Ka Nupepa Kuokoa, Volume XXXV, Number 22, 29 Mei 1896 — He Kanikau ao J. G. Hoapili. [ARTICLE]

He Kanikau no J. G. Hoapili.

"Ua lupea opea o Kona e ka lai. Ua hinua e ka lai ke kai a Ehu, Ua ka-ia e ka waimaka o ka opua. Ua hanini mauka o Alanapo, Po ae la i ka ua naulu a weli—a." Ia Mrs. R. A. Hoapili, Koehana wale: O makou iho, na palala-ui o kau kane alii. e noho ana ma Kona Akau, Hawaii. na hoa kulolia pu hoi o ua lani alii la, mai Puuanahulu a Puuohau, i ke kihi o ka okana. A no ka mea hoi, ma Honolulu, Oahu, ma ka la 1 o Mei. M. H. 1896, ua oluolu i ke Akua mana loa ka lawe ana aku i ua lani alii la au, a waiho iho ia oe e u hookahi aku nona, a ia makou hoi e paiauma pu aku me oe. Ua hala kekahi wohi o ka hale o Keawe me Umi! Ua hala i ka pea kapu o Kane i kukulu o Kahiki! "Aloha ka pohu o Kona, Aloha na ao hookiikii i ke kai, Aloha ka nalu owili o Kalapu, Aloha o Kona kai opua i ka lai, Opua hinano ua malie, a na waa e huli lua nei ka pea i ka makani, Kani ka-ea hoe waa ke aloalo la ina ma ka lae o ua aina la. Aloha! Aloha pau ole!! Nolaila, e hooholoia: Akahi: Me na naau i hele a mokumokuahua, me na maka i upehupehu, me na kuli i hele a maopaopa i ke aloha, ke komo pu aku nei makou e u pu me oe no kau kane lani alii i hala; Hooholoia: Elua: Ke pule nei makou i na lani e hooloihi hou ia kou mau la ma ka aina, a na ke Akua e kokua mai ia oe. J. K. NAHALE, J. KAELEMAKULE, . J. H. WAIPUILANI, W. M. KALAIWAA, W. D. KAEA, W. MULLER, ALEX. BURGESS, Na Komite. North Kona, Hawaii, Mei 18, 1896.