi hou mai ana.'" E hooholo hou ia: E hookomoia keia mau olelo hooholo ma ka nupepa Makaainana ame ka nupepa Kookoa. O makou iho no me ka walohia, ma o ko makou komite la. JOHN W. MAHELONA. JOHN NAWAI. N. NIHEU, J. W. HINAI, W. B. OPULAUOHO. Na Komite. Honolulu Iron Works. Mei 2, 1896.