Ka Nupepa Kuokoa, Volume XXXV, Number 19, 8 May 1896 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

HAAWINA

KULA SABATI

II.        8.         Mei 24.           Ka leso hai-

olelo ma ka luakini.     Luka 20:9 19.

 

ALAILA olelo mai oia l kanaka I keia olelonane; Kanu iho la kekahi kanaka I ka malawaina, a waiho aku la I na hoaaina, e hele aku la a liuliu loa ma ka aina e.

                10 A i ka manawa pono, hoouna mai ia ia i kahi kauwa i ka poe hoaaina i haawi lakou iaia i ka hua o ka malawaina; a pepehi iho la na hoaaina ia ia, a hoihoi hele aku la ia ia.

                12 A mahope iho, hoouna hou mai la oia i ke kolu; a hana eha aku la lakou ia ia, a kipaku aku la.

                13. Alaila i iho la ka haku o ka malawaina, Pehea la wau e hana ai? E hoouna aku au i ka’u keiki punahele, ala ike lakou ia ia, e manao mahalo mai paha lakou iaia.

                14 A ike ua poe hoaaiua la ia ia, kamailio iho la lakou ia lakou iho, i iho la, Eia ka hooilina; ina hoi! e pepehi kakou ia ia a make, i lilo io mai ka aina ia kakou.

                15 A kipaku aku la lakou ia ia mawaho o ka malawaina, pepehi iho la a make.  Heaha la hoi ka ka haku nona ka malawaina e hana mai ai ia lakou?

                16 E hele mai no ia a luku mai ia poe hoaaina, a e haawi aku i ka malawaina i kekahi poe e.  Olelo ihe la ka poe e hoolohe ana, Aole loa ia !

                17 A nana mai la oia ia lakou, i mai ia, Heaha hoi ke ano o keia i palapalaie, O ka pohaku a ka poe hana hale i haalele ai, oia ke hooliloia i pohaku kumu no ke kihi?

                18 O ka mea e haule maluna iho o ua pohaku la, e haihaiia ola, a o ka mea e hioloia’i e ia, e pepe loa no ia.

                19 A imi iho la ka poe kahuna nui, a me ka poe kakauolelo e kau na lima maluna ona ia manawa, aka, ua makau lakou i kanaka: no ka mea, ua ike lakou, ua olelo mai oia i keia olelonane no lakou.

                Pauku Gula.        Luka 20:17.  O ka pohaku a ka poe hana hale i haalele ai, oia ke hooliloia i pohaku kumu no ke kihi.

                Manao Nui.  E pono ke noonoo i ka poino o ka poe kue i ko Iesu mana hoola, oia hoi ka ke Akua hana hope loa e hoopau ai i ko lakou pili paa ana i ka hewa.

                Olelo Hoakaka.  Ma ka Poalua hope loa o kona wa ola, ua komo o Iesu i ka luakini ma Jerusaleme.  E pono ai ke huli i ka moolelo holookoa o ko Iesu anahulu hope loa.  Ua nui ka poe i akoakoa ai no ka hoolohe ana i kana mau haiolelo.  Ua nui no hoi ka inaina o ka poe Pariaalo, a me na Iudaio e ae, a makaukau lakou e hoopau koke ae i kona ola kino no kena kue ana i ka lakou mau hana hewa.  Eia kekahi haiolelo e pili ana i ka poino o na luna Iudaio ma ka hoole ana i ko Iesu mana hoola.

                9.  Olelo-nane, --ma ka nanaku i kekahi moolelo, oiai ua manaoia kekahi olelo hoahewa aku i ka poe Parisaio, a moakaka keia manao maoli.  Malawaina, --oia no ka lahui Iudalo a Iehova i waiho ai no na luna Iudalo e malama pono ai.                10.  Manawa pno, --Pau ka wa hana, a moakaka na ano pono, a pono ole, paha.  Ma na aina Hikina, elua mau hapakolu o na hua huita no ke konohiki.  11.    Kauwa,--nui loa na elele no Iehova mai, no ke ao ana aku i na kanaka Iudalo e malama mau i ka pono.              12.          Kipaku,--ola no ka hana mau a na kanaka ino, e hoopau ai i na olelo ao kue i ko lakou mau manao ino.               13.          Keiki punahele,--lokomaikai loa, naauao loa, oluolu loa.  Oi aku nae ko lakou inaina no kona ano makai.                               14.          Lilo,--oia ka manao lapuwale o na mea hewa, ina paha e hoopau ana lakou i ka manao ana aku i ke Akua, ua hoopauia ko ke Akua mana maluna o lakou.  Ma na aina Hikina, ina paha ua waiho wale ia ke kuleana no na makahiki eono, e lilo aku ia i ka mea loaa wale.  15.          Mawaho,--E like me ko Iesu kaulia ana ma ka laau kea mawaho o ke kulanakauhale.  16.  Luku,--Oia no ka hopena kupono no ka poe kue mau i ko ke Akua aloha kalahala.  17.  Pohaku kumu,--e hoopaa ai i na paia, a nolaila ka pohaku waiwailoa.  Ua loaa kekahi kaao Iudaio e pili ana i kekahi pohaku ano e.  Ua hoonee io, a ua hoonee anei ka poe paahana i keia pohaku, a nui ko lakou ohana ana aku i ua pohaku ia.  Aka, i ka wa a lakou i huli ai i wahi pohaku kupono no ke kumu o ke kihi, ea!  ola mo ka pohaku i kua ai mo keia hana ane nui loa.  16.  Hui@@@@,--okupe @@@@ @@ lahui Iodaie @@ ko lakoa @@@@ @@@@@ @@@ i ko le@@ @@@ hea@@@, @@@@@, @@@@@@: e@@i e@@ ka @@@@ @@@kahi @@@ ka @@@@ e hoo@@@@@@@@ @@ i ko @@kua la@@@ e hoo @@@@@ @ @ @@k@@.  19.  @@@@,--@@e @@ @@@@@.  @@@ @@ a @@@kaka @@ @@ @@@ @@@ @@@@@@, @@@ @@ i @@ @@@ @@ @@@p@@ i ka kaka, ka@@@.  P@@@ @@ i @@@@ @@@@ @@ @@ @@i @@ p@@ @@l@@ @ka i ka @@@@, me he mea la, o ka enanelio oia no ke kumu o na poino o ka lahui Hawaii.

                I.  Na kauwa i kipakuia, 9-12.  Heaha ke ano o na olelo nane?  Owai ka mea i manao ia, ka mea nona ka mala waina?  Heaha ka mea i kapaia ka malawaina, Isaia 5:1 7? Heaha na hua o keia malawaina?  Heaha na mea maikai a Iehova i kanu ai ma keia Paeaina o Hawaii nei?  Ua malama pono ia anei ke Sabati, ka Ekalesia ame ka Palapala Hemolele ma Hawaii nei?  Heaha na hana maikai o keia mau mea i hookomoia no ka pono o keia lahui?  Owai na heaaina ma Hawaii nei i waihoia ia lakou ko ka Haku malawaina?  O oe anei kekahi nona ka oihana e malama pono ai i ka pomaikai uhane o keia lahui o Hawaii nei?  Ehia mau makahiki mawaena o ko Iehova hoonoho ana i ka lahui Iudaio ma Kanaana, a me ko Iesu hiki ana mai i keia honua?  Ua kaawale loa anei o Iesu i keia wa mai keia lahui aku?  Pehea ka nui o na pomaikai e loaai i ko Iesu poe paahana, ina paha ua molowa lakou, a eleu paha?  He manawa pno anei keia e imi ai i ka nui o ka wiwoole, naauao, manawalea, maemae, hoolohe, ma keia lahui Hawaii?  Heaha na kaua a ke Akua e kahea mai ana ia kakou e hoike aku ina hua ku i ka pono?

                II.  Ke keiki i pepehiia, 13-15.  Heaha ka mana hope loa o ka haku aina?  Owai ka elele no ke Akua mai ia kakou?  A paoa wale ko Iesu hoola, heaha ka hana i koe e ola ai na kanaka hewa?  Heaha ka nui o ko ke Akua aloha, Ioane 3:16?  Heaha ka hana ino a na hoaaina i ke keiki punahele a ke konohiki?  Heaha ka hana a ka poe Iudaio ia Iesu?  Ua komo pu anei na mea hewa a pau loa i keia hana hoino?  Heaha ka hana pinepine a na kana Iudaio i na kaula o Iehova, Luka 13:34?  Pehea na mea hooponopono hou, hoomaemae houi ma na lahui e ae?  Heaha ka Iesu mau hana e alakai ai ia oe i ka pomaikai uhane?  Ua hoolaa anei oe ia oe iho e lilo i paahana no Iesu ma ka hooholo loa ana i kona Aupuni o ke aloha, ka oiai a me ka pono?  Heaha na kumu no kou kue ana paha, hoole ana paha i ko Iesu aloha huikala?

                III.  Na hoaaina i hoahewaia hoopiia, 16-19.  Heaha ka ninau e pili ana i na hoaaina, p. 15?  Heaha ka pane?  No wai mai keia olelo pane, mai ia Iesu mai paha, mai ka ahakanaka mai paha?  Heaha ka manao o ka poe e kahea ana “Aole loa ia,” aole hiki i na kanaka ke hana like me na hoaaina, aole kupono ke hoopiiia pela na kanaka hewa?  Eia paha anei he mau kanaka hewa aole hiki ke hooponopono ia a hoomaemaeia lakou?  Heaha ka poe panihakahaka i ka lahui Iudaio, Oih. 18:46?  Oiai ua lilo ka poe Kalikiana i poe hooilina Gal. 3:7, 9, 29, ua hooholo pono anei na Ekalesia Euanelio i ka hana a ka Haku?  Hiki anei i ka lahui Hawaii ke malama mau i keia paeaina no ka lahui Hawaii ke ole ko lakou hoopau loa ana i ka moe kolohe, ka piliwaiwa, ka inu rama a me na hewa like?  Heaha ka pauku Baibala a Iesu i kuhikuhi ai, Halelu 118:22, 23?  Owai ka mea i kapala ke kumu o ke kihi?  Heaha ka olelo a Iesus e pili ana iaia iho, p. 18?  He manaolana hou anei ko keia poe?  Ua kupono anei keia uku hoopai no lakou?  Ua makau anei na kahuna Iudaio i ka pepehi ia Iesu, ko lakou Mesia, a i ole paha ua nui ae ko lakou inaina?  E hiki anei ia oe ke hoohuli i na mea hewa i ka manaoio ma ka hooweliweli ana ia lakou?

                Manao Pili.  1 Heaha ka malawaina a ke Akua i haawi mai ai ia oe?  2 Ua loaa’ anei ia oe kekahi pomaikai nou wale iho no?  3 Heaha kekahi mau hua e pono ai ia oe ke hoike aku i ke Akua?  4 Ua pau anei ka pono e pauiele aku ia Iesu ina paha e hoole ana kekahi i ko Iesu leo kahea?  5 Ua kaupalenaia anei ko ke Akua aloha kalahala?

 

Moolelo o ka Ahahui Euanelio o ka Mokupuni o Oahu.

Halawai ka Ahahui Euanelio o ka o ka Mokupuni o Oahu ma ka luakini o Kaumakapili ma ka Poakolu mua o Aperila, 1896.  Na Rev. J. Waiamau, Lunahoomalu no ka Manawa, i malama i ka hapalua hora haipule.

                Hoomaopopoia na lala o ka Aha:

                Kihapai—Kawaiahao, aole kahu, J. Nalua, elele; Kaumakapili, J. Waimau, kahu, S. H. Oni, elele; Kalihi me Moanalua, C. M. Hai, komite; Ewa, aole; Waianae, aole; Waialua, S. K. Mahoe, elele; Hauula, aole; Waikane, James Davis, kahu, E. P. Aikue, elele:  Kaneohe, Moses Kuikahi, kahu, Asa Kaulia, elele; Waimanalo, Moses Kuikahi. komite.

                Lala mau—C. M. Hai, O. H. Kulika, D. Kapali, J. Akela, R. Maka.

                Ma ke noi a E. P. Aikue, ua kooia o J. Kekahuna i lunahoomalu.  Na S. H. Oni ia Moses Kuikahi i kakauoleleo. aponoia’.

                Koho ka luna hoomalu i na komite man:

                Komite imi Hana—O. H. Kulika, J. Waiamau, Asa Kaulia.

                Komite Halawai Haipule—J.  Waiamau a me Nalua.

                Komite imi Haawina Heluhelu—C. M. Hai, J. Nalua, S. K. Mahoe.

                Komite Pa’i Moolelo—O. H. Kulika me Kuihaki.

                Heluhelu mai o O. H. Kulika i ka hoike hapa a ke Komite imihana:

                1. Hapalua h@@@ haipaie.

                2. Hoike Kihapai

                3. Na Palapaia Hoopii.

                4. Na E@@@@ i ka Akahai P@@ Ak@.

                5. O@@@@ K@@ka

                                (a) Na E@@@@@a kahu ele a mo na kahunapule Ekaleaia ole.

                                (e) Kula Kahunapule me Kula Hanai.

                                (I) Na Hana Hoeueu.

                                (o) Na Halepule, Hale Kahu a me na Hale Halawai.

                6. Oihana Kuwaho.

                                (a) Na Misiona houe e hoouna aku ai.

                                (e) Mahina Hou.

                7. Haawi i Palapala Haiolelo i na Haumana.

                8. Hoolohe i na makamaka me na manao paipai.

                9. Heluhelu Haawina.

                10. Kahi a me ka wa e haia wai hou ai keia Aha.

                Aponoia.

                Noi mai o James Davis e lilo na haumana o ke Kula Kahunapule a me na lala o ka Ahahui Kula Sabati i mau hoa kuka no keia Aha.  Aponoia.

                Hapaiia ke kumuhana elua—na Hoike Kihapai.  Aponoia.  J. Nalua, i ko Kawaiahao; S. H. Oni, i ko Kaumakapili; S. K. Mahoe, i ko Waialua; E. P. Aikue, i ko Waikane; Asa Kaulia, i ko Kaneohe.

                Hapaiia ke kumuhana 4—na Elele i ka Ahahui Nui o ka Pae Aina.  Koho ka Lunahoomalu ia E. P. Aikue a me Asa Kaulia no na Koolau; J. Nalua a me S. K. Mahoe no na Kona.

                Hapai ka Aha i ke kumuhana 5—no ka Oihana Kuloko.  Hapaiia na Hoike Komite o na Ekalesia kahu ole.  Na Moses Kuihaki i ko Waimanalo.  Noi mai o James avis e waiho i keia Hoike Komite a hiki i ka mahele (o) o ke kumuhana 5, oia hoi, na halepule, na hale kahu a me na hale halawai.  Aponoia.

                Hapai ka Aha i ka mahele (a) o ke kumuhana 5—na.  Ekalesia kahu ole a me na Kahunapule Ekalesia ole.  Ua lilo ka Aha ma ke kamailio ana i na mea e pili ana i keia mahele.  Noi mai o C. M. Hai e lilo kekahi mau minute o ka Aha no ka haiolelo o Kalihi a me Moanalua.  Aponoia.

                Noi mai o J. Waiamau e hoopanee ka Aha a noho hou ma ka hora 2:30 o ka auwina la. Apnoia.

                Hoopanee ka Aha me ka himeni, a me ka pule a O. H. Kulika.

___

                Auwina La Poakolu, hora 2:30.  E like me ka hoopanee ana ua noho hou ka Aha.  Hoomakaia na hana me ka himeni a me ka pule a R. Maka.

                Hapaiia ka noonoo ana i ke koena hana o ka mahele (a) o ke kumuhana 5.

                Na C. M. Hai i waiho mai e kohoia i Komite Kiai mawaho ae o na komite mau. Aponoia.  Koho ka Lunahoomalu ia Kauka Hai, Kulika a me Waimau.

                Na Waiamau i waiho mai e kohoia i kotmie no na kihapai kahu ole.  Apono ia. Nana no i waiho mai i keia mau inoa:  C. M. Hai, no Kalihi a me Moanalua; J. Kekahuna, no Waianae; R. Maka, no Hauula.  Aponoia.

                Na C. M. Hai i noi mai e waiho i ke kihapai o Waimanalo ma ka lima o ke Komite Hooko.  Aponoi. Koho ka Lunahoomalu ia Kauka Hai, Kulika a me Waiamau na ia komite e hoohui ia Waimanalo me Kaneohe.

                Hapai ka Aha i ka mahele (e) o ke kumuhana  5—no ke Kula Kahunapule a me ke Kula Hanai.  Na Kauka Hai a me Dilinahama i hoike mai i na mea e pili ana i na kula.

                Hapaiia ka mahele (i) o ke kumuhana 5—na Hana Hoeueu.  Na J. Waiamau i hoike mai he komite mau o keia Aha, oia o E. S. Timoteo.

                Noi mai o Kauka Hai e hoopanee ka Aha a noho hou ma ka hora 9 o ke kakahiaka Poaha.  Aponoia.

                Na Waiamau, komite halawai haipule, i hoolaha mai i na mea nana e malama ka halawai o ke ahiahi, oia o J. Kekahuna a me Kuikahi; a o R. Maka, Asa Kaulia a me S. K. Mahoe no ke kakahiaka.  Hoopanee ia me ka himeni a me ka pula a Kauka Hai.

---

                La hana Elua, Poaha, hora 9.

                Halawai ka Aha.  Malamaia ka hapalua hora haipule. Noi mai o Hanale Walakahauki e hapaiia ka heluheluia ana o ka moolelo o ka halawai i hala no ka manawa.  Aponoia. Nana mai no i manawa no ke kahu o ka Ekalesia Kuwaena e haawi mai ai i kana oleloao a me na manao piapia i ka Aha.  Aponoia.  Nana mai no i hoike mai i ke aloha o ka Ekalesia Kuwaena i na lala o ka Aha ma kona ano Elele.

                Hapai ka Aha i ka heluhelu ana i ka moolelo o ka halawai i hala.  Aponoia me na hooponopono.

                Noi mai o O. H. Kulika, he manawa pono keia e hoolohe ai i na manao mai na makamaka mai. Aponoia. Nana a me Kauka Hai i unuhi mai i na mea ano nui iwaena o na Ekalesia apana a me ka Ekalesia Pake.

                Hapai ka Aha i ka mahele (o) o ke kumuhana 5, e pili ana i na halepule, hale kahu a me hale halawai.  J. Nalua i ko Kawaiahao halapule; S. K. Mahoe i ko Waialua; Asa Kaulia i ko Kaneohe; Kolomona Nuuhiwa i ko Hauula a me ko Kahuku. Noi mai ka Luna hoomalu a me Kulika e paipia keia Aha i ka haiolelo a me ke komite e hooholo i keia hana.  Aponoia.

                Hapai ka Aha i ke kumuhana 6. Noi mai o C. M. Hai i manawa no D. Kaai a me J. Nua. Aponoia. Na ka makua Binamu i hoike mai i kekahi mau mea ano nui.

                Hapaiia ka mahele (e) o ke kumuhana 6 no ka OIhana Kuwaho. Na ke Kakauolelo i ninau i na Elele i na mea e pili ana i ka haawina o keia Ekalesia me keia Ekalesia a ke Komite i mahele ai. Aponoia. J. Nalua i ko Kalaiahao; S. H. Oni i ko Kaumakapili, ua loaa kekahi, he wahi koena koe; S. K. Mahoe i ko Waialua, aia iloko o ka hoike a ke Kahu, E. P. Aikue i ko Waikane, ua pau; Asa Kaulia i ko Kaneohe, ua pau no.

                Hapaiia ke kumuhana 7, e pili ana i ka haawi ana i ka palapala laikini haiolelo. Waiho mai o Kauka Hai he olelo hooholo penei: E hoomauia aku no na palapala haiolelo mua i loaa i na haumana no hookahi makahiki.

                Hapai ka Aha i ke kumuhana 8—Heluhelu Haawina.  Na Kauka Hai i kona haawina.  Noi mai o James David e hookomoia keia haawina heluhelu iloko o ka nupepa “Kuokoa.” Aponoia. Noi mai o Kauka Hai na ke Komite e hana a waiho mai i ke Kakanolelo a nana e hookomo ma ka nupepa “Kuokoa.”

                Hoike a ke Komite imi Haawina Heluhelu:

1.E wehewehe ma 2 Kor. 13:14, i ka lanna pu ana o ka Ehane Hemolelo—S. E. Bihopa.

2.Heaha na haawina hana kupuno no na hoananau Hawaii e hooholo pakahi ai amea e kokua pono ai i ka hana a ka Haku?—Rev. E. S. Timoteo.

3. Heaha na mea kue i ka holopono ana o na Ekalesia Euanelio, a pehea e kinalia ai?—Rev. J. M. Ezera.

                Komite Imi Kumumanao: C. M. Hai. S. K. Mahoe, J. Nalua.

                Na A. J. M. Moi he olelo hooholo penei: Olelo Hooholo, hooholoia:--Ke haawi aku nei na lala okeia Aha i ka hoomaikai i na hoahanau o ka Ekalesia o Kaumakapili ma ke kokua ana mai i na mea e oluolu ai ke ola kin.

                Noi mai o J. Waiamau e hoopanee ka heluhelu ana i ka moolelo o ka Aha a hiki i ka hora 2. Aponoia. Pule o D. Kapali.

__

Halawai Auwina La.

                Pule ke Kakauolelo a hoomakaia ka heluhelu ana i ka moolelo o ka halawai i hala, a aponoia me na hooponopono.

                Hoopanee ka Aha me ka himeni a me ka pule a ka Luna hoomalu a noho hou ma ka luakini o Kaumakapili ma ka Poakolu mua o Okatoba, 1896.

                REV. MOSES KUIKAHI,

                Kakauolelo.

                Kaumakapili, Aperila 12, 1896.

 

Moolelo o ka Ahahui Kula Sabati o ka Mokupuni o Hawaii.

                Halawai ka Ahahui Kula Sabati o ka Mokupuni o Hawaii ma ka betela o Pukaana, HOokena, Kona, ma ka la 14 o Maraki, M. H. 1896, hora 3 p.m. Rev. L. K. Kalawe, lunahoomalu mua, ma ka noho.  Hoomaikaiia na hana me himeni a me ka pule.  Hoomaopopoia na lala o ka Aha i hiki mai.

                Na Kahu Kula Sabati Nui: J. H. K. Kaiwi, no na Hilo; Tfl. S. K. Nakanelua, no Hawaii Akau; D. Alawa, no Hawaii Komohana.

                Na Kahu Kula Sabati Apana: S. L. Desha, no Haili, Hilo; J. Kalino, no Waimea; A. S. Keohoehu, no Kohala Akau; Kaumuloa, no Kekaha; J. Aala, no Helani; M. Kaiwipunakea, no Kona-waena; R. Amalu, no Pukaana; M. H. Kuehuehu, no Kaohe; Kaui, no Milolii; L. K. Kalawe, no Puula.

                Na Elele:  Haili, S. Kalilikane; Kohala Akau, A. S. Keohoehu; Kekeha, J. W. Haau: Kailua., Makaukane; Helani S. W. Kawewehi; Kona-waena, Hoomanawanui; Kealakekua, Henry Haili; Pukaana, Jno. Keala; Kaohe, M.H. Ailuau; Milolii, Maele; Waiohinu, J. N. Kamomoku; Puula, L. K. Kalawe.

                Koho ana i na Luna Nui o ka Aha: Na S. L. Desha i waiho mai, i ka inoa o W. M. Kalaiwaa i lunahoomalu, a apono loa ia.  Nana no i ka inoa o C. M. Kamakaiwoole i kakauolelo, a na C. M. Kamakawiwoole ia D. Alawa, a ma ka balota ua kohoia o C. M. Kamakawiwoole i kakauolelo, he 18 balota.

                Koho ka lunahoomalu i Komite Imi Kumuhana, oia o S. L. Desha, S. W. Kekuewa a me D. Alawa Na G. W. Waiau i noi mai e lilo na hoa kupono i mau hoa kuka no keia Aha, a aponoia.

                Na D. Alawa i heluhelu mai i ka hoika hapa a ke Komite:

                1. ¼ hora haipule.

                2. Hoike a na Kahu Kula Sabati Nui.

                3. Hoike a na Kahu Kula Sabati Apana.

                4. Hoike a na Elele.

                5. Hoike a ka Puuku.

                6. Na hana Hoike Kula Sabati o ka la apopo.

                7. Koho ana i na Komite a keia Aha i ka Aha ma Honolulu.

                8. Kohoina Elele i ka Aha Nui ma Honolulu.

                9. Hoike a ke Komite Imi Kumukanawai o keia Aha.

                10. Na Olelo Hoomaikai a keia Aha i ka Hui Mokuahi o Poka ma.

                11. Kahi e ku ai keia Aha.

                12. Koho ana i na Kahu Kula Sabati Nui o keia Aha.

                13. Ka mahele ana i na dala o ka Haawina Kula Sabati.

                Aponoia ka hoike hapa a ke Komite a hapaiia ke kumuhana 2. Na ke kakauolelo i ko Puna; na D. Alawa i ko Hawaii Komohana; na T. S. K. Nakanelua i ko Hawaii Akau; na J. H. K. Kaiwi i ko na Hilo.  Ma ke noi a J. Kalino e hapaiia ke kumuhana 6 a aponoia.  Noi mai o S. L. Desha na ka lunahoomalu a me ke Kahu Kula Sabati Nui, D. Alawa, e hooponopono i na hana Hoike Kula Sabati, a apono loa ia.

                Na S. W. Kekuewa, e hapaiia ke kumuhana 10, a e haawi keia Aha na ka lunahoomalu a me ke ka kauolelo i komite nana e hana i ka olelo hoomaikai.  Hooholoia.  Noi Noi mai o G. W. Waiau e hoopa nee keia Aha a noho hou ma ka Poakahi, Maraki 16, hora 8 a.m. Aponoia.  Hoopaneeia ka halawai me ka pula a ka lunahoomalu.

---

La Hana 2, Maraki 16.

                Halawai hou ka Aha i ka manawa i hoopaneeia ai.  Lunahoomalu ma ka noho.  Malamaia ka hapaha hora haipule.  Kaheaia ka inora o na lala.  Heluheluia ka moolelo a aponoia.  Hapalia ke kumuhana 3. Na ke kakanolelo i ko Haili a me Hamakua Hikina: na A. S. Keohoehu i ko Kohala Akau; na Kaumuloihi i ko Kekaha; na J. Aala i ko Helani; na Kaiwipunakea i ko Kona-waena; na ke Kakanolelo i ko Kealakekua. Pukaana a me Kaohe; na Kaui i ko Milolii; na ke Kakauolelo i ko Kalapana a me Puula.  Kumuhana 4. Na ke Kakauolelo i ko Puula; na S. Kalilikane i ko Haili; na P. Kaaekuahiwi i ko Hamakua Komohana; na A. S. Keohoehu i ko Koahala Akau; na J. W. Haau i ko Kekaha: na Makuakane i ko Kailua; na ke Kakauolelo i ko Helani; na Hoomanawanui i ko Kona-waena: na H. Haili i ko Kealakekua;; na Jno. Keala i ko Pukaana; na ke Kakauolelo i ko Milolii a me Waiohiuu.  Kumuhana 5. Na C. M. Kamakwaiwoole, Puuku o ka Aha, i kana hoike o na loaa a me na lilo.  Aponoia. Na S. L. Desha he olelo hooholo Hooholoia.  Mai keia manawa aku, a mahope aku, e hoopauia ke ano mahelehele ana o na dala e luluia nei ma na Hoike Kula Sabati ma ka wa a ka Aha e ku ai e ku ai e like me ka mahelehele ana o keia manawa, a e mahelehele ia ia mau dala e like me keia: O ka hapalua o ia mau dala i loaa ma ia lulu ana e haawiia no ia i ka Ekalesia kahi i ku ai ka Aha, a o ka hapalua iho i koe oia ko ‘ka Aha kuleana, a e maheleia penei: He hapaha oia no ke Kahu Kula Sabati Nui, a o ka ekolu hapaha iho i koe ewaihoia ma ka lima o ka lima o ka Puuku o ka Aha no na lilo o na Elele a ka Aha e koho ai no ka Ahahui ma Honolulu.  Ma ka noonoo ana ua nonoi koke mai o S. W. Kekuewa e hapai hou ia ke kumuhana 5. Aponoia. Waiho mai oia he manao penei: O na dala he 24 i ka Puuku i komo ole i ka Banako Hale Leta e haawiia ia i na Elele a keia Aha i koho ai no ka Ahahui o Honolulu, a ma ka lima o na Kahu e paa ai a hiki i ka manawa e hele ai, alaila, haawi aku.  Ma ka noonoo ana o ka Aha ua aponoia.  Na ka luna hoomalu e hapaiia ka olelo hooholo. Na J. Kalino he pakui penei: Ma kahi o ka hapalua i ka Aha, i hapaha malaila.  Aponoia ka pakui, a hooholo loa ia ka olelo hooholo me ka pakui.  Kumuhana 7.  Koho ka Aha ia J. Keala no na hana o ka Aha, a ia A. S. Keohoehu no na hana o na Kula Sabati.  Kumuhana 8.  Koho ka lunahoomalu ia A. S. Keohoehu, P. Kaaekuahiwi, T. S> K. Nakanelua, D. Alawa, S. W. Kawewehi a me Jno. Keala i mau Elele.  Kumuhana 9. Aole i makaukau ke Kumukanawai, a hoomauia ke Komite.  Kumuhana 12. Mai ka Aha mai, e hoomauia aku no na Kahu Kula Sabati mua, a apono loa ia. Kumuhana 13. Waihoia ia kumuhana a i ka Ahahui ma Honolulu i Iune, 1896.  Kumuhana 11.  Aia no ma kahi e noho ai ka Aha Euanelio, malaila no e noho ai keia Aha.

                Na S. L. Desha, e haawi aku keia Aha i na hoomaikai i na hoaloha a pau iloko o keia Ekalesia, no na mea e pono ai keia Aha. Aponoia.

                Noi mai o J. Kalino e heluhelu ia ka moolelo.  Heluheluia a aponoia.

                Noi mai o D. Alawa e hoounaia ka moolelo i ka nupepa “Kuokoa.” Aponoia. HOokuuia ka Aha ma ka himeni a me ka pule a O. H. Kulika.

C. M. KAMAKAWIWOOLE, Kakauolelo.

Paauhau, Hamakua Mar. 23, ’96.

 

E NANA MAI I KEIA.

E hoouna pololei mai i na Dala uku Nupepa a Olelo Hoolaha paha, a ano e ae paha, e pili ana i ke Kuokoa ma ka inoa Hawaiian Gazette Company, aole ma ka inoa o kahi mea e ae. Aole ma ka inoa o ka Luna Nui a Lunahooponopono hoi.

---

I ke kau hooilo o 1893, loohia iho la o F. M. Martin o Long Reach, West Va., i kekahi anu ikaika, a kuene pono loa iho la ke kunu. A ua hoike mai ia oia i kona ola ana: “He nui na laau kunu a’u i hoeo ai, aole nae he ola iki, a hiki i ko’u wa i kuai ai i omole Laau Kunu a KAMALENA, a ua loaa koke ia’u ka maha, a iloko o ka wa pokole ua ola loa au.” Ke loohia oukou i ke kunu a i ke anu paha, e inu i keia laau, aole auanei oukou e hoao ina laau he iehulehu wale aku, mamua ae o ka loaa ana ia oukou he loa.  He 20 makahiki a oi o ke ku ana o keia iaau ma ka makeke kuai, a na nui kona makemakeia a ua kaulana no hoi. He 50 kenoua no ka omole.  E kuaika aku ana e ua poe kuai laau kapaau apau.  BENSON & SMITH, na Ag@@@ ma ko Hawaii Pao AIna.

 

Hoo’aha Kumau.

Aole loa e maikai a oluolu ke ola ana o kekahi mea kino uhane ola ina he aaiole kona akepaa a hiki ole ke lawelawe i kana mau hana me ka hololea.  E hahai ana ka nalulu a me na nawaliwali e ae ma ka moali o ke ake ponalo.  He mea oiaio keia i hooiaio ia ma na wahio na poai oluolu akau iloko o ka hapaha keneturia, o na

HUALE A AYERS,

oia wale no ka LAAU HOOLA AKE maikai loa i ikeia E hoola ana i ka lepopaa, ka nalulu eha, na ma’i oloko o ka opu, a ma ke ano LAAU OHANA aohe ona lua: e like ai.

 

                O ka Ayers Sasaparila, oia ka Laau Hoomaemae Koko kilakila, e haawi ai i ka ikaika a me ka hooponopono ana ia loko o ke kino o ke o ka ili, e hoopau ana i na maluhilukanaka. E pepehi a ulupa ana i na PUHA, e hoola ana i na pohapoha hi o ke ola ana a e kipaku loa ai i na ano ma’i a pau.  O ka poe ma’i no ka wali pono ole o ka ai, ka nawaliwali mau a ano ma’i e ae i ulu ae mai ke koko ino mai, he mea pono e inu i ka laau

 

SASAPARILA A AYERS.

 

He laau e hooikaika ai i ka nawaliwali, ae hoopuipui mai ai i ke kino. M ka inu ana i keia laau, e hoonoono ia ai ka ai ana, oluolu ka moe ana a maikai ke ola ana.

 

                O ka Ayers Cherry Pectoral laau, aohe lua ma ka hoola awiwi ana i na KUNU, ANU a me na PUU EHA.  E hoola ia na KUNU KALEA a me na ma’i pili i ke ake me ka hiki wawe loa.

                O na Huaale a Ayers, na Sasaparila a me ka Ayers Cherry Pectoral, aia kahi e loaa ai ma ka Halekuai o ka

 

Hollister Drug Co. Lt.

Na Agena ma ka Paeaina Hawaii.

2514

KAKELA ME KUKE

KA HALEKUAI NUI

WAIWAI LIKE OLE

NA MEA

HANA KAMANA A PAU

Na lako pilihao kukulu hale,

Na kepa,

Na lei ilio,

Na kauiahao ilio,

Na Pahi,

Na Upa,

Na kope hulu

Na Pulupulu.

PALAU LIO

Na mea mahiai,

Na au ho,

Na au koi,

Na kua bipi,

Na lei bipi,

Na kaulahao bipi,

Na uwea pa,

Na kaa palala,

Na mea piula,

Na ipuhao.

Makau me Aho Lawaia

Na Iliwai

Na kaula,

Na hulu pena,

Na pulumi,

Na pena, me ka aila

Na kopa,

Na aila maha

Na pakeke

Na pakeke hao,

Na kapu hao,

Na panda,

Na kukaopele

Nauwiki, a me

Na ipukukui.

Mikini Humuhumu Kaulana

Wilcox, & Gibbs Hookahi Loa

ka Remington Elua Lopi

A mo na ukana ho nui loa.  kuia @@ mo kuia @@@.

 

Kakela me Kuke

@@@@ @